團日式拉麵

營業中

休息中

考慮緊去隔離街台風定啲間，見200幾個like，膽粗粗黎試下啦。疫情下，要在外面按一部人人按過既購票機，係有啲唔太衛生呢。叫左個魚介拉麵，曲麵，盛惠$80。上枱時，店員竟然用手指按住塊紫菜上枱，即使有手套，感覺不好，佢原意是阻擋冷氣的風，冷氣太強就唔應該開咁大。我估計係要解決廚房抽氣問題而開大冷氣吧。😒湯底淡，根本就是味精湯。豬肉「鞋」，無味。唔明點解要加啲鰹魚片上個麵上面。仲有，可能是疫情問題，所有枱都無調味料和紙巾，感覺資源嚴重不足。😒為營造日本效果，店內擺放日本酒裝飾，但根本就冇酒賣。😒有點搞笑。總結，試過一次唔會再去，不推薦。

🍜2訪黑蒜油拉麵所有嘢都好平均，係暫時食過比較出色的❤️湯濃，好香黑蒜油味，叉燒肥瘦適中，(直麵)麵嘅口感啱啱好唔會硬唔會太林，溏心蛋perfect🌟 $ 83第一次到訪食過激辛味㬝拉麵有少少辣，但一樣好味🌟 $ 88仲有靜岡蜜瓜梳打同富士山可樂🗻個樽好靚收藏起來💓有冇人好似我咁想試晒拉麵店嘅所有drinks呢😋 門口擺放售賣機，自己揀好買完拎入去，好挽，好似系日本食當地小店咁😀🏷高質好食嘅拉麵個list一定有佢

疫情持續，唔知幾時先可以去到日本旅行，好掛住日本嘅野食🇯🇵今日喺荃灣行街，見到依間拉麵店出面竟然擺咗一部自助買票機🍜喺香港食拉麵通常都係就咁寫紙仔同店員落單，好少見到好似日本咁有部售賣機，揀好拉麵買完飛先入去坐低，勁有日本feel，咁啱未食午餐，就入去試一試～🐟🐷魚介拉麵拉麵店主力賣四款拉麵，有魚介、黑蒜油、辛味同櫻花蝦，今次試咗魚介拉麵，豬骨湯底加上鰹魚粉同木魚絲，望落去好似有啲油咁，但食落多了一份鮮味，湯底亦唔算杰，另外特別喜歡塊叉燒有炙燒過，更加食出肉嘅油香！

超級推介呢間拉麵店！味道一流 而且整個感覺真係好日式門口有自選拉麵款式既自助機店員服務態度好好唯有挑剔係鋪店唔大所以枱數座位都唔多晚餐時間去要等好耐🙈所以絕對係值得大家既等候

以前好少經過呢邊，報左班去工聯會上堂，依家每星期都會經過呢間唔起眼既拉麵店，每次經過都會有幾個客人係出面排隊等位，我地係完全無睇過食評既情況底下走黎試。佢有部日本當地拉麵店經常出現既點餐機，呢間拉麵店既選擇唔多，感覺佢相當專業，四款拉麵分別係黑蒜油拉麵，櫻花蝦拉麵，魚介拉麵，同埋一款辣既拉麵，唔記得名。我地今次就叫左魚介拉麵同埋櫻花蝦拉麵，櫻花蝦份量都幾多，湯底好濃郁，好好味！魚介個湯底都好出色，對比相對地淡少少。拉麵可以揀直麵或者曲麵，我個人鍾意直，因為曲麵成日畀我感覺有啲似公仔麵咁樣。佢無得揀軟硬，但麵質好好，煙韌度適中，佢既叉燒亦值得一讚，比起其他既拉麵店，佢算係幾厚切，叉燒既肥瘦比例各佔一半，有烤過，表面有烤焦，叉燒入口好香又淋。仲有一整粒既温泉雞蛋，唔似得某啲舖頭，只會畀半粒咁慳家 🙈 整體黎講幾有驚喜，始終係荃灣區黎講，都幾少出色既拉麵店，好多拉麵店都講緊定價過百蚊，佢算係平。

久違了的日本拉麵🍜這間餐廳竟然設有有日本的拉麵機😍可以自行投錢點選喜歡的拉麵，包括選擇需不需要荀和要甚麼湯底等～#魚介拉麵 $80有濃濃的木魚味，用了不少魚骨熬製出來的湯底，這一款湯底屬於適中，不太濃也不太淡，拉麵麵質尚算彈牙，而且不會黏在一起~每碗拉麵也有兩塊叉燒🤩肉質不韌和肥瘦均勻😋味道小評分：😋😋😋😋/5#黑蒜油拉麵 $83濃厚的黑蒜油湯底，拉麵有添加炸蒜提高蒜的香味，但湯底偏鹹和油，小編第一次因喝完一半湯底而感到不適😥不過流心蛋十分入味～味道小評分：😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻/5性價比：💰💰💰/5環境：💕💕💕/5打卡指數：📸📸📸/5

門口部自助售賣機令間拉麵店日式咗 首先揀麵款，再揀直麵定曲麵同埋洗唔洗走蔥走荀嗰啲，揀晒就入錢拎飛，再入去探熱。呢間冇提供搓手液(要自備喇)可能都係疫情關係，唔洗等位就入得(唔計等前面嘅人㩒機等咗5分鐘嘅話) 魚介拉麵同櫻花蝦拉麵都超好食！ 湯底好濃但唔涸喉，啲麵冇鹼水味，重！點！係！個溏心蛋煮得啱啱好(成日食到啲煮到過咗龍，所以見到隻靚蛋好開心)我哋都驚曲麵會變公仔麵啲fd，就揀晒直麵，但後尾上網睇返曲麵唔係公仔麵嗰隻，比直麵更有口感同更掛湯，下次試吓先！諗住懲罰埋附近嘅飲品店就冇喺度叫嘢飲，兩人食埋單HK$168，好味所以值

呢間開係荃新天地附近，本身位置唔起眼，但有一次發現一部日式購票機係門面，就吸引左嚟試部機同日本見到既一樣，不過有中文字就更加易睇🤣拉麵有五個款式，每款都可以揀曲麵或者直麵，價錢around $80左右，呢度有提供學生優惠，每碗一律$58好抵喺門口買左票之後就交俾店員，我今日平日下午既時間唔算太多人可以即刻有位，平時晚上或者假期經過都見到呢度要排下隊我同家人一個叫魚介拉麵另外一個叫激辛拉麵，每人試下辣同唔辣既分別激辛拉麵賣相好靚🌶火紅色既湯加上兩隻原隻辣椒已經好刺激視覺，鍾意食辣既朋友應該中意👍🏻

疫情開始幾耐 就有幾耐冇離開過香港呢間拉麵都係一間聲譽唔錯既舖頭近荃新天地 拉麵都係地舖更有日本風情( ´▽｀)見到呢部機就即刻有啲想去日本既衝動日本比我既印象就係冇垃圾桶 ( ´▽｀)但有大量自動販賣機 食完飲完都唔知扔邊香港雖然唔大 但真係第一次見拉麵店用自助落單簡單介紹一下 就係揀想食既野 然後入錢然後就會出張飛仔出黎仍然大鄉里既我 唔知可以一次過打哂單係當㩒完第二張飛嗰陣 企門口既店員提醒我先知自己幾唔環保( ´▽｀)好彩早黎 因為其實唔計吧枱只有四張枱我地走嗰陣出面已經有一堆人等位店員推薦左四款飲品 咁就喺佢介紹既揀咗兩種因為野飲係現成 所以一坐低就比到我地( ´▽｀)唔知大家有冇留意 其實部機既野飲全部都係汽水的確日式舖頭都好多時有波子汽水等現成野飲檸茶 凍咖啡又真係好似好少見 可能因為唔夾( ´▽｀)？叫左個辛味拉麵 我只小嚐一口係辣油既味道 唔係入口即刻好辣好麻少少算後勁帶少辣 有少少生蒜 就咁試左啖 好攻鼻(⊙_⊙)好嗆鼻同氣管 即時換來幾聲咳仲有叫左個黑蒜油拉麵有濕蒜炒蒜加黑蒜油湯底我個人當然推薦呢個多啲 咁呢個唔辣嘛蒜味都好出 始終係明顯既主角( ´▽｀)因為有幾

🍜🍜🍜［團日式拉麵 ］——————————————————————————— 荃灣一直都係美食天堂 想食咩都得🤓而如果講到拉麵 除咗豚道樂 呢間位於荃新天地附近嘅團日式拉麵都係唔錯嘅選擇而點餐方式都好特別 係好似日本一蘭咁用售賣機買 有咩特別要求都可以自己揀比較怕羞嘅人就唔洗驚人溝通 😬食到自己想食嘅野 ——————————————————————————— 🍜🍜🍜［黑蒜油拉麵］$83拉麵油底好香濃郁豬骨湯味 而黑蒜油份量都可以配合到豬骨湯令一啖都食到濃郁黑蒜味 而佢會加上炸蒜令口感更豐富值得一提係叉燒燒得好香 配上少少炸蒜食落味道令豚肉更有層次唔單止係豚肉嘅油香味 仲有炸蒜辛辣感簡直令到成個味道升左級😛😛而溏心蛋係半熟😛 咬爆左會有蛋黃係口流出嚟嘅感覺😛😛 ————————————————————————團日式拉麵 (荃灣)荃灣大屋街18號金豐閣地下1-2號舖 .

麵質普通，湯唔夠濃，唔夠香，質素絕對做唔到合格嘅水平，但係呢個世界真係好多打手有乜可能佢咁多好評。問佢有冇辣椒油冇有冇辣醬冇胡椒粉都冇有冇咁孤寒啊，孤寒定係咪慳錢呢，坐吧枱上面啲裝飾品同埋張枱面滿晒灰塵，清潔都只可以叫做一般啦整體感覺好似食緊一個$30嘅日本杯麵咁，荃灣有兩三間拉麵輕易好過佢，非常失望，一定永遠唔會再去，如果佢唔係有部買票機都吸引唔到我去試吓不過試咗一次夠啦以後都唔使再去啦，失敗嘅拉麵

其實久唔久我都會”煲” openrice因為個人為食又想帶同胖肥仔去試吓新嘢兼且唔想成日去豚王就搵咗呢間拉麵地點係有d “掉腳” (荃新天地附近）（嘉樂茶餐廳對出，直行2 分鐘）但當你搵到門面，你會有少少去左日本嘅feel ⛩橫街小巷，再加上自動販賣機部機都十分易操作位置唔多所以適合二至四人去食同胖點左 🌸樱花蝦🦐拉麵我對蝦其實麻麻但試咗少少覺得幾ok蝦湯唔算極濃，唔會死咸樱花蝦毫不吝嗇，多到一個點而我呢d 重口味bb 梗係叫 🧄黑蒜油拉麵湯底濃到爆，有大量炸蒜好香真係食到蒜油香味呢個係出面好多聲稱自己係黑蒜油拉麵冇嘅紫菜脆，旦有糖心，拉麵係彈肉係有燒香嘅正宗日式腩肉真係冇得輸唯一要講，只能講食到最尾會有d 膩講完嘢食講一樣小插曲話說我哋見到有人帶珍珠奶茶嚟飲一問之下，原來可以自攜飲品的因為佢哋嘅嘢飲太有特式而我真係超想飲可樂結果我會去對面士多買$4 可樂呢個「寬鬆」真係好有人情味即刻令人想去多幾次

落雨天出街搵野食，搵到一間係街市附近的拉麵店！ 首先，要係門外㩒機買票，你可以選擇走蔥、走芝士.......直麵/曲麵 及飲品！ 之後就入錢等出票！ 店內得番張吧檯，由於唔想坐吧檯，職員表示待客人走後幫我地轉檯！ 態度十分好！ 店內空間頗大！ 由於今次係第一次食，唔知係因為疫情關係，減少檯椅的數目，定平時都係咁少檯椅！ 現時約有14座位！ 今次order左櫻花蝦拉麵同辛辣拉麵！試左一啖辛辣拉麵個湯底，初初唔覺辣，5秒後開始有感覺！ 不過友人覺得辛辣拉麵比較普通，相反櫻花蝦拉麵覺得好味，湯底濃而不會過咸！

每一日都係食拉麵嘅好日子🤤 今日下晝同男朋友嚟到荃灣嘅💛團日式拉麵食嘢，不過由於鋪頭離巴士站都有一段距離，加上唔識路，我哋都行咗10幾分鐘。入鋪頭前要先喺自動販賣機買票，感覺好似喺日本拉麵店！本來幾想試黑蒜油拉麵，但聽朋友講呢度黑蒜油拉麵比較重口，所以我哋叫咗櫻花蝦拉麵($88) 同埋魚介拉麵($80)🌿 櫻花蝦拉麵 $88呢度嘅麵底可以揀曲麵或者直麵，我就叫咗曲麵，口感唔錯，亦掛湯汁。拉麵除咗有櫻花蝦，仲有原隻溏心蛋、叉燒、竹筍、紫菜。櫻花蝦拉麵湯底偏鹹，叉燒其中一邊係火灸，但除咗邊位有少少肥，其他都比較瘦，如果肥啲厚啲會好食好多。至於其他配料，都尚算滿意，而且拉麵有一大碗，份量充足，就算係男仔都好夠食。特別要讚一讚呢度嘅溏心蛋，咬落去之後，啲蛋黃流晒出嚟，又幾香滑，搞到我食到一半都忍唔住要影吓佢🤣🌿魚介拉麵 $80男朋友就試咗直麵，以直麵嚟講，呢度算好食，因為可以掛湯汁，而且麵條硬度適中。拉麵上面鋪咗一堆木魚絲，材料豐富，湯底亦有淡淡魚香，相比櫻花蝦拉麵就比較淡口。🌿小結：總括嚟講，團日式拉麵價錢合理，拉麵同配料味道唔錯，個人特別鍾意溏心蛋，只係略嫌湯比較咸同埋叉燒偏瘦。餐廳環境舒

門口係用機落order先，感覺幾新奇今次我揀咗魚介配直麵友人就揀咗味噌蝦配曲麵叉燒係明顯地用火槍燒過我果塊肥瘦都適中，佢肥位係食咗都唔會覺好油膩果種溏心蛋做得好好佢係似6成熟果種，真係會流到蛋汁出黎，好正整體黎講，個人口味鐘意食直麵，覺得掛湯能力比曲麵好，朋友個蝦味噌個湯底都好味，下次會再試另外，店員服務態度幾好，一入門口就好快安排好晒水同餐具，上菜速度都快靚正最平嘅魚介拉麵都係$80，性價比係區內黎講係非常唔錯！