土司工坊 (已結業)

近期有研究顯示，早餐多食蛋白質食物，如食兩隻雞蛋。 減少肚餓的感覺， 對減肥都好有效。toast box 早餐就啱曬啦。咖椰吐司， 製作雖然十分簡單，只是在麵包上加上咖椰醬牛油去烤，但美味非常。健康主角出場就是兩隻半生熟蛋，其實沒有半生熟， 可能是有少少熟。 加上小小醬油撈在一起吃， 第一次食是十分不習慣，現在已經愛上了。 再加上一杯南洋奶茶。 茶味不夠港式奶茶般濃，但茶的香味十分特別。好正

今日晨咁早就入元朗做嘢，早餐都未食，經過商場時見到又吐司工房，所以就坐低食個早餐先！早餐嘅選擇大多數都係TOAST SET多！我叫咗最經典嘅咖央多士配南洋奶茶，仲可以配半熟蛋或者係煎蛋，我選擇咗煎蛋。十一點後先有嘅粉麵同飯餐。有梳化位可以自成一閣，可以清清靜靜咁嘆番個早餐。我點左嘢食之後，店員先俾咗個牌同杯奶茶我，野食就要坐低等店員俾你！南洋奶茶已經加咗糖，所以本身都係甜嘅，色澤未算金黃，飲落去都算滑，不過就冇港式奶茶咁濃厚！香料味太重，不過亦係南洋奶茶嘅特色！今次件多士睇外表就已經知道烤得未夠火喉，顏色未係全片多士都係金黃色，所以一啲都唔脆身！唔知係咪因為啱啱開舖嘅原因，個多士爐仲未熱，件咖央多士一D都唔錯脆，而且仲係凍冰冰嘅，但係又好明顯係有烤過嘅！正常應該多士係要香脆，而且最好要有微熱，再加埋一片厚厚嘅牛油同咖央醬，食落去應該係外脆內軟、外熱內凍的，咁就最Perfect ！味道方面，因為咖央醬嘅關係所以甜甜地帶有啲椰香嘅味道，再加埋牛油香同鹹鹹地嘅味，所以味道不錯，只係差左多士未夠脆身！我叫咗煎蛋，仲冇2大隻！之後再加埋特製嘅醬油，味道好濃但唔會有好鹹嘅感覺！至於煎蛋就做得唔錯，

在等候朋友時，吃了碗喇沙。個人覺得材料豐富，但味道可以再辣一些。而且整碗麵來說很普通，唔係特別。而餐飲我叫了杯好立克，唔知是店員落得太多粉定還是是店舖的standard,覺得可以稀翻少少，而且太多粉，感覺有啲甜同埋膩。

成日經過 Toast Box 都見到好多人幫襯, 今日終於黎試吓, 叫咗份星洲叻沙餐, 凍飲加$3個麵睇落唔錯,辣度適中,不過我一向都唔鍾意食叻沙,唔知算唔算好食。我自己叫咗一份傳統土司餐份土司既醬係牛油咖棷, 個醬好甜,舊牛油好大舊, 可能件土司夠熱,舊牛油無溶。佢哋啲蛋糕好似幾好食, 下次買黎試吓。

自從去馬拉食過椰漿飯後,就念念不忘,於是年年走去食一次,當地多當早餐食品,價錢幾1至2元馬紙加埋雞翼都係5元內,十分親民,最近發現原來吐司工房都有得食,點好餐就取牌等人送上,但就升價10倍,51元先有交易,配料一樣但就冇用蕉葉包起,有魚仔,花生,馬來漿,椰漿飯同雞翼,比馬拉多片蛋,味道ok,可能因應香港人口味,變左唔辣,椰漿香少甜,魚仔好脆野味,雞翼就普通炸的,沒什麼特別,奶茶是用奶粉開,麻麻地,總結來就,好開心在香港找回一點馬拉味

土司工坊是最早打入香港市場星馬料理，我暫時未有機會去星馬,我不清楚當地同香港是否一樣，在土司工坊尚未普及開咁多分店時候，以前只去過佐敦同MK,到了現在連屯門同元朗都有分店,我較常去屯門店,元朗店今次是第三次,有時想不到吃什麼，土司工坊啱我這個懶人，今日要去元朗做facial,做facial前先吃下早餐，土司工坊早午睌都是個Ｄ,款式亦不及亞坤咁多,土司工坊肯花心思增加多些選擇，不用長期都是個Ｄ款式，今日發現加價了，今日叫了傳統多土+煎蛋(30元)，飲品要意米水 ，涷飲另加5元,多士烘得剛剛好，十分之脆，我覺得好好吃，煎蛋亦都好好吃，意米水都OK ，這裡点完餐之後有人送上來,服務亦OK,，不用等太耐，這間分店是開放式,感覺十分開揚，始終有些小不習慣，土司工坊在我來講價錢算平食店,它送餐亦都好快手 我等了10分鐘就送到食物水準煎蛋，我喜愛吃太陽蛋，半生熟最正多土,它的多士亦好好吃意米水,它是唯一健康飲品,我覺得都OK服務這裡有送餐服務，覺得幾好價錢35元,早餐來講算貴番吃間中再來

由於經常到新元朗中心的土司工坊食早餐﹐於是一有機會就試下它的叻沙﹐叻沙是一種在東南亞十分出名的美食﹐以其十分濃郁的湯頭聞名。點完菜後﹐不用5分鐘我碗叻沙就送到﹐一看顏色﹐絕對會被它的紅色吸引﹐以且充滿左椰奶為主,輔以香料,咖哩的香味。首先當然先試下個湯頭﹐就一個甜字﹐除左椰奶的甜﹐仲有一種鮮甜味﹐小小辛香的味道﹐咖哩相對不明顯﹐可惜的是﹐它的蝦不太新鮮﹐魚蛋尚算彈口﹐厚度適中。粗麵過軟。油豆腐亦不能發揮它的吸湯的作用。整碗叻沙唯一可讚的地方就在於它的湯頭﹐有它的特色﹐解甜味道濃郁。

新元朗在4年前開始翻新之後，食店選擇少了好多，只得土司工坊同星巴克,冇咩選擇之下,有時去新元中土司工坊,這間分店水準只是一般,環境都OK,今日去元朗做facial之前，首先吃午餐，今次點了餐蛋麵餐32元+半熟蛋(7元)，我覺得餐蛋麵尚算OK,半熟蛋還可以，服務都OK,環境就一般啦味道:整體一般,湯底咸佐些小，可以接受服務:我覺得一般價錢:38元,我覺得不算太貴番吃:新元朗中心冇咩其他食店,有時來吃

今天早上，到了新元朗中心，這裡很多舖位正在裝修，看來可選擇的早餐不多。土司工房是其中之一，試試先！這店在商場內的行人區中央放置了十數張桌子，儘管不是軟座，但是坐得很穩陣。地板用了紙皮石花紋，全店以白色為主色，燈光充足，感覺不錯。看看餐牌，點了A1，好像是all day breakfast。A1 包括：兩片午餐肉、一隻荷包蛋、即食麵（不像是丁麵），熱檸檬茶。（for info，凍飲加三元，好立克加三元。）午餐肉、雞蛋和麵底無需特別烹煮技巧，無謂詳述。惟麵底味道較淡、麵身削，湯也不夠熱。較可表揚之處是兩片厚厚的午餐肉。另外，茶底頗佳，不會苦澀。總結：早餐A1食物質素中下，但員工效率、店內環境和茶底挽救不少分數。性價比勉強合格。

為左陣間嘅郊遊，當然要食飽飽先出發啦~一人一個餐，大家唔使爭~飲品：凍檸茶同凍奶茶，正常每人叫個雙拼(煎蛋加餐肉、煎蛋加雞翼)，再SHARE一下就變左三拼~雞翼無雪味，可以；餐肉香口；蛋如果熱番少少就好喇~牛油及咖央多士雖然攤左一排先食，但塊多士都仲幾脆；牛油加咖央，配搭不錯~下次要襯熱食先得~

這天騰了少少的時間出來，便走到新元中品嚐午餐了。點了餐不久，店員便遞上咖哩雞配飛餅套餐（$45）。深黃的色咖哩應該加上椰漿在內，使咖哩味道更為香濃惹味，雞肉豐膄嫩滑，薯仔入味非常，只是個人認為太辣了，吃得我鼻涕直流另外飛餅雖然比較大塊，而且酥香脆軟，可是份量不足，只有兩片，要沾滿那碗咖哩汁實在不夠，光吃咖哩雞的話又好像欠缺了什麼似的⋯或者伴以白飯也好吃極了！餐飲是南洋奶茶，仍然香醇幼滑，只是稍甜而已。

上星期三下午係元朗辦完事，行經新元朗中心，見到商場裝修完，所以停留一會四週行下新商場。經過商場中心，即見到一間開放式吐司餐廳。當時正時下午茶時間，於是入內找個位坐下。肉鬆厚多士 - 多士好香趣，加埋肉鬆係面，好食。這間餐廳特別之處並不是食物，而係在這個商場四週無乜野食地方，有一所好舒適開放式餐廳給我們選擇。

Toast Box是星州名店，但小女子第一次吃Toast Box，竟然是因為在新元朗中心甚麼也沒有得吃，迫不得而的選擇。這天特兒早晨來看新元朗中心的樂高展，和朋友在車站會面後，才發現商場只有Toast Box和星巴克，那便選了前者吧。收銀機的姐姐很友善，親切問小女子要熟蛋還是半熟蛋，那當然是吃半熟了！朋友則點了麵餐，小女子則點了咖央多士餐。相信這裡的多士是即叫即烤，因小女子拿了飲品及半熟蛋後便被交了個牌子等待。奶茶不過不失。喝了奶茶後，先把桌上的甜豉油倒在蛋上，然後不顧儀態地吸過清光。這時多士便送到面前。多士夾了牛油及咖央醬，牛油雖然只有相片的1/3份量，但對小女子來說已經足夠。簡簡單單而又好吃的早餐，令我充滿力量去逛展覽了！推介：咖央多士、半熟蛋

是日星期六放假，於是與媽媽到此品嘗午餐。因為上次只吃它的土司套餐，所以這次想試試其他的吧⋯一般分店的裝潢都差不多，優雅舒適且漂亮，是屬開放式的。當天客人都頗多，也等了一段時期才有位！先到收銀處點餐，店員就會隨之遞上你所點的食物。原本媽媽點了這個娘惹米線（$45），但她不喜愛娘惹這口味，沒試過就送到我胃裡！幼身的粉麵不太合胃口，較為喜愛粗身的，但娘惹味道酸酸辣辣，也挺開胃的，再加上香口的配料、嫩滑的大蝦，別有風味。餐飲—熱奶茶，上次試了就沒試，但聽聞也香濃而滑，加上煉奶，保持一貫的水準～～小魚椰漿飯配雞翼（$43）。淺嚐少少，椰漿味稍淡，雞翼肉質尚算嫩滑香口，亦配上蝦米、青瓜、花生等，口感豐富。餐飲—凍檸檬薏米水（加配$3）。一杯乳白色的飲品，內有粒粒薏米和一片檸檬，而且感覺清新又有益健康！

 叫左一個喇沙一個耶漿飯,喇沙先到, 嘩! 睇到都唔想食! d湯好似溝左好多水咁, 同平時既完全唔同! 淡謀謀! 都算喇! 點知等左成歌鐘我碗椰漿飯都未黎! 叫個侍應去吹下啦, 點知又要等多半個鐘! 期間見到隔離檯黎左碗椰漿飯!嬲得我啊! 隔離檯黎遲過我竟然比佢先! 結果啊仔扭計我局住要打包返屋企食! 呢間野普遍都等得耐架喇!  估唔到今次可以耐成咁! 而且食物又唔好食! 以後都係出返旺角分店食算喇!