地茂館甜品

營業中

休息中

在九龍城食完晚飯，本來打算去搭車，但經過地茂館，見到門外有不少人等候，就吸引了我走過去看看。原來那都是等候外賣的人群，既然不用候位，就食完甜品才離開吧！地茂館甜品是九龍城中式糖水舖的始祖，開業逾30年。主打傳統中式糖水，但也有售賣楊枝甘露和小丸子這類甜品，至於窩夫﹑心太軟或綿綿冰這些就不會找得到啊！合桃露和芝麻糊都是招牌甜品，但自己不喜愛吃糊狀甜品，就選了熱蛋白燉鮮奶。滿滿的一碗，賣相好滑溜結實，不會水漾漾的。入口有口感得來又夠順滑，奶香味重於蛋白味，甜度恰好，吃完整碗也不會覺得膩，好吃！芒果涼粉，除了芒果肉和涼粉外，還澆上芒果汁。涼粉爽滑，份量夠多，芒果肉香甜，再加上用鮮芒打成的果汁，整碗涼粉充滿芒果香！能以美味的糖水作結尾，是美好的一晚！還特意外賣回家給家人品嚐啊～～～

朋友喺外國返嚟，食完晚飯帶咗佢去食呢間中式糖水，鍾意佢有傳統嘅糖水之餘仲有啲新派嘅選擇🥰-🥭芒果涼粉小丸子 $30碗糖水多度就嚟滿瀉😍 涼粉份量超多，每一嚿都好大嚿，食落好有咬口同滿足感😝 芒果好甜😙 小丸子都好煙靭🥛蛋白燉鮮奶 $27鮮奶比蛋白味更加濃，質地好滑，食完口裏面會瀰漫住陣奶味😇，今次同朋友嗌咗凍嘅，比起熱食會冇咁甜同埋蛋白味冇咁出，所以比較推薦熱食！🥄香滑芝麻糊 $25 + 芝麻湯丸 $7芝麻糊好幼滑，質地唔會太杰，芝麻味濃郁，甜度適中😊 芝麻湯圓大大粒，餡料豐富，同埋芝麻糊一齊食好滿足🥜軟滑糖不甩 $20九子好煙韌，同埋唔會黐口🥰 有8大粒，性價比好高😝 花生碎有粗有細，食落好有咬口😙 不過花生碎份量可以再多啲，因為食到最後兩嚿就唔係幾夠點-呢間嘅糖水價錢唔算好貴但糖水足料，裝修有懷舊風味但燈燈光好光猛，嚟到九龍城絕對值得一試😊-味道: 8/10服務: 8/10環境: 7/10回頭率: 8/10總評: 8/10💰人均消費: $40

講到香港糖水，好容易遇到d偷工減料、唔好食、收得貴嘅舖頭。糖水通常係晚飯後嘅最後一餐，好食嘅會感覺果日好完滿；唔好食，可能會喊住訓👻以下想大讚一下呢間糖水舖，無論用料、款式、價錢都非常出色！😻呢款有小丸子、楊枝甘露、涼粉。🤗小丸子煙韌，有咬口；楊枝甘露嘅濃稠度啱啱好、芒果甜甜地微酸；涼粉整得一條條，口感好好，佢有加左少少薑汁，好細心，中和一下涼粉嘅寒涼。🥶呢個馬豆糕都好好食，口感結實，唔會太甜，椰汁味濃！🤤

細個住喺九龍城十年，成日都經過地茂館，當時年紀細，又冇錢，只係經過唔敢入去食嘢。而家做埋人哋阿媽終於都有限錢出嚟食個糖水啦我自己好鍾意食杏仁茶，所以今晚就嗌咗個合桃杏仁茶，一入口就係好香濃嘅合桃味，合桃係炒香咗先磨嘅。跟住就係杏仁獨有嘅香味，兩個都磨得好幼細，冇渣，但我覺得佢係甜咗少少。質地可以傑身啲就好啦！朋友就飲蛋白杏仁茶，佢個質地就液體啲，佢話都幾好食。呢間嘢愈夜愈多人，好似返左去無疫情嘅時代咁樣，希望疫情快啲走

甜品-地茂館］.好耐無去九龍城食糖水發現有好多老店都已經光榮退休🥲不在乎天長地久只在乎曾經擁有係啱嘅所以我都要好好珍惜而家仲可以食得到嘅店舖=========================地茂館真係由細食到大能夠可以保持水準真係好難得佢亦都加入左好多新嘅元素芒果小丸子地茂館都可以食但係既然一場去到地茂館不得不食返一啲傳統嘅中式甜品糖水=========================豆腐花綠豆沙 $21好好食綠豆沙唔會太甜加入左臭草成碗綠豆沙好清新好清甜入邊更加有好香甜嘅蓮子滋潤感十足豆腐花方面我覺得似係一尊豆腐多過豆腐花食落去唔係好滑但係確實充滿濃郁嘅豆腐味口感好濃郁整體感覺真係好好食重點係呢碗綠豆沙豆腐花仲係賣緊$21=========================紅豆糕馬豆糕$6/件呢個雙拼嘅紅豆糕馬豆糕好好食紅豆糕充滿椰香唔會太甜馬豆糕口感亦都好好懷舊嘅中式甜品大概都係食一種情懷那些回憶=========================📍地址: 地茂館甜品 (九龍城)九龍城福佬村道47號地舖@teimoukoon =========================賣相❤️❤️❤️

桂花薑湯芝麻湯圓去九龍城食完泰國野後 想同朋友搵間糖水舖直落吹下水 發現有間主打傳統糖水舖(亦都有西式糖水甜品）我就order左一碗桂花薑湯芝麻湯圓 價格HKD25 我覺得價錢合理 唔會獅子開大口 $40up一碗糖水黎到既時候 己經聞到好香桂花味 見到個碗入面桂花好足 真係滿滿桂花就知咩料而且個糖水底係薑湯 夠薑味但又唔好薑辣 恰到好處大大粒芝麻湯圓 有5粒 好滿足 好飽 值得再食

已經係地茂食過無數次甜品，終於記得寫食評🤣之前食過芝麻糊、紅豆沙、綠豆沙、蛋白杏仁露、腐竹白果薏米等等，全部都好好味。重有糖不甩同埋馬豆糕都好正。今日遲左黎，成11點半先黎，無晒綠豆沙，叫左個紅豆沙豆腐花同埋腐竹薏米白果。可能差唔多賣晒，碗腐竹白果薏米好似成碗粥咁杰，好多渣，我最愛佢嘅腐竹煲到融晒，變成豆漿咁，又香又甜又滑，白果好香，薏米有咬勁。紅豆沙豆腐花無之前咁熱，紅豆沙好香果皮味，又有百合同蓮子香，料好足，豆腐花又滑又好濃豆香，的確不錯👍👍

一講九龍城，當然除左泰國菜之外就離唔開糖水舖，想食傳統既港色糖水，九龍城地茂館就必定要去。回家途中，心血來潮就去探下佢。腐竹薏米白果 $24傳統糖水中稱王既必定係腐竹薏米白果糖水🥣。腐竹煮到融哂，入口濃濃滑口充滿豆味，加埋淋淋既薏米及清熱白果，凍食啱哂天時暑熱既夏天。芒果小丸子露 $30不得不讚芒果🥭超甜，而具勁足料唔吝嗇，份量滿寫，其次小丸子都勁Q彈煙韌，咬口十足。抵佢喺九龍城屹立咁多年，舖內更一枱接一枱，證明佢支持者勁多，全因佢地真材實料。👍👍👍👍👍

星期日夜晚和朋友一起在附近食完飯，就過嚟呢間人氣糖水舖食糖水啦！係門口排隊等左一陣就可以入去啦！我哋叫咗：豆腐花芝麻糊（熱），份量好足裝到滿瀉既，豆腐花食落去好滑，芝麻糊好濃味好滑，夾埋一齊食好好味！如果有凍既就好啦….芒果豆腐花小丸子，份量好足裝到滿瀉，上面嗰啲小丸子和芒果粒的數量都幾多，豆腐花好滑，加埋一齊又唔會太甜啦！芒果涼粉小丸子：份量都係好足又裝到滿滿的，芒果和小丸子一樣都有好多，涼粉好爽口又好食！

嚟到九龍城食糖水，多數人都一定會話合成糖水，但係唔知點解感覺呢排食嘅味都唔同左，價錢又越嚟越貴🙈所以就想試吓新野～呢間糖水舖一到夜晚都好多人，今日好早食完飯八點幾，門口排隊唔駛等好耐就有得入😎🙌🏻lucky~呢間糖水舖出名中式糖水，不過今日就係想食西米露嗰啲🤣🤣所以我叫咗芒果小丸子西米露（$30）🍡😋朋友就叫咗芒果仙草小丸子🧆（$32）我哋仲share左一個雷沙湯丸😁😌分量正正常常一碗，有仙草嗰個就重啲花奶味，兩碗都有好多芒果🥭好甜㗎！😆🥰兩碗都有小丸子，仲要係唔同顏色😝仙草好滑嘟嘟，好味👍🏻雷沙湯丸都有啲失望⋯因為已經唔係傳統嗰隻味道，只係芝麻湯圓加一堆花生🥜黃糖🙈勁多人食，坐低上糖水食埋都係20分鐘就催交枱🥵食到我地勁飽omg🤣🤣但價錢真係抵食👍🏻👍🏻💯

天氣咁熱 又無咩胃口 行過見到簡糖水店就入去食個豆腐花 叫左紅豆豆腐花 再加個椰汁馬豆紅豆糕 豆腐花實真係好滑 紅豆沙係有陳皮香果隻❤️❤️❤️ 個糕6蚊一件 都好好食 唔會散修修👍🏻

食完晚飯，食埋甜品就完整喇。位於九龍城嘅呢間傳統中式糖水店，人流不絶，好在行快一步，等咗一陣就有位。🍬芝麻糊芝麻糊好考技巧，所以每次去糖水舖都會要芝麻糊。濃濃嘅芝麻味道，滑，香，少少結身，咁先最好味😋😋😋

食完又食，食極唔厭之糖水舖「地茂館」🤪 其實除咗本身覺得佢好食之外，本身因為地茂館個location 實在太方便🤭 係九龍中間，所以好多時食完飯🍽諗唔到食邊間糖水都會番嚟🤭 加上呢到大把選擇，中式懷舊又有🏮水果小丸子系列又有🍡所以一定oa有樣岩食😌🍡必食軟滑糖不甩 $20今次人多，終於可以叫番個糖不甩share 食🤭呢到嘅糖不甩真係勁軟滑，煲得又入味，每糖都有好夠紅糖水味🥃，點埋佢地自家製嘅花生糖碎，花生味香濃🥭芒果西米露小丸子 $30小丸同西米量都好多又軟熟，芒果好甜😋🥭芒果豆腐花小丸子 $30豆腐花就算係凍嘅都好香滑🥭芒果涼粉小丸子 $30涼粉仙草味濃，都幾有咬口🫘紅豆馬豆糕 $6兩種豆粒一紅一黃雙拼，$6已經好大舊，豆都好夠淋，糕身好夠奶香又夠滑溜

九龍城老至號👨‍🦳懷舊傳統中式糖水舖🏮地茂館甜品 🏮早前地茂館又開左間新分店係淘大商場，所以見到近排多左好多佢D post自己又開始懷念佢既傳統中式既糖水😅今晚同朋友食完晚飯專登兜去佢既九龍城原祖店食番碗😆我地大約8:45PM黎到，雖然唔洗排隊可以直入, 但係其實我地坐底時呢到都已經開始滿座😳Menu有好多款中式懷舊手作既糖水，另外亦都有D芒果小丸子🥭系列既選擇。 🥣生磨補腎合桃露 $26 + 2粒芝麻湯丸🍡 $7黎到緊係叫番生磨合桃露🤤坐底唔洗5分鐘已經擺係而面前, 一上枱見到佢質地好濃厚仲多到滿瀉🫠合桃味好香濃好天然完全唔會有陣化學味, 重點香醇得黎係唔會過甜，質地好似芝麻糊咁滑溜🤭溫度亦岩岩好，喺30度🥵呢D天氣下食都唔會覺得太熱, 可以一口接一口咁食。🍡寧波芝麻湯圓皮薄個餡好足料，煙韌又有咬口，芝麻餡一樣質地細滑甜度遇適中，每份2粒咁岩晒食飽飯又餵食想食下湯丸既我🫣🥣腐竹薏米白果 $24+ 2粒芝麻湯丸 $7超足料既糖水, 意米白果份量都有好多👍🏻腐竹煮溶既豆漿亦啖啖香濃滑溜，意米煙韌好食。 2個人👩🏻‍🤝‍👨🏼食到勁飽都只係$64🥳個人認為其實係九龍城用呢個價錢食到呢個質素既

相信去開九龍城既朋友都識得地茂館有好多款傳統既中式糖水由於今晚都多人等位所以買左外賣我揀左蛋白燉鮮奶唔好見佢得半碗好似好少咁 食落真係會好飽而且又香又滑 價錢又抵食鐘意食既朋友一定要黎試！🤤