地茂館甜品

營業中

休息中

今天經過將軍澳廣場，未到晚餐但是又有點肚餓，便想吃一吃一些甜品頂一頂肚，剛好經過這間糖水舖，而且又好很久也沒試過中式的糖水，便前來一事。現在在香港中式的糖水舖真的買少見少，而且價錢地道合理的更加少，這間中式糖水舖大部份糖水都是$20出頭，真的很適合一家大細少吃上一口冰凍的糖水來消消暑。兩個人吃了兩碗糖水再加一個甜品都是$60左右。冰花燉鮮奶，已經不知有多少年沒有吃過這味了，一吃第一口便回想起不少的童年回憶，味道跟以前吃過的燉蛋一樣，味道不會太甜，80分。綠豆涼粉，這味糖水多到溢出，涼粉綠豆沙的比例剛剛好，而且這味綠豆沙非常有家的味道， 75分。糖不甩，這個甜品也是多年沒有吃過，一吃便重新愛上！非常有口感的湯圓配上少量的砂糖，非常可口！ 85分。

九龍城老字號地茂館甜品於將軍澳開了分店。地茂館甜品主打一系列傳統中式糖水，接近四十款糖水任君選擇。分店裝潢設計加入了九龍城老店一些原素，既傳統又帶點新派 。杏仁蓮子百合 ($34)糖水上桌時，可看到燉品鋪上幾層宣紙，確保沒有倒汗水倒流而影響糖水的原汁原味。杏仁茶味道濃稠，帶着杏仁的芳香，囗感滑溜，火喉十足。蓮子百合亦非常軟腍，入口即化。星洲靚喳喳 ($23)材料十足，有眉豆、紅腰豆、西米、芋頭等。芋頭粉腍，豆類皆軟腍起沙，吃得滿口盡是豆類的質感，且吃得出豆味來，口感味道豐富。

特然想死糖水, 又唔想食個D新果D 同台式果D... 最後PICK 左轉統老字號... 地茂館... 好耐以前係九龍城食過.. FEEL 唔錯... 唔知TKO 的是否一樣, 有無以前食的味道...去到點左OLD SCHOOL 的熱綠豆同出名的桑寄生蛋茶... 味道不錯唔似出面個D太SWEET.   剛剛好.. 雖然D蓮子一般般不過OVERALL 味道不錯, 可以GO AGAIN.. 加上價錢平20中一個人,,.. 唔好似出去食個D.. 30起....  另外點了個紅豆椰汁糕.都係$6件,,.. 幾大件下.... 不過味一般

將軍澳傳統甜品店選擇不多，好多都係一半港式（沙冰、涼粉、不同水果配搭而成既甜品組合）、一半傳統甜品，我就比較中意食芝麻糊、杏仁糊、豆腐花呢d甜品。難得屋企附近開左一間，點都要試試既~店鋪雖然空間有限，每次幫襯都差不多坐滿人，睇得出唔少人都中意食傳統甜品。今次叫左原盅燉既杏仁蓮子百合、花旗參燉雪梨、軟滑糖不甩。杏仁蓮子百合真心好好味！好香杏仁味，之前食嗰d多數係淡淡地，呢個係好似食緊杏仁餅嗰種咁強烈，中意杏仁味既朋友絕對要試試！而且蓮子同百合都好足料~~另外2款甜品就不過不失，以呢個價錢食到咁多件糖不甩係抵食既，但嫌口感有d淋，唔夠chewy。

同朋友係附近行街shopping行到攰攰地，見到將軍澳廣場有間中式甜品店，又無乜人，唔洗等位，就決定入嚟坐下休息下睇下有乜好食😊佢地嘅裝修有啲似舊式嘅冰室咁，有好多卡位😊佢地有好多款唔同嘅甜品選擇，但我哋都唔想食凍嘢，所以2個都揀咗熱嘅蛋白燉鮮奶😆蛋白燉鮮奶($26/碗): 我覺得雖然係好滑，但係唔係好食得出鮮奶味🤔味道似係無落糖嘅燉蛋多啲，食落口好淡😅食完休息左陣又可以繼續shopping喇✌🏻✌🏻

食完飯，仲想搵個地方坐低傾下計，朋友們講不如食糖水，之前將軍澳站真係冇乜選擇知道開左間主要食中式糖水，朋友們都雀躍話好我地一行5個大人加兩個小朋友，要俾張大枱我地所以都等了大概15分鐘，都算快手鋪內冇提供bb凳，明白地方淺窄，bb車都是放在門外。我地亦唔介意手抱住小朋友食，嗌左3碗合桃露豆腐花加湯丸、芝麻糊及蕃薯糖水加湯丸店員落單很快，出菜都好快唔洗5分鐘已經全部到齊小朋友都是吃合桃露豆腐花，佢地開心到是搶住食差不多成碗都係佢地食哂，媽媽們好彩有加湯丸，才有自己的份老公話蕃薯糖水好夠彊味，蕃薯都淋身，好食朋友話芝麻糊唔係用粉開，都是很香的芝麻味天氣凍食碗暖笠笠既糖水，好滿足

之前地茂館得九龍城有，依家終於進駐將軍澳緊係要捧下場係屋企食完飯當散步咁行去食碗糖水去到門口見要等位就順便睇下menu見碗碗糖水啲價錢都幾平一坐低就叫左碗白果腐竹糖水好香腐竹味 好似飲緊豆漿咁😚仲要唔太甜!而且都有好多白果 好足料平時口痕去食碗都唔過分🤤

將軍澳終於有間似樣既中式糖水鋪啦！之前黎食過幾次，同佳佳一樣都係真材實料既，但未至於話好有驚喜，畢竟老牌糖水鋪珠玉在前。但係今次食到呢個白果腐竹薏米糖水先發現係呢度做得最出色既！糖水有滿滿既腐竹白果味，一筆起見到好足料既白果同薏米，難怪咁濃郁咁好味啦！比我係出面食過既好味呀，飲完好滿足呢個花旗參燉雪梨都好重花旗參味，感覺好清好滋潤，飲完感覺好舒服

唔知幾時開左間咁ge野原來係中式糖水將軍澳晚上十點連麥當勞都打左洋真係好希虛好在見倒呢間野仲開而且都幾多人，差唔多full house 門口仲有幾個人等外賣餐牌選擇唔算多，但個人頗喜歡餐牌的美學，跟店內裝潢一致地有中式美感今次堂食試左以下兩樣加左湯圓的芝麻糊同埋楊枝甘露其實一般中式糖水好難會制作到難食，但同時都好難整得好好食，呢間我覺得唔錯係歸納為好食過一類，食落口明顯唔係hae 整的幾有誠意，夠濃夠香。價錢就fair 啦，商場入面平極有限明白ge，但比起其他西式甜品仍然非常有競爭力。會再食的。

食完晚飯，去左食呢間糖水鋪，因為同父母一齊食，所以揀左間比較傳統，中式一啲既糖水鋪。間鋪頭比較細，枱同座位都比較迫，不過食碗糖水好快姐，所以冇乜所謂糖水一般都係廿零，三十蚊，幾抵食合桃露豆腐花 （$26）合桃露濃淡適中，口感細滑，好味，豆腐花亦不俗呢碗加左湯丸桑寄生蓮子茶第一次試呢款糖水，好似涼茶，父母叫的紅豆沙涼粉講真，紅豆沙同涼粉唔算好夾，溝埋一齊唔夠味，偏淡燉奶/燉蛋白個人覺得幾好食，又滑又夠挺身，仲要唔洗30蚊，好抵食

趁得閒日子, 食完dinner就黎左地茂e到品嚐甜品！😂😎 店鋪唔算好大, 多數係2/4人圓或方枱。鋪內簡潔, 感覺都ok。近住8點入去, 好彩仲有位楝。😁今晚點左碗生磨黑芝麻糊同桑寄生蓮子茶。 生磨黑芝麻糊好濃稠, 甜度適中, 芝麻磨得好滑, 味道濃郁！😊 桑寄生味道我好鐘意, 有d似中藥, 但係係好飲過隻, 難得!😂e碗比較甜d, 入面成渣蓮子。👍🏻😂蓮子去左蕊唔苦, 煲到少許淋口, 同桑寄生味道都夾, 飲落香香甜甜, 食埋蓮子又有口感！😋👍🏻😎

位於將軍澳的一家懷舊風糖水店 一直都知道有呢間店存在但沒想到今天剛巧看到這家店就立刻去試試了雖然店舖不大 但是店內裝修佈置得很懷舊坐得亦很舒服星洲靚喳喳🥄有水準的糖水店 糖水料很足 紅豆、眉豆、紅腰豆...👍女人👩最緊要吃多點豆推介指數😋😋😋😋/5

店舖位址於角落而且size也不大，但門面及坐位設計上也花了不少心思！在炎熱天氣下，坐下來吃一碗真材實料的甜品，是一樂也！今期介紹芒果豆腐花，所以試一試，粒粒鮮甜芒果配上又滑又凍的豆腐花，真的是消暑解渴！女性最愛「養顏」，熱騰騰的鮮奶燉蛋白，可以慢慢品嚐！

新開咗無耐既糖水舖，成日七八點就見到已經好多人，今次食完飯又想食下甜品，就試吓新野啦。鋪頭裝潢都好中式好懷舊，感覺好好，裡面唔算好大但係坐到好多人，但又唔會坐得好迫好唔舒服。今次叫左個芝麻湯圓同埋冰花燉鮮蛋。芝麻湯圓係薑汁糖水底，如果係冬天食就一流啦，好暖胃，而湯圓裏面有滿滿嘅芝麻流沙，個皮都好好食。冰花燉鮮蛋都係熱辣辣，記得吹下先食吾好辣親個咀。好香既蛋味，而且整得好滑好靚仔。

呢間老字號糖水店竟然落戶在將軍澳，當然要支持下！糖水以傳統為主，價錢都算合理，今晚先試一下腐竹薏米白果糖水！甜度適中，唔會有涸喉感覺，料都唔少，白果夠腍，薏米有些少咬囗，若果腐竹再多d就可令到個底更滑，好似飲豆漿就正啦！