地茂館甜品

營業中

休息中

依家好多糖水舖都係西式嘅糖水 waffle / pancake 等既選擇多中式糖水嘅舖頭唔多將軍澳區更加少 。由於政府禁左晚市堂食 呢間糖水舖就做糖水特價 中式只係賣$20碗 好抵！！好鐘意呢間d糖水 甜度恰到好處 唔會甜椰椰 唔使驚食完起痰。而且都幾足料 唔係得啲水咋喎 我好鍾意佢嘅腐竹薏米糖水☺️ 食完有好滋潤嘅感覺之前都幫襯過杏仁茶 不過呢個係冇特價嘅要用正價買 $35係生磨屋企人就食紅豆沙 同埋薑茶湯圓 大家都係講啲湯圓好正！！

今日同朋友過嚟將軍澳到行街😋最近冇得食晚市，唯有早啲食糖水啦💗餐廳位於將軍澳廣場，有中式亦都有西式嘅甜品🍮我就叫咗一個楊枝甘露比起其他餐廳，呢度嘅楊枝甘露味道偏甜😊裏面有芒果，芒果都算幾鮮甜，雖然依家唔係當做，但係味道都唔錯😋另外裏面仲加咗西柚，酸酸地都幾好味😋👉🏻餐廳：地茂館👉🏻地點：將軍澳廣場1樓，7-11對面，好易搵到👉🏻價錢：$25，而家疫情關係有特價，但係外賣盒就要另外加錢啦

裝修好懷舊，好有舊時香港嘅風味。環境唔錯，食物質素都幾好。芒果小丸子同埋糖不甩都有返轉頭再食。唔會過分地甜，恰到好處，糖不甩嘅湯圓都係新鮮滾熱辣。開喺商場入面個價錢都唔會太貴

買少見少又有人情味又親民價，又有食用水供應；又坐得舒服😌！傳統糖水款式多，完全唔甜合我完全掂檔，冇將貨就價；大滿足。簡直要入香港🇭🇰十大遺產及世界文化遺產之一

傳統糖水的超級fans 🤩🌼桂花薑茶芝麻湯圓桂花好靚咁灑左係薑茶面 賣相好美觀📸不過桂花味俾濃濃既薑茶蓋過左 亦無想像過薑茶咁辣😂 夜晚飲咁濃既薑茶就好似唔係幾適合。湯丸就大大粒 好滿足😋其他中式糖水都幾吸引款式非常多 楊枝甘露 芝麻糊 合桃糊 等等價錢亦非常經濟 二十零至三十蚊一碗 ********************將軍澳唐德街1號將軍澳廣場商場1樓036號舖

呢間糖水舖食嘅糖水比較老一派，唔花巧，唔係打卡嘅，所以款式嘅選擇都係以前一向食開嘅豆腐花、西米露、湯圓、番薯糖水之類⋯所以價錢比較合理，亦都比較抵食！首先係芒果班cake，＄33有3件，而且味道幾好，我覺得呢個值得一試！ 另外，芒果西米露入邊都有幾多芒果，材料十足，而且芒果酸酸地，加埋本身嘅椰汁同芒果汁係甜嘅，成件事感覺冇咁甜到漏，唔錯！至於個綠豆沙涼粉，可能唔係咁慣咁樣合併嚟食，平時食開涼粉併生果椰汁，所以好似唔係好夾😅整體來講唔錯！值得推介👍🏻

食完晚餐好想食甜品，於是就去咗地茂館食糖水喇，呢度有啲似舊式嘅糖水舖，店舖唔係好大，枱枱櫈櫈都好懷舊，有傳統嘅糖水亦都有新式嘅糖水，而且價錢仲好貼地，而家係芒果當做嘅季節，所以好適合食一啲芒果嘅甜品，見到枱上面介紹芒西小丸子仲做緊特價$28 ，令我好掛住許留山嘅多芒小丸子，咁就決定食芒西小丸子，呢度嘅芒西小丸子材料好多，啲小丸子都好大粒，西米夠彈牙，芒果又好甜，加上有少少椰漿嘅椰香味，食完真係好想再嗌多一碗

🌎地茂館甜品 (將軍澳)我經常都黎呢間糖水舖食糖水 價錢好實惠 而且種類繁多 好多糖水都好啱我口味例如傳統嘅喳喳 食起黎好足料 有沙沙地感覺 唔會好甜 男仔都好鐘意食我好鐘意飲桑寄生蓮子茶 因為唔會有苦澀味 蓮子都唔會苦 好正架 天氣熱都好想飲糖水解解渴 芒西小丸子真好食 夠凍至於仲好多料 芒果係甜既 小丸子煙煙韌韌 口感好好 推介一下💵人均消費：$22✨環境衛生：7/10🙋🏻‍♀️推介指數：7.8/10📍將軍澳唐德街1號將軍澳廣場商場1樓036號舖

熟悉九龍城嘅應該唔會對地茂館陌生，呢間糖水舖一直以嚟都扎根喺嗰區，而且多年嚟絕無分店。不過近年就喺將軍澳開咗一間新分店，呢日見行過附近就決定試下，睇下水準有無唔同。鋪面沿用仿舊式風格，牆壁上有介紹幾個招牌甜品嘅做法。令人眼前一亮嘅係原來呢度嘅楊枝甘露係用咗雪糕嚟整，做法相當獨得。雖然店舖面積比較細，但由於係晚上時間，所以唔洗等位就可以即刻食。蛋白燉鮮奶 ($27)雖然楊枝甘露好吸引，但由於唔方便食凍野，所以揀咗個熱嘅蛋白燉鮮奶。同好多其他甜品鋪一樣，呢個燉鮮奶都食得出係之前整好咗再加熱，但佢嘅奶味好香又夠滑，可以話係彌補到呢個不足。鐘意食比較甜嘅人可能會覺得唔夠糖，但個人嚟講呢個甜度就啱啱好，食落聲都唔會有罪惡感！同之前係九龍城店食嘅相比，我覺得水準算幾一致。紅豆馬豆糕 ($6)呢個糕可以話係佢地嘅一個招牌，一嚿糕裡面紅豆糕馬豆糕各佔一半，分開食又得，一齊食亦得。個人嚟講梗係推介兩邊一齊食，咁先可以試到馬豆嘅清甜同紅豆香混和嘅味道。同九龍城店相比，我覺得呢度嘅馬豆比較少，如果可以填滿多啲個糕就會令人滿足啲。不過今時今日仲可以用六蚊食到件咁特別嘅糕點，我覺得非常抵食。總括嚟講，呢個價值算

今日跑跑下步個口乾乾哋，就走咗入呢間甜品鋪頭食甜品😎其實入到去都五點半，得返半個鐘就無得堂食😏我無經大腦就咁叫咗個綠豆沙($22)同埋芒果班戟($33)。30秒就有得食，好耐無試過遇到咁有效率嘅餐廳。-綠豆沙都裝得幾滿，果皮味唔會好重，我鍾意✅芒果班戟直頭係我至愛，外表黃黃哋，咬落口成口cream同啖啖芒果肉，係幸福嘅感覺呀🥲-最後我啱啱好喺17:58食完，我嘅時間管理真係好😂

之前已經聽過地茂館係九龍城非常出名嘅中式甜品店，喺將軍澳開咗之後，我基本上每個星期都會食一次，堂食同外賣都試過，相比起其他西式甜品店要三十幾至四十幾蚊一碗甜品，呢間嘅甜品算係相當划算。將軍澳呢間分店唔算太大，座位之間嘅距離都比較近，不過疫情期間就特登加咗膠板，感覺上都會安全一啲。佢嘅糖水選擇都幾多🎈糖不甩呢度嘅糖不甩煙煙韌韌，好容易就能夠沾上花生同糖粉，如果鍾意食好甜嘅，覺得唔夠花生同糖粉，可以問店員再拎🎈榴槤班戟呢個真係我嘅至愛！不過佢係其間限定，只有夏天先有佢裏面嘅cream非常幼滑，榴槤都非常新鮮，一食落口真係有好濃郁嘅榴槤香味，正🎈腐竹薏米白果佢嘅薏米同埋白果份量都唔少，冬天飲落去暖笠笠，而且唔會太甜🎈湘蓮紅豆沙啲紅豆起晒沙，煮得好綿，裏面仲加咗白果，食落去口感豐富啲之前都有喺呢一間食過綠豆沙，同樣都係好綿，起晒沙好好食，但係女仔食嘅話，綠豆沙就會過於寒涼，所以之後都係揀返紅豆沙溫馨提示❤️根據食咗咁多次嘅經驗，堂食嘅話會比外賣更足料！

無腐竹的腐竹雞蛋糖水。。我以為比錯，打去問，店員話正常，因為煮溶左。我即管相信！飲埋啲糖水，望一望，一點腐竹的碎都看不到，究竟腐竹煮溶左係真的無痕跡定其實佢無落有冇朋友食過話我知佢既腐竹雞蛋糖水係咪真係咁？

小肥妹崇洋，一向少食中式糖水，唯獨楊枝甘露例外，事關小肥妹真係好鐘意食芒果🤤🥭• 楊枝甘露 $31天氣熱辣辣，黎碗透心涼既糖水一定有分加先😚楊枝甘露最基本三種元素：芒果、西米同柚子肉。煮得好既西米，要熟透，唔會見到中心有白點，同時亦不能夠太淋太爛黏成一團，依度生熟度掌握得唔錯，夠Q彈，晶瑩剔透👏🏻芒果肉足料不過唔夠甜，但唔酸既，不完美但可接受👌🏻而柚子肉則有些少苦澀味呢😕

疫情關係，就算晚飯俾你趕得切9點食完，食完想食碗糖水都唔夠時間！以前9點10點先係糖水時間，而家無哂夜市，唯有買外賣糖水將軍澳本身好少舊式糖水舖，有時想食下芝麻糊/燉奶呢啲糖水都唔知邊度搵！自從將軍澳廣場呢邊開左地茂館之後都幫襯過幾次，覺得味道幾好，而家仲做promotion，6點後全部$20 一碗，即刻衝去買個燉蛋返屋企食❤️燉蛋夠滑，唔會太甜，蛋香味濃😛😛😛好味丫快啲去食啦，唔知優惠幾時完！

經過門口見到佢地做地夏日優惠，當日做芒果西米露$20一碗。價錢咁吸引，梗係入去試下。平時去地茂館甜品食開都係楊枝甘露，芝麻糊，今次襯有平試下芒西先。上到來，芒果肉係底要攪匀先食。食落每口都有芒果肉，西米，同埋佢個汁底都好夾，唔會太甜，夏天食好適合！我九點幾去到，隔一陣聽到話已經賣晒！似乎芒果西米露幾受街坊歡迎。老實講，$20一碗的確好抵食，料夠足。推介街坊去試下！下次試埋佢個蜜瓜西米露先。