地茂館甜品

營業中

休息中

同朋友食完飯想吹多陣水，最岩食糖水！發現屯門夜晚10點幾仲開嘅糖水舖唔多，好彩有地茂館🤭1.芒果椰青凍小丸子（$33）我最中意食煙煙韌韌嘅野，所以必叫小丸子！最正係啲椰青凍，真係好Q彈🤤中意有口感嘅人可以試下😋2.榴槤雪糕芒果紫米小丸子（$42）都唔錯嘅配搭，值得一提係榴槤雪糕，好有榴槤香味 。大家都秒清😂

市中心嘅糖水鋪要收得比較晏嘅都應該只有佢，可能係因為咁所以都要等左陣位，同埋佢鋪頭座位都比較少同迫，所以食完好快就要走人，好難坐多陣傾計。呢次叫左椰汁紫米露小丸子<$28>同埋楊枝甘露加湯圓<$38>，先講紫米露佢唔會太甜紫米都幾林，小丸子都幾有咬口，楊枝甘露未去到甜但都唔係酸，初初以為湯圓係會另上，冇諗過佢係會放埋落去碗楊枝甘露到，雖然有少少古怪但好彩湯圓都幾好食，整體而言，糖水都發揮到正常水準。

想食d甜野, 滋潤一下, 叫左個熱的桃膠蛋白杏仁茶, 等左一陣送上, 份量都唔少, 不過全部用即棄餐具實在太唔環保😅, 試一口, 唔係太甜👍杏仁味勁濃😋, 飲落覺得好潤口☺️, 入面比得好多桃膠, 蛋白食落好香滑😍, 貪靚的你一定喜歡😀, 另外試左個擂沙湯丸, 食落不錯, 芝麻饀超豐富, 但我個人覺得甜左d, 如果無敢甜會更加好, 不過依度以中式甜品為主, 市中心食西式甜品比較多, 這裡都係一個食甜品的好地方, 價錢就一般, 都可以接受😆

琴晚食完飯，就諗住天氣熱熱地去食糖水，但奈何屯門市廣場附近真係無咩糖水鋪，突然醒起地茂館喺附近，就帶左同行朋友一齊過去食糖水一嚟到，可能因為9點後都比較多人，繁忙時間，所以都要排隊，加埋同行朋友總共4個人，所以可能等耐少少先有位，唔緊要一坐低 就有個後生侍應行過嚟 勁無禮貌咁問人食乜 其實我岩岩坐低 都未諗好 就要人落單 係咁chur住落單😇，咁算啦，我地叫左桃膠蛋白杏仁茶，蛋白杏仁茶，芒果仙草同蛋白燉鮮奶，老實講，桃膠份量又少，蛋白得果少少，又稀，又甜，咁就40蚊真係唔抵，芒果仙草同蛋白燉鮮奶真係好普通，如果要排隊入嚟食真係唔值得食到咁上下，無啦啦個侍應就收走我個碗，我未食完仲要收走我碗野，態度差，個侍應行到hea住嚟行，仲要冇無禮貌，想趕人走🫠真係激到一肚氣，仲要眼啤啤，收銀果個又十問九唔應，唔知係咪轉左手🙂‍↔️食物質素差左，員工質素差，印象中之前果班都好好禮貌，點都冇諗過會有咁差嘅體驗，態度惡劣！

天氣熱，諗住搵間糖水鋪抖一抖，記得屯市有間地茂館，之前食過cp值都幾高，又平，都幾好食！去到嘅時候都好多人，要排隊，不過好快就到我地諗住落單嘅時候，叫嚟叫去都無人應，叫左好耐，終於都有人過嚟落單，但個樓面行過嚟 ，講咩佢都聽唔明，好似唔識聽咁，講左幾次都唔明🙄明明落左蛋白杏仁茶，又落左蛋白燉鮮奶🫠🫠要榴連仙草小丸子，又落左芒果仙草小丸子同返落單果個講 佢又唔知我講乜 好混亂咁😓😓然後個蛋白杏仁茶又得好少蛋白我記得之前一直嘅服務態度都幾好，但依家服務愈嚟愈差，唔明點解唔識講廣東話又唔識聽，以前服務好果班員工好似已經唔同晒樣😓😓，今次咁嘅體驗，未必會再食，仲要排隊，比錢買難受！

去搵屯門牛朋友，食完雞蛋仔飽飽地又仲想食野🙃，所以去左食甜品🤗～8點幾去到有位坐～環境都ok，夠新夠乾淨，叫完好快有得食👏🏻🔅雪糕芒果仙草小丸子 ($40)芒果夠甜，仙草都唔少，小丸子唔會太腍👍🏻。雪糕揀左豆腐味，幾大球，但俾芒果味搶晒所以食食下都唔係好食到豆腐味😂🔅香滑芝麻糊(加小丸子) ($26+6)芝麻糊朋友叫既～熱辣辣幾香幾滑，不過會食到成個嘴黑色所以我淨係偷食左幾啖🤭🔅軟滑糖不甩 ($21)糖不甩幾有咬口，但啲花生粉唔夠多，撈得一半🫢💬雖然用外賣餐具，但隻羹有層coating(?)所以無咁易腍都ok，甜品唔算貴，環境夠光猛乾淨有加分✨

今天幫襯，叫左旦白杏仁茶和桑寄生蛋茶，味道尚可以，但卻超級極度甜。甜到立住喉嚨，結果是甜到3人都無法食完。不喜歡吃深度極甜的人要三思。九龍城老店似乎水準比較好。

📍地茂館食飽飯緊係想食甜品😋今次同大家分享既地茂館係近期既人氣糖水舖幾乎每間分店一到夜晚都大排長龍買糖水👍🏻👍🏻🥭芒果西米小丸子 （$33）所有芒果類型既糖水相信大家都好中意🥳呢碗芒果西米小丸子好多配料芒果果肉甜👍🏻西米同小丸子煙煙韌韌呢個配搭既糖水一定會好食✅推薦大家可以試下佢個芒果系列🥭地茂館仲有其他唔同款式既糖水咁多選擇絕有一款岩你口味😋😋😋

屯門好似已經無咩糖水檔。。。難得重有一間係市中心，即管去試下。十點零鐘嚟，排咗一張枱，人都唔算好多。排隊時已經諗好食咩，所以一嚟即叫，上菜超級快。佢主打食舊派糖水，叫咗芒果紫米小丸子，芒果豆腐花，凍紅綠，但我唔鐘意用紙碗上。芒果汁味道有少少似以前某涼茶店，唔算好甜，但紅綠就一般般。

终于来吃着了糖不甩是糯叽叽的小芝麻丸子🍡，轻轻松松的就沾满了花生和芝麻碎，多嚼巴嚼巴还挺香的，但是也没有啥很惊艳的🥜桑寄生莲子蛋茶🥚一端上桌就飘散出来中药的清香浓郁气息，喝起来很像凉茶煮茶叶蛋🍵，甜中带苦苦中带甜，每口都让人胃里暖暖的😅我觉得都蛮一般的，可能期望值太高吧

本店由九龍城一路開分店入到黎屯門市中心，主打中式糖水亦都有新式糖水，芝麻糊都幾出名，平日都很多人排隊可能市中心好食加性價比既唔多不過都唔需要等太耐位，假日就可能耐啲。香滑芝麻糊$26 芝麻糊味道濃郁帶有濃厚的芝麻香氣,質地濃稠，口感綿滑，入口即化。芝麻的風味在口中緩慢釋放，帶來一種濃郁的堅果香氣，混合著微微的甜味，讓人回味。雪糕芒果仙草小丸子 $ 39這款甜點就是色彩繽紛，令人垂涎欲滴。在碗中，有一顆顆圓滾滾的仙草小丸子，有著QQ彈牙的口感。小丸子搭配著鮮甜的芒果切塊，芒果的酸甜味為整個甜點提供了清新的口感。而在小丸子和芒果的上方，則放置了一球雪糕，雪糕的口感濃郁滑順，給整個甜點增添了冰涼的口感。

叫左個蛋白杏仁茶、紫米杏仁茶小丸子、加埋雪糕紫米杏仁茶小丸子、非常香濃的杏仁味、加上蛋白令到杏更有層次感、我就十分滿意紫米杏仁茶小丸子🧆、因為我中意香甜軟糯、煙煙韌韌的口感🤣、中意甜品中有可以咀嚼的成效🥰

唔知你地有無試過屯門嗰間，真係有啲出色喎！啱啱啲桑寄生茶（熱）嚟，喝落去咁暖笠笠，啖啖都係好似藥材的濃味，過喉嚟痲痲暖，真係啱曬涼天氣。🍵跟住上嘅芒果涼粉小丸子，味道爽口又解膩，啱曬夏日。啲小丸子咬落去QQ嘅，真係有咬頭！而啲芒果片，新鮮得滯，甜中帶酸，惹味！最後個擂沙湯丸，唉呀，真係擂到心入面咗！湯圓表皮滑溜溜，一咬裏面嘅芝麻餡流晒出嚟，香濃得嚟唔膩口，個人最中意嘅一樣！落嚟總結，呢間店嘅菜式，佢哋講究食材同埋口感搭配，真係港人飲食嘅化身。令人唔由自主咁一試再試！下次有機會，我仲想試埋其他嘢！🥣🌟

放假食完DINNER，又見時間有D早，緊係去食返個糖水啦。因為前一日去左B仔食，覺得佢地食老本，所以今次揀左間靚唔少既糖水舖地茂館甜品。首先講座位，地茂館甜品D位置係好坐好多，而且裝潢新好多，感覺好舒服。而食物方面，因為而家時令生果又係芒果，所以主題就係食芒果。首先有芒果西米小丸子，芒果用料靚又好食，西米露配搭得好，而且小丸子又有咬口。之後仲有芒果涼粉，涼粉係有甘草味，所以好有涼粉既感覺。整體黎講，呢間糖水係VERY GOOD。

1️⃣桃膠蛋白杏仁茶2️⃣招牌蛋白杏仁茶🔸杏仁味 同以前d老店仍然有距離，但已經好過大多數甜品店。🔸桃膠同蛋白分量多多，口感好滑😊🔸整體口感同味道都可以，唔會太甜，但再少d糖同埋多 d杏仁味會更好。