坐鎮

營業中

休息中

聽說土瓜灣有間人氣雞湯麵，週末的晚上特意到來一試。餐廳所在的地區食肆雲集，對於街坊來說十分方便、選擇亦十分多，然後對於區外人來說坐車後需要再行一段路才到達，不過也不難找到。一行四人的我們點了兩客一人套餐，其餘單點。燙菜心，份量少得有點可憐，一個人也可以輕鬆食完。一人套餐裡面包括的前菜：黑醋雞胸玉子沙律正常，而芥末醬油漬青瓜則幾得意，有淡淡的芥末味又不辣，感覺清新。套餐裡面當然要試試她們的招牌綿綿魚肚雲吞黃金雞湯麵啦。雞湯底味道果然香濃，有一點稠度，吃得出加入了不少材料去增加風味，當然少不了金華火腿的鹹香，而幼身的麵條都很成功地吸收、掛起湯底，表面的蔥絲帶有少許辣勁，風味十足，吃著吃著湯汁會變得濃縮，因此味道會更鹹，建議盡快食完。碗裡還有雞件和雲吞，令整碗麵食更豐富。另一個主菜我們選擇了原隻鮑魚。汁煮洋薏飯。這個飯的呈現方式猶如意大利飯那樣，幾得意。飯裡面撈了一些雞肉碎，大概食海南雞的頭頭尾尾，汁煮飯同樣香濃，洋薏煙煙韌韌的，是一道餐廳自家創作的飯類。金牌海山炸雞($20加購)的味道是可以的，肉質結實了點，而擺了一會兒會較硬。酥炸魷魚鬚($20加購)是預計得到的味道，份量也比較少。我們另

嚟到土瓜灣，本來想搵下有冇拉麵好食，搵搵下見到呢間叫坐鎮嘅中式拉麵，見到menu幾多選擇，敢係土瓜灣開$100以上麵店應該都有返咁上下，所以吸引左入去試下 🌟晚市一人精選套餐 前菜+主菜+飲品🌟前菜：黑醋雞胸玉子沙律見到係雞胸以為咁正沙律都有雞胸！？咁咪會好飽！？上碟原來係雞絲，沙律菜配以黑醋食正常發揮，建議可以多返少少雞絲，因為得個3條真係有點小，仲要係雞絲而已 主菜：坐鎮紅油櫻花蝦海皇湯麵 $110賣相相當唔錯，第一眼會俾五隻鮮蝦吸引左。另外亦有大量櫻花蝦作配料。飲落去個湯出奇地冇乜蝦味，反而覺得似係好濃郁嘅鰹魚鮮味加醬油味，有點難形容，但味道係濃郁嘅海鮮味。麵係准山麵，煮得都幾彈牙及掛汁。海蝦唔會柴，幾爽口。整體嚟講算唔錯，成件事都好鮮，但建議個湯底嘅蝦味如果提升返嘅話，會吸引及記憶點更多 前菜：芥末醬油漬青瓜青瓜加醬油漬味配以輕輕嘅芥末味，食落竟然會爆汁，幾有驚喜，醒胃菜嚟講算幾創新 主菜：綿綿魚肚雲吞黃金雞湯麵 $112第一時間梗係飲湯先啦，個湯底都幾重雞肉及金華火腿味，唔會太鹹而且算杰身。魚肚都幾易入口，索晒個湯汁勁juicy；雲吞就不過不失；雞肉都幾厚身，ok滑，味道偏淡

呢間餐廳由前酒店中廚開設，主打港式鮮熬無味精湯麵🍜更有多款創意小菜同小食😋💗綿綿魚肚雲吞黃金雞湯麵（$92）雞湯每日以十多隻鮮雞、雞腳，西班牙火腿同赤肉熬煮，湯底呈鮮黃色而且唔油膩，呷一口湯充滿鮮雞味🍲 配搭幼身彈牙嘅淮山麵🍜雞件用上三黃雞，預先去骨非常貼心，肉質嫩滑有雞味🐔仲有吸滿湯汁嘅爆沙魚肚同自家製鮮蝦豬肉雲吞🥟💗坐鎮紅蝦油櫻花脆蝦湯麵（$90）蝦湯以龍蝦頭、蝦殼、蟹殼等先焗後炒，再熬煮四至五個鐘，所以湯底富濃郁嘅蝦味🦞係湯麵舖上5隻炸過嘅大蝦，肉質爽口彈牙🦐再加上櫻花蝦、木耳絲、洋蔥、香蔥等配料，口感豐富🍜💗金沙黃金粟米（$58）炸粟米香甜多汁，粒粒飽滿🌽每件都掛滿起沙嘅鹹蛋黃醬，不過鹹蛋黃香就未算超濃🍳💗金牌咸香海山炸雞（$45）無骨炸雞先用南乳同腐乳醃製，再炸至焦脆，內𥚃雞肉依然保持嫩滑Juicy，食起嚟鹹香惹味🍗

今日喺北帝街度搵飯食，見到呢一間鮮油黃金雞湯好吸引！入到去叫咗個紅蝦油櫻花蝦湯飯加咗個脆米，唔錯，幾正另外加多個無骨青蔥油海南雞飯，油飯亦都好惹味除此之外，我覺得兩杯餐飲比較有心思同埋誠意！下次會再次到訪試吓佢個綿綿魚肚黃金雞湯！

土瓜灣小店，星期五晚很多人建議提早Book位，店內有二樓，不過通往二樓要經過漆黑的後巷，令人感到不安，座位之間距離比較近，冇咩私隱度餐點OK，招牌雞湯一流，大廚水準！服務OK。因為湯太好飲所以額外加了一碗，但不知道是漏單還是怎樣，總之等了四十分鐘⋯期間沒有任何解釋⋯甜品好食，都係要等好耐，起碼45分鐘。店內人手不足，但勝在服務態度好。建議招牌湯麵可以加上泡飯選項，因為湯底做泡飯應該好好食。可以再訪。免加一服務費

土瓜灣良心小店，超好服務態度👍🏻店舖環境，略嫌有少少迫，但係整潔衛生推薦菜式：黯然銷魂刈包👍🏻👍🏻👍🏻必定要試，好食到返唔到轉頭（但等候需時）呢間小店都比較多人排，有好多野都係即時製作，所以上菜速度可能有啲慢價錢嚟講係土瓜灣可能偏貴，人均消費大概$90樓上

坐鎮🍜📍 香港土瓜灣北帝街19號地舖（港鐵土瓜灣站B出口，步行約6分鐘）⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉經朋友介紹之下，放假去試左呢間濃湯雞湯麵既小店，去既時候係仲未開門既，所以唯有等一陣啦⋯⋯⋯ 先講下舖頭裝修，都幾得意既，細細間，都幾多人去食，而食物方面，其實整體都算可以，但都唔包飲品既，如果包埋飲品會感覺更抵食🫣。🌟 綿綿魚肚黃金雞湯麵 $107（配海山炸雞）個湯真係同平時食開既雞湯麵唔同啲既，湯底好濃郁😍，配既麵都算唔錯，如果配米線，感覺應該更好。不過食到後面，會有少少飽滯既感覺，可能個湯底太濃啦。而個炸雞就有南乳味，都ok既。🌟 坐鎮紅蝦油櫻花蝦湯麵 $99（配七味花枝丸）呢款麵既湯底食落就好似龍蝦湯味，都幾好味😋。另外蝦都有好多隻。而個花枝丸就較為普通。整體推介指數：❤️❤️❤️❤️🤍⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉⚉

出土瓜灣做野，見到呢間餐廳就入去試下我一個人，就坐bar枱位午市套餐就有呢啲選擇，食物選擇都足夠我叫左個海南雞飯試下，飯都好多，海南雞幾滑，不過冇乜雞味🤔跟餐送杯茶，盛惠$72，個人認為土瓜灣呢個價錢，有埋碗湯會開心啲🤣

土瓜環一碗麵賣$90，雞無調味的，雲吞個心重係凍的，個麵夠熱，個湯ok但係無層次… 本身我見佢賣咁貴都期待有”好湯好麵” 咁好食 (人地嗰碗都只係貴少許…) 如果$70 一個餐都可以接受嘅 (雖然雲吞未熟其實唔ok,但我無肚痛就算了吧) ******************************唔會再食了，嗰條街大把野食******************************

據了解土瓜灣呢一間小店係主打濃雞湯底，鍾意食麵同飲湯就立刻找機會去試一試。的確係懷住滿心期待嘅心情，有幾款靚湯底都好想揀，餐牌亦有限量嘅口味以供選擇🍜.———————————————————————————.🥢綠寶芫荽雞湯麵🌿🍜💬大量嘅芫荽🌿鋪滿整個碗，係相當浮誇，芫荽控一定係非常興奮。唔單止碗面有好多芫荽，其實連湯底都係芫荽🌿熬製，非常濃郁，感覺係煲西洋菜湯嘅感覺。配有幾件切雞，但無海南雞咁嫩滑。麵底選用幼麵，啖啖都可以蘸到濃稠嘅芫荽味，配返杯香水檸檬茶🍋就係啱啱好🥸.🥢慢浸五香無骨滑蔥油海南雞飯🐔💬可能太好味，感覺唔太過飽肚，香飯係幾香而且海南雞確係非常滑，如果份量可以多少少🤏🏻更滿足。而且店舖主打係精製湯底，雞飯能夠配一碗細濃湯會更加開心🥸

聽聞土瓜灣的「坐鎮」雞湯麵店聲名遠播，終於一試，卻留下不少疑問與失望。環境與等候店舖位於樓上，空間比較擠迫，其實餐廳有空枱，但當日被安排坐吧枱。等位時間約10幾分鐘；坐低後，一碗麵約15分鐘送上，但另一碗卻等了超過半小時，令用餐體驗有些狼狽。味道與質量湯底第一口令人疑惑，帶有濃烈的酸味，不知是否由花膠所致。加點的湯反而鮮甜濃郁，無酸味，但倒回碗中竟再次變酸，味道變化匪夷所思。雞件量少，湯又偏少，麵條吸湯後變乾，整體份量顯得不足。湯的溫度偏低，未能帶來一碗熱騰騰雞湯麵的滿足感。麵條的種類亦未合個人喜好，感覺略嫌普通。價格與性價比考慮到份量、味道及整體體驗，覺得價錢偏高，未能匹配質量。近百元的價位，期待的是更穩定和令人滿意的出品，但現場經驗卻未達標。

服務好好，店員有禮好周到。黃金雞湯好濃嘅雞湯好香，飲落好滿足！面頭有一層膠膠地既雞精華。😋寶綠芫茜香雞湯麵好好味，冇加錢叫雞髀，但係個雞都好好食，芫荽非常充足。麵條好幼好喜歡！我都飲咗好多湯！面頭仲有類似啲乾嘅一條條黑蒜，好香😍！！慢浸五香青蔥無骨海南雞飯加$10要咗雞髀都好值得，啖啖肉好啊好好食。油飯都好香。加$10要咗雞髀都好值得，啖啖肉好啊好好食。油飯都好香。飲品熱素燕冰糖雪梨杞子茶估唔到好好飲！其實我都唔清楚素燕係咩嚟，不過食落好似雪燕好好飲。入秋有呢種飲品提供好好！唯一缺點洗手間可以執執放置自然香氣

小店環境唔算寬敞但舒適, 店員不時倒水為客人添置椅子置物服務細心, 食物選擇貴精不貴多主打拉麵同雞飯, 食物賣相唔錯, 幾適合打卡, 份量對女仔泥講充夠, 但男仔食就可能7、8成飽喇今次試左蝦湯拉麵同海南雞飯, 可能之前食過一間好好味既蝦湯, 有比較有少少傷害, 但雞飯就非常出色至於小食同飲品都係正常發揮, 睇得又打得下次會試埋另外兩款招牌拉麵

今日工作關係來到土瓜灣，之前社交媒體網站睇到bookmark 左其中間就係坐鎮，店面走簡約日系文青feel，地方唔大但叫做整潔企理感覺舒服，來到緊係試佢地招牌雞湯麵，朋友就試左蝦湯麵，對於我來說有驚喜，因為我係連湯都飲晒，個湯好有高級食府，雞煲翅果D頂湯級數，配埋所有配料，92蚊簡值高性價比，係出面求其食碗拉麵都百幾蚊，重要有時D湯飲完好口渴。另外朋友個蝦麵都幾特別，湯頭好足料鮮甜的，非一般西式蝦湯重蝦味，而係有D東南亞海鮮湯果種柔和甜，唔會一入口好搶口，幾好幾好，炸過既蝦吸左湯提升左，相信店家有心思的，另外特飲都唔錯打卡一流，加12蚊好似，下次再來想試下個芫荽麵，我見到隔離個芫荽山，綠色湯不得了，好有誠意。

人生第一個令我有衝動唔瞓都想打既食評！尋晚和家人在這裏吃晚飯，我自己叫了一個麵餐$112，有前菜，主菜（雞魚肚麵），和一杯茶飲…看到有這麼多好評，一心想試試…點知，尋晚食完後一小時腸開始痛，去不了厠所，但腸和胃都好漲… 我唔知佢啲湯落左咩，大量味精？湯是雞油，不是雞湯？所以先咁黃？結果再過一小時開始肚瀉，前後足足瀉了5次，由半夜1am前後2次，到4am札醒，再到7am札醒, 再起身11am… 要食止疴藥…究竟啲湯係如何製成的？如果個老細睇到既話，都可以答一答我… 係你地廚房污糟定雞麵有問題？大家小心中伏雞滑但無味而且肥，湯好濃味，但飲完之後胃漲腸痛… super horrible experience! 都唔講碗野值唔值呢個價，食完睇醫生都補唔返！