坤記糕品專家 (已結業)

第一次食評。夜晚難得到深水埗， 見到坤記，諗都冇諗買左芝麻糕同白糖糕，自小好鐘意呢類糕。雖然唔平，芝麻糕段斤砰（心心諗咁京貴，不過都買左一件仔$12），白糖糕（每件$9）。係到左第日蒸熱食，白糖糕係勁酸，酸到好似醋咁大鑊。芝麻糕其實一睇就覺落好多粉，口感好糊，冇乜芝麻味。慕名既，試一次好，冇回頭。仲係唔平，我絕對希望會有所改善。成8-9年前食過，都冇咁差， 除非酸係佢招牌….但我食其他店白糖糕都唔係咁。

本人好鍾意食白糖糕，今日特登喺南昌行過嚟買，一問原來$9 一塊，收到打咗個凸，一個細膠袋裝住，女人手掌唔計手指咁大，真係細塊到呢～真係未食過咁貴嘅白糖糕，重點係冇乜味，覺得性價比極低，無下次。

突登搭地鐵到深水埗買糕點，由細食到大的砵仔糕，真的傳統糕點要一直流傳下去。一口氣買了兩個砵仔糕$ 9四個米鬆糕$ 9一件砵仔糕真的好值得食，好多紅豆粒，糕口感都軟，好香的黃糖。鬆糕煙煙韌韌，加了木薯粉的口感。與馬拉糕不一樣。

我好多年住深水埗，每次返去坤記嗰邊都會買芝麻糕，以前真係好濃芝麻味，今日同朋友去開深水埗行街，特登同朋友去買嚟，先唔講件芝麻糕縮細咗好多，我哋買咗一件芝麻糕四件砵仔糕，總共$50。返到屋企，食咗件芝麻糕，第一啖食入口諗住滿口芝麻味啦，點知自己諗多咗，無不特止，仲有好輕微嘅酸味。食多一啖試真啲，都真係冇芝麻味囉，非常後悔好失望，都唔知自己食咗啲乜嘢，冇芝麻味，真係對唔住個個錢。食完之後，忍唔住想OpenRice睇吓佢今時今日嘅網友評價，原來勁多人話佢唔掂，原來好好味已經係以前嘅事，依家嘅坤記真係靠以前嘅名氣

深水埗坤記糕點相信好多人都識，我都專登跨區去買㗎。不過價錢真係越嚟越貴，一嚿糕點按重量計算依家都要大概$15一嚿。個人最鍾意就係紅豆糕，咬落去粒粒紅豆，豆夠腍，糕又唔會太甜。

坤記傳統中式糕點，食出香港味道，小時候沒有零食，也沒有五花八門甜點，中式糕點成為阿嫲傳統手作食物，要回味就要試試深水埗坤記。砵仔糕 x 2, 馬蹄糕 x 1, 紅豆糕 x 2, 芝麻糕 x 2, 合共 $95 這個是店長靚姐極力推介馬蹄糕，感覺清甜彈牙。不過極體我比較喜歡芝麻糕，芝麻味香濃質感軟。一袋袋包好都幾衛生。

久仰大名的老店, 好幾次路經都賣晒想食既糕點, 所以今次一早行完嘉頓山, LUNCH TIME前去買定先, 那怕擺完一段時間先享用食完晏, 拎到返屋企雪左陣, 都不影響口感同味道想試既口味太多, 今次諗住4款先黑芝麻糕: 唔會好甜, 非常香濃既黑芝麻味, 好似食緊一碗芝麻糊既感覺, 但稍欠炒芝麻既口感馬碲糕: 甜度適中, 食落清香, 加上馬碲粒好多, 所以唔會比甜味蓋過白糖糕: 唔會好似其他咁, 會有陣酸味, 人地話係煮糖既時間同溫度影响, 可見其煮糕既手勢, 清甜得黎軟墊, 唔會有太多凹凸而引致"鞋"口紅荳糕: 多荳得黎唔會好甜, 紅荳淋到幾乎唔駛咬今次真係試倒咩係大師級糕點師既手勢

細個最鍾意响街隨時食中式甜點，但而家越來越少見啦！今日經過深水埗，一岀地鐵站口就見到坤記糕點，見到有細個成日食嘅砵仔糕同白糖糕，好彩今日早到未賣晒，即刻每樣買一件返屋企慢慢嘆先😁砵仔糕真係好有懷舊味道，大大件又實的的，好多紅豆，真係食得好開心白糖糕又係好正宗，呢度唔會好似一般白糖糕咁太酸，味道剛剛好👏🏻而家係疫情下真係唔敢企喺街除口罩即刻食，反而有機會帶返屋企同屋企人一齊慢慢嘆就仲好啦😁😁

【尋找兒時感覺的砵仔糕】細細個放學，媽媽就會買一個砵仔糕俾我做放學嘅零食，久而久之就漸漸愛上左砵仔糕。仲記得細個喺士多食嘅砵仔糕真係好足料㗎，又大又多豆，咬落去好有口感。但大個咗之後，始終都搵唔番個味道。

週末正好去深水埗，b2口出來既可以看到，芝麻糕味道算比較濃郁，但是也不算特別鍾意，可能是懷舊的味道，砵仔糕也是，可能是我不太喜歡的口感，QQ的滑滑的，應該下次不會專門去買

坤記士多，好耐以前已經想試下懷舊既味道！我本身係紅豆迷，本身對佢既紅豆糕、砵仔糕同茶果都有興趣，聽聞幾好味！但今晚想食咸野，於是買左個煎堆。店員話要即刻現場食好味d，結果我就即場食，其實都已經係凍左，帶返屋企食有咩問題？😂一個九蚊其實唔平，不過都算大個既。。幾煙韌，味道唔錯，不過有點太油，入面都無乜料😅下次可以試吓比較多人推薦既紅豆糕💪🏻

8月中去深水埗辦事，突然想食芝麻糕。雖然去年底係坤記買咗一嚿食，芝麻5香，仲有點酸味。。。。但我真係好想食，又諗5到深水埗仲有邊度有芝麻糕賣，於是又死氣氣去返坤記買，俾多次機會它。今次我買咗芝麻糕、紅豆糕、馬蹄糕，全部係按重量收錢，每件大約$13-15。芝麻糕：水準返來啦~芝麻夠香，一層層，軟綿綿，口感5錯紅豆糕：也不錯，紅豆夠腍，糕也不太甜，味道配合幾好馬蹄糕：我覺得繼芝麻糕後，最好食。可能清甜關係，我 like~今次覺得水準回來了，也慶幸自己俾多次機會來滿足五臟六腑~只是價錢稍貴，不能經常吃。過多一星期，我又去深水埗，我又做吃貨今次我試另一間糕點，是“鴻發涼茶舖“。我見網上有人介紹大件又好味，而且係。。。。便宜。店舖好迷你，無得坐，只有企住食和外賣。當天有人企係度飲涼茶，也有人買糕點，而且仲買好咗至少10件，我都擔心會不會賣晒。好彩到我既時候仲有貨，我買咗芝麻糕、紅豆糕、綠豆糕。每件不超過$10，而且真係好大件，比坤記大50-100%，所以3件都好鬼重。由於只有2款我係食過坤記，所以有得做比較：芝麻糕：鴻發既芝麻5夠香，糕本身5係一層層，比較粉和實，我 like 坤記多d紅豆糕：鴻

舊式糕點已經買少見少仲要係高質長期賣到斷貨真係好難得每次經過深水埗都會去買老店懷舊芝麻糕可以話係媽媽最愛佢唔係set左每件幾錢反而係每件都會磅一磅先知幾錢好似我手上呢件就ard$11蚊PS:我最喜歡ge馬碲糕 可惜賣哂喇

深水埗出哂名的黑芝麻糕，咁多年去開睇電腦都必食的糕點。加價係無可口非，$11件/44斤，但係第一次食到係酸的，真係好失望，唔知疫情關係小咗人買定點，以前買返屋企放雪櫃隔天食都無事，大家想食的小心啦

一向只知坤記的白糖糕、砵仔糕等糕點享負盛名，今年第一次幫襯它買鹹肉糭和紫米鹹肉糭等等，也是滋味無窮！ 綠豆蓉鹹肉糭內有原隻蛋黃、肥豬肉、粟子、芋頭蓉等，餡料豐富，味道比較市面上買的糭較為濃味，呢次真係糭有糭味喇！ 😆😆😆 個人偏愛傳統的綠荳蓉味，紫米糭著實也不俗，只是應節食品還是傳統口味比較好吃！ 👍🏻👍🏻👍🏻