坪洲海岸

營業中

休息中

臨離開坪州前想食返餐好的。見到碼頭旁邊有間茶餐廳。見到我哋，就同我地講要等一陣，即刻比凳我哋坐。招呼非常唔錯👍🏻👍🏻👍🏻等咗15分鐘到已經有位，我哋被安排入去室內坐。牆身放滿晒坪洲嘅照片，又有冷氣，感覺唔錯。星洲炒米 $52⭐️⭐️⭐️⭐️有鑊氣，炒得乾身惹味。脆香西檸雞球，送白飯 $85⭐️⭐️⭐️味道不過不失，雞件可以再入味D。洋蔥京都骨 ，送白飯 $85⭐️⭐️⭐️⭐️酸酸甜甜都幾好食椒鹽豆腐，送白飯 $85⭐️⭐️⭐️⭐️即叫即炸，外脆內軟，都幾好食。不過椒鹽味可以重返少少。玩咗一日之後，同三五知己坐低叫幾個餸食飯吹水。整體感覺唔錯，價錢合理。仲可以校啱時間去搭船，值得推介👍🏻👍🏻👍🏻👍🏻

此餐廳位於坪洲碼頭旁邊，位置方便。由於坪洲的食店不多，很多舖頭都已經沒有位，有些又沒有開舖。和朋友遊走了整個島都找不到有位置坐下來吃點東西的地方，所以最後隨便選了這間就近的餐廳休息一下。餐牌有各種小食、粉麵、碟頭飯等，而我們選了西多士和雞翼薯條，還點了凍咖啡和凍鴛鴦。西多士中間夾了花生醬，外皮金黃。雞翼薯條炸得很香脆，都算份量夠。飲品都幾大杯，可以望着夕陽和海景慢慢享用悠閒的下午茶。餐廳還有很多食客點了碟頭飯，份量看似幾大碟，下次可以一試。遊客到坪洲遊玩除了可以找間Cafe chill下，光顧一下地道的茶餐廳也是不錯的選擇。

假日無聊之際，當然最好約埋三五知己到離島遊玩坪洲話大唔大，話細唔細。優優閒閒咁環島遊，不經不覺玩足一日。漸漸玩到日落黃昏，已經疲倦不堪。坪洲好多食肆唔係大排長龍，就已經關門為方便又就腳起見，揀左碼頭隔離既餐廳享用晚餐。我地１行４人，點左３道小菜。1. 椒鹽鮮魷食左幾舊先記得影．．份量足夠，對得起價錢炸皮酥香脆口，魷魚有彈性得黎唔ｕｎ。而且口感唔油膩，配一杯啤酒應該一流2. 西檸雞西檸雞靈魂之處在於佢既醬汁，醬汁調配得剛剛好，酸酸甜甜好開胃。用黎送飯一流呀雞扒新鮮炸出黎，食得出既酥脆。而且雞肉唔鞋口，嫩滑有汁。推薦程度3. 炒時蔬不過不失，食落無沙就夠。食飽飽可以坐定定等船到，唔洗趕船，見到船埋岸慢慢行都得

老闆及婆婆都十分有禮貌，臨走前都多謝我哋光顧，真心好耐無遇過😚😚銀芽肉絲炒麵$52⋯⋯極欣賞餐廳老闆之少油少鹽、味精屋企人想食炒麵唔係炸麵，俾我食又覺得唔錯炸麵好乾身脆口，肉絲唔油膩，唔肚餓都食晒😜肉鬆欖角四季豆$85⋯⋯算貴，不過好食😋通常呢啲炒到成碟油，我最怕；呢度無喎！因為太油我會拉肚子，呢間完全無事😙😙肉鬆+欖角炒得超香口🤩豬扒炒河，估$52實際唔太清楚，屋企人俾錢😔豬扒炸得好乾身唔油膩，河粉都無乜油有點「旱」都唔算太差😊檸檬茶跟餐+$5⋯⋯唔甜夠凍夠解渴🥰餐廳出碼頭轉左，好近座位舒適，唔錯🙂

好耐冇去過坪洲，今日同朋友去行山，想搵地方食下午茶，點知四周圍都爆曬，仲排長龍，突然間醒起落船嗰陣見到個招牌，就行返出去碼頭，再行前多少少近海邊就見到間餐廳，入到去餐廳裏頭，裏面都好寬敞，唔似得香港嘅餐廳咁迫，見outdoor都有位，但係行完山真係太熱啦，所以我哋坐入面。睇個特飲餐牌，天時暑熱最好就係飲啲冰凍嘅嘢，所以我揀咗抹茶鮮奶，都幾好飲，上面啲奶泡好滑好輕，紅豆都好足料。👍🏻👍🏻食物有好多選擇，仲有雲吞麵食，但係天氣太熱唔想食湯麵，隨便嗌左啲小食，不過真係好驚喜，個炸雲吞真係好特別，首先佢既形狀唔係圓形🤣，然後佢哋用咗個好西式既兜兜既裝住，好搞鬼，個女侍應話呢個一定要試，係老細自己包，食落去落去個味都好好吸引。可能因為呢度位置唔就腳，所以大家都錯過咗海邊呢間隱世餐廳，如果有機會再嚟坪洲，我都會試吓呢間既其他野。