壹匯中菜廳 (東港城) (已結業)

如題， 年初四有人嚟拜年諗住費事煮落街食，點知中伏了等位時間耐其實都預咗因為旺日， 唔想諗食乜，求其叫餐牌一個餐，同老人家食諗住好好睇睇啦$1300蚊落樓呢個價簡直離譜 上湯焗大蝦(烏冬底) 已經夠搞笑新年流流做乜出烏冬呢! 轉伊麵底要加30蚊 唔緊要 最緊要好意頭啫， 點知上枱嘅時候啲麵淋到碎曬，算! 老人家睇唔到我當冇事發生，明明上湯冇講過話芝士，最後變咗芝士味囉!醬皇翠玉雙蚌片翠玉一舊都冇變曬西芹，雙蚌片碎到唔碎，好似食淨嘅廚餘咁，是但炒一碟出嚟，隻碟就大餸就少。發財好事大利 豆苗好硬 蠔豉有沙 朱利得一塊豐料原味燉湯烏雞瘦肉湯太鹹，剛剛好一人只有一碗年年有魚海斑 只有條魚係蒸得最好!金雞報喜 半隻雞都冇 炸雞唔脆又鞋。仲有碗筷超污糟全部有積，比咁嘅價錢，食咁嘅食物質素真係去茶餐廳食冇咁嬲，親友嚟拜年真係樣衰曬， 份量少唔緊要，貴唔緊要，但啲嘢唔好太離譜，絕對冇下次!

蠔皇鮮竹卷 $17.8呢個令我非常surprise，腐皮很滑，且富彈性。裡面裹著菜心，十分青脆。另外，餡多蠔皇汁。👍🏻腐皮控表示好味到想食多幾個，食完d膳食纖維番曬黎😝蟹子燒賣皇 $24.8中規中矩，睇落唔算大粒。內有肉和蝦，食落彈牙(同稻香個隻無咩分別)。性價比不高。上海菜肉包＋家鄉炒米粉 $27.8菜肉包份量不大，兩啖就可以搞掂。食落有少少乾，包的軟度適中。第一次見到蔬菜占 3/4的菜肉包！適合喜歡多菜少肉的人士。家鄉炒米粉的質素一般，偏油膩，鹹度適中。btw, 唔知點解會有隻蝦。。。。南翔小龍包 大點中下水準，小籠包內完全無湯，只有很乾的外皮和肉球。肉球的肉味尚算濃郁，但本人認為油分較多，不適合喜歡清淡的人士。奶皇流沙包 中點包的軟度適中。奶味十足，食落偏甜，唔會有蛋黃腥味。但說好的「流沙」呢？圖片可見，奶皇醬在包內，不是呈稀釋流體狀。

今日比較多時間就同同事出去飲茶食飯，我地8個人訂左位一去到就有房比我地，不過個房就比較熱。午市選擇都算多，我地都懶得揀食咩所以就叫左個三五知己套餐。包括干炒牛河、海蜇撕雞、牛肉球同鳳爪。套餐都包左好多我都想叫既野，每碟既份量同散叫差唔多，所以都幾抵。另外特別加兩隻乳鴨，每隻都唔使$30，雖然好mini，但好好食! 外皮好脆好香口，而且肉亦都嫩，唔錯!再叫多幾樣點心都夠哂飽。特別一提燒賣皇，好有咬口，多人食就要叫兩籠，一籠好快清哂!!

第一次來吃，留下新開的所以來試試，但服務態度極差，下錯單，上錯野，一錯再錯，錯了差不多10次！忍無可忍，最後無上的一律退掉買單。同大堂經理投訴，經理竟然找藉口而不是道歉！不會再來！既不愉快的早茶體驗！先是下漏8樣點心發現以後重新下單，但是8樣點心還是下漏了1樣接著上錯菜錯完一次再錯一次 再錯一次 再錯一次 錯到我都記不清幾多次見到上去旁邊桌子的菜我們都問是不是我們這台的，但是服務員堅決話唔係，結果竟然是我們這台的！服務員廣東話都聽不懂！更說不流利！香港今時今日的服務態度！

從來冇喺openrice寫過食評，但係去完呢間垃圾酒樓真係忍唔住，希望大家唔好中伏！一入到酒樓，見到地下地氈成塊都係俾一嚿嚿嘅塵同埋跌咗落地下已經乾咗嘅食物。行到入枱，見到上手用完嘅食物同餐具仲未清理，本人嚟講覺得呢個唔太重要，但係俾我見到店員拎枱布嚟嘅時候跌咗枱布落地下，然後舖上我張枱上面😰 餐具亦都有食物殘渣痴住咗，當我地叫店員換新嘅時候，店員仲要黑面！食物方面普普通通，不過餐廳冷氣似係冇開嘅，店員之間講嘢亦都好大聲。然後每請一個店員幫忙都要受一下佢地嘅黑面🤔 (自問都係禮貌派，唔該前唔該後)其實對我嚟講，地方清潔同店員態度重要性遠遠超過食物質素。而因為呢個原因，我以後都唔會再嚟呢間嘢🌚

附近有新酒樓當然要一試為快，精美餐牌同上菜時嚴重不符，算，忍你！ 問服務員個小炒王是否辣？佢去問完廚師話唔辣，結果辣o既，忍啦！ 試下個炒蟹，死蟹都算啦，仲要發現隻蟹鉗位有個好似比核彈炸完甘o既腐爛窿，最慘是吃到最後一舊先發現，今鋪真是飽到想嘔。 同場加影條星班，兩條寄生蟲，各位睇路！

同bb去飲茶，走時留低包bb零食。隔咗半小時左右，返去問吓侍應有冇見到執起，佢話有見到，以為是垃圾，用枱布包起收咗，叫我自己入去後欄度摷！講個個好似係部長！你同我講衞生問題，丟咗，我都冇咁嬲！怪不得呢間食評咁差！服務態度咁差，影衰東港城！D嘢食又唔係特別好食，咁嘅質素開係東港城，真係整cheap哂！唔該呢間飲食集團反省吓，點解d食客要特登上OpenRice 俾差評你！因為你呢間茶樓俾咗個好差嘅dining experience 俾客人！以後纳入黑名單！

壹匯中菜廰開咗一個月，在東港城及附近的商場，各式各樣的食肆也有，但可以坐耐啲酒樓就買少見少，新開張應該會有新意。我們一行四人，揀了「三五知己套餐」包括任選三款點心，一碟炒粉麵飯或燒味，小食一款，合共$148。我們點了瑤柱金菇炆伊麵、鹹菜豬肚、蜜汁叉燒腸、上湯鮮竹卷、川芎百芷蒸雞、養顔椰汁桂花糕。最欣賞的是藥材味濃郁，雞件蒸得滑嫩的川芎百芷蒸雞，真的食過返尋味！而甜品賣相亦吸引，用匙承載桂花糕，即刻變成一口甜品的感覺，的確不錯。

一入去個地毯起哂一舊舊食慾已大減，唔係家人一早搵左位，可以即走服務太度惡劣，一食完啲點心，問你啲嘢出齊未，諗住佢淨係收返啲蒸籠同碗碟，點知連筷子都俾佢收埋，再坐多陣，再問多次你啲嘢食出齊未，然後搵個friend(冇等位客)坐埋黎，忍唔住話佢有冇搞錯，個friend同個侍應走都走唔切點心超重味精，啲茶一陣除，好難食出返黎門口見到等位客同帶位嗰個都響度嘈，一片混亂嘈吵永無回頭，背脊骨落，影衰哂東港城！