壹號餐廳

營業中

休息中

今晚同老公落咗屯門搵朋友，睇完車之後就諗住去食晚餐！突然間我哋都好想食小炒，朋友就推薦左康景花園地下嘅茶餐廳。佢話呢間茶餐廳裝修過之後座位坐得非常闊落，而且食物嘅質素都高😛我哋今次分別叫咗四樣嘢食，其中兩樣係豉汁蒸白鱔，西蘭花魚柳，佢嘅西蘭花魚柳非常之入味，而且西蘭花不會煮得過熟。而且佢嘅蒸白鱔非常脫骨，而且非常爽口。另外我哋仲叫咗兩個係椒鹽鮑魚，薑蔥桶蠔煲，佢嘅椒鹽鮑魚一份有6隻，佢每一隻嘅都幾大隻，而且食落口都非常爽口彈牙。另外，薑蔥桶蠔煲佢係成個熱煲咁上，非常香！