壽司廣廚房 (已結業)

呢間野係無意中見到，路經見餐牌好似幾唔錯，所以決定一試！睇睇部分餐牌先！佢大大隻字話自家製麵，當然要試！都有套餐供選擇，可惜套餐內容唔係好岩食無酒精飲品，另有酒精飲品冷烏冬，牛肉普通，烏冬彈牙煙韌，口感幾好！不過佢連埋湯，個湯勁油，搞到賣相勁差天婦羅冷烏冬就好好多，分開上，有2隻蝦有魚同2件蔬菜，天婦羅炸粉薄，不過唔似即炸，唔脆，食材無乜特別，普通貨色炸忌廉蟹肉餅，呢個幾好食，不會太膩，有蟹味，個醬油(普遍吉列豬那類形醬油)唔係好配，會遮蓋左蟹味。普通貨色，帶子直頭無左帶子應有的味道，唔知食左乜咁總結: 唔係難食，但無野係好食除左個烏冬比較好，就沒有一樣係想再食，以呢個價錢來說真的十分失望！服務沒有什麼特別，沒有差但也找不到什麼好，cp值極低，相信也沒有什麼理由吸引再去

今日同屋企人黎食 一行三人 阿哥泊車 我同媽先到，叫左個晚餐豪華一人餐非常恐怖！天婦羅是淋的 魚生剌身不生鮮都算啦之後黎個鰻魚滑蛋鍋一灘水甘再之後仲有個燒牛呢個先係最crazy牛肉上菜竟然可以係凍既之後我忍唔住叫佢換因為你凍即係唔係即燒已經提個發緊夢既妹妹 唔好諗住將佢返煎 已經好老佢竟然真係將佢返煎 煎成牛肉乾甘俾我完全冇悔意一肚氣一肚氣！希望大家睇完千祈唔好去！

我是壽司廣的長期顧客，7-8年前已經開始幫襯尖沙咀分店。近年他們在沙田開設了分店，可以說是正宗日本料理中比較中價之選擇。食物質素是可以，也新鮮，但一定不能與尖沙咀分店相提並論。沙田分店晚餐3位吃到飽也大約 $1000。如果尖沙咀分店，基本餐一位未計加一已經 $460。如果是 Omakase 廚師發辦，沙田分店試過是 $1200 一位，而尖沙咀分店則去到 $2200 一位。比較可惜的是沙田店午餐是沒有咖啡及甜點，據他們說是因爲沙田店比平，但其實午餐來說，我們在尖沙咀及銅鑼灣吃到的價錢也差不多。銅鑼灣分店食物質素最不穩定，而且很常出現漏單情況。

去開沙田，順便食午餐，見到sushi hiro，一心諗係銅鑼灣店副線，實抵食⋯點知由waiters到食物都嘥時間。waiter好似發緊夢，問非所答，壽司廣喎，吾係快餐店囉。食物全部吾得，一個係壽司廣kitchen御set，未order已問清楚燒魚係咩魚，waiter回答係銀鱈魚，啲肉質好粗一定吾係銀鱈魚。另一客係壽喜燒，咁論盡既擺枱，真係未見過！客壽喜燒個汁完全吾夠味，好水，牛、飯、旦都吾係日本既。嘥時間嘥quota

收工難得去沙田，諗住食d平時冇試過既餐廳，咁就中伏啦⋯⋯140蚊一碗雞肉烏冬，烏冬碎到好似狗仔粉咁，雞脾肉鞋到好似煮過龍既雞胸肉，湯底好鹹，食完好口渴⋯⋯ 只能講好失望⋯⋯

樓面服務像茶餐廳，食物，整體上65分。玉子。蛋水不夠滑三文魚籽。有浸豉油，夠味道Lunch set :第一個：三文魚骨湯吞拿魚丼飯迷你鰻魚飯茶碗蒸千本漬~~~~~~~~~~第二個：三文魚骨湯吞拿魚丼飯牛排飯茶碗蒸千本漬個人認為最好的是吞拿魚飯

下晝出席完中學同學嘅婚禮，夜晚就同埋幾個同學仔一齊食飯，順便聚舊。係沙田附近搵食，就入左新城市，本來想去食上海野，但有好多人排緊，可能係星期六嘅關係吧，睇落都仲要等一排先入到去，就係同層搵下有無其他餐廳唔使排咁耐。由於大肚餓啦，餓到有d胃痛，就入左呢間食，無睇餐牌直接就入左去。坐低後發現呢間野價錢都算中上，我揀左個魚生飯都要成$140。等緊嘅時候就發現人手好似唔太夠，無咩人refill茶，咁再多d人客又會點算呢😌有三文魚同油甘魚，食落幾新鮮，味道甘香。每啖撈埋魚生、紫菜同飯一齊食，好滿足，雖然高價，但味道確實唔錯哦

假期同孝順的他去搵佢婆婆食晚餐，因為要推住輪椅出入，所以方便就腳啲就去左沙田新城市搵食。見想食日本嘢就黎左哩度，點知上菜速度慢，食物唔新鮮，仲要好貴！非常貴！哩度有得散嗌壽司嘅，不過就係見散嗌都唔係話平，所以咪諗住叫啲combo 會抵啲，點知真係中晒伏其實賣相還好，不過啲刺身真係好唔新鮮，真係唔好食哩度嘅丼平均價一啲都唔平，見佢個海鰻玉子丼好似最吸引，點知實物同餐牌嘅咁大出入！$170俾啲切碎晒嘅鰻魚同玉子，份量少得來，鰻魚應非常腥！玉子份量更少！餐牌係蒲燒嘅樣，實物係又乾又腥，真係諗起都唔開胃哩度拉麵就沒有的，只有烏冬同蕎麥麵，平均價亦唔平，不過都係想試下，所以嗌左。其實蕎麥麵條同湯底都不錯，只不過$140真係好唔抵，啲牛肉非常碎，每塊都幾乎係肥，如果咁樣價錢，絕對唔應該俾咁樣嘅份量小食都有嗌，最離譜哩個了！諗起都嬲！睇清楚張圖，之後睇實物就明了真係...洗唔洗咁孤寒？張圖仲起碼有多舊檸檬吖？！黎到真係嚇親，咁樣幾舊雞都收$100 ?!?!?! 味道已經5係好，仲要係黎晒所有嘢先上，明明係一碟咁樣嘅小食仲要個份量少得驚人！啲雞肉仲要皮多過肉，真心唔明點解咁樣嘅質素可以收咁樣嘅價錢，仲

set唔算抵買，但質量ok。一份三文魚頭湯。一份牛扒丼。一份炙燒魚丼。魚頭湯鮮。魚肉都夠。牛扒香但唔多兼且偏硬。壽司飯冇問題。 醋味夠。總體上菜快。 加十服務費198。人冇隔離多都有一定理由既。

話說同男朋友慶祝兩週年紀念日，原本同佢係新城市行完打算食譚仔，點知譚仔爆哂場，我地又肚仔餓，咪上去新城市搵！事前無睇人地D COMMENT就入左呢間中伏野！食物質素麻麻原本見到佢賣咁貴，以為用料一定好高級，點知同爭鮮一樣！又唔鮮又唔甜！d茶又淡又唔幫手fill！D Staff串過碼頭咕喱連fill茶咁基本既服務都做唔好！跟住ｄ Waiter同d 壽司師傅傾計大聲到成間鋪都聽到咁濟！舉左好耐手又睇唔到！Order果陣仲要勁串無離禮貌！開頭以為係D 暑期工，點知原來係經理黎！估唔到間野連經理都咁唔尊業！唔怪得其他Staff都咁樣啦！Overall呢間野免費我都未必黎！食到成肚火！

今日家姐黎我做野既地方找我食lunch,沙田我都開始食到厭，但難得家姐係度，當然唔貴唔食啦上到新城市7樓，度度都要等位，對於一個放飯人黎講，每分每秒都係金錢，難得呢間壽司鋪唔使等就食佢啦家姐叫左個刺身定身，佢話想食熱辣辣既飯喎。魚生新鮮肥美，仲好鮮甜，每一塊都夠厚我係壽司拼盤，送既蒸蛋唔夠熱，係微暖，紫菜上到黎我已經馬上食都係軟左，但手握既壽司唔會太實或太鬆。食物味道尚可，但唔知係咪因為3點落場，我1345入座後都無乜人理，個個都忙住執野，連茶都係差唔多走先fill過一次，有少少失望囉。

今日有個Friend生日，咁佢近沙田果頭，咪近近地去新城市食，咁食之前又無做Reach就入左呢間伏野！開頭叫左幾個魚生Set，原本都好地地，點知一去到食熟食就奶野！估唔到咁大間野d熟食仲衰過銀行中心D放題！唔講仲以為係佳寶買黎整！以為食物質素參差都算，點知d staff先黎重點，叫佢幫手加水加茶姐（有講唔該），個面仲黑過包青天，d茶仲彈到周圍都係！加單又舉左勁耐手都無反應，佢見到都唔願行埋黎！好似得罪佢咁！跟住D Staff傾計又聲大大，又唔識企埋一二邊傾，完全無尊重過在座既客人！真係落去食譚仔都無咁嬲！完全比錢買難受！

食物價錢稍高，但刺身新鮮、冷烏冬夠滑，物有所值。可是服務十分差，職員送餐時隨意放低，還下令客人自行把餐牌收好。更聽到？部長問：「你or 左未？」即order 左未...嚇死我

時常來沙田新城市廣場吃晚飯，吃慣了幾間，想找一間未到過的餐廳。曾經在壽司廣門外看過menu幾次，因價錢比其他附近的餐廳高，從未幫襯過。價錢高，但又滿座的，定有其原因，決定入去試試！我們每人點了一個丼飯，分別是最貴和第二貴的雜錦刺身丼($350及$260)。因坐在bar枱，一直看到不同的新鮮刺身美食！我們的兩個丼飯都超新鮮美味的明白了價錢高的原因！實在覺得很值得進來一試呢！當晚還看到劏原條三文魚！下次一定會再幫襯，試試壽司和刺身！可改善之處：侍應們如可以留意一下幫客人加熱茶就更好喇！另外，如師傅跟坐在bar枱的客人有一點點交流會使客人吃得更開心！

星期四晚上，內子想在沙田新城市廣場吃日本菜，因為沙中的元氣結業，所以便毅然上了市廣場7樓的壽司廣廚房。素聞這裡價格較高，所以8時左右來到，也無須等位便直接入坐。玉子壽司($15)看圖就知道蛋比飯多，乾濕度適中，一口吃下滿足感不錯。鰻魚壽司($25)雖未如餐牌所見的長方型，但肉的比例還是偏大，鰻魚汁配上鰻魚肉的味道不算特別吸引，尚算合心意。煮帶子壽司($20)略有醃過，有點點咸味，不過感覺反而欠缺了一點鮮味，味道就顯得格外普通了。內子喜歡的海膽手卷($50)，份量適中，有預期的鮮味，是她預期的味道，中規中矩。筆者不吃魚生，自然點了熟食。這個牛肉烏冬湯底雖淺，但湯味比預期更濃郁。薄薄的牛肉帶有少少肥，十分香嫩，份量也適中。烏冬是略扁不圓的那種，有自家製感覺，頗為彈牙。整體上十分滿意，惟筆者略嫌性價比低，如果大碗多一點就好了。黑豚叉燒薄餅的叉燒不像我們燒味的叉燒，但又不像湯拉麵那些。經醃製的味道頗咸，而且有趙口。叉燒與薄餅切成兩口一件，比預期香口。值得一讚是薄餅上配了不少沙律菜，把這道菜的肥膩度減輕不少。整體上這頓日本菜尚合心意，只是真的價格略貴，性價比差了點，想飽餐的話，要多點預算。