壽司郎 (大埔超級城B區)

營業中

休息中

已經系大埔開咗幾個月既壽司郎🍣熱潮一直沒減退，排隊係勁恐怖😖多數都選擇平日放工去食😋性價比高嘅壽司🍣真係又愛又恨需要等位，但佢真係值得等嘅😆🙊一坐低，即刻點最鍾意食嘅吞拿魚😋真係好新鮮肥美，色澤均勻今次就試吓海膽壽司個海膽都好有驚喜😙仲有小食都好好食最鍾意就係雞軟骨😌因為前牌係萬聖節都推出左個南瓜焦糖蛋糕，南瓜味好濃郁，加上面頭有一層薄薄嘅焦糖😍😋

好心請人都請啲聽得明人話嘅人 我打電話買外賣一聽就知佢口音唔清楚 我講左好多次要C C for Cat 都可以落錯單😑 我仲講埋全部三文魚個個 都可以落錯個下 我唔知講咩好😑 因為係屋企人去拎 佢哋冇諗過係錯 之後就冇理過 好心請啲人係正常啲好唔好？一係唔好有電話外賣😑有就好心做好少少 職員做前培訓做好啲 又冇地方可以投訴😑 買完返嚟蝦敏感 咩都冇得食 大大拿拿$88 多唔多 少唔少 但冇午餐食啊 邊個賠償比我啊 😑好心請啲好少少嘅員工 聽得明人講野 有耐性少少嘅 佢個員工勁趕😑下次外賣平台買仲好

【香港•壽司郎】—————————————————————————相信唔使多介紹大家都認識 #壽司郎瘋癲時期曾經網上炒飛所以話 香港人係幾鍾意排隊 不論係咪食今次介紹T小姐頭三甲🍣醬烤鰈魚鰭邊 話說魚油香超正 每次叫兩碟 一碟唔夠喉😋🍰北海道南瓜焦糖燉蛋蛋糕無咗卡達拉娜😿可能近HelloWeen 南瓜呢款好creamy🍯🍠日式焦糖蕃薯今次都叫 雖然凍冰冰 但包住厚厚焦糖好正總結 記住冇網上拎飛 只可以睇飛號以T小姐經驗 等100張枱即大約個半鐘 自己預時間服務質素：😊😊😊😊😊食物味道：👅👅👅👅👅性價比：💰💰💰💰💰 人均消費 HKD160✨✨✨✨✨✨✨✨✨✨✨✨✨ #nkiki日本菜🏠 壽司郎 📮 12間分店#Eeeeeats #FoodPhotography #Foodie #CleanEating #hk #hkfoodie #hkfoodieig #foodie #hkig #hkigfood #igfood #foodblogger #foodphotography #foodiehk #foodstagram #hongkong #hkfoodshare #香港美食 #美食

每次經過壽司郎都好多人排隊，今次專登早少少去，唔駛等好耐就食到啦。我平時鍾意點蝦三貫、甜蝦軍艦，覺得幾抵食。呢度嘅茶碗蒸、溫泉蛋烏冬、甜點都ok, 所以我每次都會必。😅今次試咗個雪花和牛都唔錯喎

大埔新開嘅壽司郎成日都派晒籌同排隊排四五個鐘，所以一直都對佢望而生畏，但又心郁郁想試下係咪真係咁好食！終於去到九月中的起心肝去試下，果日我地係六點開始拎籌，排到七點半就有位，算係幾好彩！入到去咩都好新奇，見到碟壽司喺自己專屬嘅軌道嚟真係好得意！黎到D壽司真係好新鮮，唔會有一種擺左好耐嘅感覺。特別推介期間限定炙燒吞拿魚扒 ($12一件)，同羅勒火炙芝士蝦！好出色！最後食埋個抹茶芭菲，成件事好完滿！見到佢個Menu個熟食，拉麵嗰ｄ好似都唔錯，下次可以試下！

今次係第三次食，前兩次都係週末時間，等4個鐘先有位。今次係平日下午茶時段，但都等左個半鐘🙈今次一個人食。食得唔多。主要都係食甜蝦同三文魚。甜蝦性價比極高，好新鮮，三文魚都係，又厚，每次必食👍🏻北寄貝都唔錯，唔會太勒，同樣係好鮮的感覺。另外係牛奶雪糕。唔滑，但好香牛奶味，不過我鍾意加綠茶粉，變左綠茶雪糕🤣另外，朱古力芭菲都唔錯，不過今次無食，食唔到咁多如果等到位，依然會再食，不過真係好多人、要預留等位時間先食到。

收工放晚了，可以去食壽司郎🍣當接近結束營業時間，可以去壽司郎博一博運氣，不用等位，可以直接入。💕溫馨提示：最好一次過點選所想吃，因為會有last order。🙈所以這次成枱都放滿了壽司🍣😆貫徹到底，抵吃不用講😆這次想特別推介新推出的《日本產烤牛肉海膽》！海膽當然算不上新鮮，但配上這塊烤牛，好好味呀！💕💕此外，這期是まぐろ鮪為新主題，《中吞拿魚魚腩配醬漬海膽》也好好吃呀！😍😍另外《厚切長鰭吞拿魚魚腩》真的很抵吃！真的超厚超大舊！抵吃！👍🏻

晚上大埔我可以斷言 大埔其實係一個夜鬼飲食天堂因為無論大埔墟或者大埔中心都有好多開到凌晨甚至乎二十四小時營業嘅食肆 而且每一間都好有特色 實力雄厚當然 生活作息正常嘅你 唔係下下要食宵夜先安樂嘅 想食壽司 大埔就有壽司郎嘅分店大概食物內容唔需要我介紹 相信好多香港人都會好清楚 但係時間方面或者有所不同我就試過晚上8:45入座9:45分截單9:45離席要把握放工返入大埔時 食壽司嘅尾巴 這就是最後時間了服務員間中會宣布唔使等位嘅吧枱座位見到有街坊自己一個人 都可以馬上入到去你就知這樣的服務很一流啦👍🏻👍🏻

壽司郎一向都係受歡迎嘅餐廳，相信大家一啲都唔陌生。今次嚟到大埔壽司郎朝聖，因為係walk-in 嘅關係，所以排隊將近兩個小時先有位，我哋8:45入座，原來9:15就last order，9:45環離開。對於晚餐來講，一個鐘頭用餐時間，的確非常緊湊。值得推介嘅係海膽壽司、拖羅壽司。海膽壽司價錢相宜，海膽雖然算唔上非常新鮮，但勝在性價比高。拖羅壽司夠肥美。最驚喜嘅係茶碗蒸。熱嘅茶碗蒸周圍都有，但係壽司郎除咗熱，仲有推出凍嘅茶碗蒸。兩款茶碗蒸嘅用料都一樣，但凍嘅茶碗蒸上面有一層鹹鹹地嘅高湯果凍，配上口感清涼嘅茶碗蒸，食落無論係口感定係味道都有驚喜。

壽司郎進駐大埔超級城，正正在地下一田附近，開業近月都好多人幫襯，終於試到一個幾好嘅拎飛攻略，大約可以晚上7點前就食到! 由於係周末，食肆普遍都較多人，大約4點前往Counter拎飛(四人)，家庭卡位飛一到左5:30後就突然叫得好慢…. 最終我地6:30都已經可以入座了! 都試左好多碟唔同價錢嘅壽司，其實好多款都好唔錯! 第一次食就本著乜都試下嘅心態啦! 不過食食下都發現食左好多貴碟!特別推介拖羅、帶子、赤蝦、茶碗蒸。大、中拖羅都入口即溶，魚味濃，可以再厚身D；帶子同赤蝦好爽甜，依個價錢食到咁高質，好值! 茶碗蒸蛋好滑入味，仲有好多材料!!而甜品都試左3款，個人覺得必食白桃芭菲，雪糕香滑；沙冰都好濃白桃味! 第一次嘅壽司的體驗好唔錯!!

今日係大埔食呢問噉嘅嘢叫飛方法簡直食糞係噉俾補飛(叫緊100幾補張50)係人到拿咗飛特登過半個鐘頭内即刻返嚟其實過咗20張就唔應該補啦叫bar 枱種衰好似拍賣咁(Number 底者得)食得迴轉壽司分咩bar枱唔bar枱質素又唔突別好食又唔突別平要排咁耐唔會有下次唔好意思係大埔分店寫唔到食評但實在太嬲

今日係大埔食呢問噉嘅嘢叫飛方法簡直食糞係噉俾補飛(叫緊100幾補張50)係人到拿咗飛特登過半個鐘頭内即刻返嚟其實過咗20張就唔應該補啦叫bar 枱種衰好似拍賣咁(Number 底者得)食得迴轉壽司分咩bar枱唔bar枱質素又唔突別好食又唔突別平要排咁耐唔會有下次唔好意思係大埔分店寫唔到食評但實在太嬲

大埔新店開張已過一個月，今日去到仍然好多人！今次早上早咗一個鐘去到拎飛，10:30am一開就入得。但如果啱啱係正10:30am先拎飛，就可能要等到下午茶先入到去，超級多人！為咗食一次，我哋當咗早餐咁食！食材保持高質素，非常好！有好多壽司種類，自己用機下單都冇問題，出嘢食速度都幾快！特別係吞拿魚，會分幾個級數，高級嘅吞拿魚，必要食！絕對入口即溶！甜品都好出色，芭菲雪糕好香奶味，甜甜的。仲有布朗尼朱古力蛋糕跟上！

壽司郎終於喺大埔開咗，當然要即刻拎飛捧場啦。好在佢有app實時睇到叫到乜no. 我哋住咁近梗係返屋企unun 腳睇電視等。第一次食侍應會介紹返可以食迴轉或者用平版電腦即點！壽司同熟食種類都幾多，不過有啲可惜冇刺身同暫時未有酒精飲品。開業特別大拖羅，入口即溶。八爪魚一食就知同平時質素差好遠，日本級數，加埋紫蘇葉好食到爆炸。蝦嘅處理都好好非常嫩滑。同女朋友乜都試吓結果就食咗咁多，哈哈。值得一題係飯嘅味道都好香！只可以講完全超級高質素，與同類型餐廳比較上嚟係超班！價錢卻非常大眾化。性價比咁高唔怪得咁多人排隊㗎！

見大埔新開壽司郎，同朋友去試食。2個人食咗 5個紅碟，6個銀碟，2個金碟，1個黑碟仲有牛奶味卡特連娜同白桃味芭菲，埋單是$315呢個價錢同壽司的質素，可以算係高性價比～最中意是係蟹膏壽司，同乾蔥大蝦壽司，都係比較特別，少食到的上菜速度都算快而且食物新鮮!白桃味芭菲份量比想象中大d，但原來只有一小球係芭菲。上面有3件白桃仔，都幾鮮甜略有要改善的地方或者係上菜方面，只點咗1份蟹膏壽司，但就黎咗3份; 而另外叫的三文魚子壽司同吞拿魚壽司就漏咗。不過同店員講返之後都好快處理返。仲有就係明明只食咗45min，熒幕就提示我地已經食咗60min，搞到忽然食得好趕 希望可以改善一下以上2個問題啦