外野手 (已結業)

今晚同個fd去食放題...聽佢好似講到好正咁..一於要試下...一定要訂位..唔係一定無位!我地order左刺身..小食...有d翅同埋d湯飯....個刺身就擺到好靚...好好食又新鮮!其他都ok~不過有幾樣野就漏左單....但係我地都食到好飽....算數!!名方面都平均...唯一欠缺左個厠所...唔係就prefect喇~~收費貴左d...

18 August 2006 (Fri) - 晚飯慕名而來，好在有book位，雖然咁隔攝，但都好多人去．．．都要$148一位另加一架，仲要唔包嘢飲！叫咗頭轉魚生試下味先，咦！又幾好喎，舖頭個樣係比較舊啲，位又較迫，但係食物真係幾唔錯，連魚生都算新鮮！嘢飲雖然唔包，但係都係好平啫，可惜冇晒烏龍茶啦．．．真係唔開心！呢度既炸蝦係好好味架！尤其是係黃金蝦卷！至於麻麻地好味既就有：七味軟殼蟹，因為佢似係天婦羅多啲，即係炸粉太多；仲有個鷄翼冇乜味；其他食物都ok好味！講到服務，我覺得呢度既服務水準偏高，啲waitress個個都好好笑容同友善！由於食食下佢要求我哋轉枱比另一group三個人既，我哋又唔係好願轉，佢就話比我哋嘢飲任飲唔駛錢，咁既服務態度-以客為先-真係非常好呀！！！=)會有下次，亦可以試埋佢紅磡總店．．．

家人生日,在尖沙咀皇悅酒店及這裡選擇,選了後者.我自己是第二次去食所以一早訂位.到達後安排我們坐係房門口,很熱(扣分).餐廳服務亦好. 食物方面味道ok.魚生-新鮮 熟食-好味(炸蝦天婦羅、雞軟骨係至愛)上菜慢有漏單(點了三文魚籽三次都無來) 家人十分滿意!總括來說我覺得還是物超所值的，絕對值得一試再試!

之前無意中發現了外野手有放題供應，而且價錢合理，故昨晚特與一位喜歡吃魚生的為食友人一同前往(前幾天訂位)到達後覺得環境不俗，雖則地方略嫌狹窄，但整體都尚可接受!餐廳服務亦好，侍應們一開始便向我們解釋如何點選食物(因為魚生和壽司會雙份上，即在點選紙上寫一份，便會出雙份)，及後我們不為意的在點選紙上點了四份加州卷(即出八件)，她們亦細心的向我們詢問數量是否正確，服務態度良好!至於食物種類方面都算多，魚生的賣相唔錯，不過個人覺得味道方面除三文魚外其他都一般，有的可能雪得太久導致口感較硬。壽司則以炸蝦壽司味道最佳!不過熟食方面我就好滿意!和風一口牛、芝士焗餃子、吉列蝦、炸蝦天婦羅、雞軟骨粒粒、八爪魚丸、紅豆脆撻等都有一定水準!更好係唔會好似某些以平價放題作招徠的店舖，叫的一係無，一係就俾少少份量，無叫的好似烏冬等就大大碗上，上菜又慢兼經常漏單，外野手就無呢個問題出現，抵讚!總括來說我覺得外野手的放題係物超所值的，絕對值得一試再試!

n 年前試過新蒲崗果間, 地方唔及呢度好, 野食都ok,今次專誠黎呢間試下,六點半到, 得三兩枱客, 侍應小姐好殷勤招呼, 決定食放題后, 侍應小姐更解釋一次叫法同order 分量, 好細心先黎各式刺身一大盤(好食再翻單叫), 個sashimi一上枱個look, 睇得出師傅係砌得都有心機, 其他枱由於人多,叫得多, 成隻船咁上, 真係睇見都好滿足ga, 席間有美少女仲特登響起筷前,用手機同個刺身船黎個合照, 好攬鬼接著再叫:-1) 炸蝦天婦羅四隻2) 冬菇天婦羅兩隻3) 燒牛舌兩片4) 炸雞軟骨粒粒5) 可樂骨(即豬軟骨)6) 炸軟殼蟹(大概四件) 7) 炸雞皮兩串8) 十蚊三支既可口可樂見佢散叫一隻魚生船都要$220, 同朋友二人食左以上咁多野都算回本啦~食物既味道同水準都可以話above average, 比預期中好,e.g.天婦羅唔會油淋淋, 個脆槳好俐落,無一pet pet,sashimi 尚算新鮮ok, 炸雞皮唔會又乾又硬... 唯獨是可樂骨有d失望其實佢重有好多其他野好似好好食e.g.10蚊5個雪米茲, 一口牛, 炒飯(個look 勁吸引), 煎餃子....etc不過真係食

今次我同朋友A帶埋朋友B黎呢樹食下。因為上次食多太少，好唔抵（哈）。今次發覺唔可以再蝕抵，所以由朝早到下午都係留肚狀態，未到６點已經餓到暈（笑）6點開波，我係咁食係咁食，狼吞虎嚥ｍｏｄｅ＾ｏ＾果然人肚餓真係會覺得ｄ野食好味得多，雞翼﹑壽司﹑熟食等等統統入哂我個肚肚度，除左我至愛既蝦卷今次麻麻地之外，其他野食真係好好食！！（上次食都ｆｅｅｌ唔到咁真實，哈）連第一次黎既朋友Ｂ都大讚ｇｏｏｄ哩＠ｕ＠服務比上一次好，好似服務員數量多過上次。另外食到７點幾都見到仲有ｄ吉位剩，ｓｕｐｐｒｉｓｅ！＾＾

第一次去,選擇散叫...見大部份客人都食buffet,當中仲有獨行俠添,見佢係咁叫係咁食,肯定食突啦,哈哈...我地二人order左:1) 牛肉村鍋定食$46 (個鍋有牛肉,旦,洋蔥及什菌,日式口味甜甜的,牛肉夠嫩滑,好送飯),另有三文魚刺身4片及麵豉湯2) 天富羅烏冬定食$46 (有3只蝦及其他什菜),另有3件壽司3) 日式炸豆付$32,共4件:幾好幾好服務幾好呀,食物也新鮮,有機會想試下食buffet (每位$148另加一,任叫任食2小時)

阿媽成日話想食..咁我今日咪同佢去試下囉...其實食平價日本放題..都唔係好有信心..因為之前食過北之家族都麻麻..點知今次都ok..款式唔多..不過每樣野叫0左既佢都冇走單..每樣野俾小小..咁就可以試多d..較好食的有鮑片壽司,蟹籽都好食..紅豆脆撻都ok..佢每樣熱盤都真係好熱的..唔會冷冰冰咁俾你食..如果你食到20件三文魚刺身,幾件軟殼蟹&北寄貝...都抵喇..當然你唔可以expect佢係d好fresh..的頂級野..過下口癮都ok既d waiteress 好好..會幫你收碟..加水..不過佢d位真係太迫了.

我次次o黎親呢度都叫佢地o既雜錦刺身定食。包括有：油甘魚、鮑片、三文魚、甜蝦同白拖羅。但尋日去到唔知點解白拖羅變o左做八爪魚呢？呢度o的定食除了抵食之外，用料都好新鮮。份定食仲包括左有麵豉湯、燉蛋同飲品添！一個人食已經好飽。咁o既價錢食到o的咁好o既野真係抵！

朋友本身喜歡食日本料理，佢好推介呢度既放題，因為佢上次響南丫島請左我食海鮮，今次佢帶我黎呢度．．．要我請返佢食飯，哈哈！因為我唔食刺身，熟食方面：７味軟殼蟹同炸蝦卷都好食～佢ｄ熟蝦類食品都好ｏｋ！綠茶冷麵一般（超大碗＞＜），雞翼好食（嘻嘻）等等朋友都一直幫襯開呢度，佢特別好ｄ刺身，佰幾蚊可以任食佢ｌｉｋｅ既刺食，抵呢方面已經贏哂！＾ｕ＾途中我地叫左十蚊三杯的飲品,又係超~大杯啊!!睇見隔離木台對２公婆係咁叫刺身食，唔使三個回合已經回哂本啦，哈哈！最後佢地叫左個烏冬，點知係超級大碗，大家一齊ｏ哂咀～朋友話黎之前要ＢＯＯＫ位，時段係６－８：１５ＰＭ／８：３０－１１ＰＭ，唔ｂｏｏｋ冇得食（汗）。我見當日全場都ＦＵＬＬ哂，真係好難做到街客ＷＯＲ＝＿＝｜｜｜

去過2次夜晚buffet, 覺得唔錯!刺身都ok新鮮, 野食同d小食都唔錯, 記得好食既好似有炸薯餅同埋可樂雞翼, 都幾多選擇, 如果一大班朋友去, 樣樣試d 咁最好~最抵係有人生日時全枱免野飲!!同埋送o個個壽司旦糕好甜,都幾好味~^_^"d service 都不過不失丫, 都算有禮貌,但有時d野食好耐先黎,最唔好係冇獨立toilet, 去工廠大廈o個個又遠又dirty...差不多$150 一位都算係咁啦~ 會再去既!

掉咗去觀塘做嘢, 終於有機會試到呢間嘢, 去到得一枱客, 有D驚.雖然選擇唔多, 但前前後後都叫咗成三十幾樣嘢, 但味道真係.....好一般, 講衰D仲差過和民, 而和民我已經覺得好一般刺身唔算新鮮, 燒物過咸, 叫咗個翅就好似飲緊個"獻"汁, 燒鯖魚就好腥, 炒菜好油, 唯獨服務就好好, 不過唔知係咪少人關係, 因為由開始食到我走都係得七枱客(已經包埋我).$150 幾完全唔值

一個字"掂",和朋友們很耐沒有聚聚,新蒲崗那間食過一兩次,都ok.今次試下新鋪,我同二個朋友星期四早一日訂定位,都未滿,好彩!!!但自助餐只得2小時好像不太夠,總好像很趕很趕,未能慢慢享受,但食物和服真務真的"掂",刺身好新鮮,食物即叫即整,食物無漏單,但人手真的不足,上菜有點慢,服務真係幾好,服務員有笑容.食物,味道:good服務: ok但2小時真的不夠

刺身係幾新鮮但係冇乜特別o野食,百伍蚊貴o左o的侍應態度一般上菜時間不定,一時等好耐,一時一次過上

估唔到觀塘的工廠區內都有間咁抵食的日本野個大大碟的三文魚壽司飯都係40大元重有湯, 綠茶同燉蛋d三文魚好新鮮好大件d飯係日本珍珠米, 水份恰到好處加埋d甜醬油真係令人固味~