影片
港鐵大埔墟站 A1 出口, 步行約9分鐘
繼續閱讀
附加資料
逢初一十五不接受訂位; 有兩張12人的大檯，其他是4座卡位和小檯
營業時間
星期一至日
08:00 - 22:00
以上資料只供參考, 請與餐廳確認詳情
骨子裏完完全全係食肉獸的我很難判斷齋菜的味道，不太能作準。五榖黃瓜湯，勁多湯渣，其實淨水可以的了。甜美湯汁充滿瓜味蘿蔔味蜜棗味，如果溫度再燙一點就更好飲一點。菜甫炒蛋，色香味俱全使我不能自拔，真係要撈兩三碗飯先夠喉！青豆粟米紅蘿蔔添上甜味，跟菜甫咸味擦出火花，最後仲有爽嫩清甜芥蘭墊底呢。菜甫蛋勁足料真係好好味，必定要狂撈飯！絕對能夠送兩大碗飯都綽綽有餘。羅漢齋湯麵，真係好齋！估唔到係白色四川拉麵，幸好嚥韌不太腍，頭頭有點淡加辣椒醬提味舒服許多。西蘭花金菇肥牛，西蘭花有點腍不爽脆，肥牛像真度極高，以假亂真！味道質感近乎完美。白飯，有飯焦而且微溫不熱，立即要求嬸嬸換過碗新鮮熱辣，天淵之別。乾燒伊麵，足料好好味！最衰廚師忘記走芽菜，我又要續條挑走，挑乾淨後碟伊麵凍晒喇，食味急降！素肉雜菌伊麵，原本三分鐘可以食完，因為要花時間慢慢挑走所有芽菜，用上十幾分鐘消滅，阻住還枱給其他食客享用晚餐呢！。金瓜湯，到底金瓜是什麼？南瓜湯？味道甜甜的，我不喜歡甜湯的。麒麟卷，原來真身係榨菜肉絲腐皮，煎得十分香口可愛。榨菜咸咸脆卜卜搭著嚥韌素肉，水潤的餡配乾爽的皮，整體還可以。發財好市，真的有蠔豉味喎！大量髮菜索味索汁，蠔豉外皮超級嚥韌，仿如有脆漿的炸蠔，美輪美奐。仲有生菜墊底，用生菜捲住髪菜蠔豉更加滋味。羅漢齋伊麵，超足料多到鋪滿碟面，所有伊麵都被淹沒！雲耳、鮑魚菇、蘑菇、雞髀菇、豆卜、珍珠筍、菜芯、冬菇、紅蘿蔔，共冶一爐！終於食到香口嚥韌帶汁靚伊麵，完整無缺長啜長有！夾著不同配料品嚐格外醒神。
繼續閱讀
今日去斯大埔依間多利民素食，嘉欣大埔係素食沙漠。我就叫咗一個羅漢齋炆伊麵，價錢係OK嘅，味道都唔錯，但係真係太油。所以我就同貌似老闆嘅人講叫佢唔好咁重手，因為真係好油唔該唔係好健康。盛惠$$56，而家一杯豆漿，價錢真係算唔差。但美中不足嘅地方係佢部份櫈係圓櫈，所以坐得唔舒服。呢度有好多唔同款類嘅餸菜，但通常都係配白飯，如果要轉面嘅話通常要加$10。我覺得轉麵要加$10好似有少少Overpriced
繼續閱讀
聽說這家是一間大埔老店，今天終於有機會光顧，因為有朋友推介必食他的麒麟卷，所以專程去試一試。麒麟卷當然必叫，另外問店員有什麼值得一試，她推介我們可以試一試他們的香芋蓮藕餅，因為很多客人都喜歡點。另外我們還要了一份細的酸齋拼盤。麒麟卷果然名不虛傳，外層當然是腐皮，不過似乎皮比較厚身，炸好後做到外面是炸腐皮的鬆脆，內裏卻有保留腐皮的新鮮豆味，口感一流！它的餡料主要是榨菜和素肉做的肉絲，然後再配上一些菇菌，味道非常匹配，值得一試。香芋蓮藕餅味道也不錯，將蓮藕切片然後釀入芋茸，落鑊炸，所以很香口。酸齋拼盤強差人意，主要是其溫度太低，似乎是直接由雪櫃取出，剪開後直接上枱，當然明白酸齋是冷盤，但此酸齋感覺太冰冷令味道失色。午餐時間送上來湯或豆漿，我們選了例湯，清清的蘿蔔湯感覺很好。
繼續閱讀
第一次黎食，座位不多，環境好舊吓…望住個餐牌，好多選擇。原來可選兩餸套餐，包白飯素湯。研究咗好耐，終於揀咗黑椒素鰻魚拼茄汁素鴨，鮮茄滑旦素肉拼黑椒素鰻魚，選擇少飯。鰻魚原來係炸腐竹紫菜卷，淋上淡淡的黑椒汁，微微的黑椒幾提味！剛炸起的齋燒鴨，淋上鮮茄醬汁，好味又健康！兩餸有生菜墊底，老黃瓜雜豆紅蘿蔔素湯清甜無味精。46蚊一人套餐，仲要好味健康！推介。
繼續閱讀
大埔不嬲都多嘢食。今日又準備出街食午飯。但最近食得太多肉，今日想素一吓。於是就嚟試吓食素啦。齋菜嚟到喇，配咗一碗湯同一碗白飯。齋菜嘅款式都尚算豐富。而且味道都唔錯。
繼續閱讀