多寶美食 (已結業)

小時候已很愛吃這家的魚旦，全因其獨有辣汁，令所有食物都非常"入味"。其中最愛是齋、魷魚更是推介！前者可盡吸收其精華，後者非常爽脆！令人慾罷不能。再加上已在很遠已嗅到的炸大腸香氣，吸引不少人自動自覺的拿出銀包來。雖然炸大腸不是吃過最好吃的，但其外表亦算脆口，而且流量很高，即叫即切。伴以甜、辣醬一流！同時亦提供碗仔翅及生菜魚肉，加入辣菜脯，十分惹味！

唔算鍾意掃街 但一向都會搵吓邊度嘅 辣魚旦 或者 炸大腸 比較好食魚旦的話 大槪花園街同埋通達算係好食而炸大腸 前排我終於搵到一間物超所值嘅鋪頭同一般嘅炸大腸唔同平時嗰啲 係吉好晒一串串 你俾錢 佢掉落油鑊炸呢度係成條未切嘅大腸 一路炸緊 等大家去幫襯無錯 係一路炸緊 但因為一路都有人買 唔使驚佢炸到燶晒都仲賣俾大家呢個做法 可以令到大腸外面炸到酥脆 入面仲好嫰滑 又唔會好多油落 order 俾錢 佢先一件一件咁切好 一串五件俾你不得了 原來 好食嘅炸大腸真係好食啲

由細到大都喜愛"掃街", 可惜現在講求食物衛生, 從前屋村的小販攤檔消失得無影無蹤.於等朋友期間閒逛, 驚見失傳的炸大腸. 老闆是把整條豬腸放落油慢慢炸, 到客人order才切件, 這樣豬腸才可以外脆內軟, 唔油膩, 我落晒酸梅醬, 甜醬, 辣醬, 芥辣醬. 外皮脆似薯片, 裡面套腸無油無異味, 正正正一串5件$8, 買工夫買兒時回憶, 抵到爛.

經歷完黑店後, 坦白講師傅心情久久未能評復, 同好友食家"乜都放入窿"分手後, 師傅就獨自行回家, 回家途中食癮發作, 其實最主要還是內心得不到滿足, 於是師傅就喺自己個環頭四出覓食, 最後就黎左呢間街邊小食!行到埋去師傅一口氣柯打左魚蛋, 墨魚, 燒賣同埋牛柏葉各一串! 由於時間比較夜, 因此食店門外能放兩張餐枱, 於是就決定堂食, 好讓師傅坐底慢慢品嘗; 第一啖先試墨魚, 墨魚灼得爽口唔韌, 配上香辣咖哩汁真的不錯; 再試魚蛋, 魚蛋就略為失望, 皆因魚蛋腍身唔得爽口, 係就係幾入味, 不過口感略差, 所以扣唔少分, 一般啦; 至於燒賣入口後唔會好似舊膠咁, 水準就普普通通, 並無驚喜; 最後牛柏葉就爽口唔韌, 雖然未算最爽, 但四款小食中師傅就最欣賞呢款! 值得一提係呢間食店嘅咖哩汁真的十分香辣惹味, 縱使食材不算太出色, 幸好咖哩汁上佳, 否則真係可以不試了! 總括黎講食物質素普普通通, 環境喺街邊, 服務尚算友善, 價錢就市價, 六蚊串魚蛋同燒賣, 七蚊牛柏葉同墨魚, 埋單廿六, 接受到啦! 經過黑店嘅摧毀後, 呢間食店總算帶比師傅少少歡笑, 雖然談不上最好, 但絕對令師傅

不知什麼原因, 夜茶前的下午竟比平時快肚餓,五時多已開始咕嚕咕嚕作響, 結果跟同是肚餓的易放在佐敦找點小吃醫肚。附近一間小食店種類比這家還多,但門前那陣坑渠味卻有點倒胃,反而這家步程多一點的多寶更為企理, 而且店前還有一個有蓋垃圾桶,誠意加分。那盤炸豬腸($7/串)實在勁吸引, 橙紅色大大一條豬腸在油鍋裡炸著,一定比已切段而炸的好吃, 外皮炸得酥脆又夠薄,中間套腸因原條而炸不會過乾,還有點肉汁(油?!)的腸身軟韌有致,那陣微微的腸味才像吃豬腸,但又不會過於濃烈令人反胃,抹上丁點黃色芥末就真好吃!魚蛋($6/串)看來煮得很入味似的又來一串, 用上爽口小粒魚蛋而非實的的魚蛋,魚蛋外層味道微辣中間魚肉部份就爽爽的,味道只停留在表層,吃來未及其外觀吸引, 也許葵芳區的魚蛋實在不錯,相對之下就不算很出色,路過也可一試。 其他客人的魚肉燒賣又似乎頗像樣,似乎蒸得火候剛好半透明之流,又是隔離飯香之故! 未光顧時小店真的沒有客人,店員們都非常閒暇,當我們開始買魚蛋豬腸時,人客開始陸續到來,到我們在店前享用小吃時,不知在那裡跑來一群客人將小店圍著,招財貓絕不是浪得虛名。少有的沒拍照寫食評, 因其炸豬腸真

好耐無掃街...不是不喜歡實情是十分喜歡...只是旺角賣的不是我要的. 但多寶真的好好,每一次食到即做的,不會炸定一大盤.這裡最好的是炸大腸.薯片一般的外皮內層又有汁唔UN.當然也沒有大腸的臭味(今時今日你想找到食神的火雞大腸？無可能)再來是魚蛋豬皮. 選料好,魚蛋有彈性...正常的不會有好強的魚味辣汁剛好;豬皮QQ的,不會像一些淋到一PAT茄,但又不是爽愁愁.兩溝也精彩,魚肉彈今庁人真係有啲魚味,肉絲就真係有肉香...勁.記得加菜脯喎.

呢間都係廟街掃街必選黎架.店子環境乾淨,卻是賣一些街邊推車仔的美食.燒賣,炸豬腸,魚蛋,尤魚,殉皮,蘿蔔.....我最愛係足料生菜魚肉竟然多魚肉,少生菜喎.個湯底都夠哂味,又唔會太咸碗仔翅而家d碗仔翅大部份都唔好食.又少料, 呢間都幾足料,唔係得幾條肉絲俾你.湯底都幾好味.唔會太甜同太咸.亦無太"希" 同太"杰"合格炸豬腸因我唔食, 但老公話都幾香口喎..(最緊要乾淨啦)下次去廟街掃街,不況試試啦

以前放學都會去旺角家樂掃街那時食到的可能會肚痛但好好食但入舖後的小食們真係少食...全部得個樣似足隔敏油條.但今次經過老廟附近原本打算去明記食喳嗏,但見到多寶的炸大腸實在忍一到了,一條半製成品你order後才再炸外層脆過蝦片內部還是滑滑的.要多碗魚肉翅...魚肉就普通,當然的有味精但是他們的肉絲真的用撕的不是肉條算是用心得很.

昨日咁岩路經此地,見口淡淡就去左買d小食食la介紹如下:咖哩魚蛋(7元/串)平時好多店鋪的咖哩魚蛋都剩係得個辣字..但呢間野唔同..當食落口時,d 魚蛋好彈牙,又有好香的咖哩味..咖哩味適中,..辣得黎又唔會掩蓋咖喱的香味,而且個魚蛋還好入味tim 丫….^^豬大腸(7元/串)一講起豬大腸就真係覺得自己食左一串太小la>.我應該買多幾串..點解我咁講? 因為豬大腸炸得好味,外脆內滑,咬落去口感十足,最重要的是一點都不油膩丫..! 老闆娘超好野,一落單便馬上拎d豬大腸去炸,即叫即炸…保留住豬大腸的口感.碗仔翅 (13元/碗)味道ok 勝在料足 夠滑,而且13元 大大碗,好抵食