多美意餅屋

營業中

休息中

之前係開心果關注組見到有人推介開心果蛋糕，終於俾我經過尖沙咀可以買返件試下排隊等緊買蛋糕嘅時候，有好多街坊都嚟買、攞蛋糕，點解都算係附近嘅人氣小店開心果mouse蛋糕$30諗咗好耐是Oreo芝士蛋糕定係開心果蛋糕最後都係揀咗開心果關注組推介嘅開心果蛋糕開心果mousse 幾順滑，中間夾左層薄薄的餅碎幾crunchy 底仲有少少raspberry 醬，酸酸地開胃D柚子麵包$10柚子麵包輕飄飄，食落都幾重空氣感，唔推介

之前幾次覺得呢間店啲蛋糕真係幾好食，價錢又唔太貴，晚上同朋友食生日飯想再幫襯多次訂個蛋糕。當日早上致電問店員查詢可以供預留訂購蛋糕之款式，之後店員求就其離遠隔住塊玻璃影咗張 out-focus 照片WhatsApp 過嚟，睇到好辛苦至估到係咩蛋糕，確定要訂嗰款後店員就話要盡快俾錢，呢個都明白，唔俾錢就就冇得預留呢個款，過數付款同時指示店員要師傅寫一個 “Happy Birthday to XXX”  的牌放上去，當時店員應承話可以。黃昏到店拎蛋糕時候，明白當時放工時分比較客多，我去到時候一位店員叫我稍等，解釋因為師傅漏咗冇寫字，依家搞緊，之後就等咗差唔多成十分鐘，蛋糕上寫咗個生日字牌出嚟覺得唔似係西餅師傅寫（字體唔靚），後來追問之下原來師傅一早已收工，店員態度又敷衍，當時真係好㷫，我話根本你地冇做到，依家先至求其搵個同事寫。但係已經俾錢，加上時間緊逼趕住走，想退貨唔要都唔得！日後未必再幫襯！

成日多收錢！成日多收錢！成日多收錢！我兩公婆，這一年內被這間鋪多收錢！由兩三蚊到十幾蚊不等！每次都係等你攞住好多野、知你趕時間、落大雨，就會收多錢錢錢錢錢錢！佢哋面包唔係唔好食，但唔明點解要咁做，有生意的！你可能會話「咁啱啫」，十幾次喎，無誇大，因為平都買面包比小朋友，所以成日幫襯。我們一家當是其中的！我太太也親眼見到，專登多阿婆錢。成日多收錢！成日多收錢！成日多收錢！成日多收錢！成日多收錢！附近街坊上

收到嘅蛋糕比參考相片更靚 喜出望外壽星 & 大家都好鍾意蛋糕味道 比其他蛋糕店多選擇 今次揀咗開心果味蛋糕 因為比較特別 好好味 與朱古力醬面層好match 服務態度好會再order 再試其他味道

呢間位於柯士甸道嘅白色餅店，主要售賣麵包同糕點，最出名就係佢有多款蛋糕件可供選擇🤤🤤🍰 就算兩三個朋友想同時食不同口味嘅蛋糕就唔會有負擔！.Cake Ordered: 開心果慕絲蛋糕 ($30)朱古力松露蛋糕 ($30).Kuku推薦:要大大力推介開心果mousse cake俾所有開心果控💚 蛋糕面有層厚厚嘅開心果mousse，中間夾住海綿蛋糕，再加埋超脆嘅餅底，唔會太甜所以一啲都唔膩，食完幸福感滿滿💓💓 #hungrykuuu_hongkong #hungrykuuu_jordan #佐敦美食 #香港餅店 #香港好去處 #香港美食 #hkfood #hkgoodwest

有朋友喺佐敦附近出差工作，然之後買咗呢間多美意，淨係聽個名多美意都不太清楚在哪裏，不過搜尋一下，就記得是在尖沙咀往理工大學那邊的一間舊式小餅店。相當之精緻的十多個水果撻，有各種水果的味道，原來水果撻新鮮食咁鬼正！因為平日無論是連鎖，定還是屋村麵包店，大多可能雪藏好耐。這次多美意的新鮮水果撻，撻底非常之香脆，底下又有是小朱古力調味，忌廉份量不算太多，因此除了水果之外，不會感覺太甜，上邊的水果鮮甜，除咗奇異果，帶少許酸孫之外，例如士多啤梨都是偏向鮮甜，顯得相當美滿。

推薦： 🍉🍉🍉🍉 (4/5) 味道： 🍉🍉🍉🍉 (4/5) 價錢： 🍉🍉🍉🍉 (4/5) 打卡： 🍉🍉 (2/5) 位置： 🍉🍉🍉 (3/5)回訪： 🍉🍉🍉🍉 (4/5)Pistachio Cake $28外表睇落無乜特別，但係質素絕對唔止值$28😍 如果將moshimochi開心果tart個種濃郁+aftertaste超強嘅開心果味形容為一個超man嘅大隻佬呢款蛋糕就會係校園劇出現個啲好斯文嘅女神校花 佢陣開心果味唔濃郁，淡淡哋但係好清香，aftertaste唔強但係好longlasting😋 面頭層cream同蛋糕嘅口味一樣，都係偏淡，唔太甜，好輕盈，甚至食完都好似無食咁，蛋糕中層夾咗2層檸檬餡，好清新，微微嘅酸味帶出到開心果嘅果甜，加埋餅底好酥脆，口感好豐富👍一件多花款少少嘅西餅可能都20幾蚊(或以上)嘅時候，呢件蛋糕絕對係同價位入面超班嘅選擇👍後記💟 呢間餅店嘅生果撻、其他蛋糕款都好出色，而且價錢都好親民，絕對值得一試👍📍 多美意餅屋地址：尖沙咀柯士甸道107號地舖

每次經過佐敦，我都會故意走去多美意餅屋買佢地經常賣晒，可遇不可求嘅芒果卷，外皮有點薄脆帶點甜的感覺，裡裏包著厚厚輕身嘅忌廉同芒果肉，細細嚿，兩啖食晒，好好食，另外，拿破崙都唔錯，吉士醬甜度適中，加埋脆脆的夾心酥皮同芒果肉，正呀，令人回味無窮😋😋😋👍

麻糬波波🍡$8@3  ✨：9/10  試咗芝士&紅豆味 另有朱古力味 不過想食芝士多啲所以揀咗兩個芝士😋🧀😍質地有驚喜 以為似多數麵包店個種硬身空心嘅 (而家基本全部都差唔多樣)🙈🙈點知係偏向A1嗰隻 軟啲 入面多啲麻糬😋😋😋 焗熱應該更好食 不過太心急買完即刻食咗😂😂不過紅豆嗰個似蔓越莓味🤣雖然都好食 平均唔使$3一粒😝抵 如果下次經過都會再買👍😋同埋佢有好多蛋糕司康都有人推 下次可以試下😍

呢日經過尖沙咀，醒起呢間bookmark 左好耐嘅開心果蛋糕，之前試過晏晝已經賣晒，估唔到今日5pm 過後仍然供應充足。呢件開心果蛋糕 ($29, 5.5/10) 最上層係cream, 奶味唔太重，較為輕盈，然後係開心果cream 同海棉蛋糕，食落有淡淡嘅開心果味，再下面嘅朱古力脆脆已經淋左，最底嘅曲奇餅底略硬，而且同個蛋糕唔算好夾。可能我對佢期望過高，整體覺得呢個蛋糕十分普通，只可以話個質素同價錢係對等，相信不會再回購。

睇到雜誌介紹呢間餅店平靚正，今日經過就買咗兩件試下係咪真係好似傳聞中嘅有酒店級水準。特濃開心果蛋糕 - 眼見同雜誌講的蛋糕分為5層，有面層的忌廉，厚厚的開心果慕絲夾住一層海綿蛋糕，底層就有朱古力脆脆和曲奇脆脆。蛋糕除咗有香濃的開心果味，仲帶有多重口感。New York Cheese Cake - 係一件非常平實的蛋糕，沒有花巧嘅外表，冇華麗嘅味道，但芝味充足。平日中午時段，間鋪頭keep住有人流，眼見大多是街坊客。蛋糕選擇多，除咗開心果蛋糕，拿破崙都好似值得一試，已每件都係$28，而質素味道都唔錯，非常抵食。

無諗過依家香港仲可以用$29買到咁好味精緻嘅蛋糕！定價平但絕不馬虎，蛋糕有好幾層layer，最底個層唔係普通餅底 ，少少似蛋白脆餅，幾特別！啲cream都好滑～Keep住有好多人排隊，但收銀姐姐態度都好多。我自己唔係特別鍾意開心果，都食得好開心☺️

上網見到好多人推介💁🏻‍♀️ 加左係必試甜品好耐🕞終於夾到天時地利人和 可以品嘗品嘗👅👅一行入去 就自動自覺行向凍櫃🤣😱😱😱點解無開心果味既😱😱😱咁難得既機會 無理由失望而回既試下膽粗粗🥺 問下姐姐 仲有無開心果味 🍰姐姐：要等多十分鍾呀我：😍😍😍十分鐘我等呀🙋🏻‍♀️係鋪頭附近兜左個小圈 急不及待又行返入鋪好驚比人買哂呀 大佬🫠番入鋪頭 姐姐話要等多一陣 但可以比左錢先 企係側邊等等既時候 發現鋪頭都幾旺場 🚶🏻🚶🏻‍♀️🚶🏿‍♂️🚶🏻‍♀️🚶🏿‍♂️人流不斷 睇黎啲麵包都應該唔錯 下次有機會都可以試下⏩️開心果🍰剩係睇賣相都已經唔差 四款顏色夾雜住濃濃既開心果味 中間有層脆脆 口感豐富 秒速就KO左成件😋一件好似唔係好夠🤤下次要自私食兩件🤫🫢⏩️特濃朱古力🍫🍰朱古力味濃 但如果同開心果味比 就變得無咩特式始終朱古力味蛋糕太普及 不過呢到勝在價錢吸引👍🏻👍🏻👍🏻

-多美意餅屋-@尖沙咀.上次太晏黎，冇晒切餅，今次經過終於買到哩個想試好耐的開心果蛋糕啦。見個食物盒放得落2件，就買埋熱情果味。.開心果蛋糕切餅 ($29)開心果Mousse好滑，好香開心果味。質地偏輕身，唔會覺得太漏。蛋糕面有層忌廉同果仁，中間夾住一層薄薄的海綿蛋糕，曲奇餅底唔會好硬，唔驚一叉落去就碎晒，而且上面仲有朱古力脆脆，令到成個蛋糕的口感同味道都多層次。.熱情果蛋糕切餅 ($29) 熱情果蛋糕就冇咁多層次，中間2層海綿蛋糕，面層加上薄薄的熱情果醬，食落甜甜酸酸的，味道不錯。不過相比之下哩個熱情果蛋糕就比較普通。

食完個少少失望嘅燒肉，要填補番受損嘅心靈😅，所以行嚟呢間BOOKMARK左一段時間嘅麵包店，試下佢地嘅人氣蛋糕。入到店內，望住D CAKE，心情即刻番哂嚟~~好多款都想試🤤，可惜胃得一個，加上男友唔中意食芝士CAKE，唯有下次再試其他款，今次先試人氣開心果蛋糕，同埋OREO芝士餅。開心果蛋糕$29頂層係白色類似芝士奶蓋嘅輕盈Cream，單食嘅話會有輕微嘅奶味，但成件食就無味；中間有兩層海棉蛋糕，其中一層加左朱古力脆脆增添口感；最底係脆餅底；成件蛋糕好有層次，而且開心果味香濃，甜度唔高，食完唔會痰上頸，兩個人食一件真係唔夠喉🙉OREO芝士餅 $29自己好中意食焗出嚟硬身嘅芝士餅，呢件CAKE絕對滿足到我😋~~ 內有好多OREO餅，特別之處係連D夾心餡都加埋入去😯，所以OREO味好實在。之前自己喺IG買過一款開心果味麻糬蛋糕，好好味，不過油膩感好重，而且細細個售價$4XX，對比起今次呢間小店，雖然味道無IG果款咁驚艷，但性價比卻相當高，而且唔會好油膩，絕對值得一試再試!!