多點心

營業中

休息中

妹妹搬到得寶，所以前往探望，可以吃一下有名的點心店。最喜歡這些隱藏起來的點心店，因為質素好有保證！這間點心也要等下位的~~但值得等！ 我們一行6人，所以點了不少點心。其中一個是自家靚湯，如果我住得寶，我應該次次去都會叫~~ 個湯無味精，足料！ (我忘了是甚麼湯，哈哈！) 這個雞粒章魚飯無得輸！只睇相已經睇到D雞滑到一個點！好好送飯！而且個飯是橫身，熱力蒸飯很均衡！ 蝦餃皇皮很薄，每粒都食得出蝦，蝦味道好似留在口中不散，好味過好多茶樓！ 叉燒腸又係皮薄，似是自己拉的！ 雞扎蒸得好夠，芋頭好軟好好味！個雞肉又係好滑，好想再食～～ 不在大酒樓也可以吃到香港必吃的點心！吃下藝術，也吃下了味道！牛肉和燒賣也是必吃的～～真正有牛肉味的！HAHA~~ 雪山叉燒包，聽說是鎮店之寶！原來雪山叉燒包即叫即整，所以每次都需時先有得食！ 非常值得去的一間點心！推介！ 地點： 牛頭角牛頭角道3號得寶商場地下J舖 Shop J, G/F, TBG Mall, 3 Ngau Tau Kok Road, Ngau Tau Kok _____________

我同男朋友都好中意食點心，今晚係附近行開街，所以揀左呢間食！蝦餃皇皮薄餡靚，每粒都食得出至少有8成蝦，好味過茶樓食！咖哩魷魚叻哩味夠，尤魚爽口又唔韌，不過就是份量偏少。名醬蒸鳳爪鳳爪吸收哂醬汁，咸淡得宜，好惹味！蒸青菜是蒸不是煮，沒加油，菜心很嫩很甜，好有菜味！雪山叉燒包鎮店之寶！冠絕全九龍！雪山叉燒包即叫即整，所以每次都需時先有得食，但每次都無令我失望！當店員一放低，呢3個飽散發一股香噴噴熱氣，未食已感覺係正！ 外層鬆脆軟熟，牙齒咀嚼外層的聲音，聽都覺得正！裡面叉燒餡料都唔錯，醬汁好味，叉燒份量又唔少小！令我回想添好運以前未咁出名時個雪山叉燒包。座位之間有點迫，出入要小心點。待應服務態度好，尤其是老闆，看得出這是他很用心經營的一間點心店。

做飲食嘅最基本要求都做唔到-d食物唔熟就比客人食。9㸃幾ot 放工後已經攰到死，見佢話關10:30pm 米入去買左個煎蛋牛肉飯外賣囉，點知返到屋企义開d牛肉諗住食時發現塊牛肉餅入面重係紅色重係肉醬咁 ~ 未熟㗎😱😱😱。打番落去同佢講，佢話牛肉餅中間係咁紅色㗎，大佬呀，我夠知啦，你估我第一次食咩，最重要係入面重係一pat肉醬咁呀！但佢聽完竟然叫我自己蒸返熟佢而唔係換比我囉🙄，痴䤼㗎😡係米有病㗎，我自己要再煮過咁我又洗乜幫襯你買外賣呀，吹脹😑

香港人，假日同家人飲茶已成為常識了，因為飲茶可以聯繫感情，也可以了解近來不同人關心什麼世情！今次做孝順仔，一早起床，疏洗完，排隊去名點心等位，好快好快便有三位了！叫了雪山叉燒包、蝦餃、陳村粉蒸排骨，蝦蛟讓茄子，四寳雞扎及鳳爪排骨飯。雪山叉燒包: 叉燒很粉，不太熱，皮靚蝦餃: 正常水準，爽蝦，皮有嚼頭陳村粉蒸排骨: 粉厚，未完全入味，排骨ok蝦蛟讓茄子: 汁好濃，蝦蛟可多些，茄子高身大件四寶鷄扎: 芋頭超大，鷄塊大件，整體入味，合格之上鳳爪排骨飯: 飯諗身，企不起，口感好粉，鳳爪ok,排骨尚可整體而言，有失準之嫌，希望多點心可重新振作，力保失地，攀回牛頭角飲茶之首，坐回一哥寶座！

一大早，跟家人飲茶，行入左店舖不大但用心製作的位於牛頭角的多點心，這店出名點心即叫即做，所以與其他酒樓不同，點了的東西要花點耐性才可品嚐到！而在牛頭角區大大話話也有十多間酒樓，但質素十分差次，今次揀選名點心，看它能否保持水準？叫了蝦腸，鵪春蛋燒賣，鳳爪，流沙奶皇飽，皮蛋瘦肉粥及蝦餃，最能留住我的是流沙奶皇飽及鵪春蛋燒賣，我平時怕吃太甜飽點，但這個流沙奶皇飽有咸蛋香，有咸有甜，吃了兩個，也覺肥膩……另外，現在很少酒樓可吃到鵪春蛋燒賣，因怕膽固醇過高，我一於少理，這兒的配搭真好吃，點心熱，已贏了三分了！

鐘意食點心嘅人有福喇！呢間係牛頭角牛下商場嘅多點心唔收加一，淨係收茶位5蚊，食幾多計幾多，比茶樓抵好多，尤其是茶樓係假期嘅時候加價好多。相信好多人都聽過另一間點心出名嘅添好運，但多點心比添好運更優勝嘅係可以普通茶樓咁揀自己鐘意嘅茶！今日同屋企人試咗五樣點心：蝦餃：皮薄餡靚！燒賣：燒賣好正，有一隻大蝦做餡蝦餃燒賣都係一籠4粒，仲可以揀叉燒腸：腸粉夠滑，但唔夠熱雪山叉燒包：呢個係多點心嘅招牌，如果更熱就會更加好！

幫襯過呢間三四次，先講食物。呢間野有蝦的食品都唔錯，如燒賣，蝦餃及蝦腸，個人認為蝦腸最好，$25 黎講算抵食。至於北菇雞飯，料係少啲，不過蒸雞係幾滑。棉花雞及鶉春蛋燒賣就一般，無乜特別。而佢有個拼盤 SET $60 有馬拉糕，燒賣，蝦餃，鶉春蛋燒賣，菜苗餃等等，每樣兩舊，幾抵食。衛生就一般，啲碗碟有啲漬，環境亦都一般，枱腳地面不是太乾淨。最想講係呢間店的服務態度，其實之前幫襯，已發現有個別店員阿姐成日喺度吹水，叫佢扮聽唔到，好似唔想做咁，直到最近一次幫襯，有個無戴眼鏡，講廣東話有口音的阿姐 (甲)，竟然因為一件小事當住客面前狂鬧另一店員阿姐(乙)，一鬧半小時，老細又無佢地符。事緣係我隔離枱落單時話來左飯先好上湯，點知上錯左，阿甲捧住個湯，隔離枱客同佢講話落單時已講左上飯先，阿甲就即刻大大聲話「我唔知喎，我都係見到單就上」，阿乙見到就提醒阿甲你應該點點點，點知阿甲就即刻著晒火喺度鬧阿乙，仲越鬧越大聲，如是者嘈左十分鐘，先見個老闆出來勸交，勸左幾句後，老闆竟然走埋隔離枱度同個客講「而家晚飯時間人多，你啲要求佢地處理唔到架。」真係大開眼界，員工做錯野，當住客面前嘈，影響到其他客人，老闆竟然可

是日點餐:招牌蝦餃 + 流沙包招牌蝦餃 - 晶瑩剔透 x 皮薄餡靚- 蝦肉大大粒, 好鮮甜- 有得叫2件,  流沙包- 好流心, 小心爆汁- 有 3 件, 好鬆軟番食指數: ✽✽✽✽

唔好睇趴B得18個月，其實茶樓一向係趴B嘅常到之處！不過，宜家飲茶已經唔需要去正規酒樓先有得飲！～就好似九龍灣得寶花園呢間！今次趴B一行三人嚟試試啲點心先！餐廳環境：🍼🍼🍼🍼（滿分為🍼🍼🍼🍼🍼）一入到去，以為係食上海菜，佈置都十分雅緻（留意返係無天花的），重幾有中國風味。我哋選擇咗坐卡位，非常舒服！可能因為我哋去到都晚上九點半（關門時間為十點半），所以都唔係太多人。 員工態度：🍼🍼🍼🍼（滿分為🍼🍼🍼🍼🍼）員工態度很好，不過樓面太大，但員工太少，所以走全場係有一點吃力，落單也要等一會。不過他們的態度非常友善，亦很親切，買單時，老闆還跟趴B談天，更被他發現我係首次光顧呢XD食物品質：🍼🍼🍼（滿分為🍼🍼🍼🍼🍼）我們一行三人，合共叫了10個點心！非厲害！馬上同大家簡介一下！ 流沙煎堆仔 $18 熱辣辣咬落去，脆卜卜，友人話上次比較流心！但個流心幾好食，有咸蛋黃的咸香同奶黃的甜味！充斥整個口腔！因為個煎堆細細個，所以一啲都唔漏！海鮮菜絲煎薄撐 $20 好薄身～而且個邊幾脆，因為料足，都非常有口感！最突出的味道就係蝦米乾同菜絲～～雞粒章魚飯 $25趴B第一次食個飯，本來好擔心啲飯會好痴好黏，但呢個

放幾日假三兄妹竟然齊人無乜野做響屋企hea，哥哥帶頭落街食，行過肚餓搵野食又唔想等位（其實香港有個怪現象，無人排隊好驚好難食，新野長龍都好可能係伏⋯⋯）見呢間野平時有人排今日冷清清就行入去，地邊方大有裝修餐具都印晒名。坐低劃點心紙，望望價錢都唔平，平均廿五蚊一個點心，茶錢五蚊。洗餐具睇黎請個洗碗工都係難既⋯⋯洗唔乾淨好油呀，未食就影響左觀感🙄⋯劃左8個點心，叫左啲懷舊野。豬膶腸粉啲膶切左粗條唔鯹，腸粉皮都滑口。鵪春蛋燒賣都幾好豬肉唔騷。鮑片棉花雞塊片不如唔好落無作用又薄好頹，棉花幾厚夠白軟身唔係cheap野，雞無變味唔老無蒸過龍。蝦餃蝦爽皮薄唔係韌唔係用晒澄麵整幾好無蒸爛塊皮。流沙奶黃包五個包食頭兩隻唔流既。章魚雞粒飯、咸魚肉餅飯哈哈點解分開飯還飯上碟肉還碟肉上既咁咪無左個蒸飯既意思。有個粥賣晒變左食7😂埋單180

星期日兩公婆一早起身又想飲茶，嘆下點心，又唔想去茶樓開張大枱咁空虛。咁啱醒起牛頭角附近有間新開的點心店，於是就落去睇下有冇位。落到去見到有2檯客等位，好快就入得，見到隔離左右都會點點心拼盤，我地兩公婆梗係都點啦，唔係就試唔到咁多野。拼盤真係好適合兩口子飲茶，每款點心兩件，全部都係我地鍾意的之後點左雪山叉燒包，超好食，熱辣辣，雪山皮好香脆，好有質素喔。我果日冇咩胃口都食到兩個。之後點左碗皮蛋瘦肉粥，見到有個必點icon, 以為好正，黎到就不過不失啦，冇咩點食呢碗。總結：呢間野都坐得有d迫，不過食物質素不錯~

首先，店舖所擴介的流沙奶黃包完全唔流，非常失望。其次，在沒有太多顧客的情況下，食物等候時間過長，多達20多分鐘。最後老闆的服務態度一般，沒有適當顧及每一位客人的需要。

極度不知所謂首先 我同媽媽同佢朋友話試間新野咁我地點左粥 春蛋燒賣 腸粉 排骨飯同 雪山差包個腸粉 牛肉腸 有條菜 只能用老形容個皮厚 唔滑春蛋燒賣全係水 係咪唔識蒸隻蛋失敗排骨飯 好硬 好干 又未熟雪山差包 個雪山積雪太厚 失敗到..同老闆投訴 佢話添好運個老闆話佢正如果佢睇完 麻煩佢去下睇咩叫雪山差包

閒日晩飯時間見唔洗等位，就黎試下d點心啦～店內環境唔錯，位置幾闊落，坐入面既話會有點焗，茶水一般，應該係話點心店既茶水普遍都一般，叫左幾樣野食都好快黎到，所有野都係熱辣辣既叫左個點心拼盤，款色比較多，裡面既燒賣唔錯，馬拉糕好鬆，口感好唔好見人見志，其他普通還可以，鳳爪排骨飯，鳳爪&排骨都幾好味但比較油膩，都幾多油下，仲叫左碟菜心，只能講好“健康”，好乾又冇味，只可以點d豉油。本來想試雪山叉燒包又冇哂，就叫左奶黃包，超級流心吖，好好味，本來諗住影相，但d奶黃已經流到我成手都係總括黎講，質素唔差 價錢都ok，食點心唔錯既選擇

我和朋友在淘大逛街，到了晚飯的時間，我們路過這間餐廳，看見餐牌上食物的選擇很多，而店內的顧客挻多，應該是食物的質素很不錯，店內環境非常寬敞，富有空間感，而且清潔衛生，給我一種很舒服的感覺，便決定入去試一試蝦餃皇 ($25)蝦十分清鮮甜美，香軟鬆綿，皮薄晶瑩剔透，十分煙靭燒賣皇 ($25)金黃的燒賣，將蟹籽灑落燒賣，用稔香軟彈，新鮮的蝦肉製成的燒賣棉花雞 ($25)軟彈煙韌的冬菇，柔滑的豬皮，香稔軟嫩的雞肉馬拉糕 ($18)馬拉糕非常鬆軟綿密，熱度十分足夠臘味糯米飯 ($25)黏口的糯米飯，細碎的蔥花，金黃的雞肉絲蒜香炸春卷 ($20)爽口微彈的春卷配上喼汁，味道酸酸甜甜，十分開胃流沙煎堆仔 ($18)外層灑落一些芝麻，十分脆口煙靭，加上流心的奶黃，口感十分豐富蝦膠讓茄子 ($18)清鮮膠質黏感的蝦膠軟軟軟，香稔軟嫩的茄子整體來說，食物的選擇很多，食物的質素非常高，點心是即叫即蒸，所以食物的温度足夠熱，價錢相對非常合理，店員有良好的服務態度和有禮貌，所以我認為這間餐廳值得再去惠顧