影片
更多
2017-08-21
821 瀏覽
幫襯過呢間三四次，先講食物。呢間野有蝦的食品都唔錯，如燒賣，蝦餃及蝦腸，個人認為蝦腸最好，$25 黎講算抵食。至於北菇雞飯，料係少啲，不過蒸雞係幾滑。棉花雞及鶉春蛋燒賣就一般，無乜特別。而佢有個拼盤 SET $60 有馬拉糕，燒賣，蝦餃，鶉春蛋燒賣，菜苗餃等等，每樣兩舊，幾抵食。衛生就一般，啲碗碟有啲漬，環境亦都一般，枱腳地面不是太乾淨。最想講係呢間店的服務態度，其實之前幫襯，已發現有個別店員阿姐成日喺度吹水，叫佢扮聽唔到，好似唔想做咁，直到最近一次幫襯，有個無戴眼鏡，講廣東話有口音的阿姐 (甲)，竟然因為一件小事當住客面前狂鬧另一店員阿姐(乙)，一鬧半小時，老細又無佢地符。事緣係我隔離枱落單時話來左飯先好上湯，點知上錯左，阿甲捧住個湯，隔離枱客同佢講話落單時已講左上飯先，阿甲就即刻大大聲話「我唔知喎，我都係見到單就上」，阿乙見到就提醒阿甲你應該點點點，點知阿甲就即刻著晒火喺度鬧阿乙，仲越鬧越大聲，如是者嘈左十分鐘，先見個老闆出來勸交，勸左幾句後，老闆竟然走埋隔離枱度同個客講「而家晚飯時間人多，你啲要求佢地處理唔到架。」真係大開眼界，員工做錯野，當住客面前嘈，影響到其他客人，老闆竟然可
最想講係呢間店的服務態度，其實之前幫襯，已發現有個別店員阿姐成日喺度吹水，叫佢扮聽唔到，好似唔想做咁，直到最近一次幫襯，有個無戴眼鏡，講廣東話有口音的阿姐 (甲)，竟然因為一件小事當住客面前狂鬧另一店員阿姐(乙)，一鬧半小時，老細又無佢地符。
事緣係我隔離枱落單時話來左飯先好上湯，點知上錯左，阿甲捧住個湯，隔離枱客同佢講話落單時已講左上飯先，阿甲就即刻大大聲話「我唔知喎，我都係見到單就上」，阿乙見到就提醒阿甲你應該點點點，點知阿甲就即刻著晒火喺度鬧阿乙，仲越鬧越大聲，如是者嘈左十分鐘，先見個老闆出來勸交，勸左幾句後，老闆竟然走埋隔離枱度同個客講「而家晚飯時間人多，你啲要求佢地處理唔到架。」真係大開眼界，員工做錯野，當住客面前嘈，影響到其他客人，老闆竟然可以話返個客轉頭！難得我隔離枱客幾好脾氣無開佢波，老闆走開左後，阿甲仲係繼續嘈，嘈嘈下又走出去同老闆講「係喇，乜都我錯晒，最多我走囉！」佢雖然話走，但轉頭又走返入去做野，之後執野又大大力喺度放啲碗碟搞到嘈喧巴閉。由我未上菜到我食完足足三十分鐘，個阿姐都仲未嘈完，而老闆又無佢符！
呢間野個老闆真係廢到爆，我埋單時，有另一阿姐喺店外行返入來，眼尾都唔望老闆一眼同佢講「老細，你幫我打咭呀！」，唔該都無聲，可想而知佢啲員工平時都當老闆無到，所以啲阿姐先會咁既態度。
之前幫襯佢係因為附近無乜呢啲點心店，而野食黎講佢係ok，但經過今次之後我唔會再幫襯，啲阿姐燥到咁，點知佢會唔會心情唔好喺食物度加料？同埋點解我食飯要聽佢地嘈交？老闆如果睇到呢篇食評，麻煩你真係要管下你班幫你趕客既阿姐。
張貼
