大中華飯店 (已搬遷) 新店位置

4月底大中華就搬鋪 ，臨搬鋪前同朋友一齊去食個晚飯。。。其實一直都有過嚟食飯，食物係好多選擇，味道都唔差，但黎親食飯真係預咗無服務態度～長期唔缺客咁～___～個燒鵝幾好食！老闆話岩岩整推薦我哋點，個皮好脆最開心係食完飯，可以再坐喺度唔洗轉場都食甜品叫左心太軟加雪糕（個心太軟有咖啡味，麻麻地）焦糖燉蛋加雪糕～唔知好唔好食朋友嗌！另外仲有一個大波（男人最愛），去酒樓可以食到嘅奶黃西米露點心黎🤭無驚喜屙尿未？

2月7號晚1行6人食個晚飯叫左8樣野大約價錢係啫啫芥蘭煲 $90椒鹽九肚魚 $130黃鱔煲仔飯$120椒鹽骨拼炸大腸$130啫啫雞煲$120墨魚餅$130南乳炸白鱔$150咸旦黃金蝦 ？？（一斤蝦我諗唔駛$700）卦由於我們叫了汽水啤酒和甜品所以沒有為意呢度唔使加一第二日傾開才知道汽水啤酒和甜品全部給自費去買的我買單時不知是自費所以他說$1530我看一看自己寫的點餐紙 旁邊沒有銀碼加上有汽水啤酒甜品所以沒有為以啲嘢食已經唔熱好唔好食 見人見智重要咁様厄人真係永遠都冇下次

今晚大家一家人諗住嚟呢度重溫大中華，並且團年，點不知全家中伏🤪以前出名嘅燒鵝，而家除咗表皮脆之外，完全冇咗以前柴香味！失望！鐵板豬手，認真唔掂！完全唔香！最離譜係蒸扇貝$65/1隻 最好食就係雞油豆苗，但係啲雞油可以炒五碟菜都得個「雞蜆不寧」煲，真係搞到我哋全家雞犬不寧，啲蜆又唔靚，雞又唔香，喺煲仔都唔香就真係失敗之作！個臘味煲仔飯，都係失望之作。垃圾！臘腸冇臘腸味，飯冇飯！就好似白飯加臘腸再加啲普通嘅蔥喺度撈埋

日嚟到長沙灣福榮街「大中華」，係一間粵菜（廣東）海鮮大牌檔。雖然佢哋有好多座位，但係都人頭湧湧，佢哋黑椒鐵板豬手，豬手又滑又林，好香好好味。小炒好有鑊氣，小炒王入面嘅腰果卜卜脆。難怪有咁多顧客* 小炒王 ($100)腰果同蝦干炸到脆卜卜，韭菜又軟又嫩唔會有渣，唔會太油亦唔會太淡，份量十分。* 椒鹽豆腐 ($80)豆腐煮得好滑，椒鹽味道亦十分香脆，好好味。* 臘味煲仔飯 ($90)煲仔飯煮得好香，臘味味道十分濃郁，飯粒亦煮得好軟熟，好好味！* 黑椒鐵板豬手 ($130)：豬手煮得好腍身，黑椒味道亦十分香濃，好好味！大中華飯店 (長沙灣)長沙灣福榮街539號地舖

我去過一間位於長沙灣嘅大排檔，真係好出色。最令我覺得印象深刻嘅係佢哋嘅土匪雞。佢哋係將一條金屬穿過整隻雞，令佢可以站立喺飯枱上，皮脆嫩滑，睇落好驚艷。另外，佢哋嘅臘味飯亦都好好味，飯底仲有焦糊嘅飯焦，真係好香脆。而鐵板豬手更加令人驚喜，上碟嘅時候真係好震撼，煙熱嘅，辣辣嘅味道。呢間大排檔真係帶比我好大驚喜，無論係食嘅口感定係視覺效果都好出色。如果你喺長沙灣附近，一定要嚟試試呢間令人印象深刻嘅大排檔。

今晚食晚飯去咗呢間十年前幫襯過既小菜餐廳。老闆即時安排一張有木蝨既枱俾我，無得頂，落單叫菜要自己手寫，老闆黑面。真係一覺醒來，回到70年代。仲去幫襯真係交智商稅。當然有人食既係回憶。老闆賺夠黑面就越多人幫襯。

7點半入座，要自己手寫落單，叫左半隻炸子雞，豉汁蒸鱔，豉油皇煎蠔，炸子雞唔脆，質數普通，豉汁蒸鱔等左追左兩次單，最後等左40分鐘先到，豉油皇煎蠔超垃圾，等左45分鐘，蠔好腥，最後半碟冇食，放棄，埋單同收錢識員講d 蠔唔掂，佢應該知衰，唔敢出聲。3個餸埋單480蚊，當交學費，唔會再去。

週五晚上去，人還算挺多，上座率8成以上。我選了一個黑椒豬手，一個小炒皇，一個黃金魷魚。黑椒豬肉份量十足，黑椒味道濃郁，肉質不拆。小炒皇味道普通，而且蝦乾、腰果也不算很多，整體份量也一般，價格卻比一般大排檔貴了30-40。黃金魷魚性價比也一般

因為懶得煮飯，收工順路偶爾都會買外面返屋企食，其他餸就一般過得去啦！第一次買乳鴿，叫左2隻，但乳鴿就真係超梅又干！未食過咁難食嘅乳鴿，附上圖片先🫡牛肉乾都敢整到咁干😅

🚩大中華（長沙灣） 今晚提早慶祝母親節，同埋表姐第一家11人，所以就訂咗房，最低消費$3000就冇限時，可以慢慢傾偈慢慢食餸菜價位唔算高，所以要食夠$3000都真係叫咗好多好多好多小菜，並且需要注意飲品係唔包括係$3000最低消費內1️⃣豬腳仔切得細細片，非常方便進食2️⃣炸大腸都算多肥膏，但味道可以3️⃣香煎墨魚餅都係呢度出名嘅小菜之一，餡料多，香脆好味4️⃣黃金魷魚呢碟略嫌好似有啲萎縮咁，查過龍，鹹蛋黃味尚算足夠5️⃣臘味煲仔飯似炒飯多啲，同埋個鍋非常大，食材就只有半鍋，不過係真係好多臘味嘅，花生油吹口，夠乾身都好食6️⃣脆皮乳豬皮好脆，珠山唔多肥膏，好食7️⃣豉椒炒蜆好多肉都甩晒殼，唔知以為冇乜肉食😂8️⃣腐皮炸春卷唔油膩，乾身，腐皮炸得好脆口9️⃣炒田雞叫咩都試吓，點知食咗人生第一次田雞，肉質尚可，鎖到肉汁🔟冰鎮佛跳牆五百幾蚊嚟講，有鮑魚有螺片有蟹柳有大蝦，都好足料1️⃣1️⃣生炒骨真係炸得好好，上枱好耐都仍然保持到個香脆嘅口感，欣賞由於太忙太多嘢食，都真係有幾碟小菜都影唔到有房坐唔使喺出邊同人嘈同人迫，又唔使限時，真係唔錯🤤味道🤤： 4/5🏝️环境🏝️：3/5💵抵食💵：4/5💁🏼服务💁🏼‍♀️：3/5

睇完戲本想去酒樓食晚飯,想起附近間大中華,就帶家人去試下,之前食過都ok嘅！豉椒抄鵝腸豉椒汁超級濃味,鵝腸內有小許肥膏,咬落爽脆油香！叫佐芥菜鹹蛋湯肉片,豆腐,鹹蛋帶出咸香味,湯都好濃味！臘味煲仔飯用臘味粒、花生、超多嘅香蔥粒, 熱辣辣上枱,非常香氣十足,,又有飯焦, 焦脆可口！本人最欣賞這個飯😋椒鹽骨拼炸大腸兩款都是我喜歡食,椒鹽骨外酥內嫩、細細粒非常惹味,炸大腸略嫌炸得不夠香脆及中間比較多肥膏！整體而言:食物大部分都比較重口味🤤地方係夠大,但沒有開曬冷氣,加上坐近門口,有啲熱,同埋落單要自己寫,之後攞出去,飲品需要自行出去佢哋嘅士多購買, 呢方面唔係人人受落,咁唔識字係咪唔使食🤣基本上冇乜服務可言,乜都自己顧自己😅

位於長沙灣既大中華 以前曾經電視節目介紹過 📺不時都會有明星黎幫襯之前疫情期間食佢外賣多🍛 堂食就真係第一次 原來佢有成3-4間舖面😱😱果然係出名既人氣大排檔💃💃***\ 🐖 招牌鐵板黑椒豬手 ($150) /鐵板熱辣辣咁上枱 🔥🔥一上碟就聞到勁香既黑椒味⚫️勁厚既豬皮 好似食緊啖啖骨膠原落肚咁豬手煮得好軟腍 唔怪得係招牌菜啦～💫\ ☘️荷葉蒸糯米雞半隻 ($160) /原個蒸籠上碟 用荷葉包住黎蒸 D飯食落仲有黃酒味 雞煮得都嫩滑份量好多 我同朋友3個人都食唔曬\ 🧊 冰鎮墨魚 ($100) /墨魚點豉油同Wasabi黎食 食法好特別而墨魚超級爽口 有驚喜✨✨\ 🦑 香煎墨魚餅 ($100) /到底有幾鍾意墨魚先會叫兩碟墨魚既餸😂😂大中華既墨魚餅都係大家推介之一所以一定要叫黎試下雖然話係香煎墨魚餅 但食落唔會好油膩入面仲真係有墨魚粒 非常有口感超適合送白飯食 🍚🥢***正宗大排檔feel 食物味道ok好岩一大班朋友收工飲住啤酒食小菜🍻🍺佢有好多出名既小菜 🍗🍖🥘去到發現原來有某D菜式要特別預訂📝例如 土匪雞🐥 炭燒乳豬🐖下次要叫多D朋友黎食試多幾味餸先 🤓🤓不過有D奇怪既係佢酒水🥃🍷🍺

大中華飯店 🍚🥢📍 長沙灣福榮街539號地下⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈今日為大家介紹既，就係呢間開左好多年既大排檔飯店🍚，比較適合放工 一大班朋友去聚餐😎，由於係大排檔系列，裝修一定唔係靚🤭，不過野食都ok 既。🌟 招牌鐵板黑椒豬手 $150呢個要推介呀😂，熱辣辣既豬手，充滿住黑椒味，仲要好大隻，唔錯👍🏻。🌟 冰鎮墨魚🦑 $100呢個我都鐘意既，好鮮味💁🏻‍♀️。🌟 黃鱔煲仔飯 $90呢個本身我都鐘意既， 但無奈地係勁多蔥🫠，對於唔鐘意食蔥既小編，簡直係一個打擊😵‍💫。整體推介指數：❤️❤️❤️🤍🤍⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈

今天到大中華飯店用餐，點了他們的招牌菜魚香茄子煲和蠔餅，食物的味道非常出色，讓我們大呼過癮。先說說魚香茄子煲，這道菜由茄子、豆腐和肉碎燉製而成，湯汁鮮美，味道香濃，非常入味。肉碎和茄子的搭配非常恰到好處，讓我們一口接一口，越吃越有味道。這道菜的湯汁也非常好喝，讓我們一口接一口喝下去。魚香茄子煲的份量也非常足夠，適合三至四個人分享，非常划算。接下來是蠔餅，這道菜是用蛋漿和蔬菜煎成的，內裡包著新鮮的蠔肉，口感酥脆，味道鮮美。外皮煎得非常酥脆，內裡的蠔肉則非常新鮮，讓我們一口接一口。這道菜的份量也非常足夠，非常適合小食或者當作點心。除了食物的味道之外，店裡的服務也非常周到。店員非常有禮貌和熱情，讓我們在用餐過程中感到非常舒適。環境方面，店裡裝潢非常精美，氣氛非常舒適，讓我們感到非常放鬆。總體來說，大中華飯店的魚香茄子煲和蠔餅都非常美味，服務周到，環境舒適，讓我們的用餐體驗非常愉快。如果你想品嚐正宗的廣東菜，大中華飯店絕對是一個值得一試的地方。我會給予五顆星的評分。⭐️⭐️⭐️⭐️⭐️

今日同朋友慶祝生日，見四五年冇嚟過，掛住佢個豬手就嚟食嘢，叫咗個豬手，咁耐冇食都仲係好食嘅，然後我哋嘅惡夢就開始了。呢度呀洗碟碟餸都$100起跳，叫咗個蒜蓉節瓜蝦乾炒粉絲，佢放個碟落嚟嘅時候，我哋全台人係O咗嘴，好似一Pat垃圾🤢，食落去，都係一Pat嘢咁，剩係得鹽味同埋節瓜味。再叫咗個蒜蓉西蘭花，直頭就係用水滾熟咗個西蘭花仲要滾過龍，再加啲蒜蓉落去🫣。至於$110嘅小炒王，係十分之普通有普通嘅完全冇鑊氣，但係好在啲蝦乾同埋腰果係有味嘅。豉椒炒田雞，落到嚟一邊係田雞一邊係配菜，完全係好似太極盤咁樣分開晒，見到個樣已經冇乜期望，咬落去係好重腥味嘅。墨魚餅食得出佢個墨魚係好有口感，但係佢連基本煎嘅感覺都冇，更加唔好講有少少燶嘅感覺。避風塘雞翼算係咁多個餸之中比較好食嘅。椒鹽九肚魚到不過不失。有嚟過都知道呢間嘢係冇乜服務嘅，而家閒閒哋一碟菜都要$100，再加上佢咁嘅食物質素，本人覺得佢十分之冇誠意。