大串

營業中

休息中

叫咗外賣本身confirm話半個鐘拎得，凡到都未整好，仲要等多半個鐘，最後足足成個鐘先拎得外賣，太過份。又唔提早通知要遲啲先拎得，去到一句sorry唔好意思之類都無講過。

📍 大串 (鴨脷洲)鴨脷洲鴨脷洲大街49-55號海利大廈地下6號舖———————————————喺鴨脷洲發現咗呢間高質小店🤩🤩 住咗咁耐第一次幫襯~~ 南區之友記住bookmark!!呢度啲串燒全部都好用心燒，火候恰到好處😍街市賣緊$120/3隻嘅大扇貝 呢度都係$48一隻！好好人嘅老闆娘話 南區人個個都好友善善良🤣 我好同意嘅！良心小店大家要多多支持❤️❤️❤️🆙🔝蒜蓉秘製大扇貝(💰: 48 hkd/隻)蒜蓉秘製大聖子皇(💰: 48 hkd/隻)蒜蓉秘製大青口(💰: 40 hkd/3隻)🍗🍡香燒雞皮串(💰: 13 hkd/串)鹽燒雞中翼(💰: 18 hkd/2隻)大串招牌雞肉串(💰: 17 hkd/串)🍖🥩汁燒豬頸肉2.0(💰: 16 hkd/串)燒羊架（香草）(💰: 36 hkd/支)黑椒味燒牛仔骨(💰: 30 hkd/2塊)🍍焦糖燒菠蘿(💰: 16 hkd/串)整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽服務：🐽🐽🐽🐽🐽🐽🐾: 港鐵利東站A2出口步行約2分鐘

（全自費）南區既朋友記得Bookmark🌟想要品嚐新鮮的海鮮串燒美食，不一定要去市區，其實在鴨脷洲有一間隱世串燒店值得一試。串燒店位於鴨脷洲大街，可以搭地鐵/舢舨/小巴前往，強烈推介大家搭舢舨，由香港仔出發往鴨脷洲，吹下海風，享受片刻的寧靜。小店堂食只有3張檯，所以想堂食的朋友記得預先whatsapp訂座。所有串燒都係即叫即燒，價錢合理，極推介原隻燒茄子，雞皮，炸墨魚咀和燒羊架。除了肉類串燒，必食燒海鮮，今次點了原隻燒鮮魷和蟶子，口感爽脆，味道鮮美，必食！另外，串燒店不收取開瓶費，可以自帶酒水，對於喜歡飲酒的我們十分重要。大串鴨脷洲鴨脷洲大街49-55號海利大廈地下6號舖營業時間：17:00 - 00:00

串燒，突然間好想食😂，諗起［大串］就上網睇吓，睇到有負評但又有人狂讚，鍾意平反的我決定試多次😏， 即刻打電話訂枱後先出發。7點左右到達店，見到已經有兩枱客食緊，好鬼肚餓，即刻落單，因即叫即燒要等的！隔咗一年，今次要試d未食過汁燒牛舌，朋友食，話好多汁👍汁燒豚肉露筍卷，個人喜歡燒肉配蔬菜食，配搭得宜，有肉汁👍蒜蓉秘製大扇貝食到鮮味有汁，唔會燒得太乾，若果可以加埋粉絲仲正😏鹽燒雞心，爽口，味美鹽燒雞肝（我第一次食）,好香油份，似鵝肝嘅質感，可以一試我最愛的汁燒白膳，我忘記要預訂，好彩仲有一份，超級厚肉，雖然貴少少，但我超愛，因為自己整唔到黎食😂燒茄子，原條上，略嫌太多蒜蓉，但都好美味不會太乾身👍汁燒九菜，翠肉瓜，雞脾菇尤其鍾愛翠肉瓜，燒完都水份最高嘅一款，可以平衡多肉後味道覺😉脆炸多春魚，都ok, 但應該燒仲好食，但我知好難燒得靚😅鹽燒雞腎，唔會太乾，熟度剛剛好👍鹽燒雞皮串，無得輸👍，燒到唔會肥騰騰好油，脆口，細個好鍾意食雞皮的我超愛，因年紀大已經好少食雞皮😂酒香油鹽水煮蜆，蜆肉味唔太出，提議咗老闆轉用花甲，希望下次再幫襯時食到。老闆娘推介我地食鹽燒魚，好大條，肉質幾好，有甘香味，滿意👍大

大街港式串燒二位少年老板創意十足成為街坊之選！烧鷄皮香口叫再十款一串金菇牛肉，猪内包菜卷，豆角肉卷，烧茄子，推介牛柳串，肥牛串，好味！於是再加蒜蓉帶子，粉丝蟶子，芝士大啡菇都好味！由於小店没酒牌要到七仔買啤酒！丸子比较普通！兩人共吃了二十多串！價錢約伍佰兩位！美味街坊小店！位置離MTR約三分鐘！一定要先訂位因小店位少！

餓底出動香港仔～好耐無入黎搵食～望返記低既餐廳係時候入黎行個圈👣鴨脷洲大街多左好多食肆～今日去試一間串燒店～座位唔多得果十個😂到底岩唔岩小編口味呢🍢大串蒜蓉秘製大蟶子皇串燒牛柳粒汁燒牛舌串香燒雞皮串汁燒豬頸肉汁燒肥牛京蔥卷汁燒肥牛蘆筍卷蒜香牛油燒金菇汁燒翠玉瓜原條蒜蓉燒茄子焦糖燒菠蘿汁燒墨魚仔仔汁燒豬腩肉芝士煙肉燒蘑菇小編估計太猛火～燒蟶子連殼都爛埋～有小小碎係蟶子面～同時令到一陣濃味～蒜蓉太多又濃味蓋過哂蟶子鮮味😫牛柳同牛舌一般般不過不失～肥牛卷既肥牛有d薄身～燒金菇個度上枱前可以避避d水～水汪汪咁🫣豬頸肉同豬腩肉就好出色～$16一串直頭抵食👏👏鎖哂肉汁咬落好juicy—————————————————☻非專業食評·純個人口味☻—————————————————📍總結:真心唔錯～醬汁好夾～牛柳可能拎好小小貨源會更好～選擇多～味道亦都唔差👍點都要再講多次～豬頸肉同豬腩肉好出色🤤🤤🤤

南區寶藏店💗想食就一定要訂位！小店得三張枱，walk in基本上係無可能🤔訂位嘅時候，記得問下有冇乜嘢可以預訂，例如圖九、十嘅大魷魚同盲鰽🤤因為佢哋每日朝早去街市拎貨，所以無訂就無得食㗎啦🫠叫得寶藏餐廳當然食物質素係極高！首先，食材絕對唔會過份調味，好多時坊間嘅串燒店都會用大量孜然粉/辣粉去掩飾食材嘅唔新鮮，但呢到就唔會啦！調味適中，食得出肉嘅本味，分得到牛羊雞豬🤤其次就係火候。見唔見到圖二嘅牛舌！！！！外焦內嫩，可以一個人食兩串🥲豬頸肉切到一粒粒，肥膏燒到少少脆，點解咁好食🥲🥲🥲🥲仲有薯條🍟薯條狂熱粉絲狂熱推薦，話同壽司郎比係有過之而無不及🫣雖然佢唔係用粗薯，但係非常實在，脆脆嘅薯皮包住熱辣辣嘅薯蓉，食到舌尖都會跳舞💃🏻💃🏻最緊要嘅當然係食材夠新鮮啦😙所有海鮮都彈牙爽甜，特別推薦要預訂嘅大魷魚同盲鰽。魷魚係滑身爽口無渣，燒到焦焦甜甜🤤我唔食魚都不停夾魚食🥹無腥味嘅魚係好正的🥹🥹🥹街坊小店食物質素高，價錢合理唔進取。

今晚去利東搵食，朋友介紹有間串燒黃店，聽講貴少少但質素好好。中大伏，極度懷疑店主唔識煮飯又想開店，覺得串燒唔使技術，就選擇做。大佬，開餐廳需要誠意。七點入店，發現無食客，只有零星顧客入嚟買外賣，但明明附近其他餐廳都好爆。坐低後，一陣清潔劑味撲鼻而來，忍唔住問店員：「廁所係咪喺舖頭入面？？」之後落單叫咗：雞肉串x2 雞皮串x2 豬頸肉x2 雞翼x1 扇貝x2 蟶子皇x2 青口x1份 吊桶仔x2 稻庭烏冬x2 牛舌x2埋單$488首先稻庭烏冬我真係呆咗，煮到溶溶爛爛，兼且湯底係雞粉溝水，上面加啲蔥花。盛惠26蚊！肉類總括而言，外面燒成炭，入面又唔太熱，好明顯係未解凍夠就拎去做串燒。加上醬汁同燶邊，又苦又鹹！海鮮因為喺香港仔街市隔離，較大隻同新鮮，但同樣都係火候問題，貝殼都燒成炭。我完全唔明點解可以燒到咁燶？？面頭cover超厚一層李錦記現成蒜蓉，又係勁鹹勁苦！食到中途忍唔住出去買咗一支水。 $488，食完覺得完全唔值呢個價！比朋友呃咗！其實呢個價可以去食fancy啲嘅餐廳！！至少唔會有清潔劑味囉！！

🧄香脆蒜蓉包-蒜味牛油味好香 食上去有少少甜甜的味道🧀燒脆爆芝士腸-一啖落去滿滿的芝士🐚蒜蓉秘制大扇貝-蒜香味同鹽味不夠🦆蜜糖燒鴨胸-鴨胸好嫩加上蜜糖好食🐂汁燒牛舌 黑椒味燒牛仔骨 串燒牛柳粒-牛舌唔錯 其他完全咬唔郁🐮汁燒肥牛京蔥/蘆筍卷- 蘆筍太老了 完全咬唔郁 京蔥就會好好多🍍焦糖燒菠蘿-甜甜的菠蘿好juicy🦀️燒北海道蟹柳- 蟹柳上面有芝士 不過烤的水分蒸發了 有點乾🐔鹽燒雞腎 雞軟骨 辣味雞肉串- 雞腎脆脆的幾有口感 其他嘅一般般——————————————————————————☎️店內只有三張枱需要提前訂位

叫外賣自取，等超過30分鐘（好食嘅話都唔緊要）。拎左之後即刻食，但已經覺得串燒唔夠熱，牛肉燒過龍，趙左成個字都趙唔開。雞肉唔夠熱，蒜蓉包唔軟又唔香脆。而個菜調味用咗胡椒，好重味好鹹，食完條菜飲咗半支水。原本啲嘢擺得好靚，就好期待。食食下就覺得唔對路。食串燒但係冇串燒嘅感覺。冇串燒應該有既香味。感覺好似係唔同食材用同一火喉去燒，搞到應該熟啲嘅唔夠熟，唔應該咁熟嘅就全熟。所有野都差啲啲，好想搵一樣做得好啲幫間餐廳加返分，但可惜搵唔到。結論：失望，完全唔會考慮再幫襯。

大街食guide大街自從有地鐵利東站後，就成為左一條有好多特色食店既食街所以勞蘇食都特意開左個系列去食盡小店大串，以灰黑色為主既型格小店，裝修無乜，正正常常，個人認為串燒店raw raw地仲有街頭feel餐牌比想像中多選擇，亦有好多特式燒法叫住個酥炸多春魚同酥炸墨魚咀，送下酒等佢慢慢燒，墨魚咀保持有汁好好味黑椒味燒牛仔骨，燒出嚟超香，肉唔太多，普通，但好有油香大串招牌雞肉串，好似開左既雞脾肉，好嫩滑，味道幾唔錯，好豐富既口感汁燒豬頸肉2.0，大大舊，但好嫩，好好味醃得正又肥美，食得好滿足串燒牛柳粒，正常既，俾豬肉搶左風頭，芝士煙肉燒蘑菇，又一正爆之選，芝士足味唔硬，靠煙肉提味保留鮮菇味，多汁又好味煙肉車厘茄卷，幾特別既配搭，refreshing，孜然娃娃菜，無乜孜然以外既味，可能加啲蒜會正啲(個人口味)燒醬爆海膽丸，有爆醬既感覺，都好味，正常好味焦糖燒菠蘿，無乜焦糖味，但都好味既，燒菠蘿最重要既任務就係refresh口感，成功炙燒北海道蟹柳，原來有芝士，相當夾而好有風味，燒烤味濃，蟹柳好腍好正鹽燒雞軟骨同鹽燒雞中翼都正常既，燒得都係好味汁燒墨魚仔仔就真係驚為天人，諗住試下點知，燒得又香

一直想試有質素嘅串燒店，以前無地鐵勁怕遠嘅鴨利洲，e+有地鐵直達勁方便，只需喺金鐘站轉海怡線三個站就到，相比以前方便十倍。一直都鍾意幫襯小店，但因店坐位有限，最好預先訂位可以免浪費排隊等嘅時間。今日專登黎試燒海鮮，所以預先WhatsApp定訂海鮮，老闆仲親自去買貨👍首試秘制汁燒雞翼，燒到外皮脆肉滑，幾正😋，跟住食隻仲大過手掌嘅海竹蝦，燒到剛剛好肉身唔會乾，勁鮮味👍汁燒原筒鮮魷，超大隻，新鮮味確實唔同，勁多汁，兩個女仔真係食唔晒😂跟住要食d蔬菜，點咗個蒜蓉燒原隻茄子，又係大大條，好香蒜蓉味，所有嘢都唔會燒到乾晒，改觀怕食串燒的心😂呢個蜜汁燒白膳，可以話係我最好，厚身肉質又滑嫩👍，鍾意食白膳嘅一定要試燒牛舌，又係厚身大大嚿，朋友試話爽脆有口感😋。另一款係汁燒豬頸肉，味道剛剛好唔會太咸😋呢個真係好少有嘅汁燒雞皮，細細個時好鍾意食雞皮，但已經無食起碼十幾年，大嘅朋友，細嘅我 (我要求的) 。嘩! 好脆口無咩肥膏，令人有勁喜😂開頭仲驚唔夠飽，點知飽到食唔晒，但最尾特別叫咗個淨燒車厘茄解吓! 燒過好甜美中不足就係飲品無凍茶可選，希望會加返，因為e+好多人都唔飲甜嘢！是日滿足😁

去完鴨脷洲打針，難得入到黎，搵間鋪食埋dinner先離開見間串燒店乾淨企理，雖然細細地，但都好有風味，唯一可唔可以開大啲個冷氣邊食邊出汗，好難頂串燒 🌟🌟🌟🌟大部份全燒都唔錯，雞翼同雞肉都燒得好香，雞肉好嫩；牛串燒好重牛味，肥瘦適中，唔會太過硬；台灣腸一口咬落去爆哂油，好邪惡但好味；芝士蟹柳就唔多夾，芝士有點咸燒娃娃菜 🌟燒娃娃菜唔係一串串咁燒，係烤焗咁煮，但娃娃菜唔岩用孜然粉就咁灑上去，咁樣只係食到一口粉，但菜係無味如果用蒜蓉牛油焗會更適合蒜蓉包 🌟🌟🌟一黎蒜蓉包覺得份量好足，燒得好靚好香，但一咬落去蒜蓉苦味出黎，因為太多蒜蓉，變得苦苦地，同埋唔香脆整體黎講，CP值都算高，但加多D款式更加好

一直好想試，終於下定決心訂位一試。完全無伏，非常高質👍🏻重點推介：燒原隻魷魚（需提早預訂）一上枱已經好驚艷！魷魚筒大大隻好飽滿，色澤吸引！咬落去勁多汁，食到魷魚彈牙少少爽口嘅質感，調味完全無蓋過魷魚嘅鮮味！其他原條燒馬友、牛舌、豬腩肉都保留到食材嘅原味，而唔會用調味蓋過劣質食材。

南區罕見串燒店😛佢哋夜晚七點先開始營業，不過我哋事先book.左所以唔使等。環境唔算大只有三張枱，大約10個位👀我哋叫咗好多嘢食，全部都係即叫即燒，等大約15分鐘。全部串燒都夠重口味，尤其係有蒜蓉嗰啲，蒜蓉份量比得好慷慨🤣蟶子同扇貝都好新鮮，係幾鮮甜😍個人比較鍾意燒雞皮，因為唔係間間串燒店都有得食，而且佢炸得好脆，似食緊薯片，食完一串都要再encore蒜蓉秘製大蟶子皇 $48/隻蒜蓉秘製大扇貝 $48/ 隻汁燒牛舌 $24/ 串鹽燒雞腎 $14/ 串香燒雞皮串 $12/ 串蜜糖燒煙鴨胸 $15/ 串汁燒豚肉蘆筍卷 $18/ 串香脆蒜蓉包 $22/ 3塊汁燒墨魚仔 $18/ 串原條蒜蓉燒茄子 $32/ 條孜然燒韭菜 $11/ 串焦糖燒菠蘿 $16/ 串總括嚟講，性價比好高，食到捧住個肚走都係人均$160咋，下次來開呢區都會再食😋