大久保日本料理 (已結業)

00:30後5人入座,之後俾多$10任飲.......友人提過如果坐房都幾過癮,一班朋友向房度可以傾得好暢快~~~不過冇卜位,所以未能安排到.......野食真係普普通通,係得個唔知咩芝士丸比較有印象,因為趁熱野真係幾好味.....其他d吉列野,刺身,壽司,爐端燒,炒烏冬,炒飯,手卷都係一般水準.....當中有d更加係麻麻......有個類似叫牛油雜菇,幾難食下........不過叫做多款囉,肚住餓黎食都ok ge""" 但唔可以係重質囉,一定要重量唔重質.雖然d侍應尚算有禮貌,但係上菜方面真係吹脹:叫親d野,永遠係得刺身同壽司黎,其他真係要3催4請先肯黎.....咁就死啦,有d野見佢咁耐唔黎,咪起雙囉,點知最後佢一次過新舊黎齊......勁嬲......總之你唔係為左食好味野,都可以食下......不過想傾計的話,一定唔好揀,佢係咁播VCD,一個2個掛住睇戲......又十分愛,又少林足球.....之後仲有套唔知乜乜tim.......

情人節要臨時同2個朋友慶祝生日，係無book位o既情況下，一行三人惟有試下呢間o係7pm+重有位o既食店。價錢$198+10%@，任食2hrs，如果唔係無book位，一定唔去。總括而言，食物唔熱、味道差、扣起order紙扮無收過、即使order壽司都要等15分鐘先到，咁樣「任食」法，佢賺曬啦。第一次order數款食物，但一如其他cheap cheap舖一樣，無到齊，到第三次order直情一樣食物都無到，問個部長，佢話無record wor.有一pair情侶又o係order了兩次，只有一、兩樣食物到左，結果個女仔問左個女captain，個答案係「電腦無紀錄」，個女仔堅持話已比左兩次order，但個女captain連一句sorry都無講，剩係話「都話check左電腦無紀錄lor，你再落過啦！」今時今日重有咁既服務態度。最離譜係我埋單簽咭，我簽左名個女captain先發現碌少左2蚊，佢話要void單再碌過，都唔緊要，但佢居然將我簽左個張錯既bank receipt hold起一個copy，然後將void 單既receipt撕爛一節先比我，我問佢做咩撕爛void 單張receipt，佢話呢個係

上次收工同同事食宵夜一上去就畀間房仔我地之前聽聞這店好差，但親身去就唔係，選擇好多，出得又快大部份都好食，尤其焗芒果汁飯好食燒汁牛柳，香甜正不過拉麵同墨魚丸就一般都唔係難食都係＄９８加一不過話啤酒任飲，都唔係，要加＄１０今次真係幾好～下次再去～

上星期16/1(星期三)同honey出去交收之後去左mk到食大久保日本料理前排媽咪同d朋友食過佢話幾好wo~d朋友都食過好似幾好咁所以去試試我地去到7點幾$148/一位再另收加一任食兩個中都好多款野揀開頭我地都好肚餓因為訓醒都未食野我地都嗌左好多野食呀~不過每款黎得好少得一兩舊咁d野食都唔錯呀盬燒秋刀魚我食左兩啖@因我唔中意食魚~同埋有d "send"手卷~我無食度海鮮鍋都幾多料架,我又係食左少少only,但個面鼓湯底好淡芒果汁焗海鮮個樣好靚,不過好酸耶汁燒墨魚丸味道一般啦~烏冬um...麻麻地雜果粟米沙律d雜果太少了~haha盬燒雞軟骨串呢款幾好味呀~仲有其他野食~太多了無影到相呀辣味洋蔥圈<~唔好食~_~食一啖x返出黎和風龍蝦湯<~叫左3次先黎, 好淡味噌汁<~ok,不過唔夠熱d壽司就...不太好我地淨係食左舊次第就算舊飯好大舊@整體黎廣都ok既~百令蚊位但宵夜時段會抵食d

呢間野真係唔得,食物的質素很差侍應的態度都不多好,我認為大久保應該換一批新血,改善服務態度。食物的質素亦很差,不過,以這樣的價錢,實在不應要求咁多。希望大久保盡快作出改善!!!!!!!!!!!!!

一直以來,都只喜歡寫自助餐今日元旦日,我又與友人黎大久保支持她的午餐因截至目前, 我覺得最抵食的日式自助餐就是大久保的午餐.我已去了4~5次我覺得大久保的服務態度改善左好多, 因換左個女經理, 所以加分至於味道, 我不太執重, ok好味的,在於這價錢上, 我已覺得超值。何況我覺得好味,因我冇卑$16x這價錢,故吃飯前,請多留意別人的評語,咁起麻可以減低不必要的後悔午餐的大久保是值得一試,強調是值得一試價錢是加一後再九折=$47.2

香港飲食業百駒競走，有真洋鬼子，自有假洋鬼子；真東洋鬼子有擁躉，假東洋鬼子也有佢o既客路。日式放題黎講呢間都算企得好穩，你點彈佢都好，繼續生存就係最佳辯護嘛！讚定鬧都要睇你俾左乜野價錢丫馬！午間放題＄４８加一，有時重有九折，老人家童細路仔半價。老實講，有少少常識都知道一定唔會係正宗日本野，求其有少少型似都收得貨啦！幫趁大久保都有十次八次！每次都係帶Ｄ侄仔甥仔上來，甚麼壽司手卷雞翼串燒，都係細路仔中意食o既野，唔算頂級，都總算入得口，味道ＯＫ，送個牛奶雀巢甜品，有時係雪糕，有時係奶酪，有時係哩，淨呢ＰＡＲＴ都值幾銀野啦！食到飽飽，食完未試過肚疼。人均幾十皮，想點？帶個大食肥仔去，直頭有賺添！o得Ｄ細路仔開心，即係自己開心，都值番晒啦！

大久保的賣點是廉價日式放題.但食物水準真的是其差, 亦沒有誠意.走單情況經常出現, 要是不求味道, 只求飽肚好了.但付出同樣價錢亦可到別處吃點好的吧.

以前黎過, 感覺普通. 尋日同朋友行完旺角上黎食lunch, 雖然五十幾蚊任食, 無可能有期望, 但其實我幾鍾意佢啲蟹柳腐皮卷, chicken piece, 菜同秋刀魚. 令我意外嘅, 反而係壽司同拉麵, 可能佢睇到之前飯民的劣評, 所以有改善, 整得唔錯. 可惜最後有個致命傷: 咬左兩啖炸餃子, 先至知道係臭嘅, 變壞左! 臭到好似食左個隔夜垃圾桶咁, 吐都吐唔切, 慘!

幫朋友慶祝生日...由於多人出席, 想搵間房可以有私人空間感多d...點知食左1個小時左右, 服務員突然開門(無敲門), 之後黑起塊臉、大聲夾惡話:「你地夠鐘喇!」我地成班人呆左...個場面實在太驚嚇...俾人鬧...就算係提醒顧客自助時間差唔多夠鐘, 都可以禮貌d掛...另外, 壽司質素差劣, 永遠唔會再去幫襯了!!!

很肚餓很肚餓，朋友見議來這裡食飯，我絕對ＯＫ！0黎過大久保幾次，以48蚊加一任食，確實抵的。雖則每樣食物的質素都有參差，但又唔係話食唔得落口0既…；服務就少了主動，不過沒有什麼黑口黑面的。唯一要說，女廁真的細到不的了，入去難﹑轉身更難…今次來佢地做緊生日優惠，朋友在12月份生日，所以有半價，埋單每人40蚊，更見抵食呢…

因有朋友生日,決定到這間比較平的日本菜試試。2年前曾到這吃過1次,覺得不錯,但這次明顯比上1次差。12月生日可享半價優惠,每人都只雖$53,食物的質素這麼差是可以理解的。我們order了很多食物,明顯認為我們吃不完,所以無論我們order多少,都只是給我們人數的份量。有些更order了沒有來。服務態度也不算差,只是waiter不夠。如果想吃好1點的都不會選這兒。

十分差...食物差...服務差...魚生好凍...好雪...落單又漏單...$163不包飲品...太貴...太過份...執咗佢吧啦...

因為朋友要離開香港, 同佢食最後晚餐, 所以行完波鞋街走左上去, 簡單來講呢間野比以前更加差, 就環境來講, d枱放得太密--失敗, 壽司飯太大舊, 魚生太細塊再加上濃情化不開既washabi--失敗, 服務員態度愛理不理, 上菜慢---失敗,唔抵食, 食品種太少, 拉麵似車仔麵---失敗,枱面好似有一層黏乎乎的東西---失敗中既失敗,最失敗係仲響度播"食神"張碟, 攞自已境咩!

岩岩食完佢個晚餐,收我成$163,要我食D咁既垃圾落肚,簡直離譜!!1:魚生唔新鮮,(由其係鱆紅魚刺身,硬過我條命)2:出菜好慢,浪費2個鐘既所謂任食時間!!3:服務唔好,D人態度差!!4:價錢唔合理!!5:無靚裝修!!總之優點全無,用哩個價你可以選擇食好多好野,但一定唔係哩間!!