大井町日式放題 (已結業)

原本興致勃勃 日坐低落柯打冇人理你 唔緊要 最激氣的 先講刺生 柯打 魚生 五款 每款要20件 回來的每樣減一半 最激氣的 帶子 20件變四件 未食一肚氣 以為搞錯咗原來真係 叫幾多減一半 嘗試齋叫帶子 都係減一半都是減一半 不用錢下次都唔嚟

大鴻輝中心有好多放題、任食火鍋店，其中一件CP值高既就係佢啦：大井町，相信冇咩荃灣人會唔知道佢既存在餐廳空間感寬廣、可以容納過百客人即使我好早六點去到，但已經有好多人係度填緊個肚啦，入座率已經有四分一～同其他放題唔同嘅係呢度有自助沙律吧可以自己去攞前菜食，有生蝦、青口同埋翡翠螺呢d通常buffet先會見到既冷盤生果、甜品同埋飲品都係自己去攞，選擇好多尤其係啤酒，雖然冇大眾品牌但就有黑啤飲：0，鍾意飲啤既朋友就唔好錯過佢地啦刺身款式同其他放題差唔多特別欣賞佢既馬刀貝，好fresh好爽口壽司細細舊，甘就唔怕食飯食到飽啦佢d熱食、天婦羅、串燒同炸物質數好高！成晚就係度不斷loop住叫熱食上菜速度非常之快仲要冇漏過單，係要讚既！最後仲有雪糕食，可以揀Movenpick／ Haaegan Dazs／Dreyers ：P正啊

放題就食得多，今次有朋友介紹荃灣呢間放題都好抵食同質素都唔錯，咁所以就bk位黎食。黎到荃灣中心上電梯就到，非常方便。地方亦都非常大。坐低當然即刻剔下食咩啦，食物款式都幾多。d刺身都幾新鮮，而且有2款蝦可以選擇，又有帶子食，非常開心。雞肉串燒都唔錯，燒得好香。牛脷非常值得推介，因為味道好濃，而且肉質非常腍，加上送上黎係熱辣辣傢，真心好食。我地都re-order左2次。d炸物都炸得幾好，紫薯波都好好食，都好足料。我地都係第一次放題食蟹粥，一鍋都可以每人分到2至3碗，味道都幾鮮。個人就最著重食甜品。甜品方面，呢度有個甜品櫃任您選擇，中意食邊樣就夾邊樣。雪糕方面，有movenpick嘅雲梨拿味，當然要揀啦。Overall值得再黎。

今日嚟到大井町食放題，之前食過覺得係勁有水準嘅放題，所以帶埋朋友嚟先一如以往都係我去過最多飲品選擇既一間放題，有熱飲，老人家小朋友都可以一齊黎仲有salad bar食物方面都有好多坐位都好寬敞，二人坐4人卡位千島蝦多士 ⁃幾創新，仲有菠蘿配搭⁃多士再脆啲就更好食辣味噌拉麵⁃唔似一般港式拉麵咁有鹼水味⁃拉麵有彈性⁃湯底夠入味咖哩牛腩湯豆腐⁃牛腩好淋，一咬就融化嘅感覺⁃豆腐只係配搭冇乜特別焗小蟹蓋⁃入面用好多蔬菜、薯仔包住，食落ok嘅⁃唔會特別推薦茶碗蒸⁃雖然蛋好滑，但係食落有少少濟Xo醬炒飯⁃上枱時仲出緊煙，夠曬熱⁃而且食到好上癮⁃啲蔥好有口感花膠食到最後想食甜品都有好多選擇，甜品櫃有唔同cake、jelly之外，仲可以食雪糕

過年時約定老友一定要一齊食返次放題，佢住荃灣區，當然荃灣食比較方便，早聽聞大鴻輝中心大井町食材新鮮，唔週圍搵了，就試呢間餐廳面積超大，而且全部卡位，座位之間通道很闊，而且完全唔嘈，可以邊傾邊慢慢食點菜單多到要分前後兩邊擺，刺身，壽司，鐵板燒，天婦羅樣樣齊，即刻點菜不消三分鐘，先送上芥辣三文魚軍艦，紫菜夠脆，魷魚粒又夠多又夠辣，兩個字，足料飲品有大量可供選擇，可口可樂，道地，韓式飲品，解茶大量供應刺身大堆頭送上，眼望已覺非常新鮮，三文魚厚切有甜味，馬刀貝爽脆，中拖羅鮮味質感彈牙，赤蝦超巨型，肉質爽，味鮮甜，食多幾隻都翻本，甜蝦亦夠鮮味，帆立貝好鮮甜，高質貨色，正食完大盤刺身，梗係要試下熟食，芝麻炸雞翼即叫即炸，熱辣辣好好味，鹽燒蝦新鮮惹味，台式腸好少有得食，甜甜地幾正炸蝦天婦羅，蝦肉彈牙，粉漿厚度啱啱好，夠晒脆口出邊自助吧枱有冷盤供應，沙律菜，水果，熟蝦都長期供應仲有酒店級特色甜品供應，用有門凍櫃儲存，試左青蘋果布甸同芒果蛋糕，都很有水準壽司點左幾款，帆立貝壽司夠大舊，又鮮甜，灸燒左口魚邊油份超夠，海膽手卷細細隻幾有特色黎到放題最後一道當然係食雪糕，有dreyers雪糕雪條或movenp

好耐冇嚟過荃灣，知道大鴻輝中心一直多好嘢食，早排有朋友推介過大井町日本放題，話食材好新鮮！仲叫我必定要試一試，今次咁岩有住荃灣既朋友生日，所以就決定試一試！一入到去見到地方好闊落嘅自助區，有飲品，甜品，海鮮區，更加估唔到嘅係仲有熱維他奶飲！勁貼心！坐低之後即刻叫個刺身拼盤試下咩料先！講到咁誇張😏嘩😮😮😮，一試難忘！冇諗過食放題嘅地方可以有咁嘅級數嘅刺身！仲要有拖羅可以食到！勁肥美🐟🐟之後再點個招牌鐵板一口牛，勁J U I C Y!!😋推介！牛舌都好軟綿綿！燒到好香😋 Encore左客！壽司，種類都唔少！火灸，軍艦，創意咩都有🍣🍱炸紫薯好好味呀！😍熱辣辣～另外炸墨魚餅嘅口感好得意！係炸魚加一粒粒墨魚😁👍🏼軟滑之中又有彈牙嘅口感！最後仲可以一人選擇一個甜品！有movenpick 呀😍呢間放題性價比好高！有機會再有荃灣朋友既慶祝活動一定會再食😋😋

今日返工返到一肚氣, 我諗好多人辛苦完都會用食黎發洩!我都係, 所以要食放題。見到OPENRICE呢間好多笑笑口, 所以決定黎一試!! 第一次黎!嘩!3/F全層都係大井町, 好大，好多位, 而且我地得2個人, 職員都係安排4人卡位比我地!!坐得好舒服!! 點完第一輪野食之後出左去「自助區」拎野飲!!勁多款野飲!!好似去左7仔咁任揀, 起碼有3個飲品櫃, 有氣冇氣啤酒咩都齊!!除左野飲仲有甜品區, 有泡笑, 蛋糕仔, 和菓子等等!!跟住仲有個生果位比人任拎生果, 同埋仲有個位拎凍蝦, 螺同埋青口, 仲有雪米糍。好似出左去自助餐咁!好誇張!!好多野揀!!最意想不到既係我拎完野飲返去之後第一輪野食已經到左!!可以用極速黎形容!!上菜速度奇快。 講返野食, 佢大大話話都有14張點野食紙。款色唔算好多, 算係正常。自問真係眼闊肚窄, 唔敢亂咁點, 費事浪費食物。但我本人覺得最想推介既係榴槤炸彈!! 榴槤炸彈一個熱騰騰既炸波, 一咬開啲好濃既榴槤汁就流出黎, 好香榴連味, 我一個人都食左4粒, CRAZY!!想食個刻先好劃紙, 放耐左冇咁熱就冇咁好食, 反正佢真係上得好快。 唔食榴槤??哈哈, 都

員工態度差，食物款式少之餘，質素極差，蒸蛋冇味，紅酒牛脷似嘔吐物！明明有宵夜時段，門口個阿姐竟然話冇，點知過一陣隔離枱話佢地係宵夜時間！都算，成個場得嗰幾張枱有人，唔知點解啲野食都要等成半個鐘先上得完，見到個壽司吧枱原來啲人趕收工掛住洗野唔出單！10:30都未有，啲侍應就喺隔離大大力掃地，搞到成枱食物都有塵不特止，仲要掃埋你腳底！之後用濃烈漂白水抹隔離張枱，明顯要趕你走！但明明寫住營業時間到11:30！

我冇影相大家可以當我亂講，但呢間餐廳而家難食到我特地開一個account走黎寫劣評，真係自己諗諗有幾難食到一個地步。一開始叫刺身，幾好食無問題。跟著紅酒燴牛舌熱辣辣都冇事。之後黎既所有“熱”食真係，刺身冇冰底可能仲熱過de熱食。平時食放題就刺身正常，燒物炸物之類既熱食就好食。甜品Dreye's賣返黎當然正常。“熱”食列表：“炸”雞翼，“燒”菠蘿，鐵板牛柳粒正常人隻手仲熱過個鐵板，蝦多士同卷物一樣溫暖。其實最有問題係價錢，唔值真係好心痛。

係樓下收到傳單所以上來試下食個放題又真係幾多野食既衰鬼最欣賞係佢甜品同水果種類超級多連飲品都有2個大櫃凍蝦等等酒店有既海鮮佢大部分都有一來緊係點刺身冰底上食幾耐都夠凍而且壽司飲軟硬適中頗好味仲有手卷仔岩曬放題既大小 一啖已經半個 可以留肚食之後既野呢個蜆叫左2輪因為真係夠辣好味串燒有埋檸檬汁好貼心串燒都幾多汁唔柴唔乾蝦都幾鮮甜 可以叫多幾隻食香甜可口既栗米好快就清盤食放題少不了就係炸物全部都係新鮮即炸仲有個特色蝦多士可以試試雞翼都非常香口拉麵細細麵唔會太飽D麵好彈牙佢既牛肋骨好多料中意啖啖肉既人係必叫最尾緊係要食個甜品同少少水果滿足了2個人600蚊有找性價比都幾高如果食自助餐都無咁平吧

預祝大嫂生日飯！新年過後，已經吃了無數次的中餐，所以大家就想轉一轉口味食放題。見這間大井町已經開了好一段時間，網上評價又好像不錯，便打算試一下。我地即晚預約的，晚上6點打去預約8點也沒有問題，還心想「我們真是幸運喔！」，可是到達現場後，你才發現根本不是幸運，而是本身這間放題的入座率極低，當晚所見也只有約3－4成。在職員帶領我們入座時，我已經留意到這個自助區，有沙律、水果、甜品和飲品可以自取！飲品種類算多，而個人最欣賞的地方就是有暖飲，這對於步入中女年齡的我來說簡直是福音。甜品區有很多小甜品，好處係全部細細件，試多幾款都唔怕，不過味道就一般般…另外仲有兩款口味嘅雪米糍任食。而貴價少少嘅甜品如Movenpick同DREYER'S就需要入紙，每位限點一款。食物種類及數量屬正常範圍，最特別嘅係佢地竟然有花膠冬菇鴨腳呢類中式野！可惜…所以食物都平平無奇，刺身尚算肥美，但某些創作壽司好似真係得舊飯咁，太少魚生！炸物只係暖身，唔算熱辣辣…扣晒分…重點係食咗成晚，如果問我有咩好食，其實我真係答唔出，真係要揀的話就只有芝麻雞翼…總結：服務方面其實係OK，上菜速度快，漏單情況亦不嚴重。只係食物方面確實有點

荃灣除jor 多雞煲店之外！日式放題都好多下！ 但係好多質素麻麻地～ 所以真係好難揀！ 而朋友推薦呢個！ 話飲品選擇好多！ 好多酒飲！   所以畀佢吸引jor 我！ 大鴻輝 呢棟大厦基本全部都餐廳！ 每次都好鬼多人排隊！ 好彩呢間係三樓！ 少jor 一個排隊壓力！3樓一整層！ 地方好大下！ 而且相對於其他放題, 臺與臺之間唔會係d 好窄！ 絕對保持距離！ 唔會聽到人地講緊咩！飲品呢！ 真係好吸引！除jor 平時經常見既韓式飲品 同可樂之外！ 都有最愛既維他奶！！好酒人士最愛既啤酒 都好多款！連黑啤 清酒都有！ 真係可以不醉無歸！點jor 嘢食, 仲未到既話, 都仲有自助小吃！ 而且種類都不少～ 沙律 蝦 青口····放題食物款色同質數都不錯！無論炸物 壽司 煮物 都比較多不同款色！ 搞到你每樣都想試一下！壽司都有好多創意款色！ 完全不單調！刺身方面都不差, 基本你點既數量, 佢都會實數畀！  放題黎講, d 三文魚 都算新鮮. 其實覺得佢個牛肉粒 同 佢個蟹粥 , 令你一食再食！雖然份量細細碟！ 但係味道好好！ 蟹粥真係好鮮甜！總體黎講！ 都好抵食！ 質量不差, 而且酒款色咁多！ 絕對

年三十晚啦！辛勞的一年，對自己和家人好D，就來一餐放題以滿足大家的肚子。''大井町"，之前我哋已經食過2次，覺得食物質素和服務都不錯，所以今晚揀了此店來慶祝年三十晚。食物未到前梗係攞少少冷盤食住先，青口、螺和螺肉都0K。刺身好快到。有三文魚、中拖羅、北寄貝、甜蝦、馬刀貝、油甘魚、赤蝦、赤貝、鮑片、榮螺片，刺身都幾厚切，幾鮮味，蝦亦幾鮮甜。 火炙壽司:火炙味噌醬蟹棒、汁燒和牛壽司、火炙三文魚腩、火炙芝士玻璃蝦、火炙左口魚邊，好味。壽司:辣汁針魚壽司、松葉蟹腳壽司拌蟹面豉、花之戀、三文魚壽司、帶子壽司、虎蝦壽司、胡椒柚子醬拌中拖羅，壽司也不錯，我就比較喜歡食火炙壽司多D。手卷:海膽和辣味鳗魚手卷，不錯。卷物:牛油果軟殼蟹卷和辣汁炸蝦卷，不錯。 鐵板料理:鐵板牛柳粒過熟有D靭及鞋、泡菜炒豚肉微辣中帶甜味，味道就一般啦！創作料理:吞拿魚他他一般、章紅魚薄切拌柚子酢不錯，味帶鹹鹹地酸酸地挺開胃、水晶香芒大蝦卷都0K，我覺得款式似泰、越式食品。 創作壽司:以"大"(右一)、"井"(右二)、''町''(右三)命名的三款壽司，都算略有心思的，但“大”和“町”都以蝦作食材，有重複感，其中一款應以其他食材

放題就成日食得多，但唔係間間都坐得舒服，我最欣賞呢間放題地方大坐得好舒服，食都食得開心啲。放題出邊有個自助吧，有幾款冷盤，沙律同埋啲水果，覺得冷盤啲蝦最好食，蝦肉好爽身彈牙，我都食咗幾碟嘢飲都有好多款選擇，呢間放題食物質素唔錯刺身都好新鮮，赤蝦勁大條啖啖肉，食多幾條其實已經回本我就推介燒羊架同鐵板牛柳粒，燒羊架好有so味，呢個味先至係精粹，牛柳粒啲肉好軟，好易咬口，甜品亦都好多款選擇，泡芙都有三隻味道，覺得最好味嘅就係朱古力條泡芙，食到最後都會有Dreyers 同Movenpick牌子嘅雪糕每人揀一款，食物送上尼速度好快，整體評分唔錯

你一生最美好的場景是不是遇見了誰?  是不是盡管呼吸著同一空氣，卻無法擁抱到他。相愛不代表會走在一起。相遇卻又不能有情人终成眷属。還是你依然在等待?而我，幸運的是遇見了大井町。寒冰五千，花兒與刺生。新鮮的大蝦，必須連蝦頭都不放過。魚生完全沒有凍僵，看得出的鮮味，剛到的魚兒果然大讚...各種食物都跟其他大型的放題八九不離十。但大井町創意無限。(驚喜啊)這個碗仔翅....真是翅中之皇。簡單得黎料足香味濃，跟平常的碗仔翅有點點不同。肉絲冬菇絲翅絲從不缺席，每口都能均勻地吃到。而且在放題中可以點到碗仔翅，令人喜出望外。所謂百星不如一月，這味花膠冬菇鵝掌同樣是驚濤駭浪。冬菇軟又香，花膠雖不是什麼上等靚膠，但配的汁很入味。一杯熱水，可能你會覺得它卑卑不足道..但對於我這種過了六時不飲茶又不飲可樂的老少女就十分重要。散起了微微熱煙的水...讓人放下心房，就算是如此急速的放題店都可以把酒當歌。(總括而言大井町所有食物都重口味了一點。)但我卻很喜歡這裡....不管是不是因為一杯溫水。