大伙頭 (已結業)

行經多次都冇意慾試，總覺得其他食肆的餐單較吸引，今天時間比較趕，又想即泊即食，所以在餐廳前停車，跳入店食個快餐。手機點餐，看過餐牌之後，就明白為何他們的菜單不是什麼吸引。因為他們的早餐就是常餐，但細心睇一下，又發現其實常餐的選項都很多很豐富，比如蕃茄叉燒或者薑絲豬潤或牛肉等選擇，除了一般通粉，米線之外，亦有許久沒見的字母粉。餐飲的自主性也很高！甜，淡，濃，走奶，分開上都得；包類都一樣，黑糖包，烘底，走油，太覺性化了。最後點了蕃茄叉燒字母粉，黑糖多士，火腿烚蛋，熱鴛鴦走，奶分開上。另一份薑絲牛肉米線，黑糖多士配芫荽炒蛋。過了一會，食物上枱，蕃茄火腿字母粉，實在很久沒有食字母粉，很懷念，蕃茄湯底夠，叉燒中規中矩。之後上的黑糖麵包靸蛋火腿，真的豐富，因為有兩件三個型麵包，而且係厚包！好似賺咗咁， 鴛鴦走，奶另上真的分開淡奶，煉奶。薑絲牛肉，薑絲味重牛肉滑，米線稍為稔咗D。芫荽炒蛋冇得輸，大份又夠熱。整體來說，味道中上，餐單選擇夠體貼又做到效果！推介！

原來自己落單嘅目的係將個責任推卸畀顧客,因為過於太多選擇撳錯了掣,主管說如果造了食物就不能改,我問如果自己落單同伙記落單有咩分別？佢話如果叫夥記落單伙記有機會發脾氣,因為可能太多人,要諒解下,呢D對答,咪將責任推比食客,管理有D問題,不會再幫襯

幫襯過大伙頭都好幾次，多數係早餐同下午茶時間光顧。今日嗌左個腐皮雲耳通粉，配多士、芝士同烚蛋（$38）多士佢比足一塊，唔似平時其他茶餐廳比多半塊。仲有可以選烚蛋、芝士...可貪佢清淡少少，唔使下下都食火腿腸仔炒蛋。麵食嘅餸都選擇多架，唔食素仲有平時一般火腿，沙嗲牛，豬膶果d呢個價錢比咁多野食，同埋佢配嘅食物選擇多，絕對有下次。

傳統港式冰室茶餐廳 午餐係食飯或常餐為主菜式如下 香煎雞扒腸肉煙肉炒蛋加牛油多士 其實呢份即係茶餐廳版全日早餐 炒蛋香滑 雞扒超大塊 加了黑椒汁香辣惹味 另有煙肉同腸仔 仲有完整一片厚牛油多士比起食個飯更加滿足更加飽! 雞扒2邊都煎脆了切開厚身有肉汁好嫩 多士夠脆夠香口評分8/10消費$60大伙頭紅磡崇潔街91號崇廉樓地下101-103號舖土瓜灣新山道16號欣榮花園地下5-6號舖

以前還住在土瓜灣時已常常光顧大伙頭🤪 覺得在區內它算是有熱誠的 味道、環境、服務態度均是於水準以上🥰 是次舊地重遊，專誠來試試大伙頭的新餐點〰️下午時段來到大伙頭 店內已坐滿8成 ✨ 店員迅速為我安排坐位 ☺️ 店內現正推行電子下單 若使用電子下單系統 每張單可減2蚊！以這方式吸引客人自助下單📱很有趣😆😆齋啡☕️正常茶餐廳質素 沒有酸味 又香又濃 夠熱 而且很大一杯🤣All Day Breakfast 🍳 我選了雞扒、蔥花炒蛋🥚、餐肉、薯餅、茄汁豆以及麥多士🥖 份量相當驚人 同時質素很高！ 雞扒外皮煎得脆而不膩 嫩滑多汁🤪 蔥花炒蛋 蔥花的份量給得很慷慨 一解牛油炒蛋的油膩感 🥚 又為滑捋捋的炒蛋增添爽脆的口感😚😚😚 餐肉厚、茄汁豆份量多 無可挑剔🙆🏻‍♀️而我最愛的是壓軸出場的薯餅🥔熱辣辣又脆卜卜的薯餅本來就人人都愛吧而大伙頭的薯餅是很足料的 非坊間那種炸皮很厚而裡面是空心的薯餅 從圖中大家也看得出來吧 薯餅被juicy的薯仔粒填滿了 並無空氣感！還能吃到薯仔的香甜！很驚豔到我！🥔🥔🥔 昨天吃過後 我還一直念念不忘😭😭 店家還有小旗提醒客人盡快享用吐司🍞🥰我選了麥吐司加花生醬🥜 （+$2）吐

服务員阿冰態度很好， 另一位黑衣服，短髮侍應 在客人身邊放置食品將食物汁貼住碟上， 打到我女兒校服沒有道歉就走開，他同事冰見到还代他道歉， 雖然知道是繁忙時間，但希望也要注重 服務態度，

明明寫用手機落單有九五折但埋單無了影， 可能要提才有得比，大家小心，為免之後無得追，一定要主動提，因為手機落單係無自動折扣優惠的，好cunning , 不是錢多少的問題，係不自覺比的問題。打去比阿姐，服務態度差，無心跟進，仲cut 我線

朋友帶我來吃早餐， $38一客，不特別便宜，但選項多，份量大，性價比甚高。首先選擇麵食，湯底和配料就有12款選擇，粉麵就有5款選擇，很多款我也想嘗試。再選小食，又有11款選擇，選擇困難症又發作。最後選麵包，也有三個選項。最後，我選了番茄牛肉意粉，配午餐肉和茄汁豆，又選了牛油麥包多士。蕃茄牛肉意粉，湯頭味道不錯，若多一點蕃茄的酸甜味就更佳，牛肉大大片的，而且有很多片，雖然沒有什麼牛肉味，但也很軟滑，意粉份量不少，不過煮得有點過軟，不夠爽彈。以茶餐廳的水平來說，算是不錯了。茄汁豆很多，午餐肉一片，都中是一般罐頭的水平，算好吃。牛油麥包多士有兩片，朋友說今天烘的不夠脆，平日的很脆很好吃。以茶餐廳來說，食物算是令人滿意，不過服務方面卻有可以改善的地方。這店有一位男店長和幾個女侍應，他們雖然忙碌，但態度尚算不錯，但那女收銀員，卻很沒禮貌。我在付錢時，看到櫃檯上放着儲印花的小卡片，儲滿10個印花就可以換一客早餐或下午茶。我問收銀員消費多少錢才有印花，她就很不耐煩地說是$35 ，然後又語氣很差地說：你要不要蓋印，要就快點！其實當時只有我一個人在收銀處，沒其他人排隊，她實在沒必要那麼不耐煩。

🌗 Fried Pork Chop & Egg with RiceThe pork chop is not as thick as it used to be or as tender as it used to be. Hmm.. not much to say about this restaurant as this rice plate I have is just an okay dish. I feel the food quality of Top Chef Restaurant fluctuates quite a bit. I used to have better food served and loved their deep fried chicken leg.

欣荣花园的大伙头位于翠华的旁边，比较过两者的内外环境，前者明显新颖点，店内光线充足，第一感觉是良好的。店内的装修也很温馨，感觉舒服自在。餐单很特别，以报刊形式发布，但个人感觉是阅读不大方便。晚餐有不少选择，也不会太贵，大部分是50多元，跟附近几家茶餐厅差不多。本来是想吃焗猪扒饭，但制作需时，要等15分钟，最后选了一份无骨猪手捞粗。粗面的份量不少，但质地一般，咬下去有点腍，没有弹性。至于无骨猪手，总共有5块，肉质有点嚡。总结一下，整个捞面只是一般般水准。跟餐的奶茶真的不好喝，有点失望。从餐单中，他们还有一些具吸引力的小炒和煲仔菜，下次多找几朋友试试。

呢間餐廳嘅早餐，我食過不下30次，一直以來都覺得佢嘅份量係特別大份，味道唔錯，大玻璃亦都容易睇車。鍾意食佢嘅薑絲牛肉麵，歐陸早餐同埋雞扒/豬扒丁麵餐。 早排門口頻密抄牌，中過招之後，少去咗。今日重臨舊地，叫咗一個歐陸早餐，豬扒，蔥花炒蛋，煎太陽蛋，同埋煙肉。豬扒好明顯比以前細件咗好多，以前塊豬扒好似塊面咁大，而且又厚，依家就係普通一塊薄豬扒，仲分開咗一半，半塊半塊咁就好似啲頭頭尾尾搭埋。炒蛋煎蛋煙肉就正常。多士佢有三種選擇，可以揀白麵包，麥包，或者甜麵包，多士都唔使加錢。佢以前嘅麥包多士好好食，自從轉左黑糖麥包之後，就好少食，因為唔係麥包嘅感覺，似係一塊黑色嘅白麵包，冇麥包嘅咬口同顆粒，一啲都唔好食。 所以揀咗白麵包。跟熱飲，承惠$46 $46 一份早餐，冇咗大大塊嘅豬扒，同埋好好味嘅麥包多士，去其他餐廳都有大把選擇。不過佢係長期都好多人食早餐，朝頭早食個早餐都係要等位嘅，咁當然有值得惠顧嘅地方。我諗門口停到車係一個好大嘅原因。希望佢嘅食物可以進步返！

本人覺得他們員工愈來愈不用心，而且沒禮貌，我們叫了沙嗲牛肉米線要走薑絲，但最後依然沒有理會，而且歐陸早餐的食物都是番炸到很燶，失望😞。好評就是味道和價錢也算不錯。

食物都唔使點講，今次真係受氣，食個早餐，老闆和樓面員工服務態度亦都好差，真係欠左你地咩？有啲咁嘅老闆就有d咁既員工，嘢食幾好都冇用，食嘢嗰陣時都要有心情，我有心情嚟食，呢啲員工就搞到啲客人冇心情，對客人呼呼喝喝，絕無下次I am totally disappointed and dissatisfied with their customer service as a first timer. Their staffs were completely rude, sarcastic and mean.If they're not happy with their jobs, they should QUIT immediately and get a life

土瓜灣大伙頭嘅早餐種類都好多，基本上佢啲茶餐全日都可以食到係早餐時段平十元，我們兩個人就order 一個火腿通粉跟午餐肉煎蛋麥多士凍檸檬茶，另一個蕃茄牛肉湯通粉跟火腿炒蛋多士凍檸檬茶，火腿絲通粉湯底都幾好番茄牛肉湯夠香濃番茄味牛肉都淋，佢最好就係烘底不需要加錢抵讚，還可以選擇普通方包,麥包或者甜包我地試一個方包一個麥包，我較為喜歡麥包多士感覺好似健康啲，見到隔離枱食歐陸全日早餐賣相好似幾吸引下次要試下·

今朝大清早就起身，因為約左朋友一齊去行山，系家悶左好幾天，實在要出去走走才行，商場又吾敢去，只好去郊外走走，今日選擇了屋企附近至愛嘅大伙頭，一看餐牌超多選擇，花多眼亂之下最後選擇了火腿通粉(火腿絲超多，比其他茶記濶佬多了），焗豆，烚蛋+多士，呢間茶餐廳非常好，多士也不用加錢，還可以選擇白多或麥多，還有我最喜愛嘅焗豆可選擇，怕油膩吾要煎蛋要烚蛋也可以，實在太perfect, 最後再來杯香滑奶茶，呢個早餐實在太豐富了