大力齋廚 (已結業)

元朗真係多野食今日揀左呢間齋廚見佢幾企理 好闊落 唔係好多人揀左個角位坐 就自己出去揀點心佢點心唔係好多(無論數量同種類) 而且我見到啲人都係點小菜鵪鶉蛋燒賣 唔錯但係我想講佢無鵪鶉蛋..但真係好似- -應該係啲丸黎 okay但係唔impress鷄扎 好味不過好飽 入面全部都係粉絲山竹牛肉 麻麻我覺得 因為我自己唔係好鐘意食 之但係佢又整得幾似 連埋啲醋 都唔似食緊齋牛肚(胡椒湯): 好好味可能係啲胡椒湯既關係 食到停唔到口! 佢個牛肚好彈牙 好香總括黎講佢都唔差 係我地少人食齋黎講 算好!

小時不喜吃素，因為覺得款式少味道差，直至近年聽了好些綠色等訊息，才漸漸認同及欣賞起素食主義，覺得有助環保，很有意義! 　然而認同歸認同，過往的素食經驗實在強差人意，更令老公一聽到食齋就怕怕；是晚相約友人晚餐，老公也特地先吃串燒、打好底才來。先講環境，前身是滿淮庭上海菜館的大力齋廚，地方寬落好坐，就是人多有點吵耳。不過話說回來，我情願環境嘈雜，也不願重覆又重覆的佛教音樂。　飲了數杯不錯的香片茶，三人終於在選擇眾多，由湯粉麵飯至小菜一供俱全的餐單中，選出各人心水：　鎮江排骨-既黑又濃的醬汁是異想不到的醒神惹味，加上頗有咬口的素肉，口感與味道均有七分真，極具水準。好肉的老公對此菜讚賞有加，更為它額外柯打白飯來撈呢!　伍仁汁魚柳-友人的選擇， 賣相挺美的。酸酸的口味頗開胃，然而素魚質感較鬆散，像真度不算高，不過其紫菜卷外層美味之餘，又可豐富口感，頗得我心。　　麻婆豆腐-老公的川菜癮又發作，我力勸也無法改變他心意，唯有作罷。老實講，此菜全於麻又香的醬汁，一般香港店因缺少所需香料，無法調出那種滋味；而此店除了醬汁不香不辣，更大膽以青椒取代花椒，效果當然是超級無敵難食! 　葡式海鮮焗飯-個人喜以素海

一星期內到大力齋廚飲了兩次早茶星期三(09/09/09)早上09:15, 應素食朋友之邀,到元朗去飲齋茶, 到齋舖吃齋菜試得多, 吃齋點心是第一次. 朋友選了大力齋廚. 位於交通廣場的大力齋廚感覺乾淨, 佈置算是優雅, 有卡位(2-6人), 更有半廂房式大枱, 無論一枱多少客人, 也能全面照顧. 朋友要了鐵觀音 – 水滾, 茶香撲鼻, 不會苦澀,泡了兩三次也不淡, 是比較高檔次的茶葉吧.自選點心, 在點心車選好了, waitress 會送到桌上, 看到 “山竹牛肉”真嚇了一跳, 象真度很高, 吃了會不會罪過罪過? Waitress說, 怎會? 無論如何這是不用殺生而做的. 啊! 一車的 燒賣, 叉燒包, 鮮竹卷, 鷄扎也不過是 大豆纖維(?), 蒟篛 , 菇菌 等, 真是睇得開心, 吃得放心了(!?).不過食味如何? 如果說, 不說也不知是齋菜是有點誇張, 但味道真的不錯, 至少“山竹牛肉”絕對有山竹牛肉的味道和食感, 而且不是馬馬虎虎一舊 “纖維”便算, 它有爽口的馬蹄; 莞西; 也裹有腐皮, 醮喼汁吃, 感覺很好, 而且味道不會過份人工化, 自自然然. 因為是第

好耐冇去食過齋,上網睇到呢間齋鋪元朗必食,一心去試下.果然冇令我地失望,樣樣都好好食好有驚喜.每碟齋菜都做得好似,特別係叉燒,就連口感都有9.9成相似,老公講笑話可能我地其實真係食緊真既叉燒,haha......今次一行4大2小,叫左個4人餐,另外再散叫3碟小菜餐有一鍋翅, 黃花魚, 西蘭花花枝片, 龍蝦丸小炒, 枝竹豆腐煲, 4碗白飯另外我地再散叫左一個齋拼盤(大), 香酥芋卷, 蜜汁叉燒埋單免加一,平日仲有9折(初一,十五除外)$424,都算抵食,因為真係我地叫果幾樣全部都好好食,所以覺得都值,最重要係唔油,咁先叫做健康素食嘛!!

交通廣場地下舊鋪上海料理, 而家轉咗大力齋廚, 門口有張紙寫住8-9月份有9折 見佢有梳化位入去試吓啦, 都幾多人食喎, 不過冷氣好似唔係幾夠咁, 眼見佢開著幾把風扇. 茶位 : $5個架, 飲滾水同茶都要收架 ~ 週六日就要加一服務.個餐牌實在太多嘢食, 3個大人睇咗好耐點咗幾個小菜.① 齋鹵味 $18　(OK, 出面街買一樣)② 金牌砂薑鹽焗雞 $66 (本身我唔係食齋, 仲以為真係平時食果D雞, 見到碟嘢我都即時問呢碟係咩, 先知係鹽焗雞, 真係大香理) 佢有沙薑汁連雞一齊食, 又真係幾似, 賣相唔掂味道OK, 仲大量菜心塾底.③ 上湯浸時菜(選 : 菜芯) $37 (夠哂份量呀, 成晚食菜, 上湯浸到D菜好甜, 幾好味) 知道鹽焗雞有菜塾底就唔叫啦 *選 : 西蘭花加$5④ 糖醋魚 $55 將件無骨魚炸咗上面甜酸汁, 都OK酸酸甜甜咁 (見到個樣先知自己叫錯咗, 我想食係有條炸魚有D酸汁係上面, 果隻原來叫伍柳黃花魚, 下次一定要試吓) ⑤ 粟米魚肚羹 $33 (碗) 原來都幾大碗3個人都可以有2碗仔飲, 味道OK⑥ 紅豆糖水 (送) 不過唔知係唔

今日去元朗探cake 出去食飯，記得同事介紹這間齋店話d 牛肉炒河/鹽焗雞食完都唔信佢係齋咁話，於是一試。6點幾去到以為好多人等，好彩都有位雖然個waiter姐姐話8:30要交枱，之後都比我地唔限時食，heehee 依到加到分係service 上。叫左個600幾既套餐 ~ xx魚翅 ~料有但冇味道 炸雞卷(芋頭) + 酸汁 ~(配合正) 鹽焗雞 + 鹽焗雞專用沙薑汁~ "雞"肉一般如冇左個汁完全唔知佢係個樣 古蘆肉 ~ 又係靠汁令味道加強有古蘆肉味道 其他西芹炒雜菌、絲瓜雲耳etc 亦一舨普通 唯一原味~茄子煲 因本身茄子係主菜 所以味道有8成 而當中既魚香，小小粒嚼落有咸魚feel而飲品較貴成$10一罐可樂地方略迫但算舒服總括味道一般未有驚喜feel

今日去左大力新店, 叫左四人餐真係把鬼, 比起散叫差天拱地, 個雞絲翅好似糊仔, 仲一大陣美極味, 食左之後冇晒食慾. D餸比起散叫細碟好多, 十個失望. 下次我下一定唔會叫套餐

今次老人中心帶隊旅行去元朗屏山，有同事話大力唔錯，所以訂左一圍。因為參加者唔多，我只訂左一張檯10人，但係因為連司機同一位照顧員同我，所以都坐左13人。佢地好好人，見我地訂10人來13人，都冇話俾面色我地睇。服務態度好好。尤其係有一個鮑魚雞絲翅，上嘅時候只有10人份量，我地分晒比d長者之後，佢地好主動再煮多d比我地職員，如果係其他餐廳，都一定唔會睬我地。講番d餸，雖然係素，但係做到形狀同味道都好似葷，尤其係乳豬全體的乳豬同海哲，味道好好。見到佢地有點心，亦有盆菜食，下次有機會去食下先。

爸爸節當然要同父親大人慶祝... 因為夜晚會自己落廚，所以中午就出去攪掂... 而阿爸個肚好似越黎越大，一於去食返餐齋清心一下... 等左廿分鐘左右，阿姐問細枱坐唔坐，仲好好人咁帶左我入去睇下先。其實張枱一d都唔洗，坐四個人都得，咁我地一行三人就入黎坐低啦。先開左壺水仙，黎碟齋卥味。再叫個部長黎幫我地寫左幾味小菜。1) 西蘭花雞卷 - 個賣相好靚，顏色好鮮艷。雞卷其實係腐皮包住冬菇、齋火腿、西芹等。皮先炸了一下，外層幾香脆，內裡有「肉汁」，值4星半 2) 蜜汁叉燒 - 外型真係好似真既叉燒，咬落去第一啖真係以為自己食緊叉燒。其實都係有腐皮整成，不過用左蜜汁，以腐皮既黏度亦剛好，所以真係好似真叉燒。唯一美中不足係蜜汁稍多，值4星 最滿意係服務。部長黎左幾次問好唔好食，幫你寫餸時又唔會夾硬幫你寫得太多，阿姐又好勤力加水，個個都笑容滿面，唔知係唔係大家都係食齋所以清心d？可以再黎幫襯﹗

四月廿三‧超悶熱大好星期天，約了幾位食友到一些平日不會去的地方，去吃東西。約了在大馬路等，因為路途遙遠，怕遲到，早了出門口，也比約定的時間早了一小時來到。到處走走，發現這間中式齋舖，以酒樓形式經營，晨早已座無虛席。在門口看餐牌，原來這裡除了中式點心，還有不少的西式早餐供應，如腸仔蛋、豬柳、沙爹牛肉等等，好奇之下，入來一試。開了壺普洱茶，要了沙爹牛肉磨菇煎蛋多士。在等候期間，見左右隔離要的中式點心都做得像真度極高，不說真的不會知道是素食。好奇之下，就在出面拿了籠燒腩卷來吃。燒腩卷內有類似肥肉一片，是蒟蒻來的，吃起來爽脆，加上南乳，不是說笑，加上芋件，真的幾似吃燒腩卷的。而這裡的包做得鬆軟，熱辣辣的，有水準的；沙爹牛肉磨菇煎蛋轉頭送上來，急不及待的看看沙爹牛肉是什麼，原來是類似菇類或蒟蒻做成的，吃起來也是爽爽的，不太像牛肉。其實做西式素早餐不難，老老實實的做個磨菇煎蛋多士已經可以了。多士烘得薄又脆，塗滿植物牛油，比不少的茶記做得好的。幾位阿姐快手快腳的，服務很不錯，值得一讚。埋單42蚊，想吃個素食早餐，也真的是個不錯的選擇。