大勝豬扒清湯腩

營業中

休息中

九龍灣德寶商場原來開了一個新的food court, 叫「木馬工房」，感覺比傳統food court新穎，地方亦較廣闊進入後第二間就是大勝豬扒，看價錢牌就覺得便宜，約40多一個飯，當然要試服務food court也不期望有什麼服務，但老闆超友善，很熱心建議我有什麼招牌菜好吃咖哩豬扒煎蛋飯$50$50可以有什麼吃？這個飯超大份，豬扒很厚切，而且有從中間剪開，所以受熱均勻，但入口卻不鞋，反而非常稔軟！煎蛋也煎得剛好，非常不錯！咖哩汁有另類的家庭感，算是港式的版本，不重椰汁，但也不會油膩，微甜微辣，很好入口！由於太肚餓，另外又點了一份重慶小雲吞（１２隻）酸辣＄３６辣度非常輕微，但就帶點酸，所以非常開胃，雲吞皮很薄但肉也不厚，大概就是一口一個的大小，是一個非常不錯的開胃小吃！

原來得寶地下有個food court, 環境新淨同埋好多野食都好吸引，今次試左呢間主打豬扒同清湯腩。✨大勝清湯牛腩飯： 先試個湯，味道好濃又帶點胡椒辣，有芫茜蔥既香味。 個牛腩唔肥，但食落夠腍又有牛味。墊底既白蘿索晒湯汁既味道，都好好食，個底仲有生菜。✨大勝豬扒煎蛋飯：塊豬扒好好食，大塊而且厚身，食落仲好爽口，佢仲好貼心切左幾刀，方便咬開。 個甜豉油送飯唔錯，而且飯量都幾多夠晒飽。✨一口雲吞（12粒）： 唔食辣㨂左清湯，雲吞皮薄，豬肉饀都好食。

德寶的 food court 近排終於裝修完，重新開張，叫木馬工房，座位比之前多，環境比之前光猛，而且進駐了新的餐廳，有日式，泰式，港式等。今晚我選了這間大勝豬扒清湯腩的港式餐廳，有飯，有麵，有湯飯等，價錢抵食大碟。這裡出名豬扒及清湯腩，可惜晚上七點來到清湯腩已售罄。所以最後點了一碗大勝豬扒米線配BB麻辣米線，賣相吸引，上枱已聞到陣陣麻香味，厚切的豬扒有手掌般大，醃得入味，煎得夠香，肉質鬆軟。只略厭米線淋身了一點。如果唔食米線，都有上海麵可選的。另外點了餐廳推介之一的香煎肉餅飯，加$8多隻煎蛋，大大塊煎得香脆的肉餅，肉質甘香彈牙而不死實，還食到馬蹄粒的口感，煎蛋如果是脆邊蛋就更好了，配上甜豉油，整體十分好下飯。

德寶商場翻新咗，當中嘅美食廣場有好多間餐廳，我哋揀咗「大勝豬扒清湯腩」試吓～ 老闆介紹大勝豬扒同清湯腩係招牌菜👍🏻 所以我哋都叫咗嚟食～大勝豬扒煎蛋飯 $48好大塊豬扒呀！😍 而且好厚👍🏻 肉質爽口，唔鞋，味道好好👍🏻 煎蛋亦好食～大勝清湯牛腩河 $54牛腩有5件，大大件～ 肉質都係爽口彈牙，好淋，味道好好，非常入味👍🏻😋 果然係超牌菜！我哋叫咗酸辣湯底，好好味呀！😍😋 非常推介👍🏻香煎肉餅飯 $46嘩！🤩 好大塊肉餅呀！😍 真係成個碟咁大呀！煎得好香口呀！好好味呀！正👍🏻重慶一口雲吞淨食 $36雲吞有12粒，配上麻辣湯底，香辣又好味😋蜂蜜柚子/ 蘋果茶兩款都甜度適中，柚子同蘋果味好香，有果肉😋 小店經營，店主用心製作食物，好味有質素，一定再幫襯～

一排冇去得寶食嘢，原來food court裝修咗。當日見到有七間餐廳，以亞洲菜式為主🍱🍛🍜🍲。我哋試咗一間以豬扒作為招牌菜嘅港式餐廳。🥢咖喱豬扒煎蛋飯$60豬扒調味都係簡單豉油、糖。但豬扒炸得頗香脆，肉質好軟腍。港式咖喱椰汁味好重，辣度中等。咖喱有唔少薯仔🥔，煮得軟腍粉身。🥢大勝小窩米線$58一口雲吞、豬肚、肉片、肥牛、韭菜、芽菜、雪菜。我揀咗豬骨清湯，湯底清澈，豬骨味唔重，但食完唔口渴。一口雲吞餡料以豬肉為主，再加少少蝦肉，唔算鮮甜。反而肉片彈牙唔肥膩又幾好食。

今日又係屋企附近搵食，得寶商場裡面新開的 #木馬工房 Food club環境舒適，其中 #大勝豬扒清湯腩 值得一試。我點咗 #大勝清湯牛腩麵 🍜，對於唔食得辣嘅我，覺得有時加點辣會更惹味，所以湯底選擇 #BB麻辣 🌶。首先飲啖湯，果然係微辣，麻辣味道我覺得剛剛好，配上軟硬適中的 #上海麵 真的很夾。再食 #牛腩，有咬口得來又夠淋，而且牛腩分量都不少，仲有件爽甜無渣 #白蘿蔔，整體很好味😋試埋 #重慶一口雲吞🥟，皮薄又滑，1啖1隻，裡面有少少肉，湯底帶微辣，仲加左蒜蓉更加香同好味👍飲品 #蜂蜜柚子茶 🍊同 #菊花薑蜜茶 ☕️ ，同樣濃郁夠味，感覺好 #養生。

雞扒飯煎蛋飯前所未有既脆卜卜雞皮 （已經炸哂雞皮既油出黎）煎得香脆惹味，雞扒有2大塊，鎖住晒肉汁，咬落夠juicy，煎蛋（半熟流心）送白飯跟配豉油，淨係個賣相已經加分，睇埋個價錢，滿分！超抵食！！清湯牛腩湯飲牛腩鋪滿成個碗，7成肉3成肥黃金比例，牛腩帶有濃厚既牛味，連湯飯一齊食，肥膏既油香味加上芫茜味 ，食落更有層次但又不會太膩！重慶一口雲吞一碗有12粒要讚香辣小麻鮮肉小雲吞，皮滑夠簿，芫茜令整個湯底味道提升左！

今日過嚟九龍灣探朋友，朋友帶我過嚟德寶商場食嘢，唔講唔知原來開咗勁多間新嘅嘢食啵，仲有開咗條好靚嘅食街，第一間就係大勝豬扒清湯腩，啱晒我哋呀，又有豬扒又有清湯腩👍店主係一對夫婦經營，極之合拍👍大勝清湯牛腩飯，果然係招牌菜式，清湯腩裡面用的是坑腩，牛肉香味十足，可以說是整碗湯的靈魂 ，飲一啖湯便嚐到清甜，牛坑腩份量多到我以為係兩份的份量，配埋白飯食真係真唔停口呀😍咖喱豬扒蛋飯，厚切豬扒極之惹味，伴以咖喱沖配白飯，再有一隻大陽蛋，蛋液配上豬扒和咖哩汁，是最佳的組合呢😊煎肉餅飯，勁大塊，表面焦香帶微脆，入口脆卜卜，香口惹味，肉餅質感較挺實，手打肉餅果然真材實料，好耐冇食過煎肉餅😃😃南乳豬手飯，又係勁足料，有分6-7舊豬手，炆到啲豬手勁淋，南乳汁完全入哂味，食落口滿滿骨膠原😋😋菊花薑蜜💕唔係度度都有得飲，真係夠晒特別😃

德寶開左新food Club「木馬工房」，作為九龍灣人，當然要去八卦下🤣 新裝修完既Food club好大又寛敞，種類都算多，岩晒我呢D選擇困難症既人🙈.本來想每間試下，但最後我地3個人都係擇左呢間「大勝豬扒清湯腩」，貪佢價錢平得黎好似好多人都食佢😋.▪️大勝豬扒米線$48連鋪頭名都改為「大勝豬扒」，應該係招牌菜啦呱？🤣果然真係好掂👍🏻 豬扒幾厚切，成塊手掌咁大，豬扒夠鬆軟，質感比較實。米線擇左少辣，略嫌唔夠辣，米線軟硬適中。.▪️香煎肉餅飯$46肉餅飯好食過__哥好多，將肉餅加蔥醃好左，再煎香塊肉餅，D油香散發晒出黎，落晒個飯度，個飯簡單加啲甜豉油已經好好味🤣 .▪️大勝清湯牛腩米線 $54 食牛既必點清湯腩，成個清湯腩個精緒就係個「清湯」，香葉味好香，加上清湯腩炆得軟淋唔痴牙，$54有成5大件，個人覺得好抵食。.▪️重慶一口雲吞淨食(12粒) $36 呢個叫黎Share食，一人有4粒岩岩好，雲吞仔裡面係豬肉餡料，皮幾薄，不錯吃。.跟野食可以加錢有飲品，+2凍飲/+8特飲 ，加左凍檸茶同熱菊花薑蜜都不過不失。食物唔錯又唔貴，下次有機會再試埋隔離啲舖頭睇下邊間好食啲🙈🙈