大吉居酒屋 (已結業)

既然舖細, 就唔好接咁多人的 order, 一行12大1小, 準時到達, 結果係交唔到枱, 原因係前一round 的食客唔肯走. 如此, 可解要訂下分段設定???最後要坐到出門口邊, 真係令人好唔 comfortable. 食物水準亦一般, 天婦羅炸蝦入口只有"梳打" 味, 串燒"冬菇"超乾, 牛肉好咸.最大問題係服務員態度極"差".

上個禮拜五, 一行十二人去食放題. 我地已經早個幾兩個禮拜book位, 食八點四十五分果場, 去到又無位, 成大班人坐在門口等, 最慘係抱住個兩歲大的小朋友.其實坐門口位都無所謂, 諗住一大班人去食飯開心下, 點知book八點半, 去到要等到差唔多八點五十五分先有位, 個經理仲大大聲聲同我地講, 我地分三個時段食架... 我理得你分十個時段呀, 你接得我個booking, 就算分一百個時段放人入黎食, 都係你"大吉"的事, 唔係我做客幫你去計囉, 同埋"無咁大個頭就唔好戴咁大頂帽", 舖頭又唔係大, 你接咁多order又分唔到枱比d客, 最終咪又係得失左d客!!!等左差唔多半個鐘先有位, 但係個個waiter就勁忙, 根本唔得閒理我地, 汽水, 筷子咩都係自已隨便拎. 食物真係好麻麻地囉, 舊唔知咩天婦羅, 食落口得舊粉, 完全分唔到係南瓜定番薯. d蝦就搵梳打粉"拿"到好難食!!!食食下, 有個waiter行埋黎問我地係咪12大1細, 好自然我地答佢: 係!!! 不過佢無講個小朋友要收錢, 亦都無講話點樣先要計小朋友錢, 點知個小朋友食左個幾鐘扭計仔走左, 之後埋單走人, 佢地先話要

8月24日同媽媽預早慶祝生日，爸爸話未試過日本式放題，就同佢地出去食下。見到大吉喺雜誌既廣告，星期六都係$178一位，就去試下。食物既味道好一般，而座位係迫左少少，而佢地安排我地坐窗邊位，環境都okay。食物種類好多，值得一贊係佢地唔會漏單，樣樣都黎齊，而且汽水任飲，又幫我地添茶，都算幾好。但order紙呢，就應該改善一下。我地見佢全部remark 「一客一人份量」，咁就以為唔會多啦，先前order左個牛肉烏冬，原來只得一碗仔，咪order蟹粥試下，爸爸就係數量一欄填左3，點知係3煱囉... 食到我地死死下。

相約老友飯局, 他大讚這兒抵食, $148加一食個半鐘, 就同你去馬!!選擇不多的格局, 地方少少人多多, 點菜紙多而混亂…..魚生都是慣常的任食貨色, 甜蝦, 三文魚, 吞拿, 立魚, 都算合格, 炸蝦卷新鮮不錯, 可惜蝦細了點, 大蝦天婦羅肥美多肉, 推介之一, 燒物的車厘茄, 冬菇等都燒得乾乾的, 不好吃, 加洲卷做得太鬆, 一咬便散了, 蒜片牛柳點了三次都未來到, 蟹子沙律的醬多到一PAT PAT, 幸好汽水任飲, 不過量你點飲, 咪又係2-3罐

聽過D同事講話中環間大吉幾好味同抵食﹐見成家人(最主要係我&媽媽)都鍾意食日本野﹐於是母親節揀了去試大吉﹐由於家住九龍所以選了尖沙咀的分店﹐諗住應該唔差得遠。我預早book好位﹐訂了6-830pm時段﹐母親節前一天$178+10%無加價都幾抵﹐間野位置比較偏辟隱蔽﹐響亞士厘道中間位搭Lift上, 上到去好迫﹐D位超細﹐不過食物質素選唔錯﹐魚生好新鮮 (除左我最鍾意食既甜蝦…), 要讚天婦羅﹐個脆漿整得幾好﹐即叫即炸﹐ yummy!有一味蒜茸炒牛柳粒超正﹐有D似中菜,D牛肉好鮮味﹐我地之後又Encore左多一碟﹐有個饅魚壽司都好咩﹐好大條饅魚。不過奉勸大家D乜窩乜煲要諗清楚先落單﹐事關係好大窩的。最好係汽水係任飲﹐唔會屈你$20罐 (雖然都係飲左兩罐)Overall都唔錯﹐可以再Call﹐最啱一班男仔勁食。

情人節果陣同女朋友黎左呢度食野！環境方面，佢d台拍得好埋，感覺好逼咁！坐得唔舒服！味道方面，食物即點即做，好好味！服務就一般啦，佢好似唔多夠人用！佢叫野食果度要注意：例如叫三文魚刺身！你寫1佢就真係黎1片！因此你想食多d就真係要寫多d啦，整體黎講唔錯，會再去過！因為情人節，所以加左價，2xx一個人！

2008年4月19日之前都有黎過哩間大吉度食家啦~~次次都幾多人下....一定要book先有位...可能今日打風既關係啦~~唔係話太多人~~d野食仲要真係即叫即到咁呀!!完全冇留單既情況~~otherall黎講真係好正....唔使好似平時食buffet咁一次過要order好多之後先慢慢食...可以一度食...一度慢慢order都得...最最最正既就係個蟹粥呀!!勁多蟹食呀!!仲有汽水任飲添呀!!!

朋友介紹大吉尖東店,但地點唔夠方便,book左尼間,點知出事..我book左8:45-11:00時段,佢地先話其他table full曬,得bar table,咁我地2個人都無咩所謂,我話ok!佢地係我地食野個日再打來confirm,我即時加分,尼d責任感好多任食既店都無既!地點都幾難搵,所以我8:50先到,上到去見有一行6人等安排位置,我搵左侍應拿booking,佢話等等!一行6人見我同佢地一樣係bar table就開始發火(佢地應該等左勁耐先會咁火!!)話係佢地先..重點係:1.我去到先見bar table係有位係度但完全無椅,個d侍應話安排但完全無理我地放我地係度就做自己野,我地睇住個無人坐無椅既位15分鐘(我地中途係有問佢地不過無用)2.佢地之後有人拿左d摺椅上來,個bar table終於有椅,個一行6人搶先坐左, 依然完全無人理我地...3.9:15終於有人理佢地同我地,經過幾次拿椅終於夠坐,佢地安排左個1人位咁大既位比我地2個大人坐(摺椅都差d放唔落)4.我地真係接受唔到比$140(連加1),book左位等左1/2個鐘都要坐係個咁既1人位度食一晚,我地唔肯坐,佢地話無其他位

上年去了金田，今年睇到報紙廣告新開張，試下新野。輪價錢$168再加一，同金田差不多，但金田有4個鐘，大吉得兩個半鐘，要好準時到，兼唔好漏單，金田略勝，唔駛食到趕喉趕命。樓底好矮，檯與檯拍得好埋，感覺幾焗促。當晚6點至8:30，得5-7張檯有客，但等刺身要15MINS，落ORDER時全場得兩張檯有客，上野好慢兼漏單，叫罐PEPSI 共叫了四次(同3個WAITER講)，才記得俾，死未！1. 蒜片牛柳、吉列蠔比金田好，天婦羅蝦、一口芝士、蟹粥、牛舌、鰻魚芝士壽司、日式豬大腸不錯2. 加州卷D 飯不成形，每件大少不一，好似小朋友學搓泥膠；壽司的紫菜是淋，不脆的；火焰牛肉壽司的牛肉得丁屎咁細片又薄，好鬼孤寒，舊飯就大大舊；軟殼蟹壽司的飯又係好大舊，食完都唔覺有軟殼蟹！3. 第一ROUND來的刺身竟然有三文魚腩，咁好死，好好味，擺碟賣相同金田差一皮，好似配給，每款刺身執藥咁執上碟，賣相唔掂，第二round再叫三文魚，點知今次無魚腩，d 三文魚唔新鮮又無味無道兼梅梅地，唉！4. 負責刺身同sushi係好後生的師傅，又無帶口罩；金田d刺身師傅年紀較大，有帶口罩。5. 無羊架，得羊扒，又乾又鞋又un，好

一向去慣金田食日式任食，今日年廿九，和樹林人團年，出去尖沙咀食飯，見到新開的大吉居食屋就去試試。$128的自助，任叫任食，因為是旺場的日子，本來沒有什麼期望，上到去fully book，得返bar枱，但唔想走來走去，就坐住先，後來有人book左枱無到，就轉返張大枱。食物：刺身類- 三文魚/ 吞拿魚/ 甜蝦/ 北寄貝/ 赤貝/ 玉子etc (食開的都有，厚切，都新鮮，不錯)天婦羅- 只吃了蝦和番薯，不錯，番薯好吃火鍋類- 有很多選擇，只叫了牛奶海鮮鍋，不過這個就比不上和花亭的那個好吃，奶味不夠，海鮮都可以炸物類- 一口芝士/ 炸蝦/ 番茄薯餅etc (這一類我大多沒吃，但朋友的comment很好)料理類- 蒜片牛肉和羊扒(好食)，還有很多其他的未試端爐燒- 大蝦/ 雞軟骨/ 冬菇(只試了這三款，很不錯)丼類- 一開始有人點了個滑蛋豬扒飯，於是被全抬人笑她蠢，食自助餐竟然食飯，但個飯其實真係唔錯。還有茶漬飯/ 蕎麥麵等的選擇沙律- 席間有人鍾情沙律，所以吃了蠻多。蟹子沙律是一般的水準，沒驚喜。鮮果沙律卻是大量西瓜加雜果，效果很好，結果有人一人吃了六份。其他的沙律類都不過不失。卷物/ 壽司-