大吉居酒屋 (已結業)

朋友生日去左lee度慶祝!!! 好多野食點.... 有幾樣野飲揀.... 有時黎多左... 有時又少左... D位好迫~ 食得好辛苦刺身同壽司都一般啦~~ 因為食左好多... forget邊d好唔好tim~ chicken wing好好味呀... 表面脆脆地ga冷noodles 好似少左d bor~串燒.... 好味... 有車厘子響度... 重有好多野食... 但我忘了映~另外人手好似少左d.... 好似book左位je... 因為見有d人企響度等... 好唔方便囉!!阻住staff拎野出出入入... 證明果度真係好細~ 想去記得book定位先***** 野食食到大半... staff會拎sushi飯(生日cake)出黎~~原來好多人都會去果度慶祝嫁不過個野好嘈... 唔識收聲... 但個樣都幾靚~但我冇食到呀!!因為已經好飽呀~~~~ p.s. 個toilet好唔掂~ 細到不得了!!!!! 超級焗...***** 如果唔係太有需要就唔好去啦~~

ｅ日有朋友生日，係明查暗訪之下，得知ｅ到生日有蛋糕（壽司形）送，而口碑又唔差喎，咪試吓曪。早２日前我已經訂定位（驚星期六人多嗎），去到真係爆滿。唔好講咁多啦，即刻係咁寫紙仔落單啦。先嚟樣樣都寫Ｄ，最快上嘅就係炸物，之後到刺身壽司。但要一提：每次落單都要寫人數幾多，原來只會提供人數之數量食物。所以我每次寫要刺身１０塊，都係嚟得６－８塊咋（我當晚６個人）。一輪刺身壽司之後，唔知點解再有野食上啦...之前上網ｃｈｅｃｋ過ｅ到漏單嘅問題都幾嚴重，所以我唔等落去啦，又再不停咁寫紙仔入單，再經我不斷吹單下，食物終於都到齊晒啦。太約１０：００左右全店關燈，為生日的每一位送上生日蛋糕，其實係壽司加刺身做成嘅（蛋糕）啫。加上特別的火花效果，都唔錯架。如是者再叫多幾轉，就位位都食得飽飽咁走啦。總括嚟講：下次我會再去架～～～

沒有什麽特別刺身一般冇鰻魚壽司 只有咩芝士鰻魚壽司 唉~~我最喜歡都是雪花牛肉煲 好甜 或許我喜歡食甜的東西吧

今日去咗亞士厘道間大吉食放題，今次是第一次去的，之前聽一個朋友推介的，話ＯＫ。食物方面：ＯＫ好食，但熟食如燒羊鞍及鉄板和牛感覺比刺身壽司來得吸引，食物ＳＩＺＥ都可以，唔會細隻到你驚。服務方面：明顯感到人多伙記少情況，服務只可算是合格。其他方面：特別的是如果你同佢哋講有人今個月生日的話，就會有個有＂煙火效果＂的魚生飯爉燭俾你吹，都幾有趣呀。

是日星期日,想響尖沙咀搵日本放提,太耐冇去過,睇過成日....咁多食評見呢間幾好,一於訂位試下喇,今次係訂6:00-8:35 ,好開心訂到位,我地5:45已經到左,佢地亦比我地入去坐,不過單就係六點落,個姐姐都幾有禮貌,同我地講左每張紙,要寫底台號同幾位,咁食物就寫幾多件(又唔係以人頭計,好奇怪咁每張都要寫幾位做咩呢?)飲品免費,有百事,同埋幾款汽水,綠茶,啤酒,(推介青蘋果汽水,冇選擇中之選擇....)見到d 紙真係冇咩好食,刺身都係得幾款,好喇,落單喇,等左廿分鐘左右有炸物黎喇,見到都好似幾好咁(炸物好難唔好食...)炸帶子,咬落幾好,食食下冇乜味,冇口感...炸生蠔都可以...等左三十五分鐘刺身,見到都幾好喎,影張相先,好興奮試下,咦.....好奇怪點解刺身d魚可以冇味既?即是連甜味又冇,腥味都冇..之前見有人提過佢d甜蝦係"梅"既,諗住叫黎試下喇,點知真係"梅"架!!!!不過都可以講仲好過其他刺身,起碼都有味.....款款刺身都係咁....食左落肚都唔知食左咩....我地本身係三文魚怪都唔想再order第二次..(可想言知幾差....)d野黎得好慢,只係咁出炸物,見隔離"木台"

朋友生日周圍搵自助餐食，價錢唔岩，最後轉搵放題，睇食評話呢間唔錯，去佢個網睇下有咩食同優惠；食物都好多款式，價錢又抵喎，又有生日優惠，所以黎呢間試下!我們食8:45果場，好彩一早book位，入到去都好full. 一入到去睇一時間當然狂叫魚生刺身，壽司啦～　第一round既刺身好新鮮!之後我們叫左幾round,冇第一round咁鮮，不過都唔差! d魚生厚切,岩晒我班鍾意食魚生的朋友!壽司方面：鰻魚芝士卷唔錯，好特別!　炸蝦卷最好食，炸出黎的蝦唔太油!　軟殼蟹壽司麻麻地，太少軟殼蟹係壽司入面～天婦羅好多油，不過都好好食!呢度的鹽燒蝦同鐵板辣蝦,銀芽凡立貝都好食～我們仲試左雪花肥牛煲同北海道牛奶海鮮煲!雪花肥牛煲略嫌甜左d,不過入面的冬粉連呢煲湯食,味道好夾! 北海道牛奶海鮮煲味道淡左d,不過都有少少牛奶味,好足料,勁多海鮮係入面!全晚最鍾意係佢個生日蛋糕,好正,有煙火,同埋臘燭會彈出黎!

第一次寫食評，hehe~^^book過幾次位，但最終因事去吾到，今次終於食到la~由於當日即日book位，得返bar台位，非常窄，又係壽司出餐位，我個fd被人撞左幾次= =，根本吾應該坐人！下次如果得bar台位，真係寧願吾食！另外，值得一提的是服務方面，果晚有個服務超好的女侍應，馬尾沒有戴眼鏡斯斯文文的，我評果3分，其中兩分是俾佢的，相對其他人就…是次用左$148 任何時段coupon~

朋友推介我來呢間食, 間餐廳網頁有coupon download, $148/大人, 即管試吓...睇openrice comment已知o的位好窄, 於是訂位時講明有細路, 要求畀個闊o的既位...6:15pm去到, 冇乜人, 果然可以畀個闊位...一坐低侍應即刻問飲乜野, 好快講o左一大段, 聽唔切, 要求佢再講過, 好熱情叫我點野飲, 好似想我飲飽o的唔會點咁多菜咁...點菜, 見comment推介水蟹粥同北海道海鮮鍋, 即管試埋...都好快上菜...水蟹粥冇蟹味, 粥底似白粥, 下次可以不叫了 ! 燒牛肉粒都唔錯剌身 : 三文魚好肥好好味, good ! 吞拿魚就, 我從未食過咁難食既吞拿魚o架 ! 有筋有渣有雪味, 食一塊吐番半塊出來, 奉勸不要order !北海道海鮮鍋, 個湯底真係有牛奶味, 我畀個囡試味佢都飲得出奶味, 不過, 以為有條海帶, 諗住醒老公食, 點知佢咬一口即刻吐番出來, 話鯹到嘔, 仲要即刻用水洗口, 佢話原來係魚皮...見咁"堅", 鍋內有舊魚, 我只係敢用筷子挑少少試..頂唔順, 我都要吐出來, 但其他蝦呀, 黃芽白呀, 芋絲呀都ok.天婦羅幾好味,

我用左magazine既coupon，平左！其實個位我都幾難搵，果時又開始落大雨，我同朋友都好狼狽~一出lift，個場面真係......好似唔駛錢咁多人，個門口又細，都唔知等幾耐先攝到個位入~真係好好彩自己book左位！如果唔係都應該冇位都似~我地3個坐入面，但一放低個袋就開始有d失望...張檯下面係有好多紙巾、筷子、單張...好污糟呀！！！我地點左野食都要等15分鐘先黎，叫左mountain dew 飲，即係7-up多氣版~我本身聽fd講(佢尋晚都食)，話d牛超正，但我地試左兩款都唔得呀！好「un」，又淡味......我超愛佢個三文魚刺身！！！係厚切架！仲有佢個牛肉鍋，有粗粉絲、生蛋黃、津白、金菇，啖湯好甜tim呀！佢個炸蠔真係一流，表面炸得靚，佢一咬果下d味湧出黎，又juicy~個焗蠔相比下較為遜色，因為佢沙律味太重，同埋size係好細，但都可以一試架！果個沙律(牛) 果個，佢d 汁係溝左wasabi，好開胃~但係豆腐沙律真係唔駛諗，佢係冇汁之餘，仲要係得4小粒尾指甲咁大既豆腐，呆了~我要讚佢地服務態度，雖然人手唔夠，唔一定即刻有人serve，但佢一見到你叫佢，就會即刻過黎，仲會好

2009年6月10日大吉居酒屋今日去左尖沙咀大吉，有飲食男女coupon好似係9折，放題任食價折實約$140一個人入到去無book位等左一陣就有得坐，入門口counter個帶位姐姐應該係一姐負責睇住個場同埋係話事人，食食下野見到佢好惡咁鬧d新仔對呢間餐廳真係又愛又恨！愛佢的食物，恨佢的服務！呢間野d食物款式唔錯，質素都唔錯，呢個價錢亦都幾抵食但係好多漏單，我肯定佢係刻意走單的！好鍾意食甜蝦ge我，點左50甜蝦，好耐都無黎咁耐架....寫張40甜蝦啦咁耐架....30甜蝦啦咁耐架....20甜蝦啦都係唔肯黎於是去問服務員，問完一個無回音，之後搵個新黎的女仔問一問，黎了！有20隻左右轉眼間食完了，再問門口個一姐見住佢將我地張票放落袋，之後去做其他野，完全見唔到佢同通知其他人關於我的order可惡！佢地合共漏左我超過150甜蝦！野食多元化，好多都幾好食甜蝦夠大隻，同埋有頭架！但係個量一多，師父只係俾d蝦身最不滿的，係佢的甜蝦管理，快d讀個Management in Sweet Shrimp啦！

食日式放題最正點係可以叫唔抵食個 d as well as 魚生任叫。第三次黎食，是晚食第二 round 8:45pm，間野果然好細，好逼，不過佢地係好 strict，未夠鐘真係唔會俾你坐既。一坐低，想叫燒雞軟骨，點知搵黎搵去都無，唔通唔再提供啦？以前食得好開心架！剌身：三文魚厚切，非常肥美，不停咁 encore；甜蝦略微不新鮮；玉子就真係無味左 d燒物：天婦羅蝦、炸帶子、天婦羅蕃薯，etc鐵板雪花牛肉 - 牛肉非常淋同多汁，推介，encore 了一次冷烏冬 - 一碗仔，淡淡地幾 refreshing廣東蠔 - 芝士夠入味九菜抄蜆 - 雖然細碟但每一隻蜆都有蜆肉鰻魚芝士壽司 - 芝士蓋過左鰻魚味軟殼蟹卷 - 無想象中的賣相呢服務就要有 d 耐性啦，真係要等幾耐先有人黎呢。不過 overall d 服務生都好有禮貌既。是晚多人生日，不停聽到生日歌同見到壽司蛋糕。嗯，壽司蛋糕都係得個玩多個食啦，咁飽，嘿嘿。

野食大致上ok, d燒物好食過魚氐生......不過最驚喜係個壽司生日蛋糕, 唔係個蛋糕本身, 而係佢地的安排.....因為食食下, 我周圍d燈突然間暗晒, 跟住職員攞住個壽司生日蛋糕放係枱上, 蛋糕上放個會播音樂的蓮花, 然後點著支小型煙火, 好suprise,跟住周圍d人一齊唱生日歌...幾好氣氛,咁arm, 係我周圍加埋自己個枱有3個蛋糕一齊放煙火, 幾難得

一路都好想試大吉既放題, 終於有一次可以就到時間$138時段先去.仲要唔夠兩個禮拜內去左兩次...=o= 唔係因為覺得好好食, 只係唔知食乜好, 而佢又不過不失刺身: 甜蝦, 角螺同章紅魚都唔錯壽司: ok沙律: 麻麻...仲要唔知點解等好耐先到, 明明係前菜...燒物: 海蝦好好味!!! 雞軟骨& 串燒牛都不錯...焗蠔麻麻, 好似食左陣風咁...粒蠔細過蠔仔粥0個d...和食: 銀芽炒帆立貝有好多銀芽好少帆立貝, 九菜炒蜆d 蜆既沙多到食唔到, 牛油炒雜菇既牛油多到一涼左就會凝固, 鐵板魷魚鬚&炒雜菜几好味. 牛乳海鮮鍋几鮮甜, 亦有好多海鮮, 仲有d 粉...good! 不過兩個人食就略嫌太多炸物: 天婦羅蝦ok, 吉列蠔唔好諗...又係仲細過蠔細, 只食到炸粉乜都食唔到環境差, 超級迫又嘈, 第二次去仲要滴水...不過味道尚算ok, 久唔久一次都可以既....不過一踏入五月就加價lu...變左$148...咁我又未必會去啦...

因為有coupon，所以早d黎同男友慶祝紀念日之前同朋友黎過一次，雖然個次好貴($220左右)，但好好味所以見今次有COUPON(148+10%)平咁多咪再黎試過刺身:淨係記得嗌左三文魚/甜蛋..好似仲有劍魚(新鮮)同男友都麻麻地中意食生野,so都係食熱食好過麵豉湯(encore左..我飲左2碗=p，我好中意)長腳蟹沙律(有少少蟹子+大量蟹肉+芝麻醬=好好好好好味)燒青魚(半條)(d肉好滑，非常不錯)焗蠔(仍然好味)鐵板尤魚so + 鐵板海蝦 (唔係鐵板，麻麻地，可以不試)鐵板雪花牛柳粒(成晚最好味，唔un又入味，正)銀芽炒帆立貝(銀芽索左d汁好好味)冷喬麥面+冷烏冬(nth special)炸物(大部份也不錯，個人偏愛吉列蝦多於蝦天婦羅)壽司(到最後太飽根本吃不下..但也認為不好味...)最後太飽冇食到甜品~整晚冇乜miss單情況,侍應們都幾勤快有禮唯一缺點係刺身師傅冇帶mask..但成程講野(有粗口..)有點恐怖但overall都ok下次都會再黎

好耐之前食過中環大吉既放題, 不過不失啦, 所以今次去尖沙咀大吉都有少少期望既.一去到, 嘩~ 坐位超迫仲要係櫈貼櫈, 加上樓底矮所以人聲好嘈, 如果小情侶要談心既就千祈唔好黎, 我覺得呢間舖最適合一大班朋友"柴娃娃"食飯就最好!講番食物, 大致上都好好喎! 刺身鮮甜, 燒物惹味, 天婦羅有水準 (一定唔會食到一口炸漿), 煱物足料, 汽水任飲, 有coupon只係$158/人, 仲想點?! 以呢個價錢黎講絕對抵食, 早前我食過中環吉x既放題, 嘩~ 每件食物都細細粒又霉霉地, 以後都唔會再去呀.一定要食既食物包括有:- 刺身 (三文魚, 蛋同埋甘蝦都好)- 鐵板牛柳粒- 焗蠔- 蝦天婦羅- 燒牛仔骨- 燒雞翼- 蟹粥- 海鮮窩唔好對佢地既服務有好大期望, 講真佢地真係好忙 (唔夠人手嘛), 咁甩單漏單都可以理解既, 但個次我地去就無漏單囉. 至於waitress既態度都ok既, 起碼唔會黑面只係笑容牽強左少少jei, ok啦.