大同老餅家 (已搬遷) 新店位置

小時候,阿媽成日去元朗...每次買返屋企既..唔係最多人買既老婆餅..而係佢既米通!!!細個好唔中意食...但係有一次好餓...呢個大同既米通就出現啦....自此呢...我就愛上左啦...好香,好"趣"..甜甜地...加埋花生....阿媽一買呢..成家都會爭食..今日經過北角既大同....見到呢個小時候最愛...就買左啦...$18蚊一包...睇落份量好似好小...但係其實開左之後..有2層嫁...所以都ok..

昨日經過這間大同，媽媽說這是老鋪，非常有名住在東區的我竟然從不知曉，眼中只有元朗的恆香，認真失敗於是便很好奇的入內看看，都是一些傳統的格局經討論後，我們決定買一個荳蓉老婆餅和芝蔴老婆餅 (各$5.5) 荳蓉老婆餅內充滿子薑的香味，雖說我是九十後，我十分鍾情於這些傳統的食物它的餡料不會太甜，內裡的子薑為每一口帶來一絲的辣味，內表也非常鬆脆，十級推介啊!!! 另一個芝麻老婆餅，是剛剛在家的早餐，雖然留了一日夜，可是當我叮熱它的時候，外皮依然非常鬆脆，像昨日那個一樣，剛從微波爐取出便已經聞到黑芝麻的香味，一口交下去，餡料異常煙韌，充滿黑芝麻的味道!!! 食完十五分鐘過後，我依然沉醉在老婆餅的世界當中，絕無誇張我想，每次我經過的大同的時候，便會買一至兩個來重溫一下這種升上天的滋味<3<3<3

今日轉看砲台山的新醫生, 順路去大同行 一轉聽聞大同的五仁酥(即白綾)很美味, 拳頭大的 一個 $18...比奇華還要貴呢!另外加了一件蓮蓉蛋黃酥 $51. 先說蓮蓉蛋黃酥, 外形似英式scones..皮略厚而且很實...好像擺了一段長時間..味道還有點"巷"味..咬了少許, 放棄..淺淺的蓮蓉餡的油份比預期少, 看色澤應該是白蓮蓉..奇怪..白蓮蓉通常只會製月餅時才造, 因工序比黃蓮蓉繁複..平時買的多數是黃蓮蓉..一吃..甜度適中, 可惜欠缺蓮蓉香..蛋黃更是比想像中少..只有1/6 角..蛋黃與蓮蓉之間起了一條橙色圍邊..感覺很不新鮮..莫非是中秋節遺留下的....由外到內都絕對超難吃...2. 白綾一層層的白色酥皮...表面的2, 3 塊很碎...拎起已掉下來, 底的幾塊又過硬..用手沾一沾已滿手油光...內餡是有2 顆的杏仁粒, 2 顆合桃粒, 2 舊1毫子大小的叉燒肉粒...伴著豐富的瓜籽仁與麥芽糖..合桃的濃味彌補了乏味的杏仁,,,肉粒很乾身..甜而不香比較好的是帶嚼感的瓜籽仁與麥芽糖據說有橙皮加入, 但完全吃不到味兒...以 $18 的價錢著實偏貴了....有點不值..

雖然作為老婆餅FANS多年，但一直都只吃過恆X的，今日終於買了大同的來試一試。買了大同的面包很多年，不過感覺很一般，比較乾，味道亦淡。從面包櫃轉個身到後面的唐餅櫃，哈，原來這些年都沒認真看過這個櫃有甚麼。原味老婆餅 ($4.5)- 吃慣了另一老字號的老婆餅，第一口有點不習慣，因為大同的餅皮較厚，口感很像曲奇餅。但一直吃下去的時候，我成功地上了癮。- 餅皮很鬆化很香，和厚厚的冬瓜蓉一起吃味道一流。- 冬瓜蓉也很鬆化，即使放了一段時間涼了仍很好吃。荳沙老婆餅 ($5)- 餅皮同樣鬆化香軟，惟荳沙餡略嫌甜味不足。這一件的餡更有點"火羅"味，紅豆煮燶了吧。荳蓉老婆餅 ($5)- 因為紅薑的味道較綠豆的強烈，所以只吃到清新紅薑味。好處在於荳蓉不會讓人有油膩的感覺，餅皮上的芝蔴也很香。芝蔴老婆餅 ($5)- 撕開以後，煙韌度最像原味老婆餅，口感也很夠煙韌，也傳來陣陣芝蔴香。可能因為我喜歡芝蔴類的食品吧，這個我一吃便愛上了。強烈推薦原味及芝蔴老婆餅。

往晚飯途中, 路過此店..貪吃的我更唔放過入去look 一look 的機會, 尤其是這類分店極少的店舖麵包乾爭爭..完全欠吸引力..門口的中式櫃子裡有一袋幾個的光酥餅, 芝麻餅, 香蕉糕...賣相都是麻麻地..見到玻璃櫃裡有一盤盤老婆餅..原味/紅豆沙/ 綠豆茸/ 黑芝麻 @$5還有櫃頂的已包裝豆沙卷,嚤囉酥, 棋子餅, 雞仔餅...@$14/包豆沙卷望落油淋淋, 其他份量又多..最後買了豆沙老婆餅 + 黑芝麻老婆餅各1, @$5摸上手, 原來熱辣辣...還是留待回家才吃...1. 紅豆沙老婆餅,較高身, 酥皮面, 但吃下似曲奇, 厚厚的豆沙茸味濃且多, 甜度ok..可以接受的甜度..弊處又是下了花生油..油光泛泛2. 黑芝麻老婆餅這個真係有內餡無外表..表面的酥皮跟豆沙那個完全不一樣..未拿上手已看見餅皮四分五裂...即使小心地拿上手, 餅皮已分分碎下...質感很酥+薄 + 碎呢至於餡是黑芝麻既麻糬....對..真是麻糬...'搣"開時,欲斷難斷...很意外..完全想像不到是軟糯的麻糬..黑芝麻味ok..出奇地不油膩這個值得翻兜

除原味/綠豆蓉/黑芝麻, 還有豆沙/蓮蓉味既老婆餅今天在北角大同分店新鮮熱辣買o左原味/綠豆蓉/黑芝麻返hotel 吃, 極之好味皮薄餡多,dee餅皮好鬆化 原味老婆餅裏面嘅糖冬瓜餡，very soft and gooey but not too sweet. It IS comparable to 恆香’s filling (if not better).Too bad黑芝麻餡沒有很strong的芝麻味 n filling is too soft, not gooey enough…a little disappointed. 豆蓉餡, 甜中帶少少咸味, 加埋餅面上dee白芝麻, overall味道很香and酥脆,幾特別.Among the 3 flavours, I prefer 原味老婆餅 next time will try 豆沙 and 蓮蓉味

四月上旬非因著老店之名開分店而慕名而來，純粹因為路過聞到出爐蛋撻香，走去望望下發現皮邊焗得金黃帶點燶，爐溫夠熱蛋撻該鬆化好吃。阿姐問要唔要袋，環保一點拿著吃就好了，蛋撻上手還熱辣辣的，傳統牛油皮不算厚，邊位吃起來鬆化可口，可惜底皮底雖薄卻是偏腍，收$3較樓下街市貴$0.5然而質素卻不俗，薄薄牛油香加上甜蛋漿的化學作用，實在美味，泰昌賣$4.5（折扣價），這裡出品就顯得有良心多了。

父親大人去北角整野, 順道買左5件雞仔餅返來, 本來好開心, 因為好耐冇食, 心諗有好野食, 打開個袋一望, 雞仔餅????唔係嘩一dee都唔似, 仲好燶下, 算啦照食, 一咬已經冇興趣, 好硬下,個皮都幾厚下, 仲要冇咩香味, 餡料得芝麻+冇味南乳粉+什瓜仁, 有五花肉, OK, 而家講健, 但唔連少少肉碎都冇, 攪到個雞仔餅可以初一,十五都食得, 食左一個後冇晒興致, 同之既水準有天壤之別, 之前係整得又香又脆, 而家又實又硬, 都要$4/件, so bad

喺健之堡實惠睇啱咗張油壓椅，打算買俾亞仔，老公問我仲有無其他嘢想買先返屋企，突然想食老婆餅，便叫老公陪我行去北角道嘅大同買，途中當然少不免被老公潤兩句，話你啲女人，為咗食想食嘅嘢，行幾遠都唔怕攰，唔怕腳軟，真無晒你乎。算啦，鬼叫自己為食咩，一於置若罔聞，照去買。因為老公唔鍾意食呢啲零食，所以只係買俾我同亞仔食，買咗 原味老婆餅 ($3.5@) 及 豆沙老婆餅 ($4@) 各兩個。拿上手仲感覺到有少少熱，回到家即刻切開嚟食，兩款老婆餅嘅外皮都甘香鬆化，不過個豆沙餡味道略為甜咗少少，反而個原味老婆餅裏面嘅糖冬瓜餡，清甜唔膩，非常美味，我覺得大同嘅老婆餅比恆香更好食，唯一可惜係銷售點太少了。

知道總店在元朗, 自知基本上無乜機會入去 今日經過北角原來都有分店, 自問老餅的小女子便拖著大舊興奮地選購唐餅去 所有唐餅放內熱櫃內, 而麵包則在架上 我主力選唐餅, 買了豆沙老婆餅 $3.5, 皮蛋酥 $6, 真係熱辣辣, 好想食所以一返到屋企便急不及待拍照, 對大大個的皮蛋酥十分有興趣, 皮還是脆口鬆化的, 蓮蓉清香不甜膩, 但皮蛋很細粒還有點硬呢, 蓮蓉成了整個餅的精髓, 非常好吃。豆沙老婆餅任務交比大舊, 一層層皮薄靚豆沙, 但餡料比較甜, 溜左小小, 大舊一路食也一路讚, 最後我敵不過引誘吃了半件呢。 唸起都想食, 今晚再去買!

2008年12月11號 - 夜晚6點幾路過北角道的大同老餅家就試試他們的豬仔飽la。 Um。 味道好好, 但是覺得比較硬。 可能不是新鮮做出來的。 但是如果是新鮮做出來的, 我相信會好好多。

這店正正在往時的「荷媽 (奇華) 老餅家」的對面, 可是鋒芒總是被前者蓋過了, 直至有天家裡 (竟然) 買來這裡的麥方包 ($4/4片) 才引起我對這家老餅店的興趣。--> 說實話想不到它的麵包類產品還算不俗, 起碼麥包有點真的全麥碎在內, 比起家裡一向吃開, 只有色水而無內涵的第X村已不知好多少倍了。言歸正傳, 來老店當然要買老餅啦! 見元朗總店的老婆餅口碑不錯, 今次就買老 - 婆 - 餅。這裡單是老婆餅已有很多款了, 有大同老婆餅（我想應是正常味吧)、豆沙和黑芝麻等, 都放內熱櫃內, 熱辣辣, 很吸引呢。一次吃不了那麼多款, 於是挑了大同老婆餅 ($3.5) 和黑芝麻老婆餅 ($4) 買回家。新鮮熱辣的餅即吃, 果然是好好味! 先吃黑芝麻這種新奇味道, 原來裡面的餡也是烏卒卒的, 吃下去卻沒有很強的芝麻味, 又不大吃得出老婆餅的冬瓜餡味道, 有點怪怪的。倒是正路的大同老婆餅更好吃, 先是外皮比較甘香鬆化, 跟黑芝麻味的一片片酥皮的感覺已有不同; 裡面的糖冬瓜餡清甜不膩, 我就比較喜歡原味的了。店內還有蛋黃豆蓉酥等唐餅出售, 有胃納的時候再來買。

知道大同在北角開了分店，假日行開就過來買些蛋糕、唐餅試試。豆蓉皮蛋酥($3.5)與老婆餅($3)都是不重外表，看上去並不吸引，但食落喜歡得很。酥皮真的相當鬆化，一咬便散滿一地。皮蛋酥的豆蓉餡軟滑，配上並非硬實的皮蛋，甚為討好。老婆餅的餡是厚而不乾硬，也絲毫不覺膩。核桃蛋糕($4.5)的核桃都幾多，而且粒粒脆口，蛋糕本身也軟熟。小光酥$10一包，做得不太乾，亦沒有濃烈臭粉味，同樣令人滿意。