大和豚総本店 (已結業)

許久不見的朋友，不知不覺已認識了七年。平日大家因爲工作的關係，見面的機會也不多，難得大家有個空間，便見一面，聚一會。女士愛美，之前也跟另一位朋友來訪，發現餐廳提供一系列叫美人鍋的日式火鍋，便再次光顧。餐廳提供林林總總的日式火鍋，單是火鍋的份量也很多。就像今次我們點了這山芋牛肉美人鍋，我們努力戰鬥到底，也還是清不了。另外餐廳也提供一些套餐，多了許些小食和飲料，價格也是很商宜的。今次點了美人鍋，之所以稱為美人媧，是火鍋加了自家製的骨膠原湯包，每一口湯火都為女士們補充流失的膠原蛋白。本人沒有注意這些，反正也是脂肪和蛋白質，味道反而更重要。一個火鍋是否可以留得住客人的口胃，湯底確實扮演重要角色。聽女服務生的介紹，骨膠原湯包是每天廚師把豬肉連豬骨用文火煮了十多個鐘，讓豬骨中的骨膠原完完全全的溶解於湯汁中。而我則品嚐到豬骨湯和蔬菜混合的鮮甜味，加上一片片牛肉，把整個鍋砌成火鍋山，出場時真是震撼。雖然只是一鍋，但材料足，味道適中，整體味道不錯，加上山芋和豐足的蔬菜，感覺十分健康。由內在的健康發展到外在的健康，真的是可稱為美人鍋。

在旺角吃晚飯真的要有排隊的心理準備，這間都等了好一陣子才能有位。位置還好不會覺得坐得辛苦。選擇其實挺多，我們兩個人叫了個蟹子沙律跟一個韓式泡菜豚肉鍋。蟹子沙律，忘了價值哈蟹子很多所以吃時口感很爽，另外沙律醬也下重本，份量不會太少。韓式泡菜豚肉鍋$256份量挺大都夠兩個女生飽肚，賣相好裡頭都挺多金菇、年糕、泡菜、肥美的豬肉與香腸。雖是泡菜但不會很辣，所以怕辣的也不怕點這道菜。整體而言這店坐得不錯等位也不會很久，價位品質也正常。

路經雅蘭中心，一心諗住隨便食個定食就返歸。咁就求其揀咗黎呢度食。打開menu 再四圍望望其他人食緊咩？呀~點知見到有人打緊邊爐嘅😳 天氣咁凍，打返個邊爐，正喎！不過佢由於此終點豚肉店，所以對唔食紅肉（豬、牛、羊之類）嘅我，可以話完全冇選擇，唯有揀個煱，但自己先拿走肉，到臨尾才讓朋友放回進去食。不過店裡可以幫你將原本豬腸這配料換走，加番其他蔬菜作填補，非常好！我仲選擇了軟殼蟹拉麵配秘製蟹膏濃湯，出面嘅拉麵，一般都係豬骨湯底或許魚湯底，而甚少會有蟹膏濃湯，而且佢真心好濃郁！好好味道呀！👍🏽

首先講下食物質素，其實個拉麵就唔算太難食，只不過就唔值得九十幾一百蚊去買一碗拉麵。而且我揀嗰個係有蟹膏味，黎嘅時候只係面頭有兩隻蝦，兩個魷魚圈，三兩粒帶子，肉同埋一teaspon綠色嘅蟹膏。大家記緊要盡快食用，因為個蟹膏非常之腥。另外一提嘅就係佢嘅服務，我一行三人，同朋友坐咗喺呢間餐廳嘅死角位，完全冇人理我哋。落錯單唔再講，服務員嘅態度都算幾差，落錯單想同佢clarify，佢完全冇聽我哋嘅食物名，搞清楚想要咩嘢食就行咗去。我朋友嗰兩碗拉麵食完連湯都飲埋，我碗蟹膏拉麵都仲未有得食。所以結論係，如果大家搵唔到嘢食，都可以去呢度，不過期望千祈唔好太高。

行經旺角，突然好想食壽司。行了幾間壽司店都排長龍，經過這間店見到有壽司食，人不太多，而且又有信用卡優惠，即入座。地方很大，座位寬敞，但好像人手不足。當然是點信用卡優惠的套餐，「特上壽司配凍稻庭烏冬及韓式前菜」。問店員才知這是前菜~雞翼，香口惹味！韓式前菜及三文魚刺身，味道一般！特上壽司，新鮮好味！美中不足是沒想到這款凍稻庭烏冬遲遲都未送上，等了很久，追問才即奉上 -_-這樣不能一氣呵成，享受食物的興致！

這算不上高級餐廳，也不是下價吧！好好的一間餐廳，客人都是細細聲斯斯文文的，為什麽總聽到服務員在大聲呼玩，叫食客在聽你們尖叫玩耍嗎！服務員也該控制一下自己的情緒！原本好好的一頓晚飯…………😡

9點喺雅蘭哩頭約左病了的男友食飯，仲諗住食好小小，點知成餐都係伏！又要貴！喜歡吃鍋物的他，叫左這個"韓式泡菜"鍋，對!! 係用"韓式泡菜"整...面頭鋪滿左豬肉，睇落好似好多料成個底都係芽菜其實有必要收哩個價錢嗎？仲要明明哩度餐牌寫明話有自家製泡菜，佢哩個"韓式泡菜"鍋係用普通菜問個職員係咪用錯了，仲要搞辨話餐牌寫到明係韓式泡菜湯底鍋真係唔知俾咩反應好咁點解舖頭有真泡菜，又要用啲普通黃芽白菜去膚𧗠人，仲要搞到人地誤會？哩度小食一啲都唔平，嗌左個平時最鐘意食，又好難整得差嘅大阪燒。話明係豚肉大阪燒...我真係食唔到有豚肉我食到嘅係一舊舊嘅粉漿點解可以收到咁貴旺角食日本嘢黎講，佢都算貴，仲要唔好食，真係憑咩收咁貴？牛油果三文魚壽司，三文魚唔新鮮，牛油果好生，真係好無誠意之作2個人食左接近500，仲要唔好食，仲有上菜好慢！等咁耐又無質素！唔會再黎食

今日沒食早餐就外出和豬逛街街豬話要食多啦a夢多啦a夢吾知係乜，我估係拉麵我憎死多啦a夢，不過好肚餓是但入一間頂住先先叫一杯飲品$38吾係塑化劑同化學醬溝出黎又夠大杯，2個人飲一杯就岩岩好壽司同烏冬個烏冬超大份，要出動豬幫手食先得而沾既汁加左薑同wasabi，味道好開胃壽司沒有太差符合價錢總括：服務90分，有10分扣左因為我等左好耐個餐先黎，餓死外星人了。環境很好，野不算特別，飲品不錯，可以過來坐坐，飲杯野傾計

食物先不說，侍應像是新請的part time,服務慢兼不熟手，看見食物挺漂亮自己排好位置打算拍照，女侍應看見後黑面走過來罵我醬汁不要放一旁！要不是她會以為我不要會把它收掉（甚麼道理？醬汁沒有用過），我未影好相沒有理會她，過了一會她再過來罵我，不是已經叫你不要把醬汁放一旁嗎！？其實道菜剛上諗下已經知放一旁我又影緊相好明顯不是叫你收掉，而且你如果不清楚那東西客人是否不要你不會禮貌問一下嗎？到餐廳食飯被侍應當出氣包還是第一次，餐廳經理的櫃枱就在我桌子旁邊，經理看見如此惡劣的態度竟然沒有反應，立刻明白點解服務可以咁差！食物再好吃，甚麼胃口也立即沒有了！

星期六晚同朋友出旺角睇戲，好開心😆但都需要搵地方醫肚and傾下套戲，見呢間無咩人等就決定試下，估唔到係伏既開始....我地叫左一個3號同一個6號。話時話，呢間日本餐廳竟然有韓國燒烤叫🤔首先黎左個前菜同三文魚刺身。omg 除左個泡菜係正正常常之外，其他兩個真係🤦🏿‍♂️青瓜有極奇怪既味道，非常難以形容，試一口已經唔敢再試；三文魚完全唔新鮮，顏色暗淡，咬落似橡筋...「淺嚐」完小菜後，先試朋友既3號佳麗。牛扒有點硬身但味道唔差，雞翼無咩問題，味噌湯我諗都係湯包開出黎既姐🤔然後係我既6號佳麗。唉，豬扒成陣霉味，再濃既芝士都蓋唔到啊😵唯一可取既係呢兩個sauces, 都係用黎點6號佳麗既菠菜既，prefer 柚子醬多啲，小清新最後，我倆一致決定blacklist 呢間野，毫無疑問💪🏿

被門外餐牌吸引，原先唔知道呢度食咩出名由於大家都好細食，所以我哋冇叫到美人鍋，而係各自叫左三份定食我叫果份係牛肉定食，有啲泡菜做開胃前菜，三片三文魚刺身，一碗麵豉湯，同埋燒雞翼麻麻地既係雞翼，d骨整到斷晒有好多碎骨 牛肉黎講算係烤得唔錯，七成熟左右，唔會煮得太鞋反而朋友個芝士豬扒有d厚粉我個人不太鍾意呢度既服務，我哋未食完，店員已經係我哋後面望住幾次，甚至我份牛扒仲有最後一舊未食完佢地就已經收起左我份餐野食唔錯但態度真係唔得

評分：💙💙💙💙（5個心心為滿分）值得一試😋晚上9點多，本打算去同一個商場另一間日本餐廳吃個黑夜壽司，怎料大排長龍！最喜歡日本料理💙的我，常常經過都想試試這一家，一直都沒有機會，打算看看如果有位置就這家吧！我跟朋友T，2個女生叫了個2人刺身燒肉餐。有沙律有刺身有肉有飲有飲品，價位$4xx，好像挺化算😌。蟹子沙律，勁多蟹子同青瓜絲，有少量蟹柳絲😂刺身拼盤 不過不失套餐附近普通飲品（忘記了有什麼😂）我們加了$1x，換特飲！白桃梳打+巨峰梳打燒肉拼盤 有肉有菜有海鮮！還有白飯！吃燒肉有菜吃，很重要！全程有員工幫忙燒，幾乎沒有動過手自己燒！可以跟朋友輕鬆一邊聊天一邊吃！肉也okay，不錯喔👍🏻以每人2百多價錢，又刺身又肉又菜又飯，又有人幫忙燒，味道也okay，值得吃喔！👍🏻👍🏻👍🏻

今次認識嘅原因慶祝節日，一早book定位。網上見到呢度啲食物相好吸引，決定睇睇佢廬山真面目。果然各樣食物嘅賣相與Menu一樣，沒有照騙。這個絕對一讚首先講裝修日本式的時尚，座位先好座。人多人食飯我發板叫了豚肉野菜飛魚鍋丶上級豚肉鐵板鍋丶大和刺身大盛合（我建議大家叫全條魚刺身，因價錢差唔多，但就豪華好多啦）。出來時買相都好靚有＂嘩＂一聲嘅感覺，食物質素幾好算得上美味點少得過叫甜品，必點之選＂拖肥日式芝士蛋糕＂可味美味賣相超正唔怪得知個個都叫呢個。鐵板菠蘿燒半雪糕及另外一個甜品我都有叫不過只屬一般。當日我感冒唔舒服所以冇試食品，但見到隔離枱有叫都感覺良好，有機會下次試吓。

如題，當你越趕時間，你需要嗰班車總是遲遲不來、當你越肚餓時，你需要的食物總是遲遲不上枱！越窮越見鬼……你懂的昨天趕往睇醫生前，見就腳就黎左呢度。點了午餐的刺身飯但等極都冇(當時是下午2點半左右，人流極少)，眼見旁邊兩枱人客遲過我入坐、遲過我點餐但食物都已上枱，於是找來年輕女店員問問，她說幫我去廚房問，親眼見佢問完後完全冇回覆我、向我解釋的意圖 再等左陣，見到其中一枱食客已食飽了，我的飯先送來，食到半路……發現飯中有疑似蝦腳定小X腳的東西，心裡盤算應該當佢係蝦腳繼續食(但有此勇氣嗎?)還是當佢係小X腳就此打住？但大拿拿$118/餐，還未飽腹下我又不甘心就此作結！女店員幫我找來負責人叔叔理論(利申: 我由始至終都冇講過這條小東西是小X腳，我只是想知道自己應不應該、可不可以安心地繼續食而已，我只想來享受美食而不是來找麻煩的)，店員叔叔的第一個回應竟然是: 會唔會有可能係木匙羹上的刺? 佢話担心木刺會拮親我(其實我担心這是小X腳多一點，佢再細看話應該不是昆蟲腳(因為腳上冇尖刺)，但佢不敢肯定於是找來廚師問問(佢認為廚師的專業知識能分辨這是蝦腳還是昆蟲腳)，廚師叔叔也來研究一番後話應該係蝦腳(對

not too bad in taste considering its located in the middle of hipster zone. Had the ramen noodles with deep fried pork and bacon rice with vege. good value dish, large portion and suit the local marketed crowd. spacious seating area is certainly a positive for this outlet, but the glass wasn't well clean. but for the price, dont border complaining!