大喜屋 (已結業)

香港放題質素有好有壞，今日試下位於銅鑼灣的大喜屋。環境：餐廳有很多卡位，二人枱亦十分舒服，裝修整體都算乾淨清潔。服務：侍應們態度十分友善，上菜速度亦十分快，好多放題都會漏單，但這間都無這個問題，值得加分！推介食物：食放題當然想咩都試，這間餐廳好細心，將食物份量做細d, 但質素ok, 可以試好多唔同美食。1.溫泉蛋好味。2. 壽司唔會太大件，唔會太飽肚，十分新鮮。3. 海膽手倦都係細細粒，但海膽味美。4.羊架香口。5.天婦羅蟹柳very nice! 6.刺身甜美，而且肉質厚！7.芝麻雞翼脆口美味。8.甜品豐富，仲有好多大brand雪糕揀， 正！9.飲品種類多，最開心清酒，梅酒都可以任叫，唔洗加錢！價錢：每人平均$250, 放題來算抵食，而且質素亦很好，有機會，會再來喪食！

中秋節同女朋友屋企人食完飯，翌日得返我哋兩個自己搵食都梗係要食餐好啦。今日喺銅鑼灣出沒，就揀咗大喜屋呢間性價比極高嘅放題。佢嘅嘢食絕對冇令人失望，好似刺身咁樣樣都好新鮮，好似象拔蚌、甜蝦、榮螺等。尤其是係貝類，赤貝就好鮮甜，帶子係一大粒再切細粒，所以絕對唔係細細粒嘅帶子仔。另一驚喜就係呢度有鹽燒左口魚變壽司，一般出去食呢個壽司都要10幾蚊件，可以喺放題食到呢個壽司真係值回票價㗎。除咗左口魚之外呢度仲有海膽手卷，好窩心地呢度嘅手卷係迷你手卷，絕對唔會要你食少少餸大大嚿飯。海膽都好鮮甜美味而且細細件，好快食完令你不知不覺想叫多幾件食。羊架亦燒得啱啱好，唔會太過蘇，而且唔會好似出邊啲放題咁死鹹爛鹹，佢調味十分出色。網燒牛肉嘅生熟度剛剛好，食落肉質剛剛好又有牛味，再有小小沙律伴碟，食完真係好fresh架。因為食咗好多刺身，所以就叫咗個人蔘雞食。有參香之餘，仲有菜湯嘅鮮味，整體味道甘甜真係令人飲到唔停口。最後每樣甜品都叫左少少，最令人驚喜嘅一定係個榴槤糯米糍，咬落去個餡全部都係榴槤肉，如果鍾意食榴槤嘅你，一定會覺得齒頰留香，忍唔住會再encore。

中秋節有假放，就拉埋男朋友去食早場放題，價錢平啲之餘又可以食飽行下街消化下。銅鑼灣就夠晒就腳，一直都有唔少朋友話大喜屋係數一數二性價比極高嘅放題選擇，終於都比我有機會試吓！真係非常有驚喜，令原本唔鍾意食放題嘅我完全改觀食放題就梗係要嗌刺身拼盤啦我係貝類狂熱分子，所有象拔蚌、北寄貝、赤貝、帆立貝等等..我全部都有嗌好多放題舖頭都會俾唔足份量，但大喜屋竟然真係跟足我要嘅數量上枱，仲要我嗌左兩輪都好新鮮，保持水準有人話食放題梗係食少啲澱粉質咁先回本，但佢啲創作壽司配搭真係好吸引，尤其係牛油果軟殼蟹卷，我竟然獨吞左三舊仲有個迷你海膽手卷，真係一啲都唔馬虎，海膽好多，但飯嘅份量只係mini size，一啖擺晒落口令人回味無窮熟食方面都唔輸蝕架，我個人最欣賞佢個香草羊鞍👯‍♀️羊肉燒得啱啱好，肉質嫩滑，仲好入味添仲有個網燒牛仔肉都好好味，我用咗個比較韓式嘅食法，用啲菜包住塊牛肉嚟食，個牛好夠牛味，個汁酸酸甜甜，呢個幾有驚喜😻炸物方面都冇令人失望，尤其係炸榴槤波，一啖咬落去，真係要小心啲辣親咀，因為真係流心㗎另外佢嘅串燒都做得唔錯，唔會燒到好鞋，其實燒菠蘿都好好味，不過因為太好味掛住食，所以唔記得咗影

女兒介紹銅羅灣黃金廣場7樓大喜屋吃放題好抵食，今午好有興緻去了，一入去就看到室內有心思的日本式佈置，座位好寬大，整個環境空間給人一種舒適感我們好肚餓好心急點了個前菜，八爪魚🐙，味道爽甜，好大隻，好少見到咁大隻。聽說這裡刺身吾錯，各款中吃後最要讃是劍魚腩🐟，肉質肥美滑口，而油甘魚🦈真是甘甜鲜😃接住我哋叫咗個香辣魔鬼珍寶蝦🦐蝦好大隻 甜甜酸酸香辣味，個汁好濃郁，蝦肉爽甜， 極力推薦你試一試👍至於香口脆炸天婦羅，我是榴槤愛好者，少不了脆炸貓山王🍨連吃兩件，皮脆又脆，餡用靚榴槤，榴槤入口軟滑，香滑濃郁，簡直至愛極品😆若作愛吃榴槤就要到此一試🚶🏻‍♀🚶🏻‍♂但天婦羅蝦🦐，日本蟹棒🦀就一般。首爾人蔘滋補雞鍋🐣🥘! 呢個認真唔錯！ 蔘味清新雞肉好滑， 🐦雞肉份量好夠， 再配上紅棗 好清新香甜， 一鍋二人份量 🍲，有機會我會返轉頭再試過😃吃完 雞後， 我們食了一個法式燉蛋 真是精選推介👍蛋沐話好香甜， 焦糖美適中，師傅手勢好👍👏🏼最後食咗 Haagen dazs 沖繩海鹽味雪糕和焦糖餅脆雪糕，海鹽味雪糕🍦味道好新，少鹹味帶出奶味，係好特別嘅新款雪糕， 好想再食多杯不過我怕肥😛

前段時間家人喺尖沙咀大喜屋食午市放題，大讚又抵又好食。今日下午再同家人去銅鑼灣大喜屋嚟一餐午市放題。一入去招待俾我哋嘅印象幾好，好快就安排好座位，座位全部係舒服梳化，又大又寬敞，周圍環境佈置燈飾行日本風。整個環境都好舒適清潔。網上都有講放題界入面呢度刺身出名好味優質，我哋每款都點咗啲試。一上枱刺身拼盤絕對係必打卡！先食一口蠑螺，爽甜鲜美，而且冇沙粒。甜蝦名符其實咁鮮甜，選料上乘。象拔蚌同北寄貝都幾爽甜，而三文魚亦夠肥美。我哋食咗足足兩盤刺身！！跟住係XO醬翠玉紋炒魷魚，醬汁帶點甜酸味，幾開胃~另一個唔錯嘅係鼓汁炒花甲。炒得惹味，花甲亦好大隻，最重要係食落無沙。凱撒沙律蔬菜都新鮮。呢度竟然有泰式鳯爪，味道有水準，適中的甜酸辣幾深得屋企人心。至於甜品方面，不得不提係榴槤糯米磁。我連食了兩個，皮軟而薄，榴楗餡多，高質！最後是每位一杯Haagen Dazs/Milk Top雪糕。我第一次食冲繩海鹽雪糕，鹽味帶出奶味，入口很軟滑~不過雪糕唔係任添，只限每人一杯。

今天一個人出外吃午飯，想起有朋友提議過大喜屋吃定食，便一於去試試啦。入座後，便開始硏究餐牌，發覺最便宜的套餐是$48，於是便點了什錦魚生醬油漬丼配吉列蠔，味道不錯，也非常抵食吖！

朋友話食放題，第一時間就諗起銅鑼灣黃金廣場哩間大喜屋，貪佢方便同埋d野食有好多選擇。一般食放題既地方都好逼，而且d人走來走去拎野，但哩間既小食同飲品都係用紙點的，唔洗同人逼黎逼去走出走入，坐定定就食得。哩度既野食太多啦，簡幾樣推薦下啦哩度既壽司好貼心，舊飯細細粒唔會好飽肚，點多幾款都唔怕飽肚，手工仲好精細跟住就係仲點推介既燒黃花魚，冇錯！係黃花魚！！平時一般係屋企食開都係蒸，所以一見到第一時間就點左黎試下。將黃花魚一開二去骨，再加d甜甜地既醬汁去燒，好鮮甜！鹽燒海蝦，勁爽甜勁新鮮牙！叫左幾轉哩隻甜酸蝦雖然冇燒海蝦咁爽甜，但勝在大大隻啖啖肉海鮮冬陰公，拍得住泰國既味道，如果再濃d就仲正再後叫左個鰻魚炒飯，未放落枱已經聞到陣香味，連埋d蟹子一齊食簡直一流甜品海鹽雪糕

定期就要食下放題放一放鬆下心情，今次去咗銅鑼灣嘅大喜屋 刺身：本人唔食生野，得友人自己食。友人話刺身好新鮮，好正！自己一個嗌咗3 rounds 蟹籽沙律：有蟹籽、蟹柳同青瓜，加埋沙律醬好 fresh 好好味！我嗌咗2次 海蜇沙律  & 黑松露帶子沙律：材料新鮮，再配上甜甜地既醬汁，唔錯！日本溫泉蛋：熟度剛好 泰式鳳爪：開胃之選 一口芝士：新鮮炸，芝士味濃郁 牛油粟米：滿滿嘅牛油香，份量剛好！牛油翠玉瓜：牛油香配新鮮燒嘅翠玉瓜，好正 鹽燒雞軟骨  &  鹽燒海蝦 & 燒秋葵 & 燒煙燻日本培根  & 鹽燒牛舌：燒物保持應有水準！雜錦天婦羅：新鮮炸，炸粉份量得啱啱好，亦唔會炸到老 豉椒汁炒花甲：冇沙，好味！沖繩黑糖網燒牛仔肉：熟度控制得啱啱好，唔會韌！香辣魔鬼珍寶蝦：個醬汁好好味，辣辣地好開胃！珍寶蝦亦好大隻 日式撈冷稻庭烏冬：烏冬好煙韌，係真正嘅到庭烏冬！而且烏冬仲係凍，唔係暖嘅 雪花牛肉鍋：裏面有唔同款式嘅菜，牛肉亦唔會過肥，好味 飲品多款式，唔使自己去攞

今日爸爸生日就一早訂左位為佢慶祝，刺身海膽係爸爸至愛，所以就一早訂了位。門外已經有個大大紅色招牌（大喜屋）入到去未到晚市已經有九成滿客人，好彩一早訂了位。好多不同種類的食物選擇，急不及待即時點食物。食放題點少得刺身，海鮮顏色鮮艷，感覺活生生，鮮蝦鮮甜無比，北寄貝超爽囗主角出場-海膽手卷，紫菜脆卜卜，海膽鮮甜無比，每件都細細舊，一啖食晒，口感適中，一句講晒！正！牛肉燒得剛剛好，不會太生亦不會過熟，入口即溶。帶子沙律🥗醬汁酸酸甜甜，好fresh,食吾停炸榴槤一啖咬落去，濃濃的榴槤味已經傳出來，餡料即時湧出嚟，好甜好好味燒黃花魚刀工一流，切得好薄連骨都起埋。魚燒得岩岩好，好惹味，配沙律醬一流最後食到飽飽，飲返支解茶，消膩😍😍😍

難得今日開完會一早收工，同事門一行四人經商討後決定大食一餐，就打電話去附近大喜屋訂位👏👏👏一出電梯門已經看到好多食物相貼在牆上。好多人排曬長龍地方雖然不大，但坐得好舒服地方雖然不大，但坐得好舒服多款食物紙由A-J很多選擇。由於有兩位同事仔吾食刺身，所以點了二人份量刺身。新鮮北寄貝顏色鮮紅吸引，象拔蚌切得好薄，食落爽口鮮甜。迷你版花之戀，擺盤好有心思好靚，唔捨得食主角出場，迷你海膽本人至愛，一d都吾腥，好鮮甜！呢個必食我一個人都食左8件炸物-炸榴槤，炸得卜卜脆，咬落軟綿綿榴槤即刻流出來，好似食緊榴槤一樣，又香又濃 鹽燒大蝦，燒得香噴噴，蝦肉本身鮮甜再加入少少鹽，已經好好味，食唔停豉椒炒蜆，炒得好入味翠玉瓜炒鮮魷，翠玉瓜同魷魚本身爽口，食落口感豐富入味，食到舔舔脷

今晚去左銅鑼灣一間日本放題，叫做大喜屋，一坐低就點了刺身，壽司同手卷，刺身種類比其他日本放題都多，而且都好新鮮，壽司都唔錯份量適中，手卷我選左海膽同京蔥吞拿魚腩，都好食同海膽份量都算多，京蔥吞拿魚腩都份量多，手卷飯份量唔多，所以唔怕太飽，之後就梗係試埋熟食野，燒物方面都多選擇雞翼，秋葵，五花腩，牛舌，依幾種燒物都唔錯送酒一流，牛肉鍋係我最愛所以一定食，食落牛肉都幾嫩口，蟹粥夠鮮甜本人認為都值得一試，飲品都多選擇，仲要有酒類，而我鐘意飲解茶，甜品就多選擇奶凍，榴連雪米滋，蛋糕，雪糕，講住幾種先，所以提提大家留少少肚試下佢地甜品，因為真係唔錯，整體食物種類多，服務質素都好，無咩點留單，甜品都多選擇，所以物有所值！

任食有花膠食，雖然薄同細隻但係個汁整得好好，仲有粒冬菇，好厚肉同大粒；刺身好新鮮，估吾到熟食都好食，羊扒吾蘇，一口牛有牛味，仲有炸芝士年糕，都好味。同埋份量全部都大大件，仲有啤酒任飲，抵！個熱清酒就算把啦，sake梗係凍至好飲。最後仲有貴價雪糕食！

中午在銅鑼灣吃放題。大喜屋選擇夠多，而且刺身新鮮又可以任食。飲品選擇多，有啤酒，很抵飲，不過下午不喝酒了。點了一瓶綠茶。⭐️刺身三文魚厚切，肉質肥美。甜蝦爽脆。⭐️海膽手卷一口手卷，海膽夠甜。點了幾款餐廳特色的壽司，整體味道不錯。⭐️龍蝦膏甜蝦⭐️海膽拖羅魚生塔⭐️鵝肝伴帶子⭐️脆炸貓山王炸榴槤，榴槤愛好者必食！裡面是熱辣辣的榴槤。⭐️燒蝦蝦雖然不大，但勝在蝦肉甜⭐️燒雞翼雞肉嫩滑入味。⭐️炸天婦羅炸得尚算乾淨，入口脆卜卜，不油膩。⭐️雪糕每人可以點一盒Haagen Das雪糕，桃味酸酸甜甜很美味！▪️放題的好處時以此可以滿足多種慾望，刺身、燒物、炸物樣樣齊，下次再食！

大喜屋集團有大喜屋、極尚大喜屋等放題餐廳，今天中午和丁丁一同吃大喜屋。餐廳裝潢沉實，設有卡位或多人座，清一色是舒服的沙發座，讓我們盡情吃的時候，也能坐得舒適。餐牌所見，食物已經分門別類，有刺身、創作壽司、火炙壽司、卷物、炸物、甜品等。有別於一般的放題，飲品和甜品全部要下單，不能自取。⭐️芝麻八爪魚每次吃放題必點的小食，肥美飽滿的八爪魚爽脆開胃。⭐️泰式鳳爪鳳爪酸甜開胃！⭐️首爾人參滋補雞鍋非常足料，除了雞件和人參，還有紅棗、娃娃菜等，入口人參甘甜味突出，非常滋補。⭐️燒三文魚腩壽司燒過的三文魚腩油脂滿溢，滋味無窮！⭐️鰻魚壽司鰻魚愛好者要瘋狂吃鰻魚壽司！⭐️鰻魚忌廉芝士卷鰻魚厚肉，配上芝士，味道很搭。⭐️牛油果軟殼蟹卷牛油果夾著小小的軟殼蟹，少吃多滋味，實在不錯！⭐️法式燉蛋最後再試試甜品，法式燉蛋入口香濃，不俗。⭐️北海道3.6牛乳布甸奶味濃香。⭐️燒溫室甜菠蘿菠蘿很甜。▪️食物選擇多，能保持水準，上菜速度也快。

同同事放工嚟到呢間試試佢嘅放題。第一次黎到呢頭食飯，黃金商場始終裝修比較日久，走廊位比較窄，所以入到黎所以都有少少局促。不過門口侍應姐姐好快就安排左我地入去，所以好快就可以等開餐次次食放題我都鍾意將所有點菜紙抆哂出黎所有菜色一目了然，款式真係幾多，絕對滿足到我番工疲勞既身心。比較特別要提既係呢度有清酒梅酒任飲，雖然我無試，但都應該算比較少見！佢張枱有d窄，但上菜速度又好快，所以好快地張枱已經放滿哂野食，睇見都好滿足因為同行人唔太食生野，所以擺盤都無乜華麗麗、大大份既感覺，但係麻雀雖小嘛，三文魚同帶子、蝦都係我既至愛刺身食得唔多，因為我地試左好多唔同類型既壽司。佢整到細細件咁，所以唔需要擔心食得太多飯。不過部份壽司飯握得太實，所以都有時影響到口感。不過我覺得炙燒系列的確係唔錯所以值得encore。而如果講到鰻魚芝士卷，我覺得呢度有元氣同一水準。而最岩我口味既，當然係肉肉！呢度既羊鞍比起信和個間大喜屋更加出色，半肥既羊鞍非常惹味之餘一d都唔鞋，而且燒牛肉既火候、燒汁都好夾。我地仲有試左好多唔同既炸物同天婦羅，正常放題有既佢都有。其中要試既係紫心蕃薯天婦羅同埋榴蓮波波，前者甜後者香叫左兩輪最