大城小廚

營業中

休息中

今日同個女去睇醫生，但要等到4點先有得睇，又肚餓所以就行左去19龍城食野。我老公搵左陣見到呢間大城小廚好鬼多人，心諗應該實冇死啦，多人1定好食，點知呢個就係中伏既開始！！！！！首先門口個收銀叫我地入去，話入面有位，咁我地就聽佢講入去，點知入面係冇位既，我地就3個戇居居咁企係到等，仲要有2張枱啲人走哂，但完全冇人梨執枱，我地果陣都有叫唔該幫手執下枱，完全冇人理！！！！！好不容易有位坐，叫野食我地叫左一個常餐（五香肉丁公仔麵+火腿奄列+多士）評價係普通，味道不過不失。然後係1個魚蛋河同紫菜雲吞米線，我人生係未食過1碗冇味既米線，梨到既時候我落左大量既辣椒油，然後都係冇味，最後我冇辦法，落左3包鹽落去，先夠味，但係都係極。難。食！！！！！！！！！我老公食埋個河粉，同我講，1個字，好難食！！！！！大家下次識路，唔好見好似好多人就過去食，其實真係直升機梨，伏伏伏伏伏伏伏啊。。。。。。。。。

✨砂鍋雲吞雞煲上枱時有啲嚇親 份量好多半隻雞 八粒雲吞 好足料湯好鮮甜 菜好腍入晒味雲吞 皮薄 內餡蝦爽肉滑 蝦同豬肉比例一比一雞 用上文昌雞 肉質鮮嫩 有雞味✨豉汁蒸大鱔大鱔份量唔少 厚肉 肥美肉質爽滑 鮮味 豉汁惹味 調味適中✨欖角骨外層有層薄薄鬆脆炸皮肉排件件都大大嚿多肉少骨 啖啖肉肉質軟腍 近骨位有啲咬口帶少少油脂甘香味道甜酸 調味啱啱好帶有欖角獨特香味 又唔會好霸道食物唔錯 份量好足環境空間都唔細 座位幾闊落 服務唔錯 街坊小店嘅服務 幾親切價錢合理 冇收加一 加上份量咁足 好抵食

今晚約左朋友係九龍城附近飲野, 飲野前就打算係附近食少少野先, 見到E間小菜好多人食, 於是就入去試下!🌟凍檸檬利賓納🌟老火靚湯🌟京蔥爆牛肉上枱時陣陣京蔥香, 牛肉軟嫩入味, 京蔥爽口惹味, 撈飯🍚一流🌟瑤柱金菇扒時蔬菜心嫩綠爽脆, 簡單淋上瑤柱金菇芡汁, 已經份外美味🌟鴛鴦腸煲仔飯冬天就緊係要整番個煲仔飯啦～煲仔飯熱辣辣, 打開香噴噴, 淋上煲仔飯豉油都仲會聽到喳喳聲, 可想而知有幾熱! 飯粒飽滿有嚼勁, 鴛鴦腸油份滲哂入d飯到, 仲有大量金黃飯焦, 食落焦脆可口

最近朋友約去九龍城食飯，竟然唔係帶我去食泰國菜，而係去食香港經典嘅小炒菜，就係食呢間「大城小廚」，九龍城果然係臥虎藏龍嘅地方，食飯時間一入到去已經全場爆滿要等一陣先有位，地方都算闊落寬躺🥰。1️⃣檸檬蒸元朗烏頭🍋 🐟除咗用咗普通檸檬之外仲用咗特製嘅鹹檸檬去蒸條烏頭，成條魚嘅味道昇華晒🤩。2️⃣大城小炒皇👑食大排檔小炒梗係要食小炒王，呢碟餸仲要係店員推薦一定要食。材料果然豐富，除左必備嘅韮菜、蝦乾、魷魚外，仲加左榨菜絲增加口感👍3️⃣豉椒炒蜆又係每次食大排檔必定要點嘅餸，屋企始終煮唔到咁嘅味道，有鑊氣。3️⃣蒜香骨🦴佢自稱係蒜香骨簡直係太謙虛😂😂，因為骨少肉多啖啖肉，炸到酥脆酥脆咁，送酒一流💖4️⃣黑椒牛仔焗煲黑椒、洋葱、牛仔骨本來就係好朋友，配埋惹味的黑椒汁加埋原個煲上，保證食到最後一舊都係熱辣辣🔥5️⃣麻辣雞煲 我地點半隻雞（人多可以直接叫一隻），預設辣度近似五小辣左右，怕辣的朋友可以叫少辣。麻辣雞煲，夠惹味。6️⃣蒜香椒鹽海蝦海蝦超大隻，外殼都炸到好酥脆，可以直接連殼食，蒜香椒鹽味雙倍開心。7️⃣紅燒BB鴿乳鴿外皮脆皮香口，肉質嫩，如果唔係叫咗咁多餸，真係想叫多幾隻嚟食😂😂😂8️⃣飲品：🧊紅豆冰經典飲品，紅豆大大粒有

明碼實價寫晒喺餐牌，張單出嚟貴咗話係舊餐牌，你鍾意點吹就點吹啦，舊餐牌又唔改，你話收幾多點幾多，真係吹你唔漲。所以話，呢間嘢，一定一定一定唔會再嚟，都唔呢間嘢做緊咩

屯馬線開通 就九龍城朋友佢帶小編去屋企附近的晚飯小菜食店朋友話呢間大城小廚係佢屋企飯堂廚師廚藝精湛，聽講曾於大酒樓及酒店任職多年黃酒煮雞、砂鍋魚頭煲、黃金脆大蝦球、黑草羊腩煲、梅菜扣肉、陳皮骨、欖角骨等都係呢間嘅招牌菜🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🔆砂鍋雲吞雞煲呢個雲吞雞煲份量好大 個湯頭係清雞湯 好鮮甜店家採用頂級文昌走地雞，無激素，雞味香濃，外皮爽脆、皮薄無脂肪，肉質嫩滑。另外入面有成10粒雲吞 每粒雲吞都好足料值得叫🔆豉汁蒸大鱔鱔能補身健腦、強化肝腎，亦適合氣血不足的人進補。店家的白鱔係用香港元朗本地直送白鱔，包新鮮。鱔肉鮮味十足，肉質彈牙。用🔆彩虹咕嚕肉小編嘅最愛 但吾係間間都好食有些就肉太肥 有些就粉太多呢間都做得幾好用左半肥瘦肉 加埋粉吾厚所以食落外脆內軟總括而言呢間小菜質量幾好，價錢便宜而且份量多，即叫即做保持食物新鮮。

最近天氣開始轉凍，想食返個煲仔飯暖下個人，OP到搵下搵下就搵到呢到，一到有幾個人等緊，等左陣就有卡位坐，呢到好處係無二人枱，最細都會有買人枱俾你，睇左陣餐牌另一半發現雞煲仲吸引，就叫左:-(1) 麻辣雞煲(半隻)(小辣)($128 + $10轉套餐)麻辣雞煲雞既份量都幾多，雞味濃，肉質嫩滑，小辣唔算太辣，下次可以一試中辣，另外配料如干蔥，蒜頭，洋蔥，芫茜等分量都好多，個醬好惹味，撈飯好好食，老闆娘中途問左句O唔OK，介紹返原來個醬係餐廳自己調教，而雞係用文昌走地雞，百幾蚊食到個好食雞煲，性價比好高。(2) 酸菜魚(細窩) ($188 + $10轉套餐)係水煮魚同酸菜魚之間選左酸菜魚，酸菜魚同酸菜份量都唔小，唔洗選辣度，食落唔太辣(微辣份量)，唔太油膩， 所以我都飲左少少湯同用來撈飯，魚塊起到曬，完全無骨， 食落好滑溜，另外配菜仲有薯粉、菇、筍同薯粉等等，薯粉份量幾多，可以當個主食。因為怕唔夠食，所以兩碟都加左$10轉套餐，包湯同飯。(3) 紅燒BB鴿 ($45)見到隔離枱叫乳鴿唔錯，亦叫左隻同另一半一齊食，鴿皮燒到好香脆，肉嫩唔乾，軟骨都可以一齊食。食到好飽，咁凍既天氣下食辣同熱野好大

【九龍城🔥惹味雞煲🐓】同屋企人喺附近買完野💁🏻‍♀️年紀較大嘅長輩想搵中式嘢食，佢哋好隨心咁就入咗呢間餐廳☺️ 餐廳乾淨企理，座位唔太迫。menu 菜式都幾多！密密麻麻啲字有十幾版😳我哋都揀咗一陣先落到單📍麻辣雞煲爸爸就揀咗麻辣雞煲，話我阿媽喺屋企整唔到喎😂 上枱嘅時候熱辣辣，香味四溢！據說係無激素文昌走地雞🐓 肉質嫩滑，大量嘅料頭配菜，非常惹味！比預期更有驚喜🤞🏻📍豉汁蒸大鱔叔叔揀咗豉汁蒸大鱔，肉質彈牙，食落幾新鮮，調味都唔錯📍杏汁燉白肺湯我自己好鍾意飲白肺湯，幾乎見親即叫！呢度嘅湯好足料，幾厚身，杏汁味非常濃郁😋📍籠仔荷香蒜茸蒸海蟹蒜蓉超香，好夾蟹肉☺️ 炒飯分量好大份，四個人食都食唔晒！📍 薑汁炒芥籣叫咗咁多肉，叫返嗰菜清一清，芥蘭爽脆，不時不食啊！呢度啲嘢幾大碟，四個人食咗$800都唔使！咁又幾抵嘅！大城小廚📭 九龍城福佬村道33-35號地舖☎️ 28852969

九龍城惹味雞煲好耐冇去九龍城搵食，今日想過去睇吓啲平價中菜。茶餐廳裝修，環境寬敞，餐廳座位舒適，有卡位～上菜快，食物即叫即做熱騰騰，提供紙巾和免收+1服務費。餐牌款式多，有部分都很惹味。有傳統招牌菜：黑草羊腩煲、梅菜扣肉、椒鹽鮮魷、陳皮骨等…另外有新派菜式：麻辣雞煲、水煮魚、酸菜魚等加$10可以轉套餐，有大碗白飯和好飲例湯等#麻辣雞煲 $128半隻雞煲選了BB辣，不會麻微微辣，很易接受。雞煲香口入味，偏重口味，配飯一流👍🏻 文昌走地雞，雞味濃肉質厚實，皮薄無脂肪，健康多了。#瑤柱金菇扒時蔬 $78選了爽口的油麥菜，推介，喜歡💕平時麻麻哋食菜。金菇切碎加上濃郁的茨汁，配飯之選～#豉汁蒸大鱔 $138白鱔肉質彈牙，較外面餐廳的更加鮮味。而且不會咸，感覺健康，小心有骨～服務質素：7/10環境舒適度：7/10ᶘ ᵒᴥᵒᶅ個人口味評分：7/10

天氣開始凍，食羊腩煲就岩哂。今次去到九龍城食呢間「大城小廚」聽聞大廚係由酒店出身，相信出品會有一定保證 ～細古法羊腩煲（$218）雖然係細煲，但其實份量都唔少，羊肉炆得夠淋夠入味，配料有冬菇、馬蹄、同枝竹樣樣都好索湯，仲會有個gas爐邊滾邊食，食完個人即刻暖哂。而且跟機仲送碟生菜，即刻健康左～沙窩雲吞雞煲（$138）諗住佢細細煲，點知黎到一大鍋，雞同雲吞份量都好多，睇落好清但其實湯頭好夠味，入口甘甜。雲吞入面有好多蝦，絕對冇偷工減料。雞肉都夠嫩，連墊底既紹菜都好清甜。138蚊算好抵食籠仔荷香蒜蓉蒜蝦+炒飯底（＄168）同上面2款菜一樣都係大大份，淨係蝦都一堆係面，而且入口好香蒜蓉味，而炒飯都炒得好乾身，粒粒分明，食多碗都唔會覺得膩。

📍 大城小廚 上星期難得屋企人齊人放假 就帶左佢哋去九龍城呢間餐廳食煲仔飯🤪餐廳位置都算大同闊落 環境唔會太污糟🙆🏻‍♀️ 店員服務態度都幾好～-豉汁白鱔煲仔飯 $105呢排天氣凍咗 梗係要叫返個煲仔飯暖一暖身🤓所以咁多款煲仔飯 我哋揀咗白鱔～煲仔飯嘅份量目測都有2碗飯左右 仲有另配豉油俾自己淋上去白鱔都有8舊左右 食落鮮甜 口感唔錯唯一有少少可惜就係煲仔飯有少少煲嘅味( ･᷄ὢ･᷅ ) 鮑汁雜菌扒時菜 $75呢個餸係包一碗飯 時菜可以自己揀要咩款～小編就揀咗西蘭花🥦 西蘭花份量適中 仲有一啲菇、西芹、紅蘿蔔片等食落去鮑汁味濃 唔會太咸🙆🏻‍♀️黑松露醬帶子蟹柳炒飯 $62呢個鍾意食黑松露嘅一定要試吓！ 因為食落去黑松露味好岀 仲有唔少帶子粒🤤勁足料！ 仲有啲菜心粒同埋蟹子增添口感豉椒鮮魷炒河 $58大大碟上枱 見到有好多汁同埋鮮魷🤓魷魚每一舊都幾大條🤭 咬落去彈牙😆仲有好多青椒🫑同豉士 河粉食落去濕潤同好滑 都幾好味(˶‾᷄ ⁻̫ ‾᷅˵)另外店員仲送咗4碗例湯俾我地😜 佢哋嘅奶茶都唔錯～-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★

🍁早兩日去九龍城辦d事，經過呢間大城小廚，見到佢d晚飯小菜款式非常多，而佢嘅招牌麻辣雞煲係最吸引我嘅🤩因為佢係採用頂級文昌走地雞😍即刻入去試下🔺餐廳嘅座位多數以卡位為主，非常闊落同埋乾淨，當日平日夜晚，人流都幾多下🔸川味麻辣水煮魚(細）$188哇，細窩都幾大窩下！一大盤，賣相幾吸引🤩辣度選咗小辣，食落味道非常唔錯，辣得嚟又香又有少少麻😋魚片份量都好多，呢個魚片係海鱸魚嚟，魚片厚身食落好滑好新鮮，完全冇刺👍🏻😋呢個水煮魚同平時食開嗰d有少少分別，佢嘅配料非常豐富，有幼薯粉，木耳，芽菜，菇類，豆卜，枝竹，吸曬d汁好食😋同埋仲有好少見嘅酸菜絲，但個汁又唔會有酸味，可以增加口感及味道，好特別！整體味道很好👍🏻八卦問下店員點解😂原來呢個汁同落咩配料係大廚自己調製出嚟的，唔係出面現成個d醬汁！呢個大廚仲曾經係大酒樓及酒店任職多年，對於出品相當嚴謹同埋用心烹調🤗🔸麻辣雞煲半隻 $148平時食開嘅雞煲好少會採用文昌雞，而呢個雞煲係採用文昌雞嘅😍雞煲選咗小辣，一邊煮一邊就聞到好香，雞肉份量都幾多，食落味道非常惹味😋文昌雞嘅特點係雞味香濃，個皮好爽脆，同埋皮下冇脂肪，食落雞肉非常嫩滑入味，好正😋👍🏻配料仲

之前屋企人入咗醫院做小手術，要搵保險Agent處理番啲文件上嘅嘢。傾完之後就同屋企人去咗九龍城度食晚餐，屋企人對西式嘅餐廳無咩興趣，咁啱呢幾日都轉涼，見呢間有煲仔菜就入咗去試麻辣雞煲（半隻）本來有諗過食羊腩煲或者黃酒雞煲，但係我今日突然之間好想食辣嘢🤭所以就冇理到屋企人嘅感受叫咗辣雞煲。上枱熱辣辣，個煲仔「炸炸」聲。Menu 寫雞係用文昌走地雞😋雞件肉質嫩滑同埋唔會太肥，麻辣惹味，配料又夠多☝🏻籠仔荷香蒜茸蒸海蟹大大隻蟹鉗超多肉，蟹肉鮮甜。用蒜蓉更加帶出到蟹嘅味道。飯炒得粒粒分明，飯底仲吸收咗蟹嘅精華😍豉汁蒸大鱔份量都唔少，大概有十件左右，厚身嘅鱔肉肉質彈牙又夠鮮味蒜香一口安格斯牛柳粒超有鑊氣嘅一個小菜，牛柳粒外邊微脆，肉質軟腍，加埋黑椒同埋椒鹽就非常惹味，有人食食吓仲忍唔住叫咗啤酒飲添🤭睇餐廳Menu其實都好多唔同嘅款式，由小炒有煲仔飯或者煲仔菜，甚至乎一啲海鮮佢都有提供，就算係普通客飯套餐都可以叫到，豐儉由人款式選擇都好多。

好耐無黎過九龍城啦，以前喺呢邊住過，特登黎重遊舊地，見天氣開始轉涼就想食下鑊氣小炒，食到好飽😋，開頭有粉葛湯做老火例湯🥣，感覺幾鮮味，唔會話落左好多味精，整體野食都唔錯，幾有鑊氣～(5 😍 係滿分，🤩係半分）蜜椒薯仔牛柳粒 🥔🐮 - $138 (好味指數：😍😍😍😍)炒得幾有鑊氣，薯仔粒🥔炸到金黃色，出面有層薄薄地香脆既表皮，入面鬆化，因為有蜜糖🍯 所以甜甜地更加好食😋 果然薯仔粒係兵家必爭之地😂 至於牛柳粒就大約7成熟，唔會過老，幾軟嫩多汁唔會韌，加上有惹味微辣既黑椒調味，更加香口～ 整體大細平均，確保係一口食到既size，如果牛柳粒🐮既牛味可以再重啲就更加好～蝦乾啫啫芥蘭煲 🦐 - $78 (好味指數：😍😍😍😍)用既真係比較鮮味同惹味既蝦乾🦐，有天然既鹹鮮味，而唔係用細細隻，又比較硬同無咁鮮味既蝦米🦐，配埋薑片、蒜頭🧄、長蔥段、乾蔥頭爆過，仲有由紹興酒、麻油、上湯🥣、蝦醬等調製而成既啫醬，配埋肉碎🐷，真係幾惹味，而芥蘭依然青綠，口感爽脆，邊緣被焗到有焦香同微脆幾香口～ 不過稍微鹹左少少，有蝦乾🦐帶出既鹹鮮味，調味可以輕手少少臘味煲仔飯🍚 - $85 (好味指數：😍😍😍🤩)秋冬凍凍地，

📍 大城小廚 ~ 九龍城福佬村道33-35號地舖今日見天氣凍凍地😂😂😂決定放工走去九龍城食返個羊腩煲🥘🥘🥘因為有朋友極力推介😏😏😏1)細古法羊腩煲$218，😁😁😁超多羊肉🐑🐑🐑，肉質軟腍好入味，有羊味而不會過羶。😋😋😋羊腩煲有好多枝竹，馬蹄同冬菇，再加一碟本地生菜吸盡羊腩煲嘅醬汁精華，驅寒暖胃，足料！😆😆😆份量兩個人食啱啱好👍🏻👍🏻👍🏻2)蒜茸粉絲海蝦煲$148，冇諗過有咁多蝦🦐🦐🦐，粉絲朔晒啲蝦嘅精華，超甜超彈牙🤤🤤不過有少少鹹🤏🤏環境港式小菜餐廳😂😂😂環境寬敞乾淨，羊腩煲CP值都高同抵食👍🏻👍🏻👍🏻，啱晒一班朋友，因為有好多其他小菜選擇，都會推介😊