大壹冰室

營業中

休息中

偶然路過呢區，食番個下午茶見到呢間冰室入面既裝修都幾有格調茶餐廳價錢 但高汁既賣相個滷水汁入哂味啲沙律菜上仲淋左好多芝麻醬炸薯條都新鮮熱辣出爐份量都適中既、薯條可以多少少就更理想重點佢地有黑牛、黃牛、紅牛、、好多種黑牛最正可樂加朱古力雪糕

之前寫左編相片有D問題，未能出，特意讚揚服務已主動有所改變！加油💪今次刻意再去補影，服務又走樣，主動無有保持😓但今次牛排煎得好有水準真係7成熟，之前叫7成一般出來都9成😓現周邊又開了新店，真係要加油💪有機會再來，呢排試吓新店先

👩🏻‍🤝‍👩🏽一間好有格調嘅冰室枱面系好靚嘅彩色瓷磚💕裝修好有心思 牆上有掛畫、裝飾cp值都好高🤩·🥘酥皮湯近年好似少咗冰室有酥皮湯啦佢啲酥皮真系好正 見到有好多層浸落啲湯度 好好味😋·🍖香烤紐倫堡脆皮咸豬手配芥末醬汁好大好大隻嘅豬手✨皮超脆✨好似一路食一路聽緊ASMR咁🤣入面系有咬口嘅肉 啖啖豬油香食得豬手就預咗肥但咁好味 就肥都值啦食到一半開始膩 可以點下醬汁真系好大份 最好同人share 冇咁膩·🥩美國精選肉眼扒比想像中大份🤤同樣都係有薯條伴碟🍟揀左7成熟 食落唔韌仲好juicy🌟

食左咁多年食物特式，好食價錢合理，服務起初是可以的，到現在亦可以，但開始有點下滑，人客很多、人手算充足，不夠主動，管理層請加多注意⚠️服務不好不單只影響客人食嘢心情，直接影響公司運作及生意額，㊗️生意興隆！蒸蒸日上！加油💪

又來到大壹，我家三寶都鍾意食，經常約我去，無計三寶大曬，門口可以停一陣車又方便，食物好食，價錢合理，係地方細少少中午經常要等位，晚市不用一般不用等，今次肺炎大大影響下！真係不用排隊，上次28/1已經放左幾張相，但時間上未有寫食評，今次想講下服務，枱已經不算大，飲完湯點解唔收走？你公司咁多客人等位，唔想快D？湯出來絕對夠熱，但蒜茸包每次都要等？亦試過無出？？？同客人對話以前係非常好及舒服😌現在接近茶記對答！！！或者不想答？如果係公司指引茶記路缐！當我多事！我都算來得多，每一至兩星期1-2次，服務態度很重要的，直接影響客人食嘢心情！食物絕對好食😋

星期六晚上黎到大壹冰室食晚餐，假期夜晚呢間餐廳都有幾多人排，但我地排左15分鐘就入到喇。我地兩個人叫左兩個晚餐，一個鯖魚蛋包飯同一個龍蝦汁海鮮焗飯。餐湯配送一片蒜蓉包，蒜蓉味就夠，但我略嫌個麵包太淋。其中一個湯就加左$10升級轉酥皮忌廉湯。湯唔錯，對我黎講ok，但愛鹹嘅人可能會覺得淡。酥皮厚度亦適中，剛剛焗好，上枱時仍脆。至於鯖魚蛋包飯，條魚就有dd腥，而且佢唔夠香口，可以煎耐啲。但個蛋包飯就好好味，蛋入面係炒飯，有好多材料，包括粟米洋蔥雜菜，幾高質！龍蝦汁海鮮焗飯就麻麻地，啲墨魚同蝦冇乜味，蝦就爽嘅，但冇乜味道不太吸引。成個飯嘅汁其實都唔係咁夠味，比較淡，係靠個飯上面嘅芝士，而為個飯增添鹹味。

很久沒有來大壹，今日細女約，必到啦⋯⋯出發！午飯照舊要等幾張枱，在門口排隊，大約15-20分鐘有抬，我就照舊我至愛蛋包飯人雖然多，但上餐約10分鐘已送上👏👍雞蛋皮無過火軟身帶滑內裏海鮮炒飯味道調得剛好，在蛋面上配茄汁絕配上枱夠熱比少少意見：海鮮不是特別名貴材料，海鮮粒如果可以再加多少少更佳👍即磨咖啡香、濃、滑，細女就叫左個芝士蛋糕🍰不錯能夠保持水準好食，有時間再黎。

每星期上堂後都去食，漸漸成為飯堂不二之選。隔一排換menu, 等我有新菜式可選擇，非常用力，絕不會打嚮名堂便放軟手腳。今天試日式豬軟骨烏冬（豬骨湯底），烏冬嚟到是熱騰騰有點盪口，烏冬好味，3大件豬軟骨仲有1大塊陳皮，無錯....係陳皮！估不到一碗$52之烏冬，我不肯定陳皮是入饌？只知道厨師用心製作，每次食物都有品質保證。值得一吃再吃。

朱古力蛋白西多士 $35西多士真係港人至愛♥️，本身已經夠晒邪惡，再加咗朱古力🍫醬，卡路里立即超晒標🆙🆙，不過都只係間唔中一次姐🙈；多士炸到金黃色，外皮酥脆，點蜜糖食再有朱古力醬，又咸又甜好個隱☺️，味道好豐富😋，多士好鬆軟，好棉，外脆內軟，下午茶嚟講，真係一個非常唔錯嘅選擇😃👍🏻·追加西式濃湯&蒜蓉包$4雖然冇影到個蒜蓉包，但真係要強調，非 常 值 得 追 加 !! 蒜蓉包幾出色，外邊脆脆的，而麵包就好軟，蒜蓉好入味😋👍🏻👍🏻；餐湯方面我就揀咗忌廉湯，平平無奇，食落有小許似開罐頭嘅，不過不失

河畔後面出名多嘢食，第一冰室午市時段長期都排晒隊，今日食12點幾見唔使排隊就去食，要搭枱。店內都幾細，座位有少少迫，兩個人靠邊楚，但係張枱有比較細，每人挨個餐都已經擺滿了成張枱。如果帶小朋友去會比較辛苦。我叫咗個蘑菇汁雞柳焗飯，配埋餐湯麵包都只係$49，凍飲加$3都只係$52。絕對夠飽非常抵食。不過個凍檸茶有啲細杯，而且冰都唔係好夠，唔夠凍。白湯味道偏淡，但係我覺得都Ok，因為好多時外面啲湯都咸到入唔到口。蒜蓉包免費來講都算不錯。蘑菇汁雞柳焗飯真係即叫即焗，所以要等耐少少，上台時非常熱。蘑菇汁份量好足夠，唔會話食到一半就冇晒汁。雞柳好嫩滑，雖然明知係冰鮮雞但算係咁。午餐唔需要加一，難怪每日午飯時段都咁多人食啦，因為真係幾抵食！

👿超級中伏好少開post講餐廳嘅不是 今次除外因為真係太不可接受 100%真實情況.大壹冰室門口貼滿了很多報導/食評平時午餐 下午茶都有好多人排隊食嘅上網都見唔少正評 所以晚市少人就入左去食.香煎紐西蘭穀飼西冷🥩$120賣相睇落不錯 但明明揀左五成熟切開就發現係全熟🥶硬到咬唔開發現其他客人都有類似嘅情況難怪好多都食剩/放棄冇繼續 非個別事件意粉係清煮的😑靠牛肉汁先有返啲味.香煎厚切三文魚扒🐟$120薯菜當中的粟米只係粟米頭🤡加埋得20粒粟米全部都冇味 只能靠醬汁輔助一下薯條好淋身 冷冰冰的🤷🏿‍♀️一點都不值$120三文魚正常發展 沒有說特別厚切or嫩滑.配餐湯餐包熱飲 又是十分普通蒜蓉包十分硬👺應該是烘得太乾/放太久白湯入面有一塊塊的粉漿 紅湯就有點咸注意⚠️餐具十分髒 有污垢🤢🤢🤢店員只顧大聲聊天 態度差 不理會顧客真的完全不想付服務費👎🏻(另設加一).以上兩個套餐都是在菜單上加了星⭐️是餐廳推介的 奈何水準強差人意大概午市/下午茶價錢較便宜 才會排隊吧但我覺得薩利亞的水準都比它還要好又貴又髒又態度差😡與網上看到的差太遠了

正所謂一分錢一分貨！你付出幾多，得到幾多成正比的，大壹食物出品算穩定！價格算平宜！服務亦算0k，自問都算上客，每星期一至二次，最起碼在這一兩年未見過同客人對駡，亦未見過有客人投訴！如果真的是那麼差，就不會常排隊等位？只是個人意見⋯⋯過去讓它過去吧！努力💪

又係聽聞話呢度有一間唔錯嘅冰室，又有豬手，有羊，有燒雞。於是剛巧經過呢度，見人龍都可以接受，於是去排隊試下。排隊期間，一直睇食評，見到烏糟呢下眼突左出嚟，不過時講時快，就到我地入座。叫左一個燒雞，一個海鮮焗飯。兩樣味道都有保障。味道都無乜問題。但當我隨手拎起個餐具盤其中一支叉，嚇見乜咁烏糟呀真係，成舊飯可以黏住，仲有其他刀，湯匙都有唇膏印和飯漬⋯⋯⋯⋯⋯⋯相當嚇人。侍應見到我拎起一隻又一隻烏糟嘅餐具，不禁尷尬咁笑住問我「需要拎過比你嗎？」難道你又覺得唔洗嗎？如果你希望同朋友/情侶傾下計，呢度唔太適合，座位與座位之間實在太近，根本講比較私癮話題基本上係無乜可能。好尷尬。

今次去咗沙田呢間冰室，點解因為揸車方便停喺門口，第一次食，入到去我覺得裝修幾特別叫咗個下午茶餐好似好抵食咁，叫咗個肉醬意粉加羅宋湯仲叫咗杯凍檸水，味道我覺得絕對好味，我想講嘅係都我食完野嘅時候，唔小心咁倒瀉左杯凍檸水，服務員話想過嚟幫我，我覺得服務態度算係可以，我買單俾錢嘅時候，我仲覺得好開心，原來係一個套餐埋單都係40幾蚊，依家40幾蚊仲邊可以食到一個套餐，所以話呢間抵食大家可以試吓！有相為證40幾蚊抵到爛

食品外形不錯，食落無什麼特別，牛扒餐塊薄牛扒多根，侍應態度差，落單似審犯：要咩呀？配咩呀？幾成熟呀？飲咩呀？到攞碟嘢嚟成張枱咁大唔擺，喺要貪就手夾硬喺枱邊攝埋嚟，差不多半隻碟突出枱，而且一碟又一碟都係咁，佢哋互相傾計又大大聲，重嘈過啲客，埋單擺低張單只係講銀碼，冇多謝，冇尾音，反而啲客嘅態度好過佢地多多聲，都係依家一灌做門面工夫的食店，門口貼些名星相，裝修特別些，但食品質素一般，服務質素差，朋友重話下次試呢樣試果樣，我就請都唔會再嚟！