大壹冰室

營業中

休息中

衛生麻麻 入到去地下有啲垃圾 牙簽 紙巾 雞翼骨都有🙈服務麻麻 啲待應好似好趕咁 未叫完野係咁追問叫唔叫埋餐茶 冇咩服務可言做野趕趕趕 抹枱佢整跌左樽胡椒粉 個面掂哂地 個待應就咁放返上枱 抹下個樽都冇 勁嘔心羅宋湯跟法包 個法包食落係放左好耐既仲叫左個小食 魚條加瑞士雞翼魚條正常急凍野 瑞士雞翼同相差好遠 又鹹 不過29蚊比e d 野係咁上下主食 叫左個鵝肝牛柳跟薯菜 同帶子芥末闊條麵個麵正常 多汁 冇咩芥末味 牛柳 我真係未食過啲咁難食既牛柳叫7成 比9成 瘦肉咁 冇牛味 有啲苦味 食左2舊冇食好失望🤢🤢🤢 仲有杯凍檸茶 都唔知飲緊咩 淡到水咁😣 2個人食300 蚊 真係好唔抵 第一次寫食評 因為真係好難食

之前已經去過呢間餐廳食個下午茶😋感覺都算唔錯， 款式幾多， 絕對唔係一般嚟嚟去去嗰幾個選擇。😀聖誕節雖然啱啱過咗，但都係想食西餐😁見到佢晚餐menu好多選擇 ，配意粉薯菜或飯 ，另外仲有唔少fusion菜。餐廳環境都唔錯本身今晚係想食粉麵類， 見到佢餐牌上有一個冬陰功海鮮燴闊條麵， 睇落都好似幾吸引 ，想試下啲特別啲嘅嘢食就揀左佢。果然冇揀錯 ，個醬汁好濃 ，真係有冬陰功湯嘅味道， 但睇落又好似普通白汁忌廉咁， 估計係應該用咗冬陰功湯某種香料放落去。揀咗兩款小食 ，炸魷魚條同瑞士雞翼， 兩樣都唔錯 ，魷魚條新鮮炸起外皮幾脆，入面咬口唔錯 ，瑞士汁完全滲透雞翼。

上午食左個豐富早餐，直到三點先肚餓。曾經路過這間食店，看到下午茶的餐牌好吸引，好似好好食，所以就入左去試。門口有很多人排隊等候入座，大約等了五分鐘左右就可入座，但因為太多人，我跟老公坐一邊卡座，坐位非常狹窄，他坐外面經常被職員及行過的人碰撞，坐得非常不舒服，而跟對面卡座距離亦太近，非常不自然。我點了蘇格蘭煙三文魚蜆肉刁草忌廉汁炒天麵跟凍菜蜜，老公就點了日式野菜雞肉炒飯跟熱奶茶。我點的餐先上，看樣子還可以，蜆肉不太鮮甜，煙三文魚是咸咸的，配上淡淡的忌廉汁，味道可以，只是天使麵煮得比較淋，不爽口，整體來說是普通吧。這個是日式野菜雞肉炒飯，送上的時候嗅到好香，有煙出，可能是下午茶，見到份量不多。我沒有吃，所以不知味道。熱飲杯上可以見到食店的名，飲品沒有甚麼特別，一般吧。價錢都可以，但會不會再去就視乎多不多客人，坐得舒不適舒適。如果坐卡座一邊，就應該不會再去。星期六這些放假的日子，都要吃得這樣，選另一間吧。

午市是人山人海排長龍的西餐廳，何解？相信是選擇多，價錢平及味道可以囉⋯⋯餐牌有呢張，成廿幾個餐揀，四十至五十，實在係大 xx 價質素都可以的，首先是餐湯。是日羅宋，花園味。龍蝦汁海鮮焗飯 $52芝士面焗到脆脆地，多汁。海鮮都是急凍貨，但尚算足料，而且D汁都算入味，所以冇乜雪藏味。不過食落個汁其實太濃又怪怪地。呢個價錢不能要求太多吧？紅酒燒汁牛肋條 $50紅酒牛肋條我覺得比較抵食，份量足，牛肋條煮得好淋，個汁其實甜甜地，冇乜酒味。質素貼近西餐廳，高 cp 之選。餐飲熱菜蜜同好立克都正常，全場卡位亦舒適。服務冇乜，好 hea 吓。

叫到個午餐西冷牛扒，薄過快餐店很多，份量少，薯菜得幾塊，味道不好，紅湯味色一般，差，侍應催促點菜，很似趕轉枱感覺唔好，沒有下次，都唔知點解甘多明星贊，名不符實，可能宣傳好

好耐無去過花園城，就諗住行下，順便食個下午茶。我印象中果度係好多茶餐廳，但原來因為太耐無去，好多舖頭已經變晒。經過一間冰室，好似幾特別，所以諗住試下。 因為肚餓，叫左個三文魚焗飯。等既時間都比較耐，應該即焗，味道唔錯，唔太咸，岩岩好！我仲加左個湯，整體味道好滿意。下次可以再黎，試第二樣野。

對呢啲新型冰室一向沒啥期望，只要食得飽、味道正常就可。而大壹每次都deliver到呢兩樣野比我地，所以成日都番黎食。基本上menu上每樣野都試過咁滯。Lunch set我推介雞扒蛋包飯（$58）、茄汁焗豬扒飯（$48）同我今日叫既溫泉蛋肉醬意粉（$49）。套餐包左烤得香口既蒜蓉包、有少少似粉漿既餐湯、主菜同餐飲。個肉醬意粉賣相都唔錯，一督隻溫泉蛋就有蛋漿流出黎，幾有心思。肉醬好足料，調味ok，唔會太過咸。意粉份量好多，男女都一定夠飽！餐飲都係大路野，我杯熱奶茶係唔錯的，幾濃。

上班天選擇到這間餐廳食晏，選擇了雜錦肉扒配黑椒汁。扒的份量也挺多。他每件扒都熟於外脆內嫩，配上他們家的黑椒汁，很夾。而且薯條炸得香口脆身。推介！午餐時間選擇多，雖不算最好，這個價錢也算可以了。

下雨天黎食午餐~因為平時都見到有人係外面排隊，加上佢一個lunch set唔算貴，所以就貢左入去試下。一個set有湯有野飲有主菜都係5x蚊真係唔算貴(如果好食的話)~~我叫左個溫泉蛋肉醬意粉..同事嗌左雜扒..餐湯我地分別叫左忌廉湯同羅宋湯..個忌廉湯係無咩味既..似係普通罐頭湯加大量麵粉水..反而個羅宋湯幾好飲..個湯夠酸味，又有少少辣，再加上有好多菜係入面，幾good.之後到主菜~話說個肉醬意粉..我食完之後覺得大x活，大x樂果d好食過佢好多。佢既肉醬唔夠香，碟野黎到已經唔覺得好食，而且真係食落個意粉仲要係硬既..同事叫果個雜扒就反而好好多...豬扒同雞扒都煎得香，肉唔鞋唔會太乾..個黑椒汁都幾惹味~另外個配菜薯條都幾脆口，幾好食。

食品質素：淡而無味，食具污穢環境質素：昏暗無光而缺乏情調，地方污糟，有空閒位置卻強迫與陌生人搭檯服務質素：十問九唔應，落單失調，上菜時間奇長，胡亂上菜差差差差差

地方不大，午市多數等位，在門口排隊，午市下午茶低食，晚市會價錢調高少少，食物質素能夠保持穩定，多款套餐幾十元都算平，蛋糕是另叫的，小女鍾意食，不太甜，有機本服務，出餐時間都算快，全家人都幫襯數十次以上，第一次寫食評讚楊一下，下次有機會影多D相先再介紹

去完寶福山拜山，又未到晚飯時候，揸住架車喺附近搵餐廳hea，想搵間嘆杯手調咖啡嘅cafe竟然係無，無意間搵到個錶位，落車走圍look吓有乜鋪頭hea，搵到呢間so-call冰室。由於攝時間關係，又唔想食咁heavy，下午茶Menu叫咗件Tiramisu+即磨咖啡。先講件Tiramisu，其實同普通西餅鋪果d差唔幾，不過不失。杯咖啡都係一貫茶餐廳即磨啡但其實吸引我反而係下午茶餐牌嘅其他嘢食，算好多元化，有機會會再嚟試吓。總結：性價比亦算高，埋單$29無加一，仲平過杯星巴你咖啡。環境舒適，座位亦非常闊落。

每次午餐諗唔到食咩都會黎大壹食。貪佢又好味價錢又抵仲好快手。今次黎等左15分鐘。本身滿心歡喜叫左「例牌」牛扒餐，因為呢度之前嘅牛扒真係幾好味。點知今次真係失望透。睇返餐單見佢前排開始轉左少少菜式，諗住都無所謂啦，反正都係點牛扒餐。 見到個餐果陣，見件牛扒好似大件左好多。（心諗執到啦）點知，原來係伏。叫左7成熟，切開一望，入面紅到呢，不過心諗都係算啦，無謂要職員麻煩。 呢個係邊邊黎，件扒真係韌到無朋友。真係真心伏到喊。我切左勁勁勁耐切到手都紅曬，但都切唔到半件扒。真係嬲到要影埋隻手俾大家睇下。 呢塊扒真係我成世女以黎用過最大力同時又切唔開既一塊。 隻手指都紅到無朋友，呢隻已經唔係用刀果隻手。😡😡😡😡😡 到最後放棄唔係因為夠飽，而係跟本韌到切唔到。你以為因為唔熟先會咁？錯曬，因為之後忍唔住叫廚房整熟佢，點知都係切唔開，硬崩崩。無錯，係硬崩崩！擺明轉左貨源！扒唔係大件就好食，無質素嘅我寧願唔要呀。真係對大壹好失望。😞 明明以前好好食，唔會再食啦！從未咁失望過。😡

雖然小弟既至愛係日本野但點都唔會日日食日本野咁癲既諗唔到食咩果陣,冰室同茶記就係我既救星啦成日都會黎開呢頭,食野食得多都唔知食乜到所以就試下呢間啦竟然有驚喜==============================古時未見官要先打30大板依家呢個年代當然冇食西餐最好就係未見主菜呢個官就可以先打餐包同湯呢個大板餐湯配蒜蓉包餐湯都係常見既紅湯白湯我地就揀左白湯味道偏淡,似乎廚師開湯果陣落手孤寒左dd蒜蓉包既蒜蓉雖然幾香但可能因為我鍾意食硬d既法包同多士啦所以個人覺得個包太軟7成熟既西冷配薯條先講西冷一個lunch幾十蚊貨仔當然唔會期望有厚厚既牛扒但佢都已經算對得住佢既價錢有突牛扒雖然唔厚但勝在有牛味而且廚師手勢好唔會煮到太生或者太熟夠熟可以放心食之餘又保留到牛既肉汁但最令我加分既反而係薯條一般既薯條就咁炸完就算,唔會調味最多都只係落D鹽,令味道單調呢到既薯條除左鹽之外仲有落其他調味當然都要佢炸得好,唔會炸到太淋,或者放得耐而變硬如果唔係調味幾好都冇用我見好多人食呢D扒餐都會選擇食飯/意粉好少揀薯菜希望見到呢篇野既朋友黎到呢到可以當比我呃一次又好點都好一定要點薯菜,你一定唔會後悔凡立貝櫻花

在河畔附近揾間餐廳坐低飲杯野食個下午茶。來到呢間有啲格調得泥幾特別嘅西式茶餐！西多士 蛋白浸滿 然後炸到好鬆脆大大件！配埋朱古力醬，正！另外叫茶餐焗豬扒飯略婼戈酸，豬扒唔夠脆，有點失色！黑牛 原來就係可樂加朱古力雪糕呢個朱古力夠濃味！濃埋可樂好好飲！另外點左紅豆冰都好唔錯嘅選擇