大家樂

營業中

休息中

大家樂係香港大型連鎖快餐店既其中一間。當中大家樂既早餐不嬲都係我既首選，因為真係平、靚、正大家樂既早餐大致上分左豬扒、牛扒、魚柳、雞扒同埋中式早餐等等。而我最鐘意食就係佢地既魚柳餐or雞扒魚柳方面：魚柳炸得好脆，配上沙律醬真係一流；另外雞扒方面：雞扒煎得好好，咬落去好juicy，加埋汁真係好好食另外，一定要配炒蛋、一定要配炒蛋、一定要配炒蛋。因為炒蛋太好食，所以要講三次。個炒蛋好有奶味、又炒得好滑，真係諗起都想食提提大家，如果食量大可以叫多碗麵，咁就夠飽啦！所以，如果要食早餐，我一定會推薦食大家樂

夜晚原本預咗留係屋企食，點之老媽子突然話唔煮，於是我就黎咗大家樂食。呢間大家樂平日中午時段基本上有好多大陸人黎食，每次見親咗都塞滿晒人，一位難求，可能係因為夜晚啦，餐廳內人數就冇咁多。 一哥焗豬扒飯 作為主打嘅焗豬扒飯，份量都好大好足， 1個人要食晒係有少少困難，如圖中鋪滿咗好多芝士，對芝士控黎講應該會鍾意，整體黎講味道都ok，但食得多就會有少少厭，唔想再食落去。另外，店內嘅食品價錢令我有d意外， 原本以為作為連鎖食店，價錢其實應該會幾平民，點知原來好多餐都要60蚊，仲記得細個黎食個陣冇咁貴，睇黎呢幾年都加價咗唔少。

上水區實在太多人，一出火車站，根本就行吳郁，完全無心情想搵嘢食，但又要醫肚，唯有入商埸既大家樂，吳使係條街到同人迫😰😰😰😰😰😰😰😰😰😰😰😰😰😰吳知食乜好，全部都係飯，吳想唸，最好就係食燒味😂曾經食過大家樂既燒肉好好食，唸住食焼肉鴨雙拼，點知自己噏錯左叫左叉鴨😂不過叉燒都吳錯，鴨都👌米粉又係大大碗，味道適中，不過就吳夠熱，只係䁔😅🍋茶——-茶味夠濃郁，茶都夠熱👌

小編今日又經過上水 不過今日唔係去上水廣場 而係要去石湖墟個邊做嘢 兩頭望望無咩特別好食 見喺馬會隔離有間大家樂 4點幾剛好仲有下午茶🤤 小編嗌咗炸脾配是日粉麵 (今日係雪菜肉絲米粉) $37 仲有杯熱飲 凍飲要加3蚊 快餐店講求既係速度 所以好快拎到個餐唔係啲咩新聞 但係冇諗過快餐店炸脾既皮 竟 然 係 脆 既？？？ 呢下真係有少少驚喜 其實嗌嗰一刻都expect個皮會硬硬地又唔熱 所以其實本來係唔打算食皮 點次切薄個脾個一下 zha~zha~zha~ 有聲嘅？好喜出望外嘅感覺😂 今次真係$37買個驚喜👏🏻👏🏻唔係講笑呀 連杯普通嘅熱奶茶都有驚喜 唔會係啲咩奶好香滑 茶底香呢啲啦 講都唔會有人信！之不過係茶同奶既比例唔錯 因為而家連好多茶餐廳都唔係幾識沖熱奶茶 有好多茶餐廳奶多過茶 而且以大家樂呢啲快餐連鎖店來講究竟係小編我近排咁好彩 定香港依家快餐店嘅質素都開始上升（其實就冇乜可能💀）近呢幾次食嘅快餐店 都令我刮目相看👏🏻😂 講明先 唔係話好好食所以打個好評 而係因為太有驚喜而值得去打呢個好評👏🏻👍🏻

工作無定時，行到邊食到邊，做到近6時見呢度仲有下午茶餐！快快去收銀處落單！食物都係大路嘅快餐食品！八達通比錢方便，攞飛去櫃臺取食物！櫃檯店員爽手！自助攞餐，餐具都要自己攞，剛好晚市火鍋預備好，自助調味料出咗，我加咗啲青蔥粒！場內快餐店格局，座位好多！好易搵到位！叉燒湯米（$32）雖然細細碗，叉燒都幾多！不過質素就一般，有啲太肥（成舊都只係肥）有啲太瘦（好柴皮）只有兩三件係半肥瘦剛剛好！米粉幾滑，湯底味精鹹湯惹味！菜心雖然爽脆但有澀味！凍檸茶（跟餐加$3）無落糖！夠凍，茶底唔澀！收銀有笑容！櫃檯快手！真係食埋都唔使15分鐘！不過$32真係唔平！！

放假屋企無人煮飯食，唯有落樓下買個外賣，係附近見到大家樂就入咗去買啦。見食黎食去都係差唔多款，所以今次買左比較冷門嘅豉椒鮮魷飯$42味道唔太出，而且獻汁偏多，搞到成個飯好水，口感好似食緊泡飯。另外，鮮魷個味好重，似未洗乾淨，數量亦只有三四塊，洋蔥數量超多，但係冇乜味，認真頹飯。大家樂既質素越黎越差，但價錢就越來越高，好唔抵食。

中午周圍都甘多人,想揾個位都難,所以都係是旦食,去大家樂買個外賣豬扒肉燥飯回家食。肉燥咸左D,兩片豬扒份量唔錯,好鬆軟,但炸粉厚左小小。另送杯熱飲共$41價$以現在的物價來說算Ok了。

今次要赶住坐火車所以去左大家樂食早餐，去大家樂食野因爲系贪方便快捷，我點左個通心粉同埋一杯热奶茶，通心粉虽然爽滑但系味道太淡唔入味，热奶茶 茶多奶少唔香濃而且放左幾包糖都好苦！

奶油豬我覺得係香港一種好特色既食物，起碼我係其他地方食唔到呀! 最出名既奶油豬一定係X芳X嗰D舊式大排檔啦! 原來宜家大家樂都有喎!望下餐牌，$23咋喎!!!咁平唔試對唔住自己啦係咪先?$23有包有粉有紅豆冰真係好拭!奶油豬只有半個，搽左奶油同牛油，奶油比較多，一啖咬D奶油真頭噴出黎咁，成個包甜甜地好開胃喎! 豬仔包好脆，但又無燶既感覺，唯一麻煩少少就係一路食D麵包碎一路跌~個雪菜肉絲米一般啦，無乜味，只有少少既雪菜肉絲，加左美極調下個味好食好多。紅豆冰真係堅抵喎!咁大杯，唔好以為咁平得冰多無野飲，查實奶夠豆又多呀! 奶味夠，又甜，紅豆好多都已經變得軟軟地，煲到林晒LU..只有一少部份既紅豆仲好硬，食唔到~$23，食得飽架!下午茶既好選擇啦~

做完運動，抖了成個鐘食返個tea先，見到有我最鐘意食餃子，一於叫個雪菜肉絲餃子滑滑麵，凍奶茶，還以為是粗麵，原來是幼麵，真的好好味，粗幼適中，還配很多切碎的青菜，雪菜不咸不淡，味道很好，感覺健康些，肉絲就小左小小，餃子卻是一般雪藏貨式，但喜歡麵食的一定喜歡這個滑滑麵

百物騰貴, 大家樂食物的價錢都越來越貴。剛巧在街上盤算晚餐地點時經過大家樂, 見到大家樂新推出了兩個標榜為安撫打工仔痛苦稅月的一月份特價餐就被吸引進去了。上海排骨菜飯加熱飯盛惠$30 元而已, 挺吸引!再來了一盅淮山杞子燉瘦肉湯加$6, 一共$36。上海排骨菜飯份量一如以往, 沒多沒少的, 有三塊厚厚的豬排, 新鮮弄好, 非常入味, 不錯不錯! 附有的半隻旦味道馬虎, 但麻辣土豆絲值得一讚, 挺美味的, 有驚喜。可是土豆絲雖有麻辣的香味, 但辣味不足, 嗜辣的人士可能會失望。淮山杞子燉瘦肉湯可能因不足料 (瘦肉被切成很小很小粒的!), 燉湯被加了很多鹽, 成個湯完全缺乏了湯料應有的鮮味, 得個咸字, 差!

因為當日我要到東華三院羅裕積小學交盆菜痕費用，而媽媽因為要到隔鄰郵局交用，所以便決定來這間大家樂吃早餐。我叫了雙蛋雞扒扭扭粉套餐，－不錯，雙蛋好滑，而雞扒好滑及不太肥，不錯！而媽媽叫了另一個扭扭通粉套餐。服務態度不錯！

呢個早上，食左好耐無食過既大記早餐。呢間算幾好，唔算太多人，如果去新都果間就有排排啦。魚柳炒蛋及多士講個多士先，烘到有小小。係最好食架啦。而炒蛋好香同好滑，好有蛋味。而且好多蛋汁，正。魚柳都唔錯，好新鮮而且好夠熱，唔錯。火腿公仔麵無乜特別，不過想食呢個配搭而已。凍奶茶好夠茶味既凍奶茶，好好飲。都好耐好耐無食過既早餐，唔錯既一餐。

我唔鐘意吃大家樂，一如既往我都唔會改變對巨的態度。可惜上水呢度沒乜好吃，幫阿媽買完MARK6，Uncle話肚餓，于是陪巨入來吃少少～竟然見到大家樂都有Lasagna, 于是叫來同肥佬share,+5 湯連蒜蓉包，+3 蘋果綠茶。唔好講笑，真係好難吃。我飲水飽算了～ 細佬次次返來HK都話勁鐘意大家樂，話俾巨日日食都唔厭哦～ 昏～

個日式海鮮中華拉麵,唔係好大碗...d日式海鮮就係蟹柳同白色果d(唔知叫咩名)...好少日式海鮮,但味道都ok...d沙律麻麻...個卷都幾好食,不過卷皮就唔夠脆...至於個肉串同蕃茄仔...d肉都ok,但蕃茄仔就幾好食...全部野食加埋...=$18