大家樂 (錦繡花園市中心)

營業中

休息中

秋涼乾燥，午膳後路經元朗大家樂，見新出了滋潤熱飲，就試下雪梨杞子桂花茶熱飲。一杯熱飲滋潤暖胃，杯面已浮游着顆顆杞子，杯底又有雪梨粒粒伴隨，茶透桂花清香，一杯熱飲充溢潤肺養生滿足感。

今日見天氣凍凍地夜晚入左錦繡食火鍋，嗌咗大盛美國穀飼牛鍋夜晚7:45 落單，成個取餐區勁多人觀察所見好多都等左半粒鐘，有人等得唔耐煩直接退$一時又嗌號碼，一時顯示牌出號碼等左1個鐘先取餐，嗌豬骨湯俾番茄湯個叫佢換，阿嬸都係俾清湯我 😂牛肉普通料 ，叫烏冬又俾米線芝心魚腐幾好味炸魚皮幾鬆脆蓮藕飯都等45分鐘成餐考驗我EQ以前就話冇得揀，下次都係行去隔離食算…..😉

住得偏遠無乜選擇呢度偶然都會變左早餐、下午茶醫肚嘅地方。下午茶餐牌好似好多選擇，但其實來來去去都係幾嘢食品mix and match,水準仲好飄忽。經常會食蜜糖燒雞翼拼多士，大多數隻雞翼都係煎完久放，乾身又唔熱。偶然都會遇著剛煎起，味道可以爭好遠，燒得金黃皮脆肉嫩好好食，呢啲真係講彩數。今次見promo出左個爽爆巨峰爆珠梳打，一試中伏。頭兩啖好甜之後就無味，個底有啲唔似果肉嘅提子，口感怪怪。跟餐+$6.5好唔抵。總括來說，燒味飯係比較安全嘅選擇。

沒有美食廣場多年，這間大家樂的水準永遠都是保持比其他分店之下，衞生做得不好，曾經檸檬茶杯有奶茶瀝，火腿通粉碗有麥皮瀝。經理態度非常差，舉個例子，食客遇到問題，他每次只會回應：「換過比你！」，從來不會為事件道歉，就已上問題，區議員已經和大家樂溝通，希望會有改善吧！黑椒豬扒飯，其實我已經要求多汁了，但還是沒有太大分別，豬扒有六成是肥肉；越式扎肉肥牛河粉，份量小得驚人，如同小童餐，而且河粉是結結實實的，明顯地已經放在碗內多時，只是放入熱水就送出來。

中秋佳節原先一家幾口諗住食辣魚麵點知無開............再去譚仔三哥又無開睇來中秋除咗酒樓都幾難搵食全部人即刻改去快餐啦~好彩時間尚早，仲有位信義妹例牌邊爐各自都點野食啦~打邊爐最愛都係醬汁所有醬任大家任撈豉油瓶好似裝果汁 信義妹離不開辣越辣越愛加上蔥同生蒜提升香味同辣的刺激 丹麥優質豚肉鍋肉沒有臊味，亦沒有雪味蔬菜新鮮份量亦都充足生菜無黑邊發黃粟米清甜不過得半件略為不夠~~~~選了豬骨湯底跟豚肉更加匹配 大家食完都快快番去賞月啦雖然雲比較厚但點都食件月餅食啲生果啦~~~地址: 元朗錦繡花園市中心B座地下A號舖

尼一排有去到大家樂食飯，一食落去就知道係已經轉左廚師，好食過之前勁勁勁勁多，亦都多咗人排隊買飯食，所以要上嚟報告返，之前真係食到無胃口食，對上果次叫咗個西蘭花班塊飯食，碟餸炒到勁有鑊氣，好好食，希望錦繡花園大家樂可以keep住個水平啦

晚上唔煮飯既時候買外賣就最方便~ 我會推介呢個蜜糖芥末烤雞 超值2人套餐套餐包括: 蜜糖芥末烤雞1隻 粟米2支蜜糖甜薯1客芝士火腿扭紋粉1客凍檸薑「可口可樂」 / 竹蔗馬蹄冰 / 罐裝「可口可樂」(任選2款)供應時間:下午5:00起發售, 堂食外賣均可外賣返屋企就最方便, 個芝士火腿扭紋粉又岩小朋友食~蜜糖芥末醬其實個味道係幾好, 燒雞幾好食, 唔會話太乾~蜜糖甜薯 - 外賣返到黎就凍左, 不過囡囡都食左幾件, 話好味~個人覺得呢個餐幾抵食, 平均$44一個人, 有成隻雞, 甜薯, 扭紋粉比你~兩個人係食唔晒既~

唔知係咪因為要儲肥過冬.................近期長期都餓底...........食少啲都會好似食咗陣風落肚咁......又要再食過今日好明顯係餓底發作要去買番個TEA 先可以等到夜晚如果可以越食越瘦就好啦~又去咗大家樂好野!!! 今次終於買到燒鴨瀨茶餐啦平時好快就賣曬架啦瀨粉軟硬度適中唔會過軟不過就唔係好吸到湯汁所以略淡燒鴨皮脆肉算嫰亦唔肥膩皮帶少少鹹肉就唔太有鹹味，反而食出鴨的肉香附送的青菜就老咗少少不過送既就唔好嫌咁多囉~~~哈哈哈!

身為豬扒飯愛好者嘅我去到邊間餐廳，我都會食嘅食佢個豬扒飯。但我從未試過可以咁難食嘅焗豬扒飯，錦繡呢間大家樂環境唔錯，但食物質素只能說是九流。豬扒飯塊豬扒 雪藏味好重，骨同肉既比例 係骨佔70%肉佔20% 仲有10%係佢炸粉。飯煮得太爛 太濕，雖然食快餐唔應該要求咁高。但係都未至於差成咁。

諗住近近地，我同bf 幾次去左錦繡花園嘅大家樂食個中午飯，我bf叫左個局豬扒飯，一食落去感覺似冷藏豬肉嘅味道，食咗幾啖已經冇乜食慾再食，我就叫咗個砂礓雞飯，睇落去好似好有肉地，點知一揭開嘅時候啲肥肉仲多過啲肉，啲沙薑味都好似溝左水咁好淡唔知點形容好似好假咁個味道，仲有個環境好似好唔衛生，成日有好多烏蠅飛來飛去，有次仲飛落我碟邊嗰度😰，如果唔係趕時間應該都唔會考慮再去

呢個地點.前身係一個飯堂.後來因租約問題.呢個地方得咖啡店同大家樂.在大家樂食飯面向呢個園林景緻.當然係相當優美.可惜食物..咖哩雞飯.加可樂.38元....都唔便宜.....咖哩雞飯:首先評咖哩雞.肉硬硬的.咖哩粉根本都末溶.機本上成碟咖哩雞是凍的.飯都是冷冷的...配菜豆角竟然有的草的味道.末知是否末熟...而無啦啦.我以為是薯仔.其實係波羅,又不是甜品.為何加菠羅......食物真係差...........

隅爾也會懷念大家樂的西式早餐多樣的組合,感覺活力十足.營養滿分來到錦繡這區新開的大家樂引人食慾的餐牌讓原本打算節食keep fit的我,無法抗拒點餐送到的下午茶餐...與照片相差甚遠一看到就失望很多每種菜色僅嚐少少幾口其余的都進了honey的胃裡去啦剛好,節食計畫又可以成功執行了是好事?壞事?!以後不會再對大家樂的下午茶充滿期待了

好耐無食大家樂早餐，特然有d懷念佢地既牛乳炒滑蛋早餐，而家仲有個扭紋粉，但我現在轉了吃蛋奶素,叫了走了火腿的扭紋粉又幾好味，加埋牛油多士和牛乳炒滑蛋同埋奶茶，都算ok，最重要係食得幾飽肚，所以都覺得幾值。

住在這屋苑的市民都知道，昔日的美食廣場有多好，多年來一直提供中，西美食，選擇又多，價廉物美，我也不時在此解決兩餐呢。可惜今年三月已被財團封殺，縱使受到多少抨擊和反對，最後都動工裝修變成了大。家。樂。光顧之時已開張三星期，裝修後很光猛，尤其店的一邊有落地玻璃坐擁全湖景，更有室外雅座，絕對可以說是全港環境最美的大家樂（所以環境一欄我會給滿分！）下午茶時段來到，人頭湧湧，從餐牌中選了G1，即炭燒豬扒包餐，配熱檸檬茶，另見加＄６有甜品一款，那就要了紅豆雪糕涼粉杯吧。把單據交給職員後，吩咐我耐心等候，我走到落地玻璃旁的坐位去，望著外面的藍天白雲，好不寫意～不過等了十多分鐘，仍未聽到叫咪，顯示牌也未有號碼，於是走回櫃檯，才發現原來我的餐早已準備好，但人手不足之下，店員似乎要先管食物，卻無人去叫客人來取～場面有點混亂，幸而店員態度很好，多番說不好意思。。希望是新店流程未熟習好了，這方面是可以改善的。說回食物，豬扒包果真大個～包身比巨無霸還要厚，就憑頂上的爆裂紋已知道鬆脆度不會差到那裡。打開一看，竟沒有我討厭的白色沙律醬，換來味濃的洋蔥絲；張開口一咬，麵包碎應聲而下，難得吃到外脆內軟的豬仔包，最怕遇著