大家樂 (旺角中心第一座)

營業中

休息中

今日同事突然間好掛住一哥個焗豬扒飯，大家就拉大隊一齊去買！三個人去，個個都係食焗豬扒飯😌😌😌哈哈依家一個焗豬扒飯係$44，唔跟嘢飲。價錢算係咁啦，又未去到話好平好平。我就加咗$9要左杯凍檸茶，我覺得夾豬扒飯呢個配搭係一絕！一個菜式可以變成永恆經典，絕對有佢嘅吸引之處！一哥焗豬扒飯出名嘅地方，係塊豬扒夠晒厚，新鮮蕃茄再加茄膏嘅醬汁，撈埋炒飯底食一流😁 因為有錫紙兜焗過，拎到返公司個飯仲係熱辣辣😏睇吓遲啲邊個同事想食又再嚟過先☺️

3點3嚟大家樂tea 一tea抹茶奶油豬包+ 蘋果薯仔沙律 +紅豆冰 $27抹茶奶油豬包真係有抹茶味，比起平時一般奶油食落更少甜，唔錯，奶油豬包上碟尚有微溫，咬落脆口。蘋果薯仔沙律，蘋果都幾爽口，唯薯仔好似唔太多，不過整體係唔錯紅豆冰 一貫高水準，粒粒紅豆，奶和紅豆都幾融和，唔係豆奶分離，好飲蜜糖香草雞脾+半份花生醬西多+華田 $34蜜糖香草雞脾食落雖然無蜜糖味，但香草香味幾香，令到雞髀更惹味。雞髀皮薄，肉多，又大大隻，好抵食花生醬西多都幾多花生醬，但唔夠脆口揚揚整體評分：7.5/10揚揚環境評分：7/10揚揚味道評分：7.510揚揚服務評分：8/10揚揚抵食程度：8/10揚揚返食機會：8/10

今日同男朋友諗唔到食啲乜嘢好，所以就去咗大家樂，見到有個二人餐只係需要89蚊， 就有一隻雞，兩條粟米，一盒意粉同兩杯紅豆冰，堂食同外賣都得，睇落好似好抵。隻雞啲皮燒得好脆，外皮有少少甜甜地，肉質都好juicy，隻雞畀我嘅時候應該係啱啱焗嘅，所以擺咗一陣都仲係好熱， 一直系甘冒煙。 粟米呢應該係搽咗牛油，所以有少少鹹鹹地。肉醬意粉唔係焗嘅肉醬意粉，偏酸， 佢係有個外賣盒裝住，食唔曬呢可以打包返屋企 ，唔會浪費。至於兩杯紅豆冰就正正常常啦。

今日下午茶時間嚟咗大家樂，估唔到下午茶都好多選擇。我最鍾意就係西多士配紅豆冰套餐。西多士即叫即炸，上枱嗰陣都幾脆，都幾有蛋香，配埋煉奶真係超正！紅豆冰椰汁味同紅豆味都好出，個杯底有好多紅豆。

是日午餐選擇咗食大家樂。貪佢夠快夠抵食。不過其實唔係每一間大家樂嘅水準都一樣。始終佢地個大廚都唔同，今日咁啱路過旺角。雖然旺角都多嘢食。但我都想食大家樂，於是乎就走咗入去。由於我去到嘅時候都唔算繁忙時間。所以買完飛拎埋個餐都好快就搵到位坐低。一個人食大家樂都少不免要搭枱嘅。我自己就覺得無嗱所謂。今日叫咗雞扒飯。雞扒唔會話太鞋恰恰，而且塊雞扒係煎過嚟。唔係求其話恰熟咗佢然後淋啲汁係上面就拎出嚟比客食。整體嚟講係合理嘅。

出完街做野又到咗下午茶時段買番個外賣返公司食。#紫薯西多士+沙律配紅豆冰,厚厚約一塊西多,外層炸到金黃色,外脆內軟,中間夾住好多紫薯蓉加上糖漿,非常邪惡但好好味再配上粒粒紅豆冰,真係致肥組合,久唔久先一次沒所謂吧😂

香港人咩都要快Lunch時間去銀行排完隊得返20分鐘食飯同事話求其啦 嗱嗱臨食完番去開會呀咁就去咗呢度食個快餐佢食茄子飯 我就揀咗咖喱雞飯諗住快餐啲咖哩應該都係淡淡地照顧大家嘅口味點知中伏 辣到標晒汗狂隊白飯加菜 飲埋杯奶茶都係攪唔掂下次我都係食番焗豬算

🍛和風滋味日式丼🥕Yuzu Chicken Chop Japanese Bento正正正，宜家Lunch Time都可以食得好滋味！大家樂日式丼飯震撼登場，款款滋味由你話事！🐮薄燒牛扒，🐤柚子雞扒，🐷吉列豬扒，🦐吉列蝦堡輪流供應，搭配埋炭燒雞串，實在太滿足！🇯🇵日式和風簡單滿足🍊柚子雞扒酸甜滋味🍢炭燒雞串肉質鮮嫩🥭清涼芒果夏日之選方便又高質，新出日式丼不能錯過！宜家更有學生有你SO超值優惠😍優惠一口價$38開心到想跳舞~💃精明嘅你，快啲嚟試下啦！

疫情期間，愛吃大家樂，真的跟自己煮的一樣，女兒喜歡吃她家東瓜盅，真的是整個東瓜，賣相好好，東瓜皮翠綠翠綠，非常能引起你的胃口，我們叫套餐是牛肉炒菜心配米飯，才73元，牛肉好有牛肉味，菜心新鮮及炒的非常香，不錯😊，我一般對快餐店的中餐炒菜品質期望不大，但這次大家樂給到我驚喜，絕對有下次！

收到政府派一萬蚊，所以今晚食好D，去大家樂！其實去到大家樂唔係想据扒，只係想飲個酥皮湯，大家樂嘅酥皮湯只係跟据扒餐，焗住据扒囉！除咗意粉屋之外，一時間諗唔起邊到重有酥皮湯，一萬蚊唔係多，平平地幫襯大家樂！點咗個紐西蘭西冷牛扒同什扒，什扒有雞扒，豬扒同司華力腸.西冷牛扒出奇地肉質鬆軟，而且經過醃制唔需要點黑椒汁同蒜蓉汁已經好入味，點咗汁反而味道過重，牛扒厚切但分量少咗D.同樣地，雞扒同豬扒口感鬆軟入味，而且份量都係偏少，另外，兩個餐，鐵板夠熱，但無發鐵板餐獨有嘅出咋咋聲！重點嘅酥皮湯酥皮偏厚，入面係周打魚白湯，味道尚算濃郁.反而驚喜係杯楊枝金露，以為味道會偏淡偷工減料，點知啱啱相反，味道香甜夠濃郁！政府提早派錢有驚喜，飲杯楊枝金露又有驚喜，希望番到屋企老婆唔會話有咗俾驚喜！

今晚冇去街市買餸煮飯, 聽聞大家樂有好餸, 外賣有好多好選擇, 於是乎特選三個靚餸加料做晚飯！滑蛋粟米魚塊、 紅燒牛腩粒扒豆腐同埋叉燒拼油雞, 講番粟米斑塊算係多不過得 兩舊西蘭花, 加埋啲蛋味道還可以都算新鮮, 至於紅燒牛腩扒豆腐嚟講牛腩粒都算多紅燒豆腐有三嚿, 最後一味餸就係叉燒拼油雞, 叉燒唔算肥美得幾嚿再拚油雞、油雞都算瘦唔算太肥膩！佢有個特別優惠值得一讚就係外賣可以再加多15蚊 可以加兩碗 椰汁芋頭路再送兩碗白飯, 同一碟油菜都算抵食👍 全部總數一班十五蚊唔使得外賣碗費用, 呢一點好過茶餐廳。

星期六，旺角中心一期人很多，大多數來看醫生，因為是專科醫務所集中地，我們陪媽媽來覆診。蘇醫生是骨科專科醫生，我媽媽患骨質疏鬆，要每６個月打１針，增加骨質密度，打針前要驗血，檢測鈣含量，達標才可以安排打針，等驗血報告要1.5小時，找個地方吃早餐，邊吃邊等。旺角中心一期地庫，有間大家樂，是距離醫務所最近的，點了２份早餐：#超值早餐，火腿通心粉、牛油多士、烚蛋、腸仔，配熱奶茶，定價25元，真的超值！#紐西蘭吉列魚柳早餐，吉列魚柳、午餐肉、牛油多士、熱咖啡，定價32.5元，再加７元多配了碗柴魚花生粥，很飽！午餐也不用吃！

This take away breakfast was so good. Crispy fish, soft scrambled eggs, tasty sauce. Cold milk tea was too sweet for me, but overall, this set is very very good. There are machines where you can order by yourself and pay with octopus card. It was convenient, because I didn't have to wait in a queue by the cashier. I recommend this place!

兩個人，簡簡單單是旦地食一餐，揀左大家樂。1.去骨海南雞飯配雞份量都唔少，但雪味好重，好重，好重...油飯都香香地。有d豆做配菜，當然唔會有豆味，落左味精咁啦。有配醋，冇咩特別。2.菠蘿咕嚕肉飯肉算係雪味唔大，表層炸得有d趣，算係咁。味道偏甜。有d紅椒青椒點綴，都趣口。有一兩粒菠蘿。整體味道普通。3.甜粟甘荀煲瘦肉湯甜甜地，都易入口，味道普通。有d湯渣，包括少少甘荀粟米等，冇咩味。勝在唔貴，都唔會抱咩期望，整體普普通通。

大家樂的下午茶二十多元左右可以有得食又有飲品都可以，今日見有點餓就來到這裡吃下午茶，見到有個上海麵餐，炸菜肉絲配煎蛋上海麵飲熱檸檬茶二十八元，見價錢都可以就買了，拿到上手沒想到咁細碗有失望，而且炸菜勁少，肉絲份量都夠食，煎蛋凍的，而且都已是全熟，麵夾上來感覺不似食上海麵，幸好仲麵質不錯，份量好細碗，食三四口已食完，最底有片菜，湯底比較淡味，有點不值，飲品熱檸檬茶好苦，檸檬茶不太酸，加了糖都是苦，所以飲了半杯就沒有再飲了，寧願下次食個义燒瀨仲抵食。