大家樂

營業中

休息中

下午茶去咗大家樂，睇吓有咩食， 估唔到大家樂都有墨西哥卷，我就買咗墨西哥卷加蜜糖雞翼做下午茶，大家樂嘅墨西哥卷都幾好食， 不過店員話墨西哥卷係期間限定，唔係成日有，聽日食到都好好彩

台灣麵線・紅油抄手 ．雞翼$38台灣麵線味道上幾唔錯，不過唔足料，細碗又少料，似飲湯多D~用麻辣湯煮灣仔碼頭水餃，好似無餡咁，仲要完全無紅油抄手味!雞翼有毛，見到都唔開胃.......

有時候早餐不知道可以吃什麼的時候，就會覺得大家樂是一個還不錯的選擇！份量還是挺足料的，特別喜歡他家的魚柳，不會太乾太柴！而且他家的多士也不錯，不過雪菜肉絲米粉有點硬

嚟到旺角做嘢，去大家樂食個早餐基本嘢，見到佢出返吉列豬扒，立即試一試，印象中大家樂嘅吉列豬扒早餐都係唔差嘅。豬扒都好鬆脆，一切落去，啲麵包糠同埋粉漿唔會太厚，而塊豬扒都有一定嘅質素，不過美中不足就係塊豬扒好似乾身咗少少，通常每次食早餐，都會+1個銀針粉，之前蝦頭湯銀針粉係幾好食嘅，但係而家轉咗個新湯底，好似係菜湯湯底，感覺上淡咗少少，冇之前蝦頭湯底咁香口。成個早餐配搭一杯凍綠茶都好醒神，尤其是咁熱嘅天氣又唔想飲啲咁多糖嘅嘢飲，凍綠茶係首選。多士基本操作。

大家樂有時放lunch要食個快飯就決定食公司留下既大家樂而家出面一個飯閒閒地都要50-60蚊大家樂仲有40蚊飯真係好抵食叫左最中意食既肉醬意粉以前仲係學生果陣成日都食以前D意粉整得好D而家意粉有D 太濕同lum但肉醬仍然好食

今日可以Hea下食個靚早餐咁就去咗大家樂都食雞扒煎雙蛋多士塊多士都都夠趣 但可惜唔夠熱食落尚有微溫 咬落夠脆口搽埋牛油其實都好好食蜜糖香草雞扒蜜糖香草雞扒食落就冇咩蜜糖味但係就食到少少甜雞皮薄 肉都比較厚 在大件啲就會更加滿足煎雙蛋煎得有幾靚喎兩隻蛋黃都係啱啱好流心嘅啲蛋汁的來搽麵包或者醃雞扒食都好ok 火腿通粉呢個要加錢 但唔記得加幾多錢細細碗都OK 湯底就好好通通通粉煮得啱啱好 唔會過熟熱奶茶不嬲都覺得大家樂嘅熱奶茶好飲今次都冇失落 夠香滑整體來講呢個早餐都好滿意

晚餐又黎到大家樂，今日唔想据扒，所以選擇左食大家樂既咖哩牛坑腩飯。個咖哩牛坑腩飯勁香，D咖哩汁既辣度適中唔會太辣但又好夠味。而且咖哩汁既份量都好多，夠埋撈飯食。呢個餐既牛坑腩份量都好多，唔會話多多雜菜少少肉咁，而且仲有兩舊馬玲薯，馬玲薯配咖哩既味道係好夾。個咖哩汁其實拍得住印度既原味，除左唔會太辣之外，食落仲有輕輕既椰油味，而佢又唔會好似其他茶餐廳咁D咖哩汁稀到似水咁，佢都好杰身，但又唔會杰到入口就漿住個口。

收工日日都會行過呢間大家樂有陣屋企冇飯食就會決定係度解決晚飯！自從佢有個左海南雞飯之後我次次都會點！海南雞飯必配油飯！而且大家樂出品都唔錯，特別佢兩個醬料，我每次都會要兩份！服務員都好nice😍

呢個下午茶餐$37，味道很好👍我覺得可以推薦俾其他人，佢個賣相擺去cafe度，點都賣$75，朋友都話好抵食🤭但炸物多，間中一次就夠塊三文治內係炸豬扒，如果變成燒豬扒就會好健康，另外有蕃茄、青瓜、生菜。也有兩塊已弄了直線紋的包，味道佳😀雞翼都係無得頂👍

見到最近大家樂竟然全新推出咗一個咁fusion嘅日式、港式、台式客飯😍賣相她好吸引 即刻去左試試佢🤤有齊港式嘅燒味 加埋日式半熟流心溫泉蛋🥚♨️同台式嘅肉燥 都真係幾滋味 😋食快餐都可以唔頹喎！

一哥焗豬扒飯係大家樂嘅招牌，次次我都食呢個，但係今次試左佢嘅咖喱牛腩飯，個人認為大家樂嘅咖喱係眾多快餐店入面最好食嘅一間！❀ 咖喱牛腩飯 咖喱牛腩入面有薯仔、牛腩、有少少牛筋，咖喱汁十分之香及非常濃郁，而且唔會好辣，微微辣最適合香港人嘅口味，牛腩肉味濃郁，口感唔會硬亦都唔會柴，軟軟霖霖帶點嚼勁！薯仔大大舊加上濃郁嘅咖喱汁非常唔錯！❀鐵板吉列魚柳雞扒粟米加酥皮湯 外賣食鐵板少左靈魂，因為見到人地堂食鐵板有滋滋聲，但係外賣就無，如果唔介意都可以試一試，因為分量好多，味道就正正常常，不過不失。

今晚光顧旺角中心大家樂, 柯打K1 西冷牛扒鐵板餐, 售價$72, 看見相片令人興奮, 未吃先轟動, 鐵板餐出現, 簡直完全係另一心情。鐵板上的牛扒比以往勁縮水, 酥皮湯內的洋蔥湯, 簡直似未溶化的味精, 味道非常之鹹, 完全難以入口。兩星期前吃未加價的鐵板餐, 起碼都有個果凍和炒飯來襯托, 加咗價後, 只配一大塊蕃茄和半支粟米, 簡直令人對大家樂失望和心痛。

唔知大家會唔會同小妹一樣每逢喜慶節日就會同屋企人食盆菜🥰而且一定會叫外賣～除咗貪方便唔駛煩之外☺️喺屋企食更加有「家」感覺！今次就試吓大家樂嘅盆菜好唔好食啦🧡 福聚盆菜 $268（四位用）一共有十二款用料😚連白飯同糖水各4碗🦐 南美白蝦白蝦講明得4隻小妹咁啱攞咗隻又鮮又甜嘅屋企人嗰隻啲肉就霉咗...🥠 海鮮福袋豆皮包魚漿，普普通通🐷 南乳炆豬手炆得軟腍，皮豐肉嫩而且南乳夠入味！🐤 玫瑰豉油雞豉油味唔出但肉夠嫩夠juicy～🍗 明爐燒鴨外脆內軟，肉質夠嫩滑🌰 花菇香甜美味，夠大粒！🧆 炸魚蛋同普通魚蛋無分別，正常發揮🌯 枝竹份量偏少，味道正常🫔 芋頭估唔到芋頭味都幾出份量比想象中少🍲 蘿蔔無渣，但浸咗好耐都未淋🥦 西蘭花正常味道，幾入味🥬 娃娃菜味道唔甜，而且好難咬🫕 糖水（芋頭紫米露）甜點適中，餡料好多，正！小妹Top 5之選：花菇 > 南乳炆豬手 > 玫瑰豉油雞 > 明爐燒鴨 > 芋頭紫米露⭐️ CP值：🐘🐘🐘🐘⭐️ 打卡able：🐘🐘🐘🐘⭐️ 舒適度：N/A⭐️ 再食指數：🐘🐘🐘.5（5 星為滿分）備註：只限自取，不設送貨需於取貨5天前（不計取貨日）進行網上

大家樂下午茶餐，真係窮人恩物，永遠無得輸⋯燒鴨瀨粉，配熱檸檬茶，再加多個炸魚皮，合供$33⋯燒鴨夠味又唔乾，好有肉汁，啖湯亦相當唔錯，最緊要飲完唔會有口渴感、瀬粉好彈牙，唔錯！炸魚皮雖然份量唔多，但下午茶就剛剛好！最估唔到杯檸檬茶，茶底真係几唔錯⋯⋯

烤雞2人餐$89就買到😊味道唔錯食到香草🌿味，又新鮮。隻 烤雞 原來都唔細隻，肉都幾嫩❤️自稱麥蘆卡蜜糖就唔知係唔係，不過皮有點甜甜蜜糖味，肉都有香草味真心覺幾好食😋。粟米🌽就普通沒有牛油味（自己加返）但都夠熱，芝士肉醬飯係炒飯底唔錯，不過肉醬唔多肉碎，幸好個味都唔差😂紅豆冰不太甜幾好。滿$100有9折所以叫多個菜$12，再折返即$1.9就可有菜食😂好彩$1.9就覺抵，如果要原價會堅失望。