大家樂

營業中

休息中

人均消費：$50-100推薦指數：⭐️⭐️⭐️⭐️近排做緊gym🏋️ 出去食嘢都要搵啲健康嘅 咁啱見到大家樂賣緊餐卷 做會員$100有三餐雞胸飯加嘢飲 除返先$33一個飯😍 咁我梗係買嚟試吓啦！1）雞胸紅米炒飯（走汁） 🐓🍚雞胸唔鞋，煮得啱啱好熟，大大舊食落好有飽足感🥰。紅米炒飯比較乾身，食得出放咗好少油炒，食多兩啖都唔怕！蔬菜🥗就中規中矩，係急凍貨嚟，味道麻麻。嘢飲叫左杯齋咖☕️，都係普普通通。總結嚟講，$33一個飯已經算好抵，啱哂做gym或者減肥既人食。*全線大家樂都有

話說剛路過樂富商場B區，老公話想食焗一哥豬扒飯，我自己唔想食咁多肉，見到有素菜肉絲扒豆腐，餐牌張相幾好，似炸了的布包淋滑豆腐，結果，取餐後發現佢嘅賣相嚇親人，現街邊兩餸飯都不如，食落去仲驚嚇，米係比劣等好少少，豆腐原來係長形薄身，炸到又干又硬嗰種巨難食，5或6元成本收了＄53連飲品，而老公焗豬扒飯是用外賣盒上的，唔知焗了多久，焗到出曬倒汗水，豬扒的質感只可以用 梅淋來形容！唯祗有影我那份餐，真實個案，並無虛言！最後，地方清潔都是欠佳， 兩張座椅全部是乾了的茶漬！未食過咁差的分店

逛完樂富豪商場就到地下的大家樂準備中午飯,見有位就先取了座位,然後趁人少就直接用點餐機下單, 在大家樂如無心水食物,最穩陣的就是聽Gigi 話去食一哥焗豬扒飯加杯凍飲,又是豐富的一餐。

小食店 冇乜要求 亦唔敢要求🤗都知啲大姐大 做得辛苦 手忙腳亂咁但客人都係要畀錢 應有嘅禮貌要有嘅排隊攞餐唔緊要 應該嘅 ……唔夠醒 大姐就會大聲咁同你講嘢㗎😅原來外賣唔使排隊 快好多……Deluxe breakfast $42.5食物都幾吸引 薯餅脆脆旦多士唔同西多士 大姐大話: 所以冇糖醬&牛油嘅強力爭取下 取得牛油 搽麵包用個餐幾好食 炒旦 & 煙肉 💯 分有優惠條碼 減4元 不過優惠完咗啦

天氣實在太熱了，動一動便流哂汗，要不停補充水分。到樂富逛街，覺口喝便到了大家樂。二人叫了一個下午茶餐，粒粒紅豆冰和花生醬西多士$23，再加熱檸水$8。西多士兩塊故二人可以各分亨一件，雖然見到三角方包中間夾有啡色的醬，但吃入口不覺花生醬味，蛋味卻吃得到。另外，只供給一個牛油搽上多士面，沒有給糖漿。對我來説沒有糖醬不重要，因亦不吃太甜的。紅豆冰味淡，紅豆粒不太多，不過$23兩樣都算底食。熱檸水平時買$11，下午茶平$3，也合理。另外，店內有一員工口不停説多謝光臨，敬業樂業精神值得嘉許。

話說頭先下午茶，我哋諗住好耐冇去過大家樂，點知去到，枱枱都full. 仲大把人係度等位，有啲仲買咗嘢，攞住個托盤等位。當中，我見到有張6人長大枱，只有一位員工用膳中，於是我哋兩個人就諗住行埋去坐低搭枱，點知突然有個員工走出來指住枱上個牌，話成張枱係俾員工用膳，拒絕我哋坐，我即時話唔係呀！咁既時間，咁多人等位，有啲客人仲買咗嘢食四處揾位、等位，你哋竟然覇晒成張大長枱，跟著我哋氣沖沖咁話唔食喇！去幫趁第二度，跟著個員工仲同另一個員工(正在食緊飯嗰員工)講話唔好理佢哋咁既服務態度，我本人覺得冇禮貌又差😡😡

今日去左大家樂諗住食個Good morning 早餐叫左個特價餐，本身諗住個腿蛋治會係熱嘅誰不知黎左個pre-pack 嘅三文治不過，佢個通粉都好大個，所以食得好飽個檸茶都沖得好飲要讚：啲員工好nice,會幫啲老人家攞早餐! 要讚

最近有點倦，丈夫不在，唯有一個人去快餐店。看到餐牌有紐西蘭西冷牛扒餐，有一段時間沒再試過這份牛扒，於是就要一份，再加添一杯汽水。等了十分鐘左右，指示燈已亮起我的排名數字，取了後再坐下。先試一下酥皮周打湯，湯很熱，將酥皮推進湯中，梢等一下溫度剛剛好，湯中有蔬菜，最合我合味，只可稱味道稍淡，若再濃就更好。西冷牛扒雖用鐵板上，保持不過老，算是不錯，容易切又容易咬，黑椒汁小小辣，又香口，對女仔來講剛好。數十元的快餐店牛扒餐，味道算不錯，最合又倦，不想自己煮的情況最適合。

個人而言，幫襯快餐店就係為左平平地快快地既一餐。今次叫餐已經排左一陣隊，等餐都等左成10分鐘。其實呢間大家樂，都可以話係我家人既飯堂，佢地成日黎食下午茶，叫燒味飯就快靚正，就好似咁。但係有飯有菜有湯就要等。。。至於環境，其實成日都見人鬧交，因為地方窄，又冇固定收盤設施，所以好容易就有碰撞、爭位、清潔既問題。我唔覺得係D阿姨差，係呢度環境令佢地好難有好服務。有時，我甚至覺得佢地好堅，D客都幾唔禮貌架，佢地都可以逆來順受，有幾個阿姨成日掛係口邊：唔該晒！麻煩晒！唔好意思！黎呢度坐，真係要預左咩人都有先好！唔係分分鐘同人開片。。。

實在太失望 味道只有豉油醬汁味 肉和配菜極少 好像只有汁和所謂的炒飯 請看相片 （抱歉我翻了數下 看還有什麼在碟 所以賣相才差一點）減分的 不止食物 ！收拾台的EE 要求我把bb車 放置在遠處 我明白帶bb外出用膳 是較麻煩 不過今次太不體諒了！ 所謂的優先座 坐滿了非屬優先的人 大隻男、西裝人士、看馬經的⋯而職員不單沒阻止這些人坐優先座 老弱病殘的 要逼住坐較窄的普通座位 我不是老弱病傷殘 但帶bb也很需要放BB車的室間。