大家樂

營業中

休息中

陪朋友仔黎呢度買材料整甜品, 順便食個下午茶。下午茶都幾多選擇, 價錢都唔算好貴。朋友仔要燒鴨瀨飲可樂, 我要吉列豬扒茶餐, 除左有豬扒, 仲有腸仔、半個多士, 另加2.5要肉碎蕃茄通粉。我覺得豬扒好鬆散, 無味, 可能係d肉攪碎左再整返一pat去炸。而通粉都ok, 普普通通。朋友仔個燒鴨瀨係咁多樣入面最好味, 個師傅燒鴨都算係俾多肉既部份我地, 呢個餐食得過。

今次又係食”蜜糖燒春雞鐵板餐”,因為之前食過好食,所以咁快又食第二次,點好食法上次已經講過,但今次就有少少失望啦!隻雞今次整得比較燶,雞肉太乾身,有d(鞋)口,個酥皮湯同上次一樣咁好味!而個焗薯再多d沙律醬會更加好味!

終於埋到塊西冷扒身,切開少少,睇到內裏色水,擺\ 明十二成熟,一些牛扒應有的質感,血水,肉汁,色水也沒有.如果稱其為牛扒,我覺得稱之為人造加工牛扒會貼切一點.入口味如嚼蠟,肉質乾過牛肉乾,任由你搽香草味牛油去潤滑,入口也是一件極痛之事情.回想月前在五粒星扒房之澳洲牛,感受更深.小朋友看世界,天真無邪地諗Daddy,大家都係牛扒,點解會差咁遠?)個餐\唔算非常好食, 不過$40唔洗就有鐵板餐\真係交足貨有餘

作者的態度跟文筆叫人看了就討厭,可能作者的生活水平跟普羅巿民有一點點差別,但看了這篇食評真的叫人很討厭,食物真的及不上高級餐廳,但是論環境,乾淨,我想應該不會只得一分吧,明顯地這個食評比分是可以忽視的

日前好幾個新聞組,同一個網民在各大新聞組食版,向各版友推介大家樂之最新香蕉船鐵板餐\,我們眾網友看到這位網民之相片後,存在半信半疑之態度.因此曾經為此問題,在某個人谷上演"六國大封相".此名網民成為眾矢知的.靜下來細心想,如果本身未食過的話,就真係未必有資格去批判.我們為求追尋事實真相,不惜抱磚引玉,聯成一隊十幾人之游擊小隊,向大家樂進發.繼大久保一役之後,再一次作苦行僧.今次狙擊目標,當然係香蕉船鐵板餐,鐵價不二,總司令一聲令下,食第樣都唔得.七點九來到狙擊據點,已見一眾游擊隊成員已在紮營,十幾個人一起去大記,都咪話唔壯觀,之前仲好天真諗過(有無得Book位架呢?)有些有心戰友,一早print定之前某網民在newsgroup post的圖文並茂食評出來,誠為是夜之功\略本.有時打RPG game,都要用攻略才能成事,更何妨今次係打戰爭game?屈指一算,就算無十年在大記堂食加外賣,應該咁講,我上一次去大記cashier比錢,係用英女皇頭硬幣找數的.闊別多年,自然有所"期待".結果在Cashier囉左飛,係仲要去Counter擺低張票的.仲諗住十年來的科技維新,能夠比左錢就搵個位"食住

上星期三同男友食晚飯，叫左個燒雞鐵板餐兩份食，見咁多野食，無叫到其他食物．燒雞鐵板餐跟薯菜，酥皮粟米湯，焗海螺，珍珠奶茶．整個套餐黎講都幾好味，不過個海螺硬左ｄ；早知係咁就要香蕉船喇！

很久沒有在大家樂吃午飯，今天經過所以進去看看。午市套餐鴛鴦炒飯配咖啡或茶，看來不錯，便叫了一份。鑊仔鴛鴦炒飯新鮮熱呼呼的，用料或許不及正宗的，但勝在味道不俗，價錢合理。熱咖啡依舊是大家樂的"生招牌"，咖啡味濃奶味十足。不錯不錯！

平日很少在外面吃早餐，今天心血來潮，特意到附近的大家樂。大腿通（火腿通粉）依舊煮太爛，口感偏軟。反而是咖啡出乎意料之外的好喝：細膩芬芳，酸度低，香味濃，口感均衡。雖然我是黑咖啡的愛好者，但對這杯加糖加奶的港式咖啡還是有很高的評價。

夜晚一個人路經此地，因為身無分文，只有一張八達通，又肚餓餓，唯有去可以收八達通o既大家樂。點了個海南雞飯，菜是即灼的，所以很新鮮。但雞像是賣剩的貨色，師傅也沒有心機砌好才上碟，求其斬幾件放上去便算了，所以口感不佳。幸好酸菜做得不錯，而且夠多。此外套餐內的例湯，湯料很足，有點似飲羅宋湯的感覺。至於飯，算了吧！只是一換油而矣。總括而言，主角雞同飯都做得不好，相反作為綠葉的酸菜同例湯就頂瓜瓜。