大家樂

營業中

休息中

係灣仔開工，但係開工前梗係要食個醒晨早餐。灣仔間大家樂係要上樓梯既，不過上到去，發覺樓面幾大，環境幾舒服。我叫左個魚柳多士餐配家鄉銀針粉。魚柳炸得都算ok...不過略為乾身左d。但係都大大塊，點埋沙律醬都唔錯。多士就大大塊，烘得唔錯，加埋strawberry jam就幾好味(我要求要jam)。 至於銀針粉就不過不失，湯底唔咸，上面仲有冬菇火腿同埋蔥，分量都算適中。 杯華田就熱辣辣，不過我就要左代糖，食得健康d。 整體黎講都唔錯。

萬聖節睇完利東街最後一日既大月亮，就去大家樂醫醫肚！想食焗豬扒飯係大家樂依肯定無錯，面頭一層香香既蕃茄汁，仲要有真·蕃茄+菠蘿青豆，豬扒厚切唔會薄到紙咁，仲要大大塊齊齊整整切好排好放係飯上邊；飯先最正，用蛋炒香！粒粒分明食肉之餘仲有咁多蕃茄係面，對食肉獸黎食無咁罪惡感，而且酸酸甜甜好開胃再黎試下個扒餐；大大塊扒真係好大塊，大塊到放滿係個鐵扒上面，仲有不得不讚個黑椒汁，非常蠻味，唔會過咸黑椒味十足少少辣辣地唔止可以淋落塊扒到，仲令意粉更加香口，依個宵夜大滿足！！

一向都習慣星期六食個大早餐。 搬左去灣仔之後覺得無乜早餐好味，同事就suggest食大家樂，以為有信心既信證。 佢幫我買雪菜肉絲米加皮蛋瘦肉粥同熱奶茶。 雪菜份量唔多，肉絲唔係肉絲係肉粒，米粉唔夠淋而湯底勁清，近乎無味，都可能同少雪菜有關係。煎蛋有啲濃邊，夠香口。 我加左兩包黑椒粉同辣醬先終於有返啲味。粥都係，好淡同完全無皮蛋味，以前食既大家樂皮蛋粥很香滑的，濃香醃肉味。同我面前呢個粥完全唔同。 唔知點解食開幾間大家樂都幾好，而呢間特别淡口同無嗰種大家樂既韻味。。。定係你會答我，唔係樣樣野都有得解嫁呢。。。

星期五晚上遲收工，打算隨便在公司附近吃點東西算了。第一次在這間大家樂食飯，也只有這一次了。因為這是我試過最難食的大家樂燒味！賣相已經很不濟，一嚐更失望，燒鴨鹹的不得了，鴨皮好像砂紙一樣硬hai，非常難吃，切雞則一般。冬瓜盅裡有很多肥肉，不過湯還算不太油膩。 結論是：我大概不會再光顧這間大家樂了！

今天要到灣仔會展走走， 由於時間未到，打算在附近吃個午餐，這邊的餐廳一份三文治竟可叫價四十多元，我不禁倒抽一口涼氣。情願多走兩步，到大家樂轉轉吧～我點了一個咖哩牛腩飯配餐飲可樂，牛腩份量適中（還可以），有洋蔥，有馬鈴薯，但沒紅蘿蔔~牛腩咬下去尚算軟嫩，還有肉汁（不乾），代表燉煮的時間足夠，也沒有過量。咖哩汁調得香濃，沒有結塊，奶油比例控制得不錯。把滿滿香濃的咖哩汁，配合燉煮到軟嫩的牛腩，再澆上白飯，咖哩的甜味和香味完全融入白飯，令人忍不住一口一口的送進胃裏。

今日因為公司好忙所以只有30分鐘的午飯時間，跑到灣仔街道，根本上大部分的餐廳也已經滿座，門外也站著很多人在等位，這時候，我想到的只有 - 大家樂。的而且確，大家樂這快餐店是很適合一個人的午餐的看看餐牌，有很多選擇，最後我選擇了咖哩牛腩飯。大家樂的咖哩牛腩飯，咖哩辣度很夠，十分惹味，牛腩分量不算多，但夠晒淋，對女生來說，已經十分足夠了，再加一杯冰凍lemon tea，掂！

《大家樂》向來都是一個令人又愛又恨的地方，然而，對我來說，《大家樂》給我的感覺始終是愛多過恨。因為食物不會差，有時想不到想食什麼時，來《大家樂》，味好有保證，價錢當然也夠相宜。是日中午，我來到了灣仔道的這一間上樓的《大家樂》，我由商場的一邊入，樓梯的那一邊出，才發現到，樓梯的那一邊才是正門。中午，《大家樂》其實有好多好溫飽的選擇，對我來說，最溫飽的，當然是最馳名，也最能夠代表《大家樂》的焗豬，焗豬扒飯。最開心是原窩上的，用了外賣盒的焗豬，是份量較細的。正常版的，蕃茄味同芝士味香濃，豬扒又厚又腍，配上了炒底飯，味道永遠是頂瓜瓜。一大盤，夠晒飽呀..........美滿，美妙的焗豬扒飯，越依越開心。

呢幾日都係附近返工，今天早左少少收工，就打算同男朋友去大家樂打邊爐，我倆買左2個爐，等左陣先有人點火，之後我就望晒成張枱都唔見個2份豚肉，就去櫃台問啦，個男人仲話俾左，咁咪叫佢自己過去睇下有冇俾，大佬我岩岩買 火又未點，唔通我生食豚肉呀？?仲好笑話要睇ＣＣＴＶ，唔緊要，你咪睇，根本冇俾到不用怕，之後咪冇左件事，仲俾多２份肉丸我，俾咁多肉丸我做咩？我只係要返Ｄ豚肉，仲有一樣搞笑，８點半已經話冇晒湯加，但間野係關１０點，咁打到９點冇晒湯咁點？＠＠＂以後我都唔會再幫襯呢間野，服務又唔好，食物又唔係新鮮﹗D菜又唔新鮮，D丸又似放左好耐，個烏冬乾到好似開完放左係到好長時間，8:30PM已經嗌冇晒湯添加，咁叫打邊爐??!唯有自己出去拎熱水扮湯加落去，好灰

 　　大家樂於下午茶時間推出了三重芝士多士已經有一段時間了，可惜一直沒有機會嚐到。恰好今天下午有個空檔，又路經大家樂，便吃這款新產品，點了三重芝士多士香腸下午茶餐配熱奶茶。　　這個三層芝士多士，有點像麵包舖的Pizza，可用的不是麵粉的餅底，卻是烤了的多士，三層多士已經混和在一起，上面隱約看出有青椒粒、火腿粒和洋蔥粒，鹹鹹香香的，加上烤過的脆多士，口感一流。至於香腸，不過就是香腸一條。　　另外想一提的是大家樂的奶茶，濃滑得來不苦澀，而且夠大杯，過足口癮。　　這裏的環境也不錯，情調優雅，沒有很多人，可以找個安靜的角落邊看書邊品嘗下午茶，是無以上之的人生一大快樂，廿多元就能有此享受，實在夠經濟。　　

26.3.2011是日為第一日開始上堂的日子, 唉, 希望今次能夠合格吧. 在前一日我已經上OR找找在tranining centre附近有什麼好吃, 由於只得一個小時的dinner break, 而我又十分貧窮, 所以要找一間又近又快又平的地方吃dinner. 哇, 這間大家樂真的好近, 又好合乎我的budget, 於是我5pm時一放break時就立即走過來, 希望趕及吃tea.當我來到時, 很多tea set已經開始收水牌, 於是我立即order炸豬扒下午茶餐. 當我一去水吧拿食物時, 水吧的人就話我個份餐是last one了. 真好彩哩.炸豬扒下午茶餐炸豬扒: 炸到外層有點硬, 不過內層不是太硬, 還吃得到.面包: 烘到好硬, 而且沒有熱的感覺, 幸好塗上牛油後也吃得到.火腿扭扭通粉: 原本這個餐只是$21, 但我加了$3 加配這個通粉. 通粉扭得好得意, 又腍又大大粒, 火腿數量也不少, 也很腍, 但湯底比較咸.這個餐原本$24, 但我用了報紙的$2 coupon, 所以只是$22. 食物只是一般, 但吃完很飽肚, 都算得上ok吧.

　　　　經過這家大家樂，適逢一直在忙，到過了午飯時間都還沒吃午餐，於是心血來潮走上去吃下午茶。一直都愛吃大家樂的美味大熱狗餐。今回沒有了，卻看到了新的兩款熱狗，一款是香草蕃茄熱狗，一款是墨西哥醬熱狗，我就選了墨西哥醬了。　　　　取得了之後，我就隨便找了個座位細細品嚐，包底是甜包，這個十分特別，然後香腸上灑上了洋葱碎和肉醬，意外地沒有太鹹的感覺，包底香腸和醬汁三者奇妙地結合在一起，口感味道俱佳。　　　　咖啡方面雖然稍濃，但以快餐店來說，能提供這麼高質素的即磨咖啡，己經是很好的享受了。總共才十七元。真是物超所值。　　　值得嘉許的是，服務員的態度也很好，過來收拾東西時總是微笑。使人有賓至如歸之感。

好耐都食過大家樂特別係早餐 今次又食番以前最鍾意食魚柳腸仔@_@加多個火腿麵都算平.. 因為早既關係所以仲有蘿蔔糕,唔駛迫住跟多士..但可惜冇左好多年前既酸菜 好懷念>...< 另外fd叫左 漢堡扒腸仔 好似冇咁抵食..個扒幾啖就食晒但點都好 算唔錯服務就一般啦..可能太早得一個阿姐收野見佢收唔切...坐位附近冷氣滴水都冇人理..但算啦..咁平都唔可以要求太多

尋日度諗住食個燒髀餐，點知水吧果度就話冇哂燒髀就叫我轉油髀。呢個無問題既，但令我意想不到既野出現啦唔知乜野雞髀話就話係油髀，但我覺得一鹵水味都冇。我反而食到有小小蜜糖味，而且個皮都幾脆架。睇黎我今餐都係當佢係燒髀會好啦，我都食過油髀既，但味道都係無燒髀咁好食。紅豆冰紅豆既份量都算多，杯野又幾好飲既。對於唔知食左咩髀既我，其實都無乜野既。可能大記既燒髀同油髀唔係咁易睇得出啦。

下午茶食雞絲河..個湯好正好夠味...d 雞絲仲係連住雞皮出煎的..好好味..但食食下..有幾條好似有d 味....係太熱...開始變臭... 如果唔係呢幾條..我真係俾100分..除左呢樣...初初揭蓋..d 雞絲 係亂掉下去...唔係一字型排開..好似求求其其交貨甘...= =所以又扣左d 分...

這個扒已經第二次食第一次食有要甜品的, 因為感覺哥乎不好食, 所以今天不要了紐西蘭安格斯爵士牛扒餐$43 (好似這個名字是這樣長的)蘇皮周打魚湯, 只有魚肉片, 火腿碎, 洋蔥碎, 有點鹹, (以前食雜扒加錢的周打魚湯好似有一粒青口呀, 現在無咗)牛扒不要落汁, 先食是否夠味, 因為第一次食不知, 一次落光汁, 鹹死呀, 今次醒了, 真的不用汁都好夠味, 牛扒今次推的紐西蘭扒, 真的好鬆, 好淋, 以前的牛扒餐好粗有渣, 今次ok下次要食燒雞及泰菜了, 因為好似今期轉咗食泰菜, 快餐店都要改改餐, 來招客人呀