大家樂

營業中

休息中

15/Mar. 沙嗲醬爆牛冧肉飯連茶$42 牛冧肉淋身但味簿要靠沙嗲醬, 有烚椰菜底, 叫做有菜有肉,沙嗲醬好Mild唔會辣但就無乜花生味, 16/Mar. 黑椒豬扒飯 $41 豬扒係做一哥豬扒飯那種所以品質/厚度有保証, 汁有些辣勁,每次食呢類型的黑椒汁可能係黑椒份量多總會有陣類似陳皮嘅攻鼻嘅味道, 底只有些少雪荳,粟米等作裝飾,

美孚呢個美食沙漠，要想坐低嘆個早餐，真系冇太多選擇，星期日一早見到大家樂排左好多人，我地又去湊熱鬧，平時好少來大家樂食早餐，反正冇其他選擇了，試下無妨。我地點左一個煎太陽蛋配火腿公仔面，飲熱奶茶。另一個系雞扒配煎太陽蛋多士，飲熱華田。公仔面就算把了，好似未過骨咁，好硬，奶茶都唔滑。雞扒算系咁了，都幾厚，將雞扒煎蛋多士疊埋一齊食，都ok好味。熱華田都還不錯，不會太甜。不過好多人企隔離等位，快快趣食完交返張枱出來。所以感覺麻麻地。

依家連鎖快餐店真係做得越嚟越好，好在食物質素平穩，每次嚟同一間食同樣餐，味道及份量都相差不大；服務態度也殷勤，當然間間員工不同，可差別很大，但美孚百老匯街呢間，我會平均俾80分囉，有時食物唔啱食或凍左，都樂意更換，收拾的姐姐也有禮及主動幫助；價錢都叫做平啦，有雙蛋有大餐包有碗米粉有杯熱飲，只係$29，有coupon 仲減多$3，即係俾$26就有咁大份餐，真係無乜茶餐廳能做到。就差在成日都咁多人，揾個靚位唔容易😅

呢間連鎖快餐店食左無數次，今朝喺佢呢間分店食早餐，發覺呢度嘅服務同食物真喺要比個讚佢，入門口已經有服務員同你笑笑口講早晨，落單時我所有嘅要求(雞扒走汁丶多士轉蘿蔔榚丶熱咖啡多奶)都全部攪掂，收銀員全程微笑應對，未開始食早餐已經感受到一個美好嘅早晨，當然，成個早餐食嘅時候仲喺熱辣辣，唔似外面有啲茶餐廳上枱時塊雞排已經凍左同埋杯熱咖啡已經涼左一半，最窩心喺呢度啲收杯碟嘅服務人員會喺經過你身邊時問一問你有冇牙簽，冇嘅就會即刻為你遞上牙簽，成個早餐過程好enjoy呀。

突然阿媽話今晚唔煮飯，所以我地就去大家樂搵食，快餐店的確冇要求，唔係燒味飯，鐵板餐就係一人火鍋，我媽話要食豪啲，所以我地揀左鐵板牛海蝦餐其實$59，又牛扒又大海蝦又焗芝士通粉又野飲又餐包，真係係出面已經好難搵，但平啫，都唔可以食唔落嘛，等左10分鐘，終於有得食，塊牛扒都唔係某集團早餐嗰塊大風啲都吹得郁架，仲有菜墊底，冇咁油膩，牛扒ok,係快餐店質素。不過佢個焗芝士通粉，真係好多芝士，但真係多到好漏。不過整體ok既

成日都會在這間大家樂買外賣但一大意無check清楚都會有漏野今朝食早餐，畀左牛油，但漏左塊多士無畀之前試過漏糖、漏沙律醬、漏加購雞翼etc有替代嘅都費時再落街去拎有次連續幾日食大家樂，3次有2次佢地執漏野 我即刻同佢地講，有個店員居然話“次次都係你漏野”我都想知點解成日都係偏我遇上＝0＝唯有次次都打足十二分精神去checkPS. 不過只要係去問佢地, 一般都會肯畀返漏嘅野, 唔會抵賴

大家樂大多數喺小弟星期六落去食旱餐嘅地方，晚飯？甚少幫襯，偶爾有新出嘅特別嘢想試或懶煮晚飯，就會到快餐店搞掂。最近，就見佢出咗款「海鹽檸檬烤雞超值2人外賣餐」，$88已包海鹽檸檬烤雞1隻、粟米2支、蜜糖甜薯1客、肉醬意粉1客及可口可樂汽水2罐，非常豐富。趁快樂星期五，工作忙無時間煮，就買一份返屋企同老婆撐枱腳。依一款套餐有晒專用袋及膠盒作包裝，而裝雞嘅膠盒，裡面放有吸油紙，而透明膠蓋又有啲窿窿散氣，唔會焗住有水氣整腍啲雞皮。之但喺，好老實，買到返去屋企，仲要等埋老婆返嚟，已喺半個多鐘後嘅事，啲嘢食點都打折扣。海鹽檸檬烤雞海鹽、檸檬，喺幾有興趣嘅味道組合，不過，食完晒隻雞檸檬味就欠奉，不如加多半個檸檬俾個客後加檸汁就仲好，相反，鹽味就過多而有過鹹嘅情況。因為，我有再用焗爐翻熱，所以，皮都仲有啲脆，而雞肉則幾嫩滑。老婆話食完半隻雞，加條粟米及少少蜜糖甜薯，都飽晒，結果，個意粉留番第二朝早餐。粟米屬於超甜粟，食落好甜，不過，我就唔覺有牛油香。蜜糖甜薯賣相有啲麻麻哋，焗到有唔少燶位，但味道其實唔錯，粉甜清香，有少少食煨蕃薯嘅感覺。肉醬意粉整個餐做得最迤、最快餐嘅水平，啲意粉白烚無味，口感又過腍

無加價，無服務費，想平食？真係得番快餐比你揀我去到大家樂食tea叫左個29蚊的叉燒油雞米線，瀨粉賣哂，成日都係咁，想食都冇得食叉燒好一般，好大陣炭味，味道唔掂，但肉質都幾鬆軟，唔會帶埋好多筋或者肥位。油雞個皮好嫩滑，肉質好juicy.唔太鞋，又幾好食D米粉都比得幾多下，個湯汁都oK，充滿雞油味回想這幾年來下午茶越來越貴，由24一蚊一蚊咁加，加到29. 問到我值唔值，我覺得嘛嘛了！

之前去了好朋友家裡過了一晚，第二天就到附近的大家樂吃過活力充沛早晨的早餐當然點了我最愛的蘿蔔糕，還第一次嚐嚐這個吉列豬扒，加上兩隻煎蛋，好經典的西式早餐可惜的是蘿蔔糕比較粉，而且好易散開，雖然外表看上去好似煎得不錯，不過看來外表好看也不一定好吃吧煎雙蛋毀了其中一隻蛋黃，都流出來了，而且吃下去感到有點乾乾的，好似早就煮好的，感覺不新鮮吉列豬扒感覺頗大的一塊，外皮炸得算脆，不過有骨，不是整塊都是豬肉，另外還有些少脂肪，每次吃著豬扒吃到脂肪也挺噁心，很討厭另外還加五元添了杯凍奶茶，大家樂的奶茶只有一味的甜，沒有茶味，完全不是正宗奶茶，實在太差勁其實總計一次吃掉一個早餐還要花30多元，真的太貴了！下次再吃大家樂的時候應該都不會再點以上的食物

在這小小社區，大家樂已開設了兩所分店。下午茶時段，兩所店子總是座無虛席。 皆因下午茶餐選擇多，價錢又相當合理，當然品質評價就因人而異吧！炒面雞翼配紅豆冰。 炒面已凍，雞翼炸得不算濃，還微暖。紅豆冰的紅豆煲得淋淋的，紅豆和淡奶份量適中，配合起來味道很好。另一個下午茶餐，是燒鴨瀨配紅豆冰。 難得是燒鴨肶，雖然又是微暖，廿多元價錢，也非常合理。

周圍緊係有一間大家樂或大快活架！美孚都唔例外！一般人都喜歡食叉燒，我都係！我叫了一碗叉燒湯米～賣相一般！有些店舖會將叉燒用另外既碟盛載，會顯得格外驚貴！食既人都感覺開心！我曾經好幾次幫襯大家樂集團，例如：新蒲崗、尖沙咀等，當時味道濃濃的！肉質腍腍的！仲係分開碟，賣相吸引。 但係今次呢間～賣相一般！叉燒肉質不夠腍！同之前相比，味道淡咗些！！米粉質感適中！要自己加入調味料！

今日中午我們喺美孚百老匯街嘅「大家樂」買外賣自取返公司食！我們買咗叉燒飯、叉燒燒鴨飯、香煎魚柳飯、煎蛋蕃茄免治牛肉飯同慢煮咖哩牛腩飯！叉燒飯同叉燒燒鴨飯嘅叉燒肉質都幾鬆化軟滑，蜜汁嘅味道亦幾香甜，燒鴨嘅皮都幾香脆，肉質都幾鬆軟！香煎魚柳飯煎得色澤好金黃，肉質好嫩滑！煎蛋蕃茄免治牛肉飯嘅牛肉粒都幾彈牙，醬汁嘅味道亦唔會好酸！慢煮咖哩牛腩飯嘅肉質好鬆軟嫩滑，咖哩汁嘅味道好香濃惹味！

貴妃鮑片雞粒炒飯以呢個價錢來說誠意不錯，雞粒炒飯為炒飯底淋上獻汁，有點像褔建炒飯，內裡還有竹笙，只是素鮑片得3片份量小左d。套餐連熱飲一杯。芝味厚切一哥焗豬扒飯味道依舊不變，用上炒飯底，焗飯茄汁香濃，厚切豬扒夠淋身入味，再加上焗過的芝士一起吃更滿足。2個人都只是$71，真係茶記都冇可能食到呢個價錢。

晚餐試了大家樂的新出品——黑椒牛仔肉煲味道是不錯的，近影所影出來的賣相也好但問題來了：差不多50元的一個套餐飯就夠大碗了，菜的份量實在太少張相影的時候，就是上台的份量我食都未食，已經只得一半客觀而言，牛肉係入味的，椒也很香，但牛肉少成咁！天冷菜少唔夠送飯，唔飽LOR認真係貴煲！

今日去探婆婆,同婆婆傾左半日,再請婆婆食飯,但巳經到了下午茶時間,婆婆話食下面間大家樂,我諗都語諗就話好,因為大家樂唔會大差,我點左叉燒賴粉餐,叉燒食落美味,肉質彈牙,湯底清香,賴粉方面,夠爽滑,d菜就麻麻地,好清新-但真係太清過頭!清到係無味LO,我食左1片就無食,碟菜真係唔得!