大家樂 (南豐中心)

營業中

休息中

一直都好鍾意食大家樂的早餐，早餐的份量和價錢都可接受。我哋一入去就有位了，隨後就幫落order,不用等3分鐘就可以取餐了，熱辣辣的好就即叫即正的效率，我正是喜歡這食物質素😃

✨銀針粉 配多士/蘿蔔糕+炒滑蛋+飲品我就選咗多士同可樂～銀針粉嘅味道好有家鄉風味，口感就麻麻啦。多士脆身 就咁食都唔會好乾，不過配牛油/炒蛋就啱啱好。飲品有得選熱飲或者汽水，當時太口渴就選可樂。

今日行到攰，見有間大家樂喺隔離，因為好耐已經冇食，所以就直接入左去，我揀左個牛扒餐配酥皮湯，一如既往都係咁好食。首先塊牛扒真係好大塊，再配上黑椒汁，非常惹味。而酥皮湯，係白湯黎，比較普通，但一樣好好食。呢一餐非常經濟實惠。

先講下環境，呢間大家樂個場咁大，但冇乜人清檯，要自己拎走上一手留低嘅食物加抹檯😅下午茶時段$32 碗仔翅 & 魚蛋燒賣蘿白大大碗碗仔翅😋首先佢啲料好足，差唔多啖啖都係料，菇片會偏多。外賣會細碗啲湯底方面，味道啱啱好，唔算太濃味亦唔淡。個芡勾得好平均，唔會好稠或者太稀，加埋啲醋簡直完美😋係熱愛碗仔翅人士嘅福音！！啲魚蛋同埋魚蛋就細細粒，有附咖哩汁，味道正正常常，稱唔上好食或難食🧐蘿白有時會有渣食完全部都夠飽👌🏻抵食！

大家樂$36超值選，基本上只有兩款碟頭飯定期輪流替換，今次食了貴妃鮑片雞粒炒飯，貴妃鮑片加上嫩滑雞粒，矜貴得嚟又抵食，配埋飲品都只需$36。貴妃鮑片為仿鮑食品，成份包括魷魚及鮑魚味醬汁。

每日午餐，唔想同人迫，唔想同人爭位，我會經常去大家樂食鮑汁炒飯，$36連飲品，加大飯底不用加錢，鮑汁用料豐富，配上不太甜，淡淡地，大大杯的凍低糖綠茶，非常超值。

總有一間喺左近，除咗便利店仲有大家樂有時唔想煩真係入去實有嘢啱呢晚唔想煮放工喺街食埋先返有飯有麵有小菜有中有西鐵板食扒都仲得呢晚想食中餐，叫咗個客飯加湯鍋蔥油雞小菜(半隻)半隻份量好足唔會畀一堆雞骨充數雞肉嫩滑夠入味，大量蔥I like it送飯一流，有少少後悔做咩唔叫多飯湯鍋呢晚係蕃茄薯仔排骨有少少蛋花唔會太咸都ok排骨煲完湯都唔會硬晒最鍾意上檯仲係熱嘅噴晒煙有時想懶少少唔煮都叫有啖湯飲下整體不過不失啦

6點幾，非常肚餓，點算呀！！隨意啦⋯⋯ 飛奔去大家樂食個晚餐想食燒味，就點了叉燒四寶飯 $43原來不包飲料，問問職員，今晚是什麼湯，加 $6 粉葛赤小豆唐排等了兩分鐘，可以拎餐濃濃靚湯，賣相吸引，材料多我鐘意這質感，確實是 粉粉 粉葛 當然有赤小豆 排骨非常好味半隻咸旦、瘦瘦叉燒、三片紅腸、滷水味雞翼，一條菜心 ... 餓過飢，吃得急，一啖飯餸、點啲薑蓉飲啖湯特別滋味滿足$49 美味 吃飽啦

我就叫咗個牛扒蛋就加咗兩條腸再轉個餐包凍檸茶收49.5。總覺得有點貴我唔係話唔捨得，但佢加錢嗰度，需要考慮一下。家長日加腸要一加兩條加$8⋯⋯食物水平啲快餐來講係合格餐包都算鬆軟這功勞因流轉快收銀和出餐阿姐都努力，合格廚房在繁忙出餐情況下，仍保持固有水準，值得一讚！但加錢加配方面，值得再深思一下慳膠方面，轉左慳膠更，呢個先係正路！整體環境清潔合格49.5真係有啲貴！$45或樓下，心理上可以舒服好多

早上要去圖書館找資料，想起南豐中心大家樂裝修後沒有去過。一進門即有驚喜，以為要排很久時，聽到服務員說“八達通可到這邊”，一看之下大喜，何只八達通，支付寶也可以，不用2分鐘就買好了。接著去櫃枱打算給票，服務員說看屏幕顯示即可。果然看到自己的票號顯示為制作中，然後安心找位置坐下，沒多久就打到吃的了。傳統早餐，多士轉了蘿蔔糕，很香很鬆軟。煎蛋賣相不錯，近全熟的蛋黃，美味。通粉爽口彈牙，最後一杯奶茶，依然很滑，保時水準。

作為 咖哩牛腩飯的粉絲，去到大家樂 縱使有千百樣選擇， 我還是選 咖哩牛腩飯作為我的晚餐，等了又等，等了快15分鐘 螢幕都沒有顯示我的號碼，原來已做好。飯取回來已經涼了一點， 咖哩是港式咖哩，主要是 咖哩粉＋水。沒有食到 花椒，八角，香葉， 桂皮的味道，像水般稀的咖哩 配上大薯仔。 牛腩的份量比較少， 味道還可以，炆得挺淋而不鞋口。最 驚喜是隨餐附送一杯紅豆冰，馬上令整頓飯的性價比提高不少。

今日返工無咁忙終於有一日可以唔需要食下午餐餐了,不過得一個人食,快快手手食個快飯就去左大家樂叫返個芝味厚切一哥焗豬扒飯芝味厚切一哥焗豬扒飯-個味又唔算好芝士味,焗一焗個面加埋蕃茄仲有豬扒都算幾厚身同鬆,味道都OK的再加埋杯咖啡,咖啡就一般啦,不過不失

身為香港人打工仔，生活一定好忙碌，到時食飯都冇時間，更何況邊有時間揀餐廳，大家都係諗住做好啲嘢，是但扒下啖飯就算，所以快餐店惹文化喺香港特別流行，相對其他國家簡直係數一數二，所以都為咗醫飽個肚都唔理得咁多有嘢就食咗先，當然大家樂係我哋香港人一個非常之有情意結嘅餐廳，佢嘅裝修簡單得嚟又有品味，而且喺街尾見到佢喺街頭都知道佢入邊有乜食，所以非常之適合我哋香港人，而且食物質素一定有水準，價錢方面又比較上平少少

一連兩日要上堂，得45分鐘放飯，所以一夠鐘，即殺入樓下的大家樂，快快手手，食完上返去。午飯時間，周圍都擠滿人，好彩咁啱有枱人起身走，即刻有位！一行三人都食燒味呢個「脆爆」燒肉，一d唔脆囉免費送綠茶，勁冰凍白切雞飯，老公食完覺得個肚攪攪地

之前食過大家樂的咖哩都覺得味道夠辣度而豬扒大片，今次出工作附近最快外賣就諗起去買，由排隊到拿起都差不多要十分鐘，可能比較多人吧。之後回到去開外賣見到豬扒都保持到大塊，但咖哩色有點怪怪，可能叫錯左另一款咖哩吧.....咖哩炸豬扒飯的咖哩味沒有咖哩味但好濃類似椰香感覺，豬扒份量足但凍而且都幾硬身，豬扒好薄身，白飯份量都夠多，可以飽肚，之後加錢再配凍飲，檸檬味好淡而且茶都也是, 但糖度太甜了，似飲糖水，下次吾會再叫這午餐來吃。