大家樂 (南豐中心)

營業中

休息中

今日同我嘅honey去大家樂食下午茶，計落呢一間大家樂好似都開咗超過15年啦， 上一次係同佢食大家樂係88蚊嘅蜜糖燒雞餐，嗰一個餐話係係for兩個人，但我覺得佢嘅份量係三個人食都完全冇問題， 令到我十分 印象深刻。今日同我嘅honey去食下午茶，我哋一樣叫咗一個半份公司三文治同埋魚腐肥牛麻辣米線 9月8日，冇straw日，supportsupport兩個水準都好好，唯獨魚腐肥牛麻辣米線嗰份量有啲少，等我逐樣逐樣講啦。魚腐肥牛麻辣米線唔會話好辣， 主要佢嘅味道都係麻，唔係辣。咁當然就同正宗嘅四川麻辣米線有個差異啦，但係唔影響佢好味嘅程度。肥牛好滑，魚腐就普通， 值得一提嘅係嗰隻湯我飲完之後我都唔覺得好口渴，which mean少味精(定係我味覺差lol)至於個公司三文治非常之足料入面有厚嘅雞蛋、火腿同埋、咬落去香口嘅煙肉 煙肉嘅油脂分量剛剛好。塊煙肉亦都唔會話燶，如果大家有印象嘅話食煙肉呢通常都係好燶，同炒蛋夾住食。但公司三文治嘅煙肉就唔會，咁啱我就唔鍾意食熱氣嘅，所以就非常之適合我啦。除咗呢三樣料之外，蔬菜嘅份量都好足夠，亦唔會話出現嘅情況啲菜多過其他料，very good特別順帶一提

大家樂下午茶大嬲都好受歡迎既！又平又抵食！今日來到荃灣大家樂，剛好遲了吃午餐，就試下佢個下午茶啦！叫左其間張家既「鹽焗雞腿米粉」$30，仲附送一杯飲品，要左熱咖啡！要候了5分鐘就拎得！staff仲會主動幫你搵埋位，抵贊雞腿開頭擔心太咸，但加左落湯到，咸淡是剛好呢！配住清清地既米粉食，女仔食晒全碗也不覺太heavy! 另外贊下個雞腿！好滑，不會鞋，不會因為下午茶賣平左而素質下降！另外，熱咖啡好飲，個人認為比起那些賣$3x一杯既連鎖店更佳呢！

今日一早去完開會就去吃早餐，都見好耐未試過食大家樂又見樓下有就試下，在收銀都等咗好耐先，再要去排隊拿食物，位置都幾難找到，因為都有不少位都未收執好，終於坐到諗住食早餐，沒想到這個早餐同圖片可以差咁遠。。。一見到隻碟再睇回塊雞扒細塊都嚇親人，仲要是凍，皮又難咬而且醬汁好少肉又鞋身。反而炒蛋仲有塊過雞扒而口感又吾老身，蛋味就普通。沒有叫多士轉為 蘿蔔糕但都失望，凍又沒有蘿蔔味而且粉太多，口感不好吃，夏天天氣咁熱當然叫咗杯 凍咖啡，凍飲方面是足夠夠透心涼但咖啡味偏弱和奶太多，整體同價錢好吾合比例，寧願食其他餐廳更好。

今日下晝去咗荃灣，周圍走來走去都唔知食乜好，見到大家樂就諗起佢嘅一哥焗豬扒飯，哈哈好耐冇食過所以就入去懷緬下😂好似冇乜點加價都係$40左右大大嚿蕃茄好好味！但係佢嘅豬扒已經冇咗以前果隻真係厚切豬扒，唔算真係好大塊🙈🙈🙈同埋佢嘅炒飯底好濕！！唔知點解佢焗完之後啲飯都係好粉一嚿嚿咁！不過當然有少少失望，因為好耐冇食過諗住可以食返當初啱啱開始出佢嘅焗豬扒飯嘅味道但係都係食唔番不過當然最後梗係會食晒啦🤣哈哈我係唔識青豆嘅😂所以每次食呢個飯都會整走晒啲青豆

下午去咗荃灣南豐中心同路徳圍行街🤣 勁多人，行到攰又落雨，所以就去咗食下午茶😊呢間大家樂好大 有2邊，但都好多人，幾乎冇位咁滯～ 位置都好闊👍🏻👍🏻我叫咗燒鴨瀨粉，下午茶好扺，$28！又有野飲👍🏻👍🏻😍 店既員工多，所以岀餐好快，我等左1分鐘都冇，服務員就行過黎問我小姐您等攞咩，之後就幫我拎，好細心！超級加分，冇諗過大家樂都有呢啲服務😍👍🏻燒鴨瀨真係好食～ 仲要下午茶黎講幾大碗！燒鴨皮好有肉汁😍👍🏻 好好食，瀨粉又唔會太硬👍🏻👏🏻

今晚，我同老公忽然好想食西餐，鋸下扒🍴，無意中見到大家樂新推出咗紐西蘭西冷鐵板餐 🐂仲要見到酥皮湯再度歸來，今次係黃金香脆經典嘅酥皮周打魚湯，而且今次仲要係唔使加錢添，$66有紐西蘭西冷、雜菜,仲要有個酥皮湯，真係好抵食呀😍😍😍過咗五分鐘左右，就可以去櫃面攞個鐵板餐呀 ！嗰塊西冷扒好厚身，但一啲都唔硬，都好容易切。我哋兩個人都叫左一樣嘅鐵板餐，但其中一塊牛扒比較多根。😂我哋都叫咗黑椒汁，個味好夾。其實仲有另外一個選擇，就係茄汁。😄我嗰份餐有好多娃娃菜，朋友嗰份餐就多啲椰菜、雜豆。呢個酥皮周打魚湯真係好好飲 非常夠熱，好creamy，飲完再三回味！食鐵板餐點少得凍飲呢🍹＼(^o^)／ 我哋加$7就有紅豆冰了，正丫整體來說，大家樂這個鐵板餐，真是物超所值， 記得要試下啦！*^O^*🖒🖒🍲

食tea 似乎已經變左香港人既習慣咁🙈可能壓力太大想要d 時間抖下啦, 而周圍都有既大家樂, 下午茶既選擇都真係多架其實大家樂d 燒雞翼好好食的, 唔會輸比d 日式韓式燒烤店架😂基本上d 下午茶餐都有埋野飲👍

其實連鎖快餐店來來去去都係嗰幾間，不過荃灣地鐵站附近就係大家樂天下，數年前大X活結業之後，如果要速食，我多數會去南豐中心分店，特別喜歡吃他們的菠蘿咕嚕肉，五十多元的價錢，有埋燉湯，啱哂缺少湯水的打工一族今次確實實有小小失望，我強調我並不是第一次試，但今次確實⋯⋯其中一半，脆槳多過肉味道本來是不錯的，但有好幾塊根本沒有肉似的還有，溫度好像是已經炸好了一段時間反而燉湯好Ok，好滋潤份量剛剛好，值得一讚衷心希望下一次來的時候，可以保持番之前嘅水準

返到荃灣, 本來想係大家樂食個鐵板餐, 但好多人, 無位, 又唔想等, 於是決定外買返屋企慢慢食。甚麼鐵板餐, 牛腩鍋, 雞鍋無可能外賣, 所以選擇不多, 叫咗個醇香酥排高湯菜飯。豬扒份量都唔少, 有 3 塊, 稍為炸得時間耐咗少少, 有 d 燶, 但勝在食落都 ok, 豬扒都林身嘅, 有幾塊翠肉瓜同椰菜, 但可能因為加咗 d 葱油, 所以感覺都幾油膩, 加多半隻雞蛋, 餸嘅份量ㄧ定夠食。碗菜飯都大碗, 多菜, 唔肥膩, 反而我覺得碗菜飯幾得, 加多杯熱飲 or 中湯, 都係 $44, 抵食之選。

今日tea 去左大家樂食 見佢新出左吉列豬扒稻庭烏冬 仲要優惠$26 咁就叫黎試下新野豬扒係厚切嘅 粉漿唔厚 肉質尚算淋且有肉汁 唔會太油膩 但唔夠熱我覺得個烏冬就普通 唔似稻庭烏冬 唔夠彈牙 個湯係味精湯 勁咸 算係咁啦 一個tea🙂

收工去左大家樂食烤雞餐$88，我地兩個想食好耐嫁啦，幾次係唔同地方問都話賣晒。今次佢都話賣晒，我地就走啦，行到一半，收銀姐姐叫住我地話有，原來仲有最後三份☺️都幾好賣啵，8點就賣晒了。講返個餐都幾抵食，一個雞，兩片薯餅，兩個粟米，一個芝士飯，兩杯凍檸樂。隻雞都幾大隻，個味道都唔錯。我地問店員攞左個手套就撕黎食。要200字先可以評分呀⋯⋯唔怪得咁多人講一堆唔關事既野😆我都想評分😊夠字未？大家好👋🏻下次見

放假自己一個人想搵個下午茶食下，又唔想咁貴，一個人又唔方便去啲靚餐廳食嘢，所以就是但搵間大家樂食就算喇。燒鴨瀨有脾食真係好喇，都算有油香，唔會太乾身，不過個瀨粉就碎濕濕咁，好難夾囉。

食切雞飯, 無俾姜葱, 問燒臘部頭戴廚師帽中年人問有沒有姜䓤, 他好寸說, "緊係有啦！" 好寸! 如果有, 剛才你又唔俾我? 咁嘅態度, 影衰大家樂及香港! 斬雞就斬啦, 講咁多廢話! 呢間大家樂仲要客人求執枱！

今早比較忙，十一時許才有空到大家樂“嘆”個早餐，點了一份「蜜糖雞扒早餐」，套餐有一件蜜糖雞扒，厚滑煎雙蛋，配一片牛油厚多士，餐飲可樂。雞扒，涼的，份量細少，皮也不脆，肉質有點乾，醬汁蜜糖味淡（更像蒜蓉汁），感覺像放置了一個上午似的…煎雙蛋，也是涼的，沒有用鹽調味，沒有“燶邊”（煎雙蛋“燶邊”才香脆吸引），幸好蛋黃沒穿。多士，普通多士一片，不是坊間的厚多士，牛油另上，而且多士已經“ 疏氣”，不脆身。由此可以肯定，十一點半吃早餐是個錯誤的決定，雖然價錢相宜，但份量偏少，女生吃了一整份都不飽，而且大家樂早餐是預早製定的，也不會給你翻熱，我接近午餐的時候才去，怪不得整個早餐都是冰冰涼涼的。

平時lunch, 如果想吃焗豬扒飯，我只會去大家樂。大家樂的一哥豬扒飯外表吸引，每次去拿餐的時候，也總會看到焗至美輪美奐的豬扒飯而且蕃茄醬夠多夠濃，配料加入多種蔬菜，如蕃茄、蘑菇、青豆、菠蘿等，可減低豬扒的膩感。另外豬扒不會焗得太乾身，一般也能保持水準，呷下肉質較"淋"身。再配一杯冰凍的可樂，簡單但完美價錢$50有找，價錢合理而且大家樂每區都會有，豬扒飯隱起都無有怕