大家樂

營業中

休息中

去屋企附近間大家樂食晚飯，買左生炒牛肉飯同老火湯，唔係好多人，揀左張近拎野食 counter 既檯，坐低等個牌顯示號碼。等左好耐都無我個號碼，之前見佢有碟似係炒飯既出左，放係個托盤度，又放埋煲湯，但都唔見個牌有打我個號碼出黎，心想可能係人地既，唯有再等。等等下見唔多妥，索性走埋去睇下究竟點。我企係度睇住兩個經理淨係執火鍋料俾人，個碟放左係度好耐既炒飯同湯就無人理！個阿姐見我眼望望，就問我碟飯同湯係唔係我既。低能既，我點知係唔係呀，應該由佢地話我知。個經理轉過黎問我買左乜，我俾張飛佢睇，佢指下個飯同湯話係呢個啦，我話放左咁耐，都凍哂咯。佢即刻好大聲咁話，唔好要，唔好要呀! 炒過俾你囉！ 我話炒過又要等幾耐？佢話起碼10分鐘度啦。我已經好肚餓，唔想再等，唯有要左個碟飯同湯。個湯係暖既，至於碟飯，未食過有咁多咁大舊肥膏同筋既生炒牛肉飯，連D菜粒都零舍大粒！張相見到既就係我揀出黎既肥牛膏同筋喇！！(我俾張相朋友睇，佢地問我係唔係食排骨飯？) 呢間大家樂真係好離譜呀！

在香港,晚餐的選擇多的是,不過最方便還是幫趁快餐店,嚴格來說,大家樂的套餐不算真正快餐,因為要等的呢!是晚一個人選了個啫啫花鵰雞煲套餐,這個套餐可算是實而不華,從照片中可看到一套四件清脆利落,香飯一碗,粉葛赤小豆豬肉湯一碗, 啫啫花鵰雞一煲及濃茶一杯.香飯:白飯質地頗軟,適合一般人食用,我但嫌份量是小了一點.粉葛赤小豆豬肉湯:比起一般茶餐廳的例湯,質感與味道皆比外面的好,兼且湯渣豐富,吃粉葛也能飽呢!啫啫花鵰雞煲:加入了花鵰酒一起作調味,醬汁味道頗鮮,煲內加入紅椒,蔥頭及洋蔥用以增強甜味,雞應該是冰鮮的,原因本港正值禽流感爆發,活雞供應暫停,因此雞件肉質稍遜色一點,幸好醬汁味道搭夠.濃茶:一杯飲了可以捱通頂的中國茶,幸好我一早已把茶包抽起，不然，那杯茶就會飲不得了.總括來說,這個套餐的質素算不過不失,如無奄尖的要求，可不妨一試.

同老婆兩個人想打下邊爐，但又怕唔食得多會浪費食物/金錢就黎大家樂打邊爐，基本上年年都會去打下既~貪佢夠抵我地叫左一個穀飼肥牛、手打肉丸既鍋 (1號~) $ 53一杯野飲加6蚊，兩杯加10蚊，我地一人一飲青檸冰我地要沙爹同豬骨湯底個火鍋其實兩個人食量唔大都夠食既，共有三盒野，一盒係肥牛，一盒係手打肉丸、魚片、豆腐、支竹，另一盒係菜，米線、之類既野，仲有一「條」蝦膠肥牛︰大約有4片到吧，幾好食，不過53蚊都預左份量唔多><手打肉丸︰一共4粒，有少少冬菇粒，食落似肉餅多D魚︰一共4片，細細片，過下口癮，不過味道OK，唔差布包豆腐︰幾一大舊蝦膠︰幾好味，真係見到細細隻既蝦其他︰米線同菜份量都幾夠，都OK既，加埋野飲就夠飽青檸冰︰清新開胃，正兩個人食飽都只係33.5...~

下午茶套餐, 叫了西多拼珍寶腸配咖啡西多很薄很細片... 珍寶腸既皮幾脆, 可惜唔夠熱咖啡唔錯, 呢間分店落奶既份量不多, 剛剛好就此渡過一個悠閒的tea time~