大家樂 (秀茂坪商場)

營業中

休息中

是日星期日，出完街順便外出用餐。晚餐時段，人來人往，看看餐牌選擇眾多，最後揀左兩個餐，三個食！🍲砂鍋雲吞雞雲吞有四大粒，味道唔馬虎，足料的。雞肉也嫩滑，而且窩底有滑滑的豆腐。🍲蜜汁叉燒雲吞雞同叉燒係一個套餐配一碗飯，碟叉燒份量都多，但屬瘦叉燒，肉質比乾身。🍲豆豉蒸金䱽魚配飯魚肉肉質嫩，蒸得剛剛好，魚肉配豆豉葱油好夾，唔會過咸。我哋食唔算大，但也不是細食，但今晚兩個餐份量啱啱好。沒有浪費食物之餘，也沒有增加胃的負擔。

大眾化快餐還是有種情懷，會想起童年的開心食飯回憶；還是有想光顧，有想坐低餐廳感受那氣氛……是晚平日，旅行完返來的晚餐，晚市時間，排隊買餐的人龍排到門外，最後選擇了：🔅一哥焗豬扒飯+特飲大大塊豬扒，肉質唔韌，都入味，炒飯底，份量都幾多。特飲底部有寒天波波，感覺幾清新。🔅口水雞配白飯+胡椒豬肚湯好少見有口水雞，於是試下。略嫌麻辣味單薄，唔夠香，唔夠層次，不過雞份量頗多的，皮脆肉滑。胡椒豬肚湯就太重味了！🔅咕嚕肉配白飯+中國茶+老火湯酸酸甜甜的咕嚕肉好好送飯，而且啖啖肉，開胃又送飯之選！老火湯食得出沒有味精，因為與胡椒豬肚湯相比下，味道淡好多。唔可能餐餐都大食大肉，有時食環境，有時食情懷，有時食相聚，形形式式的食肆，食得開心最緊要。

近排裝修完成，整體感覺進步了很多，也許換了一堆工作人員的關係？味道方面：整體不錯。1.鐵板餐鐵板夠熱，味道上不過不失，酥皮湯的湯味道怪怪的，純粹食酥皮更加好味。2.粟米魚柳飯的魚柳口感外脆內嫩，如果把配菜西蘭花移除會更好，超級味蕾的我吃不下，冬瓜盅真的很大，一個人吃不完。3.無骨海南雞飯配蝦餅，其實會有少少骨，配菜甜酸蘿蔔比較能增進食欲，但那些蘭豆真的不加好過加，而蝦餅配酸辣醬無論口感或味道都很好。環境方面：新裝修，坐得舒服。除了桌面上的那個另外貼上的指示牌（謝謝幫忙交回餐盤）極度多餘，當我移動飲品的時候還因這個凸起的指示牌令我的飲品倒瀉了。一些公司為了節省成本真的是想把顧客當狗訓？為了降低本港失業率，讓人人有工開，而且作為一個有思想的人，極度建議冇視。服務方面：也許是新店開張，員工都很熱情好客有禮貌，當我因為多餘的指示牌令飲品倒瀉後，樓面人員也很快把現場整理完畢，並放上防止地滑牌，這工作效率一流，不得不讚。衛生方面：新店，加上樓面員工勤快，在可見之處衛生水平很好。抵食方面：如果不是有電子優惠券，感覺真的是有些偏貴。希望以上好的方面能保持吧。

中午唔知食咩見好耐冇食過大家樂所以入去食下，叫左個一哥焗豬扒飯同一杯紅豆冰，個焗豬扒飯味道唔錯，啲豬扒好鬆軟好好食，但杯紅豆冰就麻麻，冇乜味，覺得唔夠甜，但紅豆都幾多同幾好食

一向都幾中意食大家樂的早餐及奶茶，而呢區大家樂都幫襯咗好多年，但每次都發現員工質素每況愈下，態度極為惡劣。一次早餐外賣，等極都未等到佢地叫號碼，走上前問，佢地竟然答我：係冇咁快叫號碼架啦，呢個態度，我真係以為佢係大家樂太子女，好彩呢區仲有間美心，其實美心啲奶茶都唔差😶

查實我就不嬲都鐘意食大家樂既炒蛋...雖然好肥...但每逢假日都會買魚柳炒蛋個早餐返屋企食既呢間分店長期都排哂隊.....次次都要等最少10分鐘....講返先~佢個炸魚柳其實幾好味既，配合他他醬食幾唔錯。炒蛋我就鐘意唔好咁熟個種，但有時廚房都會整到熟哂既俾我，真係好睇彩數食炒蛋我其實鐘意點少少他他醬上去食，聽上去好似好怪咁，但食落其實都幾夾，同埋感覺無咁肥膩另外佢地個火腿通粉都OK既~不過要加$6就有少少貴，因為個份量查實都唔多，係叫左有個粉落下肚咁其實佢地個牛尾湯通粉都幾好食架，但如果叫魚柳炒蛋就無得配牛尾湯通粉，一定要叫牛尾湯通粉個套餐，但就無魚柳炒蛋呢個配搭

超抵下午餐茶若你三，四點肚餓，最好tea一tea，你食下午茶當然求平,由當初$20-25有得落樓,到而家你冇$30-40都食唔到一個令你飽肚既tea。因為$20-25，或許你只有半塊奶醬多士加杯熱飲。月尾頹食去大家樂睇下有冇頹食之選，眼見都係巧立名目，冇野落肚既tea但當中有幾款特別平今次叫左濃湯火腿通粉，熱狗，紅豆冰只係$26你話$26有禁多野食，你仲期望d乜？當然未至於難食，係一般既水平係醫肚之選無飲管既推行，令我感到飲紅豆冰相當困難。

第一次來秀茂坪商場第一次幫襯呢間大家樂點知咁失望落左個所謂的酥排菜飯餐D餸燶到阿媽都唔認得食落口凈系得陣燶味 D飯又生生地，D酥排又好淋一D都唔酥本身個餐就已經等佐成15分鐘左右先有得食仲要系咁既野，又趕時間都費事換了，食咗半邊蛋同幾舊酥排走人理所當然一次就夠

想Encore大家樂星期一素食，點知驚見無左個牌(同Green Monday嘅Partnership完左?)，睇真有個新嘅"白玉環素珍"--冬瓜加西蘭花，珍珠筍等雜菜(應該無落雞粉，但依然食落有沙)，冬瓜大大舊，係夏天時令嘅好選擇，整體嚟講唔錯，如果係糙米會更好。希望佢地由星期一至三變成每日一素!