大家食

營業中

休息中

要了一碗茄蛋牛刀削麵,半個蕃茄切開庐份,味道濃郁;牛肉幾塊,質素一般;炒蛋2"舊",炒得略嫌有點老。麵質比旺角那間好,至少沒有粉味,也不會入口立即糊了一糰,口感尚算不錯。可惜湯底過於油膩, 吃罷後, 湯面"令"得可以照鏡, 如果可以用少一點味精就更加好侍應勤快而且醒目,於滂沱大雨下闖進店內,弄濕地板是少不免的,隨了趕快抺走水漬之外,還給我膠袋裝雨傘,不錯p.s. 吃完走出店外, 發現旁邊還有一間叫大家食,而且附有人像logo的, 想是同一集團分拆出來的吧,但論裝修,我吃的那一間比較好, 而且也較乾淨企理

真係平，大大碗。又係一間坐低要即刻叫的食店，好在幫襯的時間係過左午市，所以冇咁趕住趕住。一碗麵平均係$12-15，以現今物價黎計真係幾吸引，難怪係公司麻甩佬至愛。油菜都係3蚊一碟，份量ok既，但腐乳d味道好怪囉。食左個茄蛋牛肉麵，個湯底好似飲緊自己屋企煲咁，都唔會話難飲得去邊，牛肉唔鞋唔靭，但唔太入味，個人好後悔冇改到要其他麵(唉，要米粉都好啦)，個麵好難食，唔香口又靭，好似食緊一團麵粉落口咁，食極都食唔完，所以食哂d餸同飲哂d湯算了。環境算是企理，最開心係有電視睇，哈哈。

一開始係俾佢的招牌吸引，十分特別同有誠意啦，入去吃了擔擔麵，非常好吃，而且不過十二元，簡直是驚人發現。兩個人吃了擔擔麵、牛腩麵、加埋兩碟菜同一杯豆漿都係三十七蚊，每人唔駛廿蚊，都唔知邊度搵呀！

　早輪公司調我去深水工作幾個星期，問同事區內有乜好食，佢話大家食喇，我仲以為佢地話「大ｘ樂」，原來呢間大家食，連著名食家蔡先生都推崇備至，咁我又有乜理由唔去試下喎！　裝修欠奉，但係冷氣十足，加上有埋甚麼Plasmam 大電視，所以呢間一日到黑都吸引唔少人光顧。我返中，慣下午六點幾食，都有幾十人度食緊。尤其是響附近電腦商場買完靚仔靚妹，可能佢零用錢手緊，所以平就一定會吸引到佢。　佢手攪麵話到咁出名，我就叫碗四川擔擔手攪麵食喇，十二蚊一碗，比起早年確實係貴，但乜係通貨膨脹，況且十二蚊大大碗，唔怕辣連湯都可以飲埋，食埋油菜飲埋豆漿，都係廿皮。二十蚊而家響香港，響大間茶餐廰，一杯凍奶茶已經冇！　手攪麵配搭複雜配料例如牛腩等，都係十五蚊一碗，飲唔飲，食唔食油菜悉隨尊便，所以分分鐘最低消費十二蚊可以出到門口。比起同一條街譚仔記過橋米線，同埋周記油渣麵，佢認平認得第二，又有邊個敢認第一呢？　薄利多銷，老闆又親力親為，有乜辦法唔愈開愈多呢！聽講呢間觀塘裕民坊同土瓜灣譚公道，都有開分店，但係就叫「新之食」。

因男友心血來潮想食手攪麵,尋晚黎左呢間食,裝修過之後,企理左好多,乾淨左,光猛左,仲裝左部plasma;成間舖upgrade晒!^^...我地要左担担南瓜麵$12,爆醬牛丸刀削麵$14,炸韭菜餃$10,芥蘭$3,通菜$3.担担南瓜麵---size頗大,一堆肉碎,榨菜,咸菜加濃味既花生醬,辣辣地,十分惹味!但相當之油膩!我要撇左d油再叫阿姐比碗清湯我加落去先至食到;而南瓜麵亦頗有口感,煙煙韌韌.爆醬牛丸刀削麵---刀削麵亦頗煙韌,男友話似雲吞皮,哈哈!而d牛丸就吾得彈牙,一d都吾爆醬.炸韭菜餃(5隻)---中規中矩啦!吾太油但偏乾身.芥蘭,通菜---2樣都合格!以咁既價錢絕對抵食!service方面亦吾差!阿姐跌左我舊廁紙立即講"sorry"!埋單$42overall黎講有明顯進步,抵讚!

昨天再次光顧, 要了個茄牛麵, 加碟通菜及豆漿, 才$20, 十分抵!茄牛麵, 原本要了南瓜麵底, 但只給了手攪麵, 算了, 味道還不錯, 唯獨是牛肉實在有點"霉", 扣了點分! 湯底也有蕃茄味, 但味精也真是多了點!通菜新鮮幼嫩, 好!豆漿夠豆味又夠凍也不錯!

都已經不是第一次光顧，但這次覺得大家食差左，或是小弟的要求高左。大家食的麵水準沒變，茄蛋牛麵的水準依然很高。好味、足料、有特色，難怪是大家食的招牌菜。但環境方面，我這次突然覺得裝修不太好，是有點舊的感覺。福榮街的競爭很大，除了食物和價錢外，也得注重環境。三年前大家只注重價錢，十元一碗靚麵便能「大殺四方」。但今時今日，願意坐到街上吃麵的人少了，對環境的要求也高了。大家食開業五年(我有記錯嗎?)，也許\是時候翻新一下。這次我還發現店內張貼告示，說店舖會於月中搬，不知道是甚麼葫蘆賣甚麼藥呢？服務方面，其實一向都不算好，人們不計較而已。這次才剛坐下，便有一位伙記站在枱旁拿起紙筆等落筆。「大佬呀！就算黎過幾次，畀少少時間睇下菜單都得哇？」壓力、壓力、壓力……不知從甚麼時候開始，十元一碗的麵都漲價至十二元，不過依然抵食。

好多年前開始幫襯,當時佢一間分店都未有,果時一碗麵只係$8, 但十分足料!!d茄牛蛋好多舖滿碗面,多到唔似湯麵似撈麵,所以就算舖頭幾污髒都會去食下~前幾日再去懷緬下,點知....變晒!!加價不特止,d茄牛蛋少得可憐,每樣得2片,碗麵又淡又油...唔通人紅左真係會變??

手攪麵真係值得一試架, 仲有d辣蘿蔔仔都幾夠辣,係太細粒冇乜咬口.唔夠食可以叫多個豬扒,兩大塊切開一件件都係10蚊,但環境就真係差左少少.

~2/2/2005~星期3~7:00左右同男朋友黎食dinner人唔算好多下卡位靠邊坐尚算寬落點了南瓜手攪麵+蕃茄牛肉手攪麵+油菜男朋友話牛肉好味道係"業"過0既overall都唔錯唯一本人覺得唔太鐘意0既就係湯底感覺頗為油左0的喇食完個口有陣油味(可能係我問題)環境都okay接受到0既咁0既價錢唔可以要求要坐得舒舒服服0既!

試過蕃茄蛋手攪麵, d麵真係唔錯, 有咬口但d 湯(定d茄蛋)唔得呀, 好多味精, 勁口渴環境唔太乾淨, 俾我見到張枱有小強...

大家食d 手攪麵有幾掂大家一定唔會攪錯，錯的是以下食評所講的應該是以下這間總店，同樣是在福榮街的：深水步福榮街80號金陵樓地下(近桂林街)這間總店放在分店的幾頁後，難怪全世界都攪錯la !!!

同朋友兩個帶有少少"慕名"的心態來食, 地點唔難搵, 鋪面亦比預期的稍大及整潔.因已打算去食甜品, 所以只叫了豬油渣上海麵+東坡肉及茄蛋牛手攪麵. 豬油渣麵先上, 份量幾夠, 豬油渣及東坡肉都幾多, 試食了一件東坡肉, 入味亦夠淋. 仲有就係上海麵比平時的還要粗些, 好煙韌, 有口感. 到我的茄蛋牛手攪麵上場, 紅紅的湯, 麵上只有零零碎碎的茄蛋牛, 比預期中的失望了. 幸好手攪麵煙un唔淋, 湯亦合我口味, 看看價錢, $10一碗又確實交了功課.可能只是七點左右, 唔太多人, 由坐低到離開都只是半個小時左右的事, 對於我這個不太喜歡"等"的人來說反而不錯呢!

d 東坡肉整得好入味、又夠腍，手攪麵都好夠煙韌!正!

Dear all about 1-2 year before, New Open Time, Food and Price is very good, but in this time, "skin" quantitly is bad....although have not change, but very like eating in First time...."skin" is very good and Price also.... althouh this time "Skin" is not good... I eat this shop is Price Cheap..... I think Possible Boss have many "Fun Shop", so quantitly have not care......