大家食

營業中

休息中

平時收工收得夜，又唔想又係係屋企煮麵食，又要煮又要洗，麻煩又攰，所以去左呢間大家食買外賣。呢間平時好少食，多數都係夜晚宵夜既選擇，因為快靚正。男朋友最愛食佢既油渣麵，而我最中意食佢既米粉。大家食既菜莆都好好食，唔係得個辣字，仲會好香，每碗麵都會付上一個菜莆，俾你加落個麵食，如果有興趣大家食仲有得成樽甘俾你買返去，但幾錢就冇問喇。我最中意食佢既炸豬扒同埋鹵水雞翼尖炸豬扒佢會分開裝，唔會直接放落麵度，唔怕會淋哂而且炸得好香口，炸粉又少，好驚喜。另外鹵水雞翼尖夠哂入味，夠哂淋，正。所以真系宵夜必食😋

中學時期開始已經成日食大家食 今日午餐又係自己去買外賣食啦 拎張紙自己tick 每次都係叫一樣既麵一樣既餸 就係削搖麵 清湯底 配狀元骨 如果同我一樣咁鍾意食辣野既一定唔可以miss佢既辣菜脯 削搖麵其實有啲似刀削麵 不過闊啲薄啲 有啲咬口 狀元骨因爲炸過 所以會用個紙袋仔分開上 避免你外賣途中已經比湯浸淋晒 貼心呢 狀元骨就好似椒鹽排骨咁 雖然份量唔算多 但好好送麵 仲有一定要加既辣菜脯 令個清湯即刻有返個靈魂 咬落粒粒爽脆 配埋個麵一流啊 呢個組合真係食咁多年都唔會厭既 哈哈

黎到深水埗 野食種類多到數唔哂 但我既至雞始終都係大家食既茄蛋牛肉麵 成份碗夠哂大碗 蕃茄足有一個 牛肉同雞蛋烹調時間恰好 唔會有太老既感覺 手攪麵好有咬口 有彈牙既口感 未試過既朋友可以一試

餐牌彩色的，有很多格可供客人自己挑選。雖然餐牌上面有很多預設的套餐，例如什麼三寶麵，但是原來，其實價錢沒有優惠了，也就是＄20的一個麵底，再在上面加三個餸，如果價錢沒有優惠了，那我又何須要局限於這些選擇。於是便自己點了一個兩餸麵就算了。名字好像挺特別，叫做過山雞，但是我覺得，吃落之後，味道就好像家中，媽媽將雞脾肉拆出來，然後醃上醃料，拿去煎一煎那一種味道，不是什麼特別的菜式。豬油渣的確比較出色、炸完之後，不會太肥膩，外皮脆，而內裏沒有油份，油份都已經完全迫出來一般，爽脆，味道的確不錯。削搖麵，我覺得這一款麵不像刀削麵，但是仍然標榜是人手製，每條麵條的粗幼度也差不多。菜脯幾辣，辣得口都麻了。凍檸茶賣相吸引，但是其實沒有什麼茶味，檸檬應該不太新鮮，因此吉完之後都沒有什麼味道。都不太明白，為什麼有人會推介大家食，但是更加奇怪的是，很多返工一族都會來這邊吃，甚至乎委托一名代表買外賣。

located near exit a of sham shui po mtr .. good place for local food . all dishes we tried where good .staff were helpful. they had an english menu too. great experience

突然想食辣，叫左碗，十級麻辣勁辣手攪面，配鹵豬大腸 湯是好好辣，但仍然食到湯底的冬茹、蝦米味，湯是清甜得來又麻又辣，我覺得唔食得辣就唔好叫十級，因為真的好勁辣豬大腸鹵得入味，有口感而不會過淋，眼見大腸都洗得乾淨，食得放心

一個月無黎食，在點餐時，發現餐牌價錢部分略加$1，最重要的是，係辣菜莆以後都無得自由任加，如果要，每人就只有如圖的一小盒，再要就$2/一小盒。上次因為見到鄰座碗牛腩好豐富，鋪晒面，所以今次放棄食過山雞，點不知，牛腩得4小件，好後悔添，因為$19米粉+蘿蔔牛腩$8+麻辣$2，已經$29，早知食傳統粉麵店應該還好一點，起碼每碗餸麵平均，唔會碗碗大不同😯如果要食，都係東坡肉，過山雞為上上之選。

一直都係大家食fans, 荃灣汁左之後就成日去深水埗或者旺角食。每次我都會叫麻辣米線小辣走九芽，腩肉同必叫你麻辣雞翼尖，加杯凍0荼。湯底好正，會見到蝦米，如果鐘意可以落菜圃，米線都好爽。但好多人會叫佢個手搞麵。都好好味。十三會都唔錯但女仔好難食得哂，所以我都係叫我番兩個送算。麻辣雞翼尖真係無乜邊到有得食，同佢有女7,8隻，大隻。所以係我最喜愛叫既送埋單一個人40蚊之內，又平又好食

對於港島居住 港島工作的我無咩必要真係唔會過海但係今日同女友去了位於荔枝角公園的狗狗嘉年華樂而忘返去既期間經已唸定去完食大家食因為港島無分店以前讀書時在對面海兼職收工時先食到所以其實都幾年無食過!很喜歡這裡的村村住家鍋麵【即係碗麵會有蕃茄、九菜、海帶、紫菜、青椒、洋沖】離荔枝角最近又方便附近又有其他野行既分店就係汝州街呢一間搭了幾個站地鐵來到深水po我照舊叫了村村住家鍋麵，要麻辣湯，配料要了絕椒肚【豬肚】、豬潤質素沒有變，米線質感很好，湯底很香，豬肚好吃，但豬潤則一般貨仔女友則叫了酸辣湯底，炸豬扒米線豬扒香脆，但份量多一些會更好；湯底偏酸了一點，所以女友指出下次會跟我叫麻辣底

路過些地有些肚蛾，見到間大家食。以前都幫襯過其總店，以麵出名價錢便宜。入到坐下看餐牌發覺選擇很彈性,比車仔麵更佳！我選了手攪麵/酸辣湯底/配大腸及東坡肉。大約３分鐘上檯,呀姐拿碗來畤已贏印象分，個碗大得有些跨張，料佔大半碗。東坡肉及大腸每份約8件，麵有咬囗，湯底有不少配料，湯味不錯味精不太多(我飲淨少許致今個多小畤也不太囗渴。它一碗麵可等于人家２碗份量女仔會食唔晒，味道上乘HK$32超值。加6元有野飲。呀姐算勤快客气美中不足是茶水欠奉焗你買飲品！有机會都會再去。

純綷行過，又肚餓，所以入去食，叫左個原湯底手撹面拼黑椒牛丸，豬大腸及歺蛋。幾鐘意個面，因為比日本拉面粗少少又無烏東咁粗，又彈牙，所以幾好。d料都好足，黑椒牛丸，黑椒味幾出，豬腸ok，歺肉都算厚切。但杯奶茶就好差。可能因為佢地係侍應沖嘅，完全無技巧，埋單42蚊，都算貴

我零晨帶狗狗落去大家食買外賣啦,因為狗狗唔可以入去,所以我要係出面叫 ～我開左門大大聲叫左6聲唔該~ 叫外賣嫁,可唔可寫單?3個呀姐(仕應) 完全望都無望我~都唔知想點!!!我嬲嬲地再勁大聲一句~ 有無人采我 我叫外賣嫁!全埸既人都望住我,叫外賣都叫到我幾肉酸!~~好啦~~真係有人寫外賣 $$41 等左5 MIN 就有得拎我問Ｄ呀姐（仕應）有無辣菜莆，可唔可以比包我呢？個呀姐采都唔采我，要我留低隻狗係門口，自己拎，真係火滖！味道係唔錯既。。。。但Ｄ服務態度真係差到爆！

早兩星期上網無啦啦睇到王俊棠同埋喬寶寶個大家食廣告雜誌, 大笑過後先至驚覺自己原來係未食過大家食就算質素如何都好, 點都應該要試一次既, 反正突然想食油渣麵, 就襯英超早場前去快食一轉一入到去環境如想像中一樣, 係非常一般, 坐落覺得算係衛生已經合格有餘喇點左油渣絕椒肚削搖麵清湯絕椒肚係無咩味既, 係算攸幾爽口油渣唔錯, 係略嫌有D太大舊太硬削搖麵粗粗地條條都好厚, 幾特別既係個湯底個味又幾好喎, 濃味岩哂同埋碗野都相當之大碗, 下次叫一餸麵夠哂喇埋單$26蚊, 又真係幾抵食唔算好好味, 但係性價比高, 快食醫肚岩哂啦, 無咩投訴咯

我又黎搵好野食啦~今次簡左喱一間~同男朋友叫左2樣野~炸獎撈手攪麵~買相差就差左d~但d麵好好味~配青瓜炸獎一齊食~好夾第2樣就大家食老牛肉+炸豬扒飯~2樣餸都ok 好味既~唯獨係d飯~我本身鐘意撈汁~所以叫佢多汁~但食完男朋友就話唔撈汁會好乾~@ @仲有杯檸樂~原本超多冰~跟住跟支可樂(仔)~我話唔要咁多冰~點知倒左落個杯到2/3都冇~too bad~咁就收8蚊~最唔底係支可樂~

根據店鋪介紹削搖麵是店主在2000年創作出來, 用店家自製的小麥粉麵團經人手在自創的削麵機搖削出又扁又闊的麵條。 靈感源自刀削麵, 其後加以改良。由於進餐當日是教徒守齋日(聖灰禮儀日), 因此我們都不能吃熱血動物的肉(紅肉) ~(oo)~ 我便選擇了魚腐油豆腐配削搖麵(原味湯底)。原味湯底原來有用肉來煲 除此之外還有芹菜、旺菜、菜甫、蝦米、芽菜、調味料等......魚腐外炸脆而內裏軟淋淋, 比炸魚蛋更有風味; 油豆腐又好像豆卜, 不過真是比豆卜油潤一點點; 湯底很好喝, 削搖麵及油豆腐嗦盡湯汁, 感覺特別美味, 一點也沒有口渴的感覺; 削搖麵即叫即攪, 口感新鮮嫩滑而且彈牙丈夫也是選魚腐油豆腐配削搖麵(雲南酸辣湯底, 要加$2), 那個湯底含有旺菜、酸菜、芽菜、韭菜、辣椒、菜圃、炸醬、調味料等......可是到上枱才知道炸醬原來是肉碎 丈夫只好剔起佢地加$6有杯飲品, 凍熱都ok, 那麼就一杯凍檸蜜多甜少冰, 另一杯凍鴛鴦多奶少冰。 弄得不錯又好大杯原來早餐0600-1200時段, 單餸粉麵都是$17吃完飽飽, 丈夫又有滿足精神去打拼 >3<