大小姐冰室

營業中

休息中

今天叫熊貓外賣。點了干炒牛河。唔好意思，要改肉片，因本人不食牛。服務員打電話來問牛肉轉乜，我話什麼都可以，只是不要牛。服務員话轉頭再打俾我，佢要問一問先。跟住再打來，說今次轉肉片俾你，你下次唔好再叫，唔准轉。皇恩浩蕩，多謝哂。我知道了，永不會再叫。再講食物全部可能唔記得落鹽，冇味的。

在open rice見到有「大小姐冰室」加入外賣自取 真係好開心, 方便隨時訂外賣平時常見都是火腿通粉、雪菜肉絲米、沙爹牛肉麵吃去吃都有點厭揀在個平時較少有得吃嘅早餐「韓式豬軟骨辛辣麵配黑松露炒蛋連熱飲」份量都幾多，可以當Brunch (早午餐)吃牛角包普普通通，黑松露炒蛋好嫩滑好味，泡菜+豬軟骨辛辣麵，酸酸辣辣好醒晨又醒胃，豬軟骨煮得軟腍入味，入口即化，勁好食餐後喝杯回魂香濃咖啡，今日我嘅能量指數有提升啦「韓式豬軟骨辛辣麵配黑松露炒蛋連熱飲」$45

同朋友去食早餐，叫左早餐二十分鐘只來了飲品，已多次同職員反映差個牛肉麵未到，只回覆處理中。之後有職員過來問我差咩未到，完全冇幫我跟進。之後隔離枱新進客人陸續上餐，只有我個牛肉麵沒到。之後拎了個牛肉麵俾我但發現是第二枱客人號碼，即刻拎走，明明係我要既麵，佢就唔係先俾我係俾其他人。最後等左30分鐘，仲未黎就嬲到走人。

放工約咗屋企人喺炮台山食晚飯，知道英皇道有間「大小姐冰室」，小菜非常出名，提議過去試下。餐廳嘅招牌好 Sharp 醒，純白門面、米白牆身，再配以一室簡潔明亮嘅裝潢，環境時尚有格調。餐牌分門別類，選項豐富。我哋點咗個精選二人餐 ($228)，套餐包自選菜式兩碟，另附送白飯、是日燉湯或例湯及熱飲兩杯。是日燉湯為蟲草花燉赤肉，燉湯真材實料，湯水清甜滋潤，蟲草花香味濃郁，飲得出冇落味精。跟住係是日海鮮，茄子盲曹 (+$10)，盲曹比想像中大條，先炸後炆，魚肉新鮮度足，食落非常嫩滑，配上軟腍入味嘅茄子，送飯一流！豉汁蒸白鱔 (+$30)  白鱔蒸得啱啱好，肉質肥美，食落爽脆彈牙，豉油同豆豉嘅份量亦拿捏得十分準繩，味道唔會過咸，墊底仲有滑嘟嘟豆腐，大人細路都啱食。跟餐飲品選了押上店名嘅大小姐紅豆奶茶 (+$9)，奶茶甜度剛好，紅豆粒份量足，夠腍夠綿密，順滑有茶香。另一杯熱柚子蜜味道亦唔錯，清香順喉。

諗住簡單叫左個梅菜扣肉飯，點知中伏。好耐都未食過一個小菜令我要嬲到食食評。個小菜上檯已經心知不妙！梅菜扣肉成個餸好似焗左好耐，梅菜響個面壓到匾晒，焗到黑色咁滯；翻開啲梅菜，見到啲肉乾爭爭，放入口鞋到想講粗口。成個菜完全冇梅菜扣肉嘅香味，得個咸字。再講啲白飯，係咪無水煲飯，粒粒米到硬到人都癲，咬到牙較到軟。呢個小菜收$70，小小誠意都要掛！完全唔係果回事。所以話，相片與實物不符唔好怪人，只怪自己選左食店。將呢間店放入blacklist第一位。

餐廳對正炮台山地鐵站見個名幾得意入咗去坐見門口唔係好多人 原來入面鋪頭勁大靠裡面位置都坐爆曬午餐大概$6x 包熱飲叫咗個乾炒牛河 夠乾身 加埋辣醬都幾好食嘅👍🏻朋友們叫嘅午餐賣相好靚喇沙同埋蕃茄湯底睇落個樣都好靚仔🤤味道亦都唔錯野飲方面熱奶茶普通 唔會澀但餐廳有提供一啲有cream 嘅凍咖啡做特飲都幾得意😝少係呢啲冰室類餐廳會見到😁😁QR code落單 埋單無加一隨便試下但整體都幾好到炮台山呢頭會考慮再嚟食😙😙

放工同屋企人黎呢邊食晚餐。店內環境寬敞，坐得舒適。餐牌上有好多選擇，可以用QR code落單好方便，實體餐牌亦有中英對照。先黎一盅五指毛桃燉雞湯，鮮甜不油膩而且夠真材實料。主食揀左新加坡海南雞飯，同埋西芹腰果蝦球。海南雞鮮味而且夠嫩滑，配番茄片同青瓜片清爽不膩，飯粒分明有口感。西芹汁多爽脆，蝦球新鮮爽口，腰果亦夠香口，配上雜菇更有風味。另外仲叫左沙嗲牛肉麵，係傳統冰室必點食物，牛肉唔會韌，沙嗲味濃夠哂惹味，麵質亦岩岩好。最後再加杯凍檸檬茶夠哂滿足，凍檸茶份量多，甜度同檸檬適中，好飲又解渴！

大小姐冰室 北角英皇道165-175號公主大廈01及10-13號地舖Shop 01&10-13, Princess Mansion, 165-175 King's Road, North Point晚餐餐廳有一人餐$118包括一個小菜加燉湯同飲品，2人份$228自選2個餸加湯，白飯，飲品椒鹽肉排，咬落去非常軟香，配合椒鹽同炸蒜下味道更勝一籌，很下飯蟲草花豬肉雞腳湯，落了紅棗勁甜。金銀蛋肉碎浸時蔬，食返碟菜，有金銀蛋就唔會太單調，美味家常菜額外點了炸雞髀，女朋友話頭先想食tea 無曬，要食返補數，香脆可口餐飲我叫凍檸茶#香港美食 #hkfood #hkfoodie #yummy #foodporn #delicious #cuisine #restaurant

一早做完運動好肚餓 經過意間餐廳見倒佢甘豐富嘅早餐選擇 即刻衝入去 好少見有餐廳有牛角包🥐or薯餅可以揀配黑松露炒蛋🍳 仲可以揀多款 腸仔／火腿／煙肉麵食方面 我就永遠抵抗唔倒任何蕃茄湯底嘅choice 所以就叫左蕃茄牛肉通內心不停掙扎食個五香肉丁辛辣麵 更邪惡蕃茄牛肉通佢上錯左做米粉 無所謂照食啦不過吸湯吸得勁快 都係通粉好d 湯底較似家常嘅蕃茄湯 仲有好多薯仔粒 食落覺得無味精~ 牛肉份量都好多奶茶 夠濃滑 pass🤣黑松露炒蛋 煙肉 薯餅 意個組合 一個字 正！唯一就係 一般嘅女仔 應該食唔曬🤣可以扣底

worst spaghetti ever. cant even call it food. absolutely atrocious. an embarrassment to such a divine delicacy. total piece of garbage. a bird could have took a dump on it and it would still taste the samethe other food is nice tho

係炮台山地鐵站B出口對面有一間裝修別具一格的大小姐冰室。門口的裝壁上有幅掛畫，由於地點係炮台山，有電車，所以掛畫上有電車，真係十分有心思。晚餐時段入座率有八成，非常熱鬧。晚餐餐廳有一人餐$118包括一個小菜加燉湯同飲品，2人份$228，3人份$338當我落單時只係將近7點半已經聽到河粉，豉汁蒸白膳，春菜排骨煲已經售罄，仿佛感受到餐廳食客的肯定。今晚我叫左我最喜歡食的京都豬排🐖上檯時非常有驚喜因為有洋蔥，所以香氣撲鼻加上豬排係煎完再加汁煮，煮到收晒汁所以每塊豬排肉質非常鬆化，又多汁燉湯蟲草花燉雞湯🐣非常足料有紅棗，紅腳，非常滋補餐飲我叫左$32紅豆奶茶🧋紅豆起晒沙，粉量多，非常清甜奶茶非常絲滑加班後食到美味的晚餐，非常滿足❤️

身為北角人成日都經過炮台山見到有間新開嘅「大小姐冰室」，門面光猛，裝修簡潔，今晚就去試吓佢啲鑊氣小炒同焗飯😋碎蛋流心蛋治+烘底麵包烘得剛剛好，香脆鬆軟，三文治裏面夾住碎蛋沙律同流心蛋，而且餡料非常多，每啖咬落去都充滿蛋汁，蛋味香濃👍🏻避風塘安格斯牛肉炒河鍾意食辣嘅朋友仔一定要嗌呢個乾炒牛河，以避風塘手法去炒，非常有鑊氣，加上炸蒜、乾辣椒、花椒，香口惹味，牛肉肉質細嫩爽滑，有別於一般茶餐廳嘅乾炒牛河🉐咖喱雞扒焗飯即叫即焗，上枱時仲熱辣辣，兩大塊嘅炸過雞扒，非常厚身，雞肉依然保持嫩滑，上面鋪滿芝士同咖喱汁，芝士仲可以拉絲添😋味道香濃，炒飯底粒粒分明，每啖飯都裹上芝士同咖喱汁，大滿足椒鹽鮮魷魷魚新鮮爽口Q彈，炸至酥香金黃嘅鮮魷配上炸蒜，真係好食到停唔到口😆炸粉熱唔會過厚，鑊氣十足，超級惹味爆珠雜果賓治雜果賓治用咗梳打汽水加入大量嘅雜果同芒果爆爆珠，正好可以解一解辣華田暴龍脆脆華田加上阿華田脆脆，口感豐富📍大小姐冰室 (北角)北角英皇道165-175號公主大廈01及10-13號地舖人均消費：$150-200食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

這家冰室茶餐廳非常受歡迎，位於市區中心，裝修簡單而不失雅致。店內提供傳統的港式茶餐廳美食，例如豬仔飯、蛋撻、燒賣和奶茶等等。豬仔飯非常推薦，飯飯飽滿，肉肉鮮美，而且份量十足，非常值得品嚐。店家的奶茶也非常有口感，濃郁香醇，喝起來意猶未盡。此外，這家冰室茶餐廳的價格相對比較實惠，不會對消費者造成太大的壓力。唯一讓人不太滿意的是服務速度稍慢。總體而言，這是一家非常不錯的冰室茶餐廳，推薦大家前來品嚐，享受地道港式美食的美好滋味。

今午需要到銅鑼灣開會，意想不到提早結束，因此可意想不到提早找新地方吃晚飯。查看OPENRCE在銅鑼灣至最遠北角一帶的食店，以港式+粵菜的目標選擇，很快便找到這一間，大小姐冰室。數月前曾以電車晚間漫遊銅鑼灣以東沿線，記憶所及，這一間應該是新開不久的店，決定一試。說穿了其實是給網站中，浦東松子魚的相片所鈎引。個人對貎似五柳魚類近的菜色有所迷戀。作為典型港女口味，對一些餐前小吃(因為吃不飽又好看，兼可以打下卡)有些忍不住口。查看了一下，就給我發現這個奇怪名稱的小吃==>係威蝦多士伴沙律。1)先到是這個蝦多士。嘩，實在是匪夷所思的好看及好吃。原以為只上一塊法色麵包上面有一隻烤了的中型蝦，豈料蝦和法包之間，再配以一層蝦膠，兩種不同質感蝦味混合起來之味道，簡直不能言喻。只可以說，唯有親自品嚐過才能感受當中之美味。2)隨後便是浦東松子魚(五柳魚的朋友？)…單是擺盤已經令我喜出望外:原條魚開邊經過油小心的油炸烹調，竟然可以呈現展翅的模樣，只能說一句:絕。最後配以薄薄酸甜的醬汁，恰巧不會蓋過魚肉的味道，值得一試。3)干炒牛河醬油色澤較深，河粉厚度較一般食店為大，喜歡河粉有口感、彈牙和偏愛濃味的人

之前搭車經過見到呢間「大小姐冰室」，因為個門牌，所以特別有印象。既然去開附近，就順便食埋飯避風塘安格斯牛肉炒河 $118份量足，二人share都夠，略嫌花椒油偏重，麻丶辣味搶咗安格斯嘅牛味浦東松子魚 $128好少會喺港式餐廳見到松子魚，雖然無𠝹花，但賣相都唔錯，炸得皮酥肉嫩，魚肉嫩滑，酸酸甜甜，送飯一流燉湯 $38是日燉湯係無花果燉雞，加咗圓肉丶紅棗，味道清甜大小姐紅豆奶茶 $32見到有”大小姐”為名，估計係呢度嘅招牌產品，奶茶底淳滑，紅豆未算軟腍起沙，我就比較鍾意呢種有咬口嘅質感，少甜啱啱好凍檸茶 $22正常發揮，只要檸檬夠新鮮，走甜都好飲