大小姐冰室

營業中

休息中

我公司在附近，自然常幫襯附近茶記食晏。呢間野上一身是時代冰室，再之前係乜已唔記得、只記得常轉手，到有一日來左呢間大小姐。最初佢既食物是 ok 架，夠熱，味道不錯，但佢有著間間茶記都有既問題，就係有頭威無尾陣，水準是轉渣左。侍應更甚。我定時都有幫襯，睇住佢地既侍應越來越大牌，尤其四眼個位男士，以為佢係老板添，下下串人。之前學人地d 店整個二維碼叫客自己落單，大佬，打工仔食午飯，碌來碌去個表，碌完都無左 10 分鐘，明明成堆侍應無野做，叫佢幫手落，四眼佬一句：唔得架，你要自己掃碼落架！即係唔識用手機，無帶手機係無飯你食架！我落單慢，你翻枱也慢，對大家有乜好處先？咁就比佢串一野！好，今日，去到叫碟炒貴叼，我一向都知好多茶記下下要草埋 N 碟先一齊炒一齊出，你生意難做我明，唔想開幾次火我都明，但你又明唔明我 12:13落單，等到12:38 都未有得食，我食飯只一小時，呆坐都 25 分鐘，係唔係預我碟野到，打開個口就掃落去當食完？追一下單，問佢你即炒野下下草埋至做，咁就應講明無 20 分鐘肯等唔好叫丫嘛，四眼佬即串話：‘我地點做野唔關你事、依家有得比你食就得啦’ ！ 好野呀！串得好呀，我來比錢食

👍🏻花膠鵝掌飯(送例湯) $88👍🏻百花炸釀蟹鉗 $28/隻第一次喺茶餐廳食到鵝掌花膠同炸蟹鉗，我諗香港可能得佢哋一間咁做🤔鵝掌好大隻，入味離骨，好香嘅八角味，芡汁鹹香適中掛汁花膠炆得腍身黏口，充滿骨膠原炸蟹鉗熱辣辣，外層脆薄，內裏飽滿彈牙拍得住酒樓質素，抵食有驚喜🤤-👍🏻升級燉湯 +$10推薦加$10轉是日燉湯！當日係五指毛桃燉雞，鮮甜足料大碗不過想飲就趁早嚟，店員話有時晚市七點幾已經賣晒-👍🏻麻辣雞扒一丁(包嘢飲) $52趕到尾班車530pm嗌下午茶餐，大大碟即叫即炒🔥麵質爽彈，炒得好有鑊氣又唔會太油膩，充滿花椒麻辣香雞扒皮脆，味道就正常發揮跟餐送熱飲，凍飲加$3，呢度熱鴛鴦沖得唔錯-👍🏻大小姐焗豬扒飯 $78招牌之作，豬扒鬆軟有肉香，厚切超級大塊，好誇張😳炒飯底粒粒分明，醬汁酸甜適中，加上芝士鹹香份量十足，細食啲兩個人share都夠-門面裝修好似Cafe咁，比起一般茶記光猛整潔，闊落好好坐以味道、份量、環境、地區嚟講，價錢算抵食款式多同有特色，尤其鵝掌飯，值得回訪👍🏻-片中其他菜式價錢參考🔸川味雞煲 $108🔸生炸雞髀伴薯條(包嘢飲) $42🔸特色豬扒包 $30🔸西多士 $35🔸

喺炮台山地鐵站出口對面，有好多嘅餐廳，方便午膳。平日1:00左右，有部份餐廳有需要排隊。黎到大小姐冰室附近，唔需要排隊就試一試。餐牌上面有十分多嘅選擇，唔同日子有唔同嘅午餐提供，有選擇困難症嘅人可能要諗耐少少見到個特餐有相片參考提供，多非常吸引，決定一試。呢個特餐包含一份丹麥多士、午餐肉、及煎蛋🍳。丹麥多士冇想像中咁趣脆，而且唔夠熱，所以普普通通。午餐肉同煎蛋就正常發揮。而喇沙湯底比想像中濃郁，有雞扒汁豬扒可以選擇。而且喇沙湯底仲有唔少配菜，包括雞蛋，豆腐卜及魚片等等。所以份量加埋都比較多。成個餐加埋嘢飲都係$60左右，都算抵食。

大小姐冰室地址: 北角英皇道165-175號公主大廈01及10-13號地舖電話: =====================香港生活圈子細，放工同假期都喜歡靜靜的簡單的，去了選購xmas 靡禮物（買了實用的小家電）再所去食dinner晚市有小炒食，入到去比想像中大間，坐位都好多一人餐點了餸，椒鹽肉排，豬扒切食方便食用大小，而細心放了些生菜絲在底，可以有爽脆口感，豬扒味道濃郁，下飯一流。包燉湯，個燉湯勁熱，喝時小心，足味又養生，紅棗檔蔘雞湯只是呢盅湯就值回價了$128 蒸荷葉飯，有龍躉或鱔，飯舖到滿滿的仲要有炒底，飯吸了荷葉香氣，龍躉厚切舖了蒜來蒸，配住家餸比酒樓相宜，餸都是大大碟，這個餐食3個人都卓卓有餘。比酒樓食飯平一截，又大大碟食得出有用心做，以客人為先做出發點！

今天係假期和朋友去北角滙行街，再向炮台山方向行過去。 不經不覺已到下午茶的時候， 一於揾間茶記醫肚！見到一間白色大招牌，叫大小姐冰室。 它在北角英皇165-175 號公主大廈01及10-13號地舖。炮台山地鐵站B 出口一出，就在對面，十分方便！餐廳環境十分寬敞、整潔乾淨、光猛舒服！枱椅有卡位和圓枱位。 它是港式傳統冰室： 粥粉麵飯、茶餐、常餐、下午茶餐等等，餐廳食物很多：意粉、海南雞和泰式食品都有。 我們有啲肚餓，叫了三個下午茶餐吃到飽！#西多士# 一大塊厚切多士淋上蛋液炸起。 上面鋪上冰硬厚牛油和忌廉，切開一齊與牛油和忌廉食，香酥又軟，超美味！#生炸雞脾伴辣味薯角# 新鮮生炸雞脾，香脆可口，雞肉很嫩滑有汁唔會乾。 薯角炸得脆，熱辣辣的，沾茄汁最啱！#星洲炒米# 份量十足，材料豐富： 牙菜、肉絲、蛋絲等。 米粉炒得很乾身和香口，真的很地道的感覺！飲品： 大小姐紅豆奶茶，有很多紅豆，奶味香濃，甜甜的味道，不錯！ 還有的是茶記傳統的奶茶，茶味濃，花奶香，真的是香港的味道！這間茶餐廳的食物既傳統又地道，選擇真的很多，多吃幾次也試唔哂！質數高、味道好又價錢大衆化，真的要推介給大家來試試！

尋日阿仔學校旅行, 今日放假一天, 咁得就唔洗咁早帶佢返學, 有時間嘆個Good Morning.平時喺炮台山港鐵站一出就見到大小姐冰室呢個茶記, 好想食好耐架啦, 因為有時經過望下D餐牌, 有D特色野食. 今日終於有機會可以嘆個早餐.茶記早餐通常都係A餐通粉, B餐沙爹牛肉麵, 今日就食個扒餐開哂心下. 叫左個雞扒, 腸仔, 炒蛋, 牛角包扒餐, 再嘆杯即磨咖啡.炒蛋金黃色, 半生炒, 重有蛋汁流出, 蛋味香濃, 份量超多.雞扒夠大塊, 外皮香脆, 肉質嫩滑, 重有肉汁添.腸仔, 牛角包都好好食, 牛角包好鬆化.嘆完個Good Morning 又係返工嘅時間啦.

過去週六下午去了附近隨意找了一家茶記見呢間幾新淨闊落....֒ 🍗炸雞髀伴沙律 $42 ☕️ 即磨齋啡 $24...是真的即炸🥹上檯時見到果陣熱氣的樣子同剛炸起的熱氣味👃🏻配上甘荀薯仔沙律～ Ok 的皮切開後，相當嫩滑的雞肉🍗只可惜肉真係好咸🥵🥵🥵

今日難得同朋友出到嚟，不過覺得好肚餓，一出地鐵站就見到一間牌面雪白亮麗嘅大小姐冰室，二話不說就入去覓食啦餐廳環境潔淨光猛，有卡位，有圓枱位。除咗港式傳統冰室嘅粥粉麵飯，茶餐常餐外，餐廳菜單食物多元化：西式焗意粉、星馬海南雞、泰式小炒，一應俱全落單仲可以驚QR code，方便快捷，以下就係我同朋友叫嘅菜式：碎蛋流心蛋治雞蛋夠Creamy，加入流心蛋黃嘅滑溜，成份三文治有入口即溶嘅口感，鍾意食蛋嘅朋友唔好錯過啦新加坡海南雞喇沙湯麵海南雞：肉質鮮嫩，有雞油香，仲有經典三色醬任你揀叻沙湯麵：湯底重椰奶味，唔會辣，啱晒我唔食得辣。油麵煮到好林身，索晒湯汁，仲有腐卜同雜菌做配菜蝦仁炒滑蛋冰室必叫港式經典小炒，呢度既炒滑蛋好香滑，而且重奶味蝦仁就夠爽夠大隻，加入韮黃炒，惹味Up 鮮茄腐竹野菌浸時蔬呢個菜式又蕃茄、富足、紅蘿蔔、雜菌、莧菜，營養充足，而且唔會有味精，健康之選華田暴龍脆脆冰室特色飲品，華田味濃郁，然後朱古力脆脆好有口感，飲完充滿力量啊

喺朋友嘅社交平台，見到佢杯紅豆冰奶茶，令我將佢狠狠記住。今日經過炮台山就諗起佢，但我哋咁啱又食飽飯，於是決定過去飲杯嘢。入到去啱啱過咗午飯時間人口不多座位任坐，地方企理都好乾淨第一印象唔錯。手機落單快靚正熱鴛鴦溫度足、咖啡味較重，口感一般滑，略帶點苦，味道較重。終於等到依杯奶茶紅豆冰一睇就知會令到我失望，因為紅豆蓉超級少，我諗大約只有1/10， 賣成30幾蚊，食水都好深吓。唔好理紅豆正唔正，但係已經大打折扣，奶茶比較稀，茶味略為淡薄。飲完呢杯嘢令到我對佢哋嘅食物都沒有期望。

過親嚟炮台山、北角一帶，都喺換禮品，咁啱今晚老婆自己有飯局，一支公快靚正之選，就梗喺茶記啦。記得早前睇過食友嘅食評，介紹過一家就晌炮台山站對面嘅「大小姐冰室」，大讚其小炒幾出色，所以，趁機食埋個晚飯先返屋企。一出地鐵望過對面就見到店家蹤影，由於門面光猛，好易認。一室米白為主調，裝修簡約得嚟帶點時尚感，最好喺整潔明亮。以為一字長形睇晒成個鋪，原來餐廳呈L形，入到尾仲有好多卡位，而且，啲卡位好闊落，就算喺茶記，都讓人覺得舒服好坐。好多時餐具、紙巾、調味料都會預設放晌枱旁，但要讚嘅喺排列整齊，很有整潔感。主餐牌以一幅線條簡單嘅水彩彩繪作頁首，小弟幾鍾意，很有清爽感。而裡面有齊皇牌推介、焗飯、特色小菜、炒粉飯麵、有營素食、三文治、多士、各種飲品。有少少圖片輔助，仲中英對照，令啲外國遊客點餐方便好多，可大大推廣茶記文化。不過，食友就話唔好錯過佢哋嘅小菜，揀精選晚餐就最划算，因為已包燉湯（或例湯）及餐飲，而當中可以選一人餐$118、二人餐$228、三人餐$338，部份菜式需額外加錢。同樣有英文餐牌，唔喺間間茶記都會咁做。時下好多餐廳都用二維碼自助下單，呢度都喺，但值得讚喺介面分類比較清晰，易用，轉

今天叫熊貓外賣。點了干炒牛河。唔好意思，要改肉片，因本人不食牛。服務員打電話來問牛肉轉乜，我話什麼都可以，只是不要牛。服務員话轉頭再打俾我，佢要問一問先。跟住再打來，說今次轉肉片俾你，你下次唔好再叫，唔准轉。皇恩浩蕩，多謝哂。我知道了，永不會再叫。再講食物全部可能唔記得落鹽，冇味的。

在open rice見到有「大小姐冰室」加入外賣自取 真係好開心, 方便隨時訂外賣平時常見都是火腿通粉、雪菜肉絲米、沙爹牛肉麵吃去吃都有點厭揀在個平時較少有得吃嘅早餐「韓式豬軟骨辛辣麵配黑松露炒蛋連熱飲」份量都幾多，可以當Brunch (早午餐)吃牛角包普普通通，黑松露炒蛋好嫩滑好味，泡菜+豬軟骨辛辣麵，酸酸辣辣好醒晨又醒胃，豬軟骨煮得軟腍入味，入口即化，勁好食餐後喝杯回魂香濃咖啡，今日我嘅能量指數有提升啦「韓式豬軟骨辛辣麵配黑松露炒蛋連熱飲」$45

同朋友去食早餐，叫左早餐二十分鐘只來了飲品，已多次同職員反映差個牛肉麵未到，只回覆處理中。之後有職員過來問我差咩未到，完全冇幫我跟進。之後隔離枱新進客人陸續上餐，只有我個牛肉麵沒到。之後拎了個牛肉麵俾我但發現是第二枱客人號碼，即刻拎走，明明係我要既麵，佢就唔係先俾我係俾其他人。最後等左30分鐘，仲未黎就嬲到走人。

放工約咗屋企人喺炮台山食晚飯，知道英皇道有間「大小姐冰室」，小菜非常出名，提議過去試下。餐廳嘅招牌好 Sharp 醒，純白門面、米白牆身，再配以一室簡潔明亮嘅裝潢，環境時尚有格調。餐牌分門別類，選項豐富。我哋點咗個精選二人餐 ($228)，套餐包自選菜式兩碟，另附送白飯、是日燉湯或例湯及熱飲兩杯。是日燉湯為蟲草花燉赤肉，燉湯真材實料，湯水清甜滋潤，蟲草花香味濃郁，飲得出冇落味精。跟住係是日海鮮，茄子盲曹 (+$10)，盲曹比想像中大條，先炸後炆，魚肉新鮮度足，食落非常嫩滑，配上軟腍入味嘅茄子，送飯一流！豉汁蒸白鱔 (+$30)  白鱔蒸得啱啱好，肉質肥美，食落爽脆彈牙，豉油同豆豉嘅份量亦拿捏得十分準繩，味道唔會過咸，墊底仲有滑嘟嘟豆腐，大人細路都啱食。跟餐飲品選了押上店名嘅大小姐紅豆奶茶 (+$9)，奶茶甜度剛好，紅豆粒份量足，夠腍夠綿密，順滑有茶香。另一杯熱柚子蜜味道亦唔錯，清香順喉。

諗住簡單叫左個梅菜扣肉飯，點知中伏。好耐都未食過一個小菜令我要嬲到食食評。個小菜上檯已經心知不妙！梅菜扣肉成個餸好似焗左好耐，梅菜響個面壓到匾晒，焗到黑色咁滯；翻開啲梅菜，見到啲肉乾爭爭，放入口鞋到想講粗口。成個菜完全冇梅菜扣肉嘅香味，得個咸字。再講啲白飯，係咪無水煲飯，粒粒米到硬到人都癲，咬到牙較到軟。呢個小菜收$70，小小誠意都要掛！完全唔係果回事。所以話，相片與實物不符唔好怪人，只怪自己選左食店。將呢間店放入blacklist第一位。